መጽሐፈ፡ዕዝራ።

(ክለሳ.1.20020507)

_______________መጽሐፈ፡ዕዝራ፥ምዕራፍ፡1።______________
ምዕራፍ፡1።
1፤በኤርምያስም፡አፍ፡የተናገረው፡የእግዚአብሔር፡ቃል፡ይፈጸም፡ዘንድ፡በፋርስ፡ንጉሥ፡በቂሮስ፡በመዠመሪያው ፡ዓመት፡እግዚአብሔር፡የፋርስን፡ንጉሥ፡የቂሮስን፡መንፈስ፡አስነሣ፤ርሱም፡በመንግሥቱ፡ዅሉ፡ዐዋጅ፡አስነገ ረ፥ደግሞም፡በጽሕፈት፡አድርጎ፡እንዲህ፡አለ።
2፤የፋርስ፡ንጉሥ፡ቂሮስ፡እንዲህ፡ይላል፦የሰማይ፡አምላክ፡እግዚአብሔር፡የምድርን፡መንግሥታት፡ዅሉ፡ሰጥቶኛ ል፤በይሁዳም፡ባለችው፡በኢየሩሳሌም፡ቤት፡እሠራለት፡ዘንድ፡አዞ፟ኛል፤
3፤ከሕዝቡ፡ዅሉ፡በእንናተ፡ዘንድ፡ማንም፡ቢኾን፡አምላኩ፡ከርሱ፡ጋራ፡ይኹን፥ርሱም፡በይሁዳ፡ወዳለችው፡ወደ፡ ኢየሩሳሌም፡ይውጣ፥በኢየሩሳሌምም፡ለሚኖረው፡አምላክ፥ለእስራኤል፡አምላክ፡ለእግዚአብሔር፡ቤት፡ይሥራ፤
4፤በሚኖርበትም፡ስፍራ፡ዅሉ፡ለቀረው፡ሰው፡የአገሩ፡ሰዎች፡በብርና፡በወርቅ፡በዕቃም፡በእንስሳም፡ይርዱት፤ይ ህም፡በኢየሩሳሌም፡ላለው፡ለእግዚአብሔር፡ቤት፡በፈቃዳቸው፡ከሚያቀርቡት፡ሌላ፡ይኹን።
5፤የይሁዳና፡የብንያም፡የአባቶች፡ቤቶች፡አለቃዎችም፥ካህናቱም፥ሌዋውያኑም፥በኢየሩሳሌም፡ያለውን፡የእግዚአ ብሔርን፡ቤት፡ለመሥራት፡ይወጡ፡ዘንድ፡እግዚአብሔር፡መንፈሳቸውን፡ያነሣሣው፡ዅሉ፡ተነሡ።
6፤በዙሪያቸውም፡ያሉ፡ዅሉ፡በፈቃዳቸው፡ካቀረቡት፡ዅሉ፡ሌላ፡በብር፡ዕቃና፡በወርቅ፡በገንዘቦችና፡በእንስሳዎ ች፡በሌላም፡ስጦታ፡አገዟቸው።
7፤ንጉሡ፡ቂሮስም፡ናቡከደነጾር፡ከኢየሩሳሌም፡ወስዶ፡በአማልክቱ፡ቤት፡ያኖራቸውን፡የእግዚአብሔርን፡ቤት፡ዕ ቃዎች፡አወጣ።
8፤የፋርስ፡ንጉሥ፡ቂሮስም፡በመዝገቡ፡ላይ፡በነበረው፡በሚትሪዳጡ፡እጅ፡አወጣቸው፥ለይሁዳም፡መስፍን፡ለሰሳብ ሳር፡ቈጠራቸው።
9፤ቍጥራቸውም፡ይህ፡ነው፤ሠላሳ፡የወርቅ፡አንድ፡ሺሕም፡የብር፡ሣሕኖች፥ኻያ፡ዘጠኝም፡ቢላዎች፥
10፤ሠላሳ፡የወርቅ፡ደካዎች፥አራት፡መቶ፡ዐሥርም፡ሌላ፡ዐይነት፡የብር፡ደካዎች፥አንድ፡ሺሕም፡ሌላ፡ዕቃ፡ነበ ረ።
11፤የወርቁና፡የብሩ፡ዕቃዎች፡ዅሉ፡ዐምስት፡ሺሕ፡አራት፡መቶ፡ነበሩ፤እነዚህንም፡ዅሉ፡ሰሳብሳር፡ከባቢሎን፡ ወደ፡ኢየሩሳሌም፡ከተመለሱ፡ምርኮኛዎቹ፡ጋራ፡ወሰደ።
_______________መጽሐፈ፡ዕዝራ፥ምዕራፍ፡2።______________
ምዕራፍ፡2።
1፤የባቢሎንም፡ንጉሥ፡ናቡከደነጾር፡ወደ፡ባቢሎን፡ከማረካቸው፡ምርኮኛዎች፡ወደ፡ኢየሩሳሌምና፡ወደ፡ይሁዳ፡ወ ደ፡እየከተማቸው፡የተመለሱት፡የአገር፡ልጆች፡እነዚህ፡ናቸው።
2፤ከዘሩባቤል፥ከኢያሱ፥ከነሐምያ፥ከሰራያ፥ከረዕላያ፥ከመርዶክዮስ፥ከበላሳን፥ከመሴፋር፥ከበጉዋይ፥ከሬሁም፥ ከበዓና፡ጋራ፡መጡ።
3፤የእስራኤልም፡ሕዝብ፡ሰዎች፡ቍጥር፡ይህ፡ነው፤የፋሮስ፡ልጆች፥ኹለት፡ሺሕ፡መቶ፡ሰባ፡ኹለት።
4፤የሰፋጥያስ፡ልጆች፥ሦስት፡መቶ፡ሰባ፡ኹለት።
5፤የኤራ፡ልጆች፥ሰባት፡መቶ፡ሰባ፡ዐምስት።
6፤ከኢያሱና፡ከኢዮአብ፡ልጆች፡የኾኑ፡የፈሐት፡ሞዐብ፡ልጆች፥ኹለት፡ሺሕ፡ስምንት፡መቶ፡ዐሥራ፡ኹለት።
7፤የዔላም፡ልጆች፥ሺሕ፡ኹለት፡መቶ፡ዐምሳ፡አራት።
8፤የዛቱዕ፡ልጆች፥ዘጠኝ፡መቶ፡አርባ፡ዐምስት።
9፤የዘካይ፡ልጆች፡ሰባት፡መቶ፡ስድሳ።
10፤የባኒ፡ልጆች፥ስድስት፡መቶ፡አርባ፡ኹለት።
11፤የቤባይ፡ልጆች፥ስድስት፡መቶ፡ኻያ፡ሦስት።
12፤የዓዝጋድ፡ልጆች፥ሺሕ፡ኹለት፡መቶ፡ኻያ፡ኹለት።
13፤የአዶኒቃም፡ልጆች፥ስድስት፡መቶ፡ስድሳ፡ስድስት።
14፤የበጉዋይ፡ልጆች፥ኹለት፡ሺሕ፡ዐምሳ፡ስድስት።
15፤የዓዲን፡ልጆች፥አራት፡መቶ፡ዐምሳ፡አራት።
16፤ከሕዝቅያስ፡ወገን፡የአጤር፡ልጆች፥ዘጠና፡ስምንት።
17፤የቤሳይ፡ልጆች፥ሦስት፡መቶ፡ኻያ፡ሦስት።
18፤የዮራ፡ልጆች፥መቶ፡ዐሥራ፡ኹለት።
19፤የሐሱም፡ልጆች፥ኹለት፡መቶ፡ኻያ፡ሦስት።
20፤21፤የጋቤር፡ልጆች፥ዘጠና፡ዐምስት።የቤተ፡ልሔም፡ልጆች፥መቶ፡ኻያ፡ሦስት።
22፤የነጦፋ፡ሰዎች፥ዐምሳ፡ስድስት።
23፤የዐናቶት፡ሰዎች፥መቶ፡ኻያ፡ስምንት።
24፤የዓዝሞት፡ልጆች፥አርባ፡ኹለት።
25፤የቂርያትይዓሪምና፡የከፊራ፡የብኤሮትም፡ልጆች፥ሰባት፡መቶ፡አርባ፡ሦስት።
26፤የራማና፡የጌባ፡ልጆች፥ስድስት፡መቶ፡ኻያ፡አንድ።
27፤የማክማስ፡ሰዎች፥መቶ፡ኻያ፡ኹለት።
28፤የቤቴልና፡የጋይ፡ሰዎች፥ኹለት፡መቶ፡ኻያ፡ሦስት።
29፤የናባው፡ልጆች፥ዐምሳ፡ኹለት።
30፤የመጌብስ፡ልጆች፥መቶ፡ዐምሳ፡ስድስት።
31፤የኹለተኛውም፡ዔላም፡ልጆች፥ሺሕ፡ኹለት፡መቶ፡ዐምሳ፡አራት።
32፤የካሪም፡ልጆች፥ሦስት፡መቶ፡ኻያ።
33፤የሎድና፡የሐዲድ፡የኦኖም፡ልጆች፥ሰባት፡መቶ፡ኻያ፡ዐምስት።
34፤የኢያሪኮ፡ልጆች፥ሦስት፡መቶ፡አርባ፡ዐምስት።
35፤የሴናዓ፡ልጆች፥ሦስት፡ሺሕ፡ስድስት፡መቶ፡ሠላሳ።
36፤ካህናቱ፤ከኢያሱ፡ወገን፡የዮዳዔ፡ልጆች፥ዘጠኝ፡መቶ፡ሰባ፡ሦስት።
37፤የኢሜር፡ልጆች፥ሺሕ፡ዐምሳ፡ኹለት።
38፤የፋስኮር፡ልጆች፥ሺሕ፡ኹለት፡መቶ፡አርባ፡ሰባት።
39፤የካሪም፡ልጆች፥ሺሕ፡ዐሥራ፡ሰባት።
40፤ሌዋውያኑ፤ከሆዳይዋ፡ወገን፡የኢያሱና፡የቀድምኤል፡ልጆች፥ሰባ፡አራት።
41፤መዘምራኑ፤የአሣፍ፡ልጆች፥መቶ፡ኻያ፡ስምንት።
42፤የበረኛዎች፡ልጆች፤የሰሎም፡ልጆች፥የአጤር፡ልጆች፥የጤልሞን፡ልጆች፥የዐቁብ፡ልጆች፥የሐጢጣ፡ልጆች፥የሶ ባይ፡ልጆች፥ዅሉ፡መቶ፡ሠላሳ፡ዘጠኝ።
43፤ናታኒም፤የሲሐ፡ልጆች፥የሐሡፋ፡ልጆች፥
44፤የጠብዖት፡ልጆች፥የኬራስ፡ልጆች፥የሲዓ፡ልጆች፤
45፤የፋዶን፡ልጆች፥የልባና፡ልጆች፥
46፤የአጋባ፡ልጆች፥የዐቁብ፡ልጆች፥የአጋብ፡ልጆች፥የሰምላይ፡ልጆች፥የሐናን፡ልጆች፥
47፤የጌዴል፡ልጆች፥የጋሐር፡ልጆች፥የራያ፡ልጆች፥
48፤የረአሶን፡ልጆች፥የኔቆዳ፡ልጆች፥
49፤የጋሴም፡ልጆች፥የዖዛ፡ልጆች፥የፋሴሐ፡ልጆች፥
50፤የቤሳይ፡ልጆች፥የአስና፡ልጆች፥የምዑናውያን፡ልጆች፥የንፉሰሲም፡ልጆች፥
51፤የበቅቡቅ፡ልጆች፥የሐቁፋ፡ልጆች፥የሐርሑር፡ልጆች፥
52፤የበስሎት፡ልጆች፥የምሒዳ፡ልጆች፥
53፤የሐርሳ፡ልጆች፥የበርቆስ፡ልጆች፥
54፤የሢሣራ፡ልጆች፥የቴማ፡ልጆች፥የንስያ፡ልጆች፥የሐጢፋ፡ልጆች።
55፤የሰሎሞንም፡ባሪያዎች፡ልጆች፤የሶጣይ፡ልጆች፥የሶፌሬት፡ልጆች፥የፍሩዳ፡ልጆች፥
56፤የየዕላ፡ልጆች፥የደርቆን፡ልጆች፥የጌዴል፡ልጆች፥
57፤የሰፋጥያስ፡ልጆች፥የሐጢል፡ልጆች፥የፈከራት፡ልጆች፥የሐፂቦይም፡ልጆች፥የአሚ፡ልጆች።
58፤እነዚህ፡ናታኒም፡ዅሉና፡የሰሎሞን፡ባሪያዎች፡ልጆች፡ሦስት፡መቶ፡ዘጠና፡ኹለት፡ነበሩ።
59፤ከቴልሜላ፥ከቴላሬሳ፥ከክሩብ፥ከአዳን፥ከኢሜር፡የወጡ፡እነዚህ፡ነበሩ፤ነገር፡ግን፥የአባቶቻቸውን፡ቤቶች ና፡ዘራቸውን፡ወይም፡ከእስራኤል፡ወገን፡መኾናቸውን፡ያስታውቁ፡ዘንድ፡አልቻሉም፤
60፤የዳላያ፡ልጆች፥የጦብያ፡ልጆች፥የኔቆዳ፡ልጆች፥ስድስት፡መቶ፡ዐምሳ፡ኹለት፡ነበሩ።
61፤ከካህናቱም፡ልጆች፤የኤብያ፡ልጆች፥የአቆስ፡ልጆች፥ከገለዓዳዊው፡ከቤርዜሊ፡ልጆች፡ሚስት፡ያገባ፥በስሙም ፡የተጠራ፡የቤርዜሊ፡ልጆች።
62፤እነዚህ፡በትውልድ፡መጽሐፍ፡ትውልዳቸውን፡ፈለጉ፤ነገር፡ግን፥አልተገኘም፥ከክህነትም፡ተከለከሉ።
63፤ሐቴርሰታም፦በኡሪምና፡በቱሚም፡የሚፈርድ፡ካህን፡እስኪነሣ፡ድረስ፡ከቅዱሰ፡ቅዱሳን፡አትበሉም፡አላቸው።
64፤65፤ሰባት፡ሺሕ፡ሦስት፡መቶ፡ሠላሳ፡ሰባት፡ከነበሩ፡ከሎሌዎቻቸውና፡ከገረዶቻቸው፡ሌላ፡ጉባኤው፡ዅሉ፡አር ባ፡ኹለት፡ሺሕ፡ሦስት፡መቶ፡ስድሳ፡ነበሩ።ኹለት፡መቶም፡ወንዶችና፡ሴቶች፡መዘምራን፡ነበሯቸው።
66፤ፈረሶቻቸውም፡ሰባት፡መቶ፡ሠላሳ፡ስድስት፡በቅሎዎቻቸውም፡ኹለት፡መቶ፡አርባ፡ዐምስት፥
67፤ግመሎቻቸውም፡አራት፡መቶ፡ሠላሳ፡ዐምስት፥አህያዎቻቸውም፡ስድስት፡ሺሕ፡ሰባት፡መቶ፡ኻያ፡ነበሩ።
68፤በኢየሩሳሌምም፡ወዳለው፡ወደእግዚአብሔር፡ቤት፡በመጡ፡ጊዜ፡ከአባቶች፡ቤቶች፡አለቃዎች፡ዐያሌዎች፡ለእግ ዚአብሔር፡ቤት፡በስፍራው፡ይሠራ፡ዘንድ፡በፈቃዳቸው፡ሰጡ።
69፤ስድሳ፡አንድ፡ሺሕም፡የወርቅ፡ዳሪክ፥ዐምስት፡ሺሕም፡ምናን፡ብር፥አንድ፡መቶም፡የካህናት፡ልብስ፡እንደ፡ ችሎታቸው፡ወደሥራው፡ቤተ፡መዛግብት፡አቀረቡ።
70፤ካህናቱና፡ሌዋውያኑም፥ከሕዝቡም፡ዐያሌዎች፥መዘምራኑና፡በረኛዎቹም፥ናታኒምም፡በከተማዎቻቸው፥እስራኤል ም፡ዅሉ፡በከተማዎቻቸው፡ተቀመጡ።
_______________መጽሐፈ፡ዕዝራ፥ምዕራፍ፡3።______________
ምዕራፍ፡3።
1፤ሰባተኛውም፡ወር፡በደረሰ፡ጊዜ፥የእስራኤልም፡ልጆች፡በከተማዎቻቸው፡ሳሉ፥ሕዝቡ፡እንደ፡አንድ፡ሰው፡ኾነው ፡ወደ፡ኢየሩሳሌም፡ተሰበሰቡ።
2፤የኢዮሴዴቅም፡ልጅ፡ኢያሱ፥ወንድሞቹም፡ካህናቱ፥የሰላትያልም፡ልጅ፡ዘሩባቤል፡ወንድሞቹም፡ተነሥተው፡በእግ ዚአብሔር፡ሰው፡በሙሴ፡ሕግ፡እንደ፡ተጻፈ፡የሚቃጠለውን፡መሥዋዕት፡ያቀርቡበት፡ዘንድ፡የእስራኤልን፡አምላክ ፡መሠዊያ፡ሠሩ።
3፤በአገሩም፡ካሉት፡አሕዛብ፡ፈርተው፡ነበርና፥መሠዊያውን፡በስፍራው፡ላይ፡አስቀመጡት፥በጧትና፡በማታም፡የሚ ቃጠለውን፡መሥዋዕት፡ለእግዚአብሔር፡አቀረቡበት።
4፤እንደተጻፈውም፡የዳስ፡በዓል፡አደረጉ፤እንደ፡ሥርዐቱም፡ለየዕለቱ፡የተገባውን፡የየዕለቱን፡የሚቃጠል፡መሥ ዋዕት፡በቍጥር፡አቀረቡ።
5፤ከዚያም፡በዃላ፡ዘወትር፡የሚቃጠለውን፡መሥዋዕት፥የመባቻውንም፡መሥዋዕት፥የተቀደሱትንም፡የእግዚአብሔር፡ በዓላት፡ዅሉ፡መሥዋዕት፥ሰውም፡ዅሉ፡ለእግዚአብሔር፡በፈቃድ፡የሰጠውን፡ቍርባን፡አቀረቡ።
6፤በሰባተኛው፡ወር፡በመዠመሪያው፡ቀን፡ለእግዚአብሔር፡የሚቃጠል፡መሥዋዕት፡ማቅረብ፡ዠመሩ፤የእግዚአብሔር፡ መቅደስ፡ገና፡አልተመሠረተም፡ነበር።
7፤ለጠራቢዎችና፡ለዐናጢዎችም፡ገንዘብ፡ሰጡ፤የፋርስም፡ንጉሥ፡ቂሮስ፡እንደ፡ፈቀደላቸው፡የዝግባ፡ዛፍ፡ከሊባ ኖስ፡በባሕር፡ወደ፡ኢዮጴ፡ያመጡ፡ዘንድ፡ለሲዶናና፡ለጢሮስ፡ሰዎች፡መብልና፡መጠጥ፡ዘይትም፡ሰጡ።
8፤በኢየሩሳሌም፡ወዳለው፡ወደእግዚአብሔር፡ቤት፡በመጡ፡በኹለተኛው፡ዓመት፡በኹለተኛው፡ወር፡የሰላትያል፡ልጅ ፡ዘሩባቤል፥የኢዮሴዴቅም፡ልጅ፡ኢያሱ፥የቀሩትም፡ወንድሞቻቸው፡ካህናትና፡ሌዋውያን፥ወደ፡ኢየሩሳሌምም፡የተ መለሱት፡ምርኮኛዎች፡ዅሉ፡ዠመሩ፤ሌዋውያንንም፡ከኻያ፡ዓመት፡ዠምሮ፡ከዚያም፡በላይ፡የእግዚአብሔርን፡ቤት፡ ሥራ፡እንዲያሠሩት፡ሾሟቸው።
9፤ኢያሱም፡ልጆቹም፡ወንድሞቹም፥የይሁዳም፡ልጆች፡ቀድምኤልና፡ልጆቹ፥የኤንሐዳድም፡ልጆች፥ልጆቻቸውና፡ወንድ ሞቻቸው፡ሌዋውያንም፡የእግዚአብሔርን፡ቤት፡የሚሠሩትን፡ያሠሩ፡ዘንድ፡በአንድነት፡ቆሙ።
10፤ዐናጢዎቹም፡የእግዚአብሔርን፡መቅደስ፡በመሠረቱ፡ጊዜ፡ካህናቱ፡ልብሳቸውን፡ለብሰው፡መለከቱን፡ይዘው፥የ አሣፍም፡ልጆች፡ሌዋውያን፡ጸናጽል፡ይዘው፡እንደ፡እስራኤል፡ንጉሥ፡እንደ፡ዳዊት፡ሥርዐት፡እግዚአብሔርን፡ያ መሰግኑ፡ዘንድ፡ቆሙ።
11፤ደግሞ፦ቸር፡ነውና፥ለእስራኤልም፡ምሕረቱ፡ለዘለዓለም፡ነውና፥እያሉ፡እግዚአብሔርንም፡እያመሰገኑና፡እያ ከበሩ፡ርስ፡በርሳቸው፡ያስተዛዝሉ፡ነበር፤የእግዚአብሔርም፡ቤት፡ስለ፡ተመሠረተ፡ሕዝቡ፡ዅሉ፡እግዚአብሔርን ፡እያመሰገኑ፡በታላቅ፡ድምፅ፡እልል፡አሉ።
12፤የፊተኛውን፡ቤት፡ያዩ፡ሽማግሌዎች፡የኾኑ፡ብዙ፡ካህናትና፡ሌዋውያን፡የአባቶችም፡ቤቶች፡አለቃዎች፡ግን፡ ይህ፡መቅደስ፡በፊታቸው፡በተመሠረተ፡ጊዜ፡በታላቅ፡ድምፅ፡ያለቅሱ፡ነበር፤ብዙ፡ሰዎችም፡በደስታ፡ይጮኹ፡ነበ ር፤
13፤ደስ፡ብሏቸው፡የሚጮኹትን፡ድምፅ፡ከሕዝቡ፡ልቅሶ፡ድምፅ፡መለየት፡የሚችል፡አልነበረም፤ሕዝቡም፡በታላቅ፡ ድምፅ፡ይጮኽ፡ነበር፥ድምፁም፡ከሩቅ፡ይሰማ፡ነበር።
_______________መጽሐፈ፡ዕዝራ፥ምዕራፍ፡4።______________
ምዕራፍ፡4።
1፤የይሁዳና፡የብንያምም፡ጠላቶች፡ምርኮኛዎቹ፡ለእስራኤል፡አምላክ፡ለእግዚአብሔር፡መቅደስ፡እንደ፡ሠሩ፡ሰሙ ።
2፤ወደ፡ዘሩባቤልና፡ወዳባቶች፡ቤቶች፡አለቃዎች፡ቀርበው፦የአሶር፡ንጉሥ፡አስራዶን፡ወደዚህ፡ካመጣን፡ቀን፡ዠ ምሮ፡ለአምላካችኹ፡እንሠዋለንና፥እንደናንተም፡እንፈልገዋለንና፡ከእናንተ፡ጋራ፡እንሥራ፡አሏቸው።
3፤ዘሩባቤልና፡ኢያሱም፡የቀሩትም፡የእስራኤል፡አባቶች፡ቤቶች፡አለቃዎች፦የአምላካችንን፡ቤት፡መሥራት፡ለእኛ ና፡ለእናንተ፡አይደለም፤እኛ፡ለብቻችን፡ግን፡የፋርስ፡ንጉሥ፡ቂሮስ፡እንዳዘዘን፡ለእስራኤል፡አምላክ፡ለእግ ዚአብሔር፡ቤት፡እንሠራለን፡አሏቸው።
4፤የምድሩም፡ሕዝብ፡የይሁዳን፡ሕዝብ፡እጅ፡ያደክሙ፡ነበር፥እንዳይሠሩም፡አስፈራሯቸው፥
5፤ምክራቸውንም፡ያፈርሱ፡ዘንድ፡በፋርሱ፡ንጉሥ፡በቂሮስ፡ዘመን፡ዅሉ፡እስከፋርስ፡ንጉሥ፡እስከዳርዮስ፡መንግ ሥት፡ድረስ፡መካሪዎችን፡ገዙባቸው።
6፤በአርጤክስስም፡መንግሥት፥በመንግሥቱም፡በመዠመሪያ፡ዘመን፥በይሁዳና፡በኢየሩሳሌም፡በሚኖሩት፡ላይ፡የክስ ፡ነገር፡ጻፉ።
7፤በአርጤክስስ፡ዘመን፡ቢሽላም፥ሚትሪዳጡ፥ጣብኤል፡ተባባሪዎቹም፡ለፋርስ፡ንጉሥ፡ለአርጤክስስ፡ጻፉ፤ደብዳቤ ውም፡በሶርያ፡ፊደልና፡በሶርያ፡ቋንቋ፡ተጽፎ፡ነበር።
8፤አዛዡ፡ሬሁም፡ጸሓፊውም፡ሲምሳይ፡በኢየሩሳሌም፡ላይ፡ለንጉሡ፡ለአርጤክስስ፡እንዲህ፡የሚል፡ደብዳቤ፡ጻፉ።
9፤አዛዡ፡ሬሁም፥ጸሓፊውም፡ሲምሳይ፥የቀሩትም፡ተባባሪዎቻቸው፥ዲናውያን፣አፈርሣትካውያን፣ጠርፈላውያን፣አፈ ርሣውያን፣አርካውያን፣ባቢሎናውያን፣ሱስናካውያን፣ዴሐውያን፣ኤላማውያን፥
10፤ታላቁና፡ኀይለኛው፡አስናፈር፡ያፈለሳቸው፡በሰማርያና፡በወንዝ፡ማዶ፡ያኖራቸው፡የቀሩትም፡አሕዛብ፡ደብዳ ቤውን፡ጻፉ።
11፤ለንጉሡ፡ለአርጤክስስ፡የላኩት፡የደብዳቤ፡ግልባጭ፡ይህ፡ነው፦በወንዝ፡ማዶ፡ያሉት፡ሰዎች፡ባሪያዎችኽ፤
12፤አኹንም፡ከአንተ፡ዘንድ፡የወጡ፡አይሁድ፡ወደ፡እኛ፡ወደ፡ኢየሩሳሌም፡እንደ፡መጡ፡ንጉሡ፡ይወቅ፤ዐመፀኛዪ ቱንና፡እጅግም፡የከፋቺቱን፡ከተማ፡ይሠራሉ፥ቅጥሯንም፡ያድሳሉ፥መሠረቷንም፡ጠገኑ።
13፤አኹንም፡ይህች፡ከተማ፡የተሠራች፡እንደ፡ኾነ፥ቅጥሯም፡የታደሰ፡እንደ፡ኾነ፥ግብርና፡ቀረጥ፡መጥንም፡እን ዳይሰጡ፥የንጉሡም፡ግቢው፡እንዲጐድል፡ንጉሡ፡ይወቅ።
14፤የንጉሡንም፡ጨው፡እንበላለንና፥ንጉሡንም፡ሲያቃልሉት፡ማየት፡አይገ፟ባ፟ንምና፡ስለዚህ፡ልከን፡ለንጉሡ፡ አስታውቀናል፤
15፤በአባቶችኽ፡ታሪክ፡መጽሐፍ፡ምርመራ፡ይደረግ፤በዚያም፡በታሪክ፡መጽሐፍ፡ይህች፡ከተማ፡ዐመፀኛ፡እንደ፡ኾ ነች፥ነገሥታትንና፡አውራጃዎችንም፡እንደ፡ጐዳች፥ከጥንቱም፡ሽፍትነት፡በርሷ፡እንደ፡ተዠመረ፡ታገኛለኽ፥ታው ቃለኽም፤ስለዚህም፡ይህች፡ከተማ፡ፈርሳ፡ነበር።
16፤ይህችም፡ከተማ፡የተሠራች፡እንደ፡ኾነ፥ቅጥሯም፡የታደሰ፡እንደ፡ኾነ፥በወንዝ፡ማዶ፡ክፍል፡እንደሌለኽ፡ለ ንጉሡ፡እናስታውቃለን።
17፤ንጉሡም፡ለአዛዡ፡ለሬሁም፥ለጸሓፊውም፡ለሲምሳይ፥በሰማርያና፡በወንዝ፡ማዶም፡ለተቀመጡ፡ለቀሩት፡ተባባሪ ዎቻቸው፡እንዲህ፡የሚለውን፡መልስ፡ላከ፦
18፤ሰላም፤አኹንም፡ወደ፡እኛ፡የላካችኹት፡ደብዳቤ፡በፊቴ፡ተተርጕሞ፡ተነበበ።
19፤እኔም፡አዝዣለኹ፥ተመረመረም፤ይህችም፡ከተማ፡ከጥንት፡ዠምራ፡በነገሥታት፡ላይ፡ዐመፀኛ፡እንደ፡ነበረች፥ በርሷም፡ዐመፅና፡ሽፍትነት፡እንደ፡ተደረገ፡ተገኘ።
20፤በኢየሩሳሌምም፡እጅግ፡ኀያላን፡ነገሥታት፡ነበሩ፥በወንዝም፡ማዶ፡ያለውን፡አገር፡ዅሉ፡ይገዙ፡ነበር፤ግብ ርንና፡ቀረጥን፡መጥንንም፡ይቀበሉ፡ነበር።
21፤አኹንም፡እነዚህ፡ሰዎች፡ሥራውን፡እንዲተዉ፥እኔም፡እስካዝ፟፡ድረስ፡ይህች፡ከተማ፡እንዳትሠራ፡ትእዛዝ፡ ስጡ።
22፤ቸልም፡እንዳትሉ፡ተጠንቀቁ፤ለነገሥታቱ፡ጕዳትና፡ጥፋት፡እየበዛ፡ስለ፡ምን፡ይኼዳል፧
23፤የንጉሡም፡የአርጤክስስ፡ደብዳቤ፡ግልባጭ፡በሬሁምና፡በጸሓፊው፡በሲምሳይ፡በተባባሪዎቻቸውም፡ፊት፡በተነ በበ፡ጊዜ፥ፈጥነው፡ወደ፡ኢየሩሳሌም፡ወደ፡አይሁድ፡ኼዱ፤በግድና፡በኀይልም፡አስተዉአቸው።
24፤በዚያን፡ጊዜም፡በኢየሩሳሌም፡ያለው፡የእግዚአብሔር፡ቤት፡ሥራ፡ቀረ፤እስከፋርስም፡ንጉሥ፡እስከዳርዮስ፡ መንግሥት፡እስከ፡ኹለተኛው፡ዓመት፡ድረስ፡ተጓጐለ።
_______________መጽሐፈ፡ዕዝራ፥ምዕራፍ፡5።______________
ምዕራፍ፡5።
1፤ነቢያቱም፡ሐጌና፡የአዶ፡ልጅ፡ዘካርያስ፡በይሁዳና፡በኢየሩሳሌም፡ለነበሩ፡አይሁድ፡በእስራኤል፡አምላክ፡ስ ም፡ትንቢት፡ተናገሩላቸው።
2፤በዚያን፡ጊዜ፡የሰላትያል፡ልጅ፡ዘሩባቤል፡የኢዮሴዴቅም፡ልጅ፡ኢያሱ፡ተነሥተው፡በኢየሩሳሌም፡ያለውን፡የእ ግዚአብሔርን፡ቤት፡መሥራት፡ዠመሩ፤የሚያግዟቸውም፡የእግዚአብሔር፡ነቢያት፡ከነርሱ፡ጋራ፡ነበሩ።
3፤በዚያም፡ዘመን፡በወንዝ፡ማዶ፡የነበረው፡ገዢ፡ተንትናይ፥ደግሞ፡ሰተርቡዝናይ፥ተባባሪዎቻቸውም፡ወደ፡እነር ሱ፡መጥተው፦ይህን፡ቤት፡ትሠሩ፡ዘንድ፥ይህንኑም፡ቅጥር፡ታድሱ፡ዘንድ፡ያዘዛችኹ፡ማን፡ነው፧አሏቸው።
4፤ደግሞም፦ይህንስ፡ሥራ፡የሚሠሩት፡ሰዎች፡ስም፡ማን፡ነው፧ብለው፡ጠየቋቸው።
5፤የአምላካቸው፡ዐይን፡ግን፡በአይሁድ፡ሽማግሌዎች፡ላይ፡ነበረ፥ይህም፡ነገር፡ወደ፡ዳርዮስ፡እስኪደርስ፡ድረ ስ፥መልሱም፡በደብዳቤ፡እስኪመጣ፡ድረስ፡አልከለከሏቸውም።
6፤በወንዙ፡ማዶ፡የነበረው፡ገዢ፡ተንትናይ፡ደግሞ፡ሰተርቡዝናይ፡ተባባሪዎቹም፡በወንዙ፡ማዶ፡የነበሩት፡አፈር ሥካውያን፡ወደ፡ንጉሡ፡ወደ፡ዳርዮስ፡የላኩት፡የደብዳቤው፡ግልባጭ፡ይህ፡ነበረ።
7፤እንዲህም፡የሚል፡ደብዳቤ፡ላኩለት፦ለንጉሡ፡ለዳርዮስ፡ሙሉ፡ሰላም፡ይኹን፤
8፤ወደይሁዳ፡አገር፡ወደታላቁም፡አምላክ፡ቤት፡እንደ፡ኼድን፡ንጉሡ፡ይወቅ፤ርሱም፡በትልቅ፡ድንጋይ፡ተሠራ፥በ ቅጥሩም፡ውስጥ፡ዕንጨት፡ተደረገ፥ያም፡ሥራ፡በትጋት፡ይሠራል፥በእጃቸውም፡ይከናወናል።
9፤እነዚያንም፡ሽማግሌዎች፦ይህን፡ቤት፡ትሠሩ፡ዘንድ፥ይህንስ፡ቅጥር፡ታድሱ፡ዘንድ፡ያዘዛችኹ፡ማን፡ነው፧ብለ ን፡ጠየቅናቸው።
10፤ደግሞም፡እናስታውቅኽ፡ዘንድ፥በእነርሱም፡ያሉትን፡ሹሞች፡ስም፡እንጽፍልኽ፡ዘንድ፡ስማቸውን፡ጠየቅን።
11፤እንደዚህም፡ብለው፡መለሱልን፦እኛ፡የሰማይና፡የምድር፡አምላክ፡ባሪያዎች፡ነን፥ከብዙም፡ዘመን፡ዠምሮ፡ተ ሠርቶ፡የነበረውን፥ታላቁም፡የእስራኤል፡ንጉሥ፡ሠርቶ፡የፈጸመውን፡ቤት፡እንሠራለን።
12፤አባቶቻችንም፡የሰማይን፡አምላክ፡ካስቈጡ፡በዃላ፡በከለዳዊው፡በባቢሎን፡ንጉሥ፡በናቡከደነጾር፡እጅ፡አሳ ልፎ፡ሰጣቸው፥ርሱም፡ይህን፡ቤት፡አፈረሰ፥ሕዝቡንም፡ወደ፡ባቢሎን፡አፈለሰ።
13፤ነገር፡ግን፥በባቢሎን፡ንጉሥ፡በቂሮስ፡በመዠመሪያው፡ዓመት፡ንጉሡ፡ቂሮስ፡ይህን፡የእግዚአብሔርን፡ቤት፡ ይሠሩ፡ዘንድ፡አዘዘ።
14፤ናቡከደነጾርም፡በኢየሩሳሌም፡ከነበረው፡መቅደስ፡የወሰደውን፥ወደባቢሎንም፡መቅደስ፡ያፈለሰውን፡የእግዚ አብሔርን፡ቤት፡የወርቅንና፡የብርን፡ዕቃ፡ንጉሡ፡ቂሮስ፡ከባቢሎን፡መቅደስ፡አውጥቶ፡ሰሳብሳር፡ለተባለው፡ለ ሹሙ፡ሰጠውና፦
15፤ይህን፡ዕቃ፡ይዘኽ፡ኺድ፥በኢየሩሳሌምም፡ባለው፡መቅደስ፡አኑረው፤የእግዚአብሔርም፡ቤት፡በስፍራው፡ይሠራ ፡አለው።
16፤በዚያ፡ጊዜም፡ይህ፡ሰሳብሳር፡መጣ፥በኢየሩሳሌምም፡ያለውን፡የእግዚአብሔርን፡ቤት፡መሠረተ፤ከዚያም፡ጊዜ ፡ዠምሮ፡እስከ፡ዛሬ፡ድረስ፡እየተሠራ፡አልተጨረሰም።
17፤አኹንም፡ይህ፡ነገር፡በንጉሡ፡ዐይን፡መልካም፡ቢኾን፡ይህ፡የእግዚአብሔር፡ቤት፡በኢየሩሳሌም፡ይሠራ፡ዘን ድ፡ከንጉሡ፡ከቂሮስ፡ታዞ፟፡እንደ፡ኾነ፡በባቢሎን፡ባለው፡በንጉሡ፡ቤተ፡መዛግብት፡ይመርመር፤ስለዚህም፡ነገ ር፡ንጉሡ፡ፈቃዱን፡ይላክልን።
_______________መጽሐፈ፡ዕዝራ፥ምዕራፍ፡6።______________
ምዕራፍ፡6።
1፤በዚያ፡ጊዜም፡ንጉሡ፡ዳርዮስ፡መዛግብት፡ባሉበት፡በባቢሎን፡ቤተ፡መጻሕፍት፡እንዲመረመር፡አዘዘ።
2፤በሜዶን፡አውራጃ፡ባለው፡አሕምታ፡በሚባል፡ከተማ፡በንጉሡ፡ቤት፡ውስጥ፡አንድ፡ጥቅል፟፡ተገኘ፥በውስጡም፡ይ ህ፡ነገር፡ለመታሰቢያ፡ተጽፎ፡ነበር።
3፤በንጉሡ፡በቂሮስ፡በመዠመሪያው፡ዓመት፡ንጉሡ፡ቂሮስ፡እንዲህ፡ብሎ፡አዘዘ፤በኢየሩሳሌም፡ያለው፡የእግዚአብ ሔር፡ቤት፥መሥዋዕት፡የሚቀርብበት፡ቦታ፥ይህ፡ቤት፡ይሠራ፥በጽኑም፡ይመሥረት፤ቁመቱ፡ስድሳ፡ክንድ፡ወርዱም፡ ስድሳ፡ክንድ፡ይኹን።
4፤በሦስት፡ተራ፡ታላላቅ፡ድንጋይ፥ባንድ፡ተራ፡ዕንጨት፡ይደረግ፤ውጪውም፡ከንጉሡ፡ቤት፡ይሰጥ።
5፤ናቡከደነጾርም፡በኢየሩሳሌም፡ካለው፡መቅደስ፡ወስዶ፡ወደ፡ባቢሎን፡ያመጣው፡የእግዚአብሔር፡ቤት፡የወርቅና ፡የብር፡ዕቃ፡ይመለስ፤በኢየሩሳሌምም፡ወዳለው፡መቅደስ፡ወደ፡ስፍራው፡ይወሰድ፥በእግዚአብሔር፡ቤት፡ይኑር።
6፤አኹንም፡አንተ፡በወንዝ፡ማዶ፡ያለኸው፡የአገሩ፡ገዢ፡ተንትናይ፡ደግሞ፡ሰተርቡዝናይ፡በወንዝ፡ማዶም፡ያሉ፡ ተባባሪዎቻችኹ፡አፈርሥካውያን፥ከዚያ፡ራቁ፤
7፤ይህም፡የእግዚአብሔር፡ቤት፡ይሠራ፡ዘንድ፡ተዉ፤የአይሁድም፡አለቃና፡የአይሁድም፡ሽማግሌዎች፡ይህን፡የእግ ዚአብሔርን፡ቤት፡በስፍራው፡ይሠሩ፡ዘንድ፡ተዉአቸው።
8፤ይህን፡የእግዚአብሔርን፡ቤት፡ይሠሩ፡ዘንድ፡ለአይሁድ፡ሽማግሌዎች፡የምታደርጉትን፥በወንዝ፡ማዶ፡ካለው፡አ ገር፡ከሚመጣው፡ግብር፡ከንጉሡ፡ገንዘብ፡ለእነዚህ፡ሰዎች፡ወጪውን፡በትጋት፡እንድትሰጧቸው፡ሥራም፡እንዳታስ ፈቷቸው፡አዝዣለኹ።
9፤ለሰማይ፡አምላክ፡ለሚቃጠል፡መሥዋዕት፡የሚያስፈልገውን፥ወይፈኖችና፡አውራ፡በጎች፡ጠቦቶችም፥በኢየሩሳሌም ም፡እንዳሉ፡እንደ፡ካህናቱ፡ቃል፡ስንዴና፡ጨው፡የወይን፡ጠጅና፡ዘይት፡ዕለት፡ዕለት፡ያለማቋረጥ፡ስጧቸው።
10፤ይኸውም፡ለሰማይ፡አምላክ፡ጣፋጭ፡ሽቱ፡የኾነውን፡መሥዋዕት፡ያቀረቡ፡ዘንድ፡ለንጉሡና፡ለልጆቹም፡ዕድሜ፡ ይጸልዩ፡ዘንድ፡ነው።
11፤ይህንም፡ትእዛዝ፡የሚለውጥ፡ዅሉ፥ምሰሶው፡ከቤቱ፡ተነቅሎ፡ርሱ፡ይሰቀልበት፤ቤቱም፡የጕድፍ፡መጣያ፡ይደረ ግ፡ብዬ፡አዝዣለኹ።
12፤ስሙንም፡በዚያ፡ያኖረው፡አምላክ፡ይህን፡ይለውጡ፡ዘንድ፡በኢየሩሳሌም፡ያለውንም፡የእግዚአብሔርን፡ቤት፡ ያፈርሱት፡ዘንድ፡እጃቸውን፡የሚዘረጉትን፡ነገሥታትና፡አሕዛብ፡ዅሉ፡ያጥፋ።እኔ፡ዳርዮስ፡ይህን፡አዝዣለኹ፤ በትጋት፡ይፈጸም።
13፤ንጉሡም፡ዳርዮስ፡እንደ፡ላከው፡ቃል፥በዚያን፡ጊዜ፡በወንዝ፡ማዶ፡ያለ፡ገዢ፡ተንትናይ፡ደግሞ፡ሰተርቡዝና ይ፡ተባባሪዎቻቸውም፡እንዲሁ፡ተግተው፡አደረጉ።
14፤የአይሁድም፡ሽማግሌዎች፡በነቢዩ፡በሐጌና፡በአዶ፡ልጅ፡በዘካርያስ፡ትንቢት፡ሠሩ፡ተከናወነላቸውም።እንደ ፡እስራኤልም፡አምላክ፡ትእዛዝ፥እንደ፡ፋርስም፡ነገሥታት፡እንደ፡ቂሮስና፡እንደ፡ዳርዮስ፡እንደ፡አርጤክስስ ም፡ትእዛዝ፡ሠርተው፡ፈጸሙ።
15፤ይህም፡ቤት፡በንጉሡ፡በዳርዮስ፡መንግሥት፡በስድስተኛው፡ዓመት፡አዳር፡በሚባል፡ወር፡በሦስተኛው፡ቀን፡ተ ፈጸመ።
16፤የእስራኤልም፡ልጆች፥ካህናትና፡ሌዋውያን፡የቀሩትም፡ምርኮኛዎች፥የዚህን፡የእግዚአብሔርን፡ቤት፡ቅዳሴ፡ በደስታ፡አደረጉ።
17፤በዚህም፡በእግዚአብሔር፡ቤት፡ቅዳሴ፡መቶ፡ወይፈኖችና፡ኹለት፡መቶ፡አውራ፡በጎች፡አራት፡መቶም፡ጠቦቶች፡ አቀረቡ፡፤ስለኀጢአትም፡መሥዋዕት፡እንደ፡እስራኤል፡ነገዶች፡ቍጥር፡ለእስራኤል፡ዅሉ፡ዐሥራ፡ኹለት፡አውራ፡ ፍየሎች፡አቀረቡ።
18፤በሙሴም፡መጽሐፍ፡እንደተጻፈው፡በኢየሩሳሌም፡ባለው፡በእግዚአብሔር፡አገልግሎት፡ላይ፡ካህናቱን፡በየማዕ ርጋቸው፡ሌዋውያኑም፡በየክፍላቸው፡አቆሙ።
19፤ምርኮኛዎቹም፡በመዠመሪያው፡ወር፡በዐሥራ፡አራተኛው፡ቀን፡ፋሲካውን፡አደረጉ።
20፤ካህናቱና፡ሌዋውያኑም፡አንድ፡ኾነው፡ነጽተው፡ነበር፤ዅሉም፡ንጹሓን፡ነበሩ፤ለምርኮኛዎቹም፡ዅሉ፥ለወንድ ሞቻቸውም፡ለካህናቱ፥ለራሳቸውም፡ፋሲካውን፡ዐረዱ።
21፤ከምርኮም፡ተመልሰው፡የመጡት፡የእስራኤል፡ልጆች፥የእስራኤልንም፡አምላክ፡እግዚአብሔርን፡ይፈልጉ፡ዘንድ ፡ራሳቸውን፡ከምድር፡አሕዛብ፡ርኵሰት፡ለይተው፡ወደ፡እነርሱ፡መጥተው፡የነበሩት፡ዅሉ፡በሉ፤
22፤እግዚአብሔር፡ደስ፡አሠኝቷቸዋልና፥የእስራኤልንም፡አምላክ፡የእግዚአብሔርን፡ቤት፡ለመሥራት፡እጃቸውን፡ ያጸና፡ዘንድ፡የአሶርን፡ንጉሥ፡ልብ፡ወደ፡እነርሱ፡መልሷልና፥የቂጣውን፡በዓል፡ሰባት፡ቀን፡በደስታ፡አደረጉ ።
_______________መጽሐፈ፡ዕዝራ፥ምዕራፍ፡7።______________
ምዕራፍ፡7።
1፤ከዚህም፡ነገር፡በዃላ፡በፋርስ፡ንጉሥ፡በአርጤክስስ፡መንግሥት፡ዕዝራ፡የሰራያ፡ልጅ፥
2፤የዐዛርያስ፡ልጅ፥የኬልቅያስ፡ልጅ፥የሰሎም፡ልጅ፥የሳዶቅ፡ልጅ፥የአኪጦብ፡ልጅ፥
3፤የአማርያ፡ልጅ፥የዐዛርያስ፡ልጅ፥የመራዮት፡ልጅ፥
4፤የዘራእያ፡ልጅ፥የዖዚ፡ልጅ፥የቡቂ፡ልጅ፥
5፤የአቢሱ፡ልጅ፥የፊንሐስ፡ልጅ፥የአልዓዛር፡ልጅ፥የታላቁ፡ካህን፡የአሮን፡ልጅ፥ይህ፡ዕዝራ፡ከባቢሎን፡ወጣ፤
6፤የእስራኤልም፡አምላክ፡እግዚአብሔር፡በሰጠው፡በሙሴ፡ሕግ፡ፈጣን፡ጸሓፊ፡ነበረ፤የአምላኩም፡የእግዚአብሔር ፡እጅ፡በርሱ፡ላይ፡ነበረችና፡ንጉሡ፡የሻውን፡ዅሉ፡ሰጠው።
7፤ከእስራኤልም፡ልጆች፡ከካህናቱም፡ከሌዋውያኑም፡ከመዘምራኑም፡ከበረኛዎቹም፡ከናታኒምም፡በንጉሡ፡በአርጤክ ስስ፡በሰባተኛው፡ዓመት፡ዐያሌዎች፡ወደ፡ኢየሩሳሌም፡ወጡ።
8፤በንጉሡም፡በሰባተኛው፡ዓመት፡በዐምስተኛው፡ወር፡ወደ፡ኢየሩሳሌም፡ደረሰ።
9፤በመዠመሪያውም፡ወር፡በአንደኛው፡ቀን፡ከባቢሎን፡ሊወጣ፡ዠመረ፥መልካሚቱም፡የአምላኩ፡እጅ፡በርሱ፡ላይ፡ነ በረችና፡በዐምስተኛ፡ወር፡በመዠመሪያው፡ቀን፡ወደ፡ኢየሩሳሌም፡ደረሰ።
10፤ዕዝራም፡የእግዚአብሔርን፡ሕግ፡ይፈልግና፡ያደርግ፡ዘንድ፥ለእስራኤልም፡ሥርዐትንና፡ፍርድን፡ያስተምር፡ ዘንድ፡ልቡን፡አዘጋጅቶ፡ነበር።
11፤ንጉሡም፡አርጤክስስ፡የእግዚአብሔርን፡ትእዛዝ፡ቃልና፡ለእስራኤል፡የኾነውን፡ሥርዐት፡ይጽፍ፡ለነበረው፡ ለጸሓፊው፡ለካህኑ፡ለዕዝራ፡የሰጠው፡የደብዳቤው፡ግልባጭ፡ይህ፡ነው።
12፤ከንጉሠ፡ነገሥት፡ከአርጤክስስ፡ለሰማይ፡አምላክ፡ሕግ፡ጸሓፊ፡ለካህኑ፡ለዕዝራ፥ሙሉ፡ሰላም፡ይኹን፤
13፤በመንግሥቴ፡ውስጥ፡ካሉ፡ከእስራኤል፡ሕዝብ፡ከካህናቱና፡ከሌዋውያኑም፡ወደ፡ኢየሩሳሌም፡ይኼድ፡ዘንድ፡የ ሚወድ፟፡ዅሉ፡ከአንተ፡ጋራ፡እንዲኼድ፡አዝዣለኹ።
14፤በእጅኽ፡እንዳለችው፡እንደ፡አምላክኽ፡ሕግ፡ይሁዳንና፡ኢየሩሳሌምን፡ትጐበኝ፡ዘንድ፥
15፤ንጉሡንና፡አማካሪዎቹም፡መኖሪያው፡በኢየሩሳሌም፡ለኾነው፡ለእስራኤል፡አምላክ፡በፈቃዳቸው፡ያቀረቡትን፡ ብርና፡ወርቅ፥
16፤በባቢሎንም፡አውራጃ፡ዅሉ፡የምታገኘውን፡ብርና፡ወርቅ፡ዅሉ፥ሕዝቡና፡ካህናቱም፡በኢየሩሳሌም፡ላለው፡ለአ ምላካቸው፡ቤት፡በፈቃዳቸው፡የሚያቀርቡትን፡ትወስድ፡ዘንድ፡በንጉሡና፡በሰባቱ፡አማካሪዎች፡ተልከኻልና፤
17፤ስለዚህ፥በዚህ፡ገንዘብ፡ወይፈኖችንና፡አውራ፡በጎችን፥ጠቦቶችንም፥የእኽላቸውንና፡የመጠጣቸውን፡ቍርባን ፡ተግተኽ፡ግዛ፤በኢየሩሳሌምም፡ባለው፡በአምላካችኹ፡ቤት፡መሠዊያ፡ላይ፡አቅርባቸው።
18፤ከቀረውም፡ብርና፡ወርቅ፡አንተና፡ወንድሞችኽ፡ለማድረግ፡ደስ፡የሚያሠኛችኹን፡ነገር፡እንደ፡አምላካችኹ፡ ፈቃድ፡አድርጉ።
19፤ስለአምላክኽም፡ቤት፡አገልግሎት፡የተሰጠኽን፡ዕቃ፡በኢየሩሳሌም፡አምላክ፡ፊት፡አሳልፈኽ፡ስጥ።
20፤ከዚህም፡በላይ፡ለማውጣት፡የሚያስፈልግኽን፡ለአምላክኽ፡ቤት፡የሚያሻውን፡ነገር፡ከንጉሡ፡ቤተ፡መዛግብት ፡አውጣ።
21፤እኔም፡ንጉሡ፡አርጤክስስ፡በወንዝ፡ማዶ፡ላሉት፡በጅሮንዶች፡ዅሉ፡ይህን፡ትእዛዝ፡ሰጥቻለኹ።የሰማይ፡አም ላክ፡ሕግ፡ጸሓፊ፡ካህኑ፡ዕዝራ፡ከእናንተ፡የሚፈልገውን፡ዅሉ፡አዘጋጁለት፤
22፤እስከ፡መቶ፡መክሊት፡ብርም፡ቢኾን፥እስከ፡መቶ፡የቈሬስ፡መስፈሪያ፡ስንዴ፥እስከ፡መቶም፡የባዶስ፡መስፈሪ ያ፡የወይን፡ጠጅ፥እስከ፡መቶም፡የባዶስ፡መስፈሪያ፡ዘይት፡ቢኾን፥ጨውም፡ያለልክ፡ቢኾን፡ስጡ።
23፤በንጉሡና፡በልጆቹ፡መንግሥት፡ላይ፡ቍጣ፡እንዳይኾን፥የሰማይ፡አምላክ፡ያዘዘው፡ዅሉ፡ለሰማይ፡አምላክ፡ቤ ት፡በሙሉ፡ይደረግ።
24፤ደግሞም፡በካህናቱና፡በሌዋውያን፡በመዘምራኑም፡በበረኛዎቹም፡በናታኒምም፡በዚህም፡በእግዚአብሔር፡ቤት፡ በሚሠሩ፡አገልጋዮች፡ላይ፡ግብርና፡ቀረጥ፡መጥንም፡እንዳይጣል፡ብለን፡እናስታውቃችዃለን።
25፤አንተም፡ዕዝራ፥በእጅኽ፡እንዳለው፡እንደ፡አምላክኽ፡ጥበብ፡መጠን፡በወንዝ፡ማዶ፡ባሉ፡ሕዝብ፡ዅሉ፡የአም ላክኽን፡ሕግ፡በሚያውቁ፡ዅሉ፡ላይ፡ይፈርዱ፡ዘንድ፡ዳኛዎችንና፡ፈራጆች፡አስነሣ፤የማያውቁትንም፡አስተምሯቸ ው።
26፤የአምላክኽንም፡ሕግ፥የንጉሡንም፡ሕግ፡በማያደርግ፡ዅሉ፡ላይ፡ሞት፡ወይም፡ስደት፡ወይም፡ገንዘብን፡መወረ ስ፡ወይም፡ግዞት፡በፍጥነት፡ይፈረድበት።
27፤28፤በኢየሩሳሌም፡ያለውን፡የእግዚአብሔርን፡ቤት፡ያሳምር፡ዘንድ፡እንደዚህ፡ያለውን፡ነገር፡በንጉሡ፡ልብ ፡ያኖረ፥በንጉሡም፡በአማካሪዎቹም፡በንጉሡም፡ኀያላን፡አለቃዎች፡ዅሉ፡ፊት፡ምሕረቱን፡ወደ፡እኔ፡የላከ፡የአ ባቶቻችን፡አምላክ፡እግዚአብሔር፡ይባረክ።እኔም፡በላዬ፡ባለችው፡በአምላኬ፡በእግዚአብሔር፡እጅ፡በረታኹ፤ከ እኔም፡ጋራ፡እንዲወጡ፡ከእስራኤል፡ዘንድ፡አለቃዎችን፡ሰበሰብኹ።
_______________መጽሐፈ፡ዕዝራ፥ምዕራፍ፡8።______________
ምዕራፍ፡8።
1፤በንጉሡ፡በአርጤክስስ፡መንግሥት፡ከእኔ፡ጋራ፡ከባቢሎን፡የወጡ፡የአባቶች፡ቤቶች፡አለቃዎች፡እነዚህ፡ናቸው ፡ትውልዳቸውም፡ይህ፡ነው፤
2፤ከፊንሐስ፡ልጆች፡ጌርሶን፥ከኢታምር፡ልጆች፡ዳንኤል፥ከዳዊት፡ልጆች፡ሐጡስ፥ከሴኬንያ፡ልጆች፥
3፤ከፋሮስ፡ልጆች፡ዘካርያስ፥ከርሱም፡ጋራ፡መቶ፡ዐምሳ፡ወንዶች፡በትውልድ፡ተቈጠሩ።
4፤ከፋሐት፡ሞዐብ፡ልጆች፡የዘራእያ፡ልጅ፡ኤሊሆዔናይ፥ከርሱም፡ጋራ፡ኹለት፡መቶ፡ወንዶች።
5፤ከሴኬንያ፡ልጆች፡የየሕዚኤል፡ልጅ፥ከርሱም፡ጋራ፡ሦስት፡መቶ፡ወንዶች።
6፤ከዓዲን፡ልጆች፡የዮናታን፡ልጅ፡ዔቤድ፥ከርሱም፡ጋራ፡ዐምሳ፡ወንዶች።
7፤ከዔላም፡ልጆች፡የጎቶልያ፡ልጅ፡የሻያ፥ከርሱም፡ጋራ፡ሰባ፡ወንዶች።
8፤የሰፋጥያስ፡ልጆች፡የሚካኤል፡ልጅ፡ዝባድያ፥ከርሱም፡ጋራ፡ሰማንያ፡ወንዶች።
9፤ከኢዮአብ፡ልጆች፡የይሒኤል፡ልጅ፡ዐብድዩ፥ከርሱም፡ጋራ፡ኹለት፡መቶ፡ዐሥራ፡ስምንት፡ወንዶች።
10፤ከሰሎሚት፡ልጆች፡የዮሲፍያ፡ልጅ፥ከርሱም፡ጋራ፡መቶ፡ስድሳ፡ወንዶች።
11፤ከቤባይ፡ልጆች፡የቤባይ፡ልጅ፡ዘካርያስ፥ከርሱም፡ጋራ፡ኻያ፡ስምንት፡ወንዶች።
12፤ከዓዝጋድ፡ልጆች፡የሃቃጣን፡ልጅ፡ዮሐናን፥ከርሱም፡ጋራ፡መቶ፡ዐሥር፡ወንዶች።
13፤ከዃለኛዎቹ፡ከአዶኒቃም፡ልጆች፡ስማቸው፡ይህ፡ነው፤ኤሊፋላት፥ይዑኤል፥ሸማያ፥ከነርሱም፡ጋራ፡ስድሳ፡ወን ዶች።
14፤ከበጉዋይ፡ልጆች፡ዑታይና፡ዘቡድ፥ከነርሱም፡ጋራ፡ሰባ፡ወንዶች።
15፤ወደ፡አህዋም፡ወደሚፈስ፟፡ወንዝ፡ሰበሰብዃቸው፥በዚያም፡ሦስት፡ቀን፡ሰፈርን፤ሕዝቡንና፡ካህናቱን፡ስቈጥ ራቸው፡በዚያ፡ከሌዊ፡ልጆች፡ማንንም፡አላገኘኹም።
16፤ወደ፡አለቃዎቹም፡ወደ፡አልዓዛር፥ወደ፡አርኤል፥ወደ፡ሸማያ፥ወደ፡ኤልናታን፥ወደ፡ያሪብ፥ወደ፡ኤልናታን፥ ወደ፡ናታን፥ወደ፡ዘካርያስ፥ወደ፡ሜሱላም፥ደግሞም፡ወደ፡ዐዋቂዎቹ፡ወደ፡ዮያሪብና፡ወደ፡ኤልናታን፡ላክኹ።
17፤በካሲፍያ፡ስፍራ፡ወደነበረው፡ወደ፡አለቃው፡ወደ፡አዶ፡ላክዃቸው፤ለአምላካችን፡ቤት፡አገልጋዮችን፡ያመጡ ልን፡ዘንድ፡በካሲፍያ፡ስፍራ፡ለሚኖሩት፡ለአዶና፡ለወንድሞቹ፡ለናታኒም፡የሚነግሯቸውን፡በአፋቸው፡አደረግኹ ።
18፤በላያችንም፡መልካም፡በኾነው፡በአምላካችን፡እጅ፡ከእስራኤል፡ልጅ፡ከሌዊ፡ልጅ፡ከሞሖሊ፡ልጆች፡ወገን፡የ ነበረውን፡አስተዋይ፡ሰው፡ሰራብያን፥ከርሱም፡ጋራ፡ዐሥራ፡ስምንቱን፡ልጆቹንና፡ወንድሞቹን፡አመጡልን።
19፤ደግሞም፡ሐሸብያን፡ከርሱም፡ጋራ፡ከሜራሪ፡ልጆች፡ወገን፡የነበረውን፡የሻያንና፡ኻያውን፡ወንድሞቹንና፡ል ጆቻቸውን።
20፤ሌዋውያንንም፡እንዲያገለግሉ፡ዳዊትና፡አለቃዎቹ፡ከሰጧቸው፡ናታኒም፡ውስጥ፡ኹለት፡መቶ፡ኻያ፡ናታኒም፡አ መጡ፤እነዚህም፡ዅሉ፡በስም፡በስማቸው፡ተጠሩ።
21፤በአምላካችን፡ፊት፡ራሳችንን፡እናዋርድ፡ዘንድ፥ከርሱም፡የቀናውን፡መንገድ፡ለእኛና፡ለልጆቻችን፡ለንብረ ታችንም፡ዅሉ፡እንለምን፡ዘንድ፡በዚያ፡በአህዋ፡ወንዝ፡አጠገብ፡ጾም፡ዐወጅኹ።
22፤ንጉሡንም፦የአምላካችን፡እጅ፡በሚሹት፡ዅሉ፡ላይ፡ለመልካም፡ነው፤ኀይሉና፡ቍጣው፡ግን፡ርሱን፡በሚተዉ፡ዅ ሉ፡ላይ፡ነው፡ብለን፡ተናግረን፡ነበርና፥በመንገድ፡ካለው፡ጠላት፡ያድኑን፡ዘንድ፥ጭፍራና፡ፈረሰኛዎች፡ከንጉ ሡ፡እለምን፡ዘንድ፡ዐፍሬ፡ነበርና።
23፤ስለዚህም፡ነገር፡ጾምን፥ወደ፡እግዚአብሔርም፡ለመንን፤ርሱም፡ተለመነን።
24፤ከካህናቱም፡አለቃዎች፡ዐሥራ፡ኹለት፡ሰዎችን፥ሰራብያንና፡ሐሸቢያን፡ከነርሱም፡ጋራ፡ዐሥር፡ወንድሞቻቸው ን፡ለየኹ፤
25፤ንጉሡና፡አማካሪዎቹ፡አለቃዎቹም፡በዚያም፡የተገኙት፡እስራኤል፡ዅሉ፡ያቀረቡትን፡ለአምላካችን፡ቤት፡የቀ ረበውን፡ብሩንና፡ወርቁን፡ዕቃውንም፡መዝኜ፡ሰጠዃቸው።
26፤ስድስት፡መቶ፡ዐምሳ፡መክሊት፡ብር፥አንድ፡መቶም፡መክሊት፡የብር፡ዕቃዎች፥አንድ፡መቶም፡መክሊት፡ወርቅ፥
27፤ኻያም፡ባለሺሕ፡ዳሪክ፡የወርቅ፡ጽዋዎች፥ኹለትም፡እንደ፡ወርቅ፡የከበሩ፡ከጥሩ፡ከሚያንጸባርቅ፡ናስ፡የተ ሠሩ፡ዕቃዎች፡መዝኜ፡በእጃቸው፡ሰጠኹ።
28፤እኔም፦እናንተ፡ለእግዚአብሔር፡ተቀድሳችዃል፥ዕቃዎቹም፡ቅዱስ፡ናቸው፤ብሩና፡ወርቁም፡ለአባቶቻችን፡አም ላክ፡ለእግዚአብሔር፡በፈቃድ፡የቀረበ፡ነው፤
29፤በካህናትና፡በሌዋውያን፡አለቃዎች፡በእስራኤልም፡አባቶች፡ቤቶች፡አለቃዎች፡ፊት፡በኢየሩሳሌም፡በእግዚአ ብሔር፡ቤት፡ጓዳዎች፡ውስጥ፡እስክትመዝኑ፡ድረስ፡ተግታችኹ፡ጠብቁ፡አልዃቸው።
30፤ካህናቱና፡ሌዋውያኑም፡ወደ፡ኢየሩሳሌም፡ወደአምላካችን፡ቤት፡ይወስዱት፡ዘንድ፡ብሩንና፡ወርቁን፡ዕቃዎቹ ንም፡በሚዛን፡ተቀበሉ።
31፤በመዠመሪያውም፡ወር፡በዐሥራ፡ኹለተኛው፡ቀን፡ወደ፡ኢየሩሳሌም፡እንኼድ፡ዘንድ፡ከአህዋ፡ወንዝ፡ተነሣን፡ የአምላካችንም፡እጅ፡በላያችን፡ነበረ፥በመንገድም፡ከጠላትና፡ከሚሸምቅ፡ሰው፡እጅ፡አዳነን።
32፤ወደ፡ኢየሩሳሌም፡ደረስን፥በዚያም፡ሦስት፡ቀን፡ተቀመጥን።
33፤በአራተኛውም፡ቀን፡ብሩና፡ወርቁ፡ዕቃዎቹም፡በአምላካችን፡ቤት፡በካህኑ፡በኦርዮ፡ልጅ፡በሜሪሞት፡እጅ፡ተ መዘኑ፤ከርሱም፡ጋራ፡የፊንሐስ፡ልጅ፡አልዓዛር፡ነበረ፡ከነርሱም፡ጋራ፡ሌዋውያን፡የኢያሱ፡ልጅ፡ዮዛባትና፡የ ቢንዊ፡ልጅ፡ኖዓድያ፡ነበሩ።
34፤ዅሉም፡በቍጥርና፡በሚዛን፡ተመዘነ፤ሚዛኑም፡ዅሉ፡በዚያን፡ጊዜ፡ተጻፈ።
35፤ከምርኮም፡የወጡት፡ምርኮኛዎች፡ለእስራኤል፡አምላክ፡ለሚቃጠል፡መሥዋዕት፡ስለ፡እስራኤል፡ዅሉ፡ዐሥራ፡ኹ ለት፡ወይፈኖች፥ዘጠና፡ስድስትም፡አውራ፡በጎች፥ሰባ፡ሰባትም፡ጠቦቶች፥ለኀጢአት፡መሥዋዕት፡ዐሥራ፡ኹለት፡አ ውራ፡ፍየሎች፡አቀረቡ።ይህ፡ዅሉ፡ለእግዚአብሔር፡የሚቃጠል፡መሥዋዕት፡ነበረ።
36፤የንጉሡንም፡ትእዛዝ፡በወንዙ፡ማዶ፡ላሉት፡ለንጉሡ፡ሹማምቶችና፡ገዢዎች፡ሰጡ፤እነርሱም፡ሕዝቡንና፡የእግ ዚአብሔርን፡ቤት፡አገዙ።
_______________መጽሐፈ፡ዕዝራ፥ምዕራፍ፡9።______________
ምዕራፍ፡9።
1፤ይህም፡ከተፈጸመ፡በዃላ፡አለቃዎቹ፡ወደ፡እኔ፡ቀርበው፦የእስራኤል፡ሕዝብ፡ካህናቱም፡ሌዋውያኑም፡እንደ፡ከ ነዓናውያን፡እንደ፡ኬጢያውያን፡እንደ፡ፌርዛውያን፡እንደ፡ኢያቡሳውያን፡እንደ፡አሞናውያን፡እንደ፡ሞዐባውያ ን፡እንደ፡ግብጻውያንና፡እንደ፡አሞራውያን፡ርኵሰት፡ያደርጋሉ፡እንጂ፡ከምድር፡አሕዛብ፡አልተለዩም፤
2፤ለራሳቸውና፡ለልጆቻቸውም፡ሴቶች፡ልጆቻቸውን፡ወስደዋል፥የተቀደሰውንም፡ዘር፡ከምድር፡አሕዛብ፡ጋራ፡ደባል ቀዋል፤አስቀድሞም፡አለቃዎቹና፡ሹማምቶቹ፡በዚህ፡መተላለፍ፡መዠመሪያ፡ኾነዋል፡አሉኝ።
3፤ይህንም፡ነገር፡በሰማኹ፡ጊዜ፡ልብሴንና፡መጐናጸፊያዬን፡ቀደድኹ፥የራሴንና፡የጢሜንም፡ጠጕር፡ነጨኹ፥ደንግ ጬም፡ተቀመጥኹ።
4፤ስለምርኮኛዎቹም፡መተላለፍ፡የእስራኤልን፡አምላክ፡ቃል፡የሚፈሩ፡ዅሉ፡ወደ፡እኔ፡ተሰበሰቡ፤እኔም፡እስከሠ ርክ፡መሥዋዕት፡ድረስ፡ደንግጬ፡ተቀመጥኹ።
5፤በሠርክም፡መሥዋዕት፡ጊዜ፡ልብሴና፡መጐናጸፊያዬ፡እንደ፡ተቀደደ፡ኾኖ፡ከመዋረዴ፡ተነሣኹ፤በጕልበቴም፡ተን በርክኬ፡ወደ፡አምላኬ፡ወደ፡እግዚአብሔር፡እጄን፡ዘረጋኹ።
6፤እንዲህም፡አልኹ፦አምላኬ፡ሆይ፥ኀጢአታችን፡በራሳችን፡ላይ፡በዝቷልና፥በደላችንም፡ወደ፡ሰማይ፡ከፍ፡ከፍ፡ ብሏልና፥አምላኬ፡ሆይ፥ፊቴን፡ወዳንተ፡አነሣ፡ዘንድ፡ዐፍራለኹ፥እፈራማለኹ።
7፤ከአባቶቻችን፡ዘመን፡ዠምረን፡እስከ፡ዛሬ፡ድረስ፡እጅግ፡በድለናል፤ዛሬም፡እንደኾነው፡ስለ፡ኀጢአታችን፡እ ኛና፡ንጉሦቻችን፡ካህናታችንም፡ለሰይፍና፡ለምርኮ፡ለብዝበዛና፡ለዕፍረት፡በምድር፡ነገሥታት፡እጅ፡ተጣልን።
8፤አኹንም፡ቅሬታ፡ይተውልን፡ዘንድ፥በተቀደሰውም፡ስፍራው፡ችንካርን፡ይሰጠን፡ዘንድ፥አምላካችንም፡ዐይናችን ን፡ያበራ፡ዘንድ፥በባርነትም፡ሳለን፡ጥቂት፡የሕይወት፡መታደስን፡ይሰጠን፡ዘንድ፡ለጥቂት፡ጊዜ፡ከአምላካችን ፡ከእግዚአብሔር፡ሞገስ፡ተሰጥቶናል።
9፤ባሪያዎች፡ነንና፥አምላካችን፡ግን፡በባርነታችን፡አልተወንም፤የሕይወት፡መታደስን፡ይሰጠን፡ዘንድ፥የአምላ ካችንንም፡ቤት፡እንሠራ፡ዘንድ፥የተፈታውንም፡እንጠግን፡ዘንድ፥በይሁዳና፡በኢየሩሳሌምም፡ቅጥር፡ይደረግልን ፡ዘንድ፡በፋርስ፡ነገሥታት፡ፊት፡ምሕረቱን፡ሰጠን።
10፤11፤12፤አኹንስ፡አምላካችን፡ሆይ፦ትወርሷት፡ዘንድ፡የምትገቡባት፡ምድር፡በምድር፡አሕዛብ፡ርኵሰት፡ረክ ሳለች፥ከዳር፡እስከ፡ዳርም፡ድረስ፡ከርኵሰታቸው፡ከጸያፍ፡ሥራቸውም፡ተሞልታለች፤አኹንም፡ትበረቱ፡ዘንድ፥የ ምድሩንም፡ፍሬ፡ትበሉ፡ዘንድ፥ለዘለዓለም፡ለልጆቻችኹ፡ታወርሷት፡ዘንድ፡ሴቶች፡ልጆቻችኹን፡ለልጆቻቸው፡አት ስጡ፥ሴቶች፡ልጆቻቸውንም፡ለልጆቻችኹ፡አትውሰዱ፥ሰላማቸውንና፡ደኅንነታቸውንም፡ለዘለዓለም፡አትሹ፡ብለኽ፡ በባሪያዎችኽ፡በነቢያት፡ያዘዝኸውን፡ትእዛዝ፡ትተናልና፥ከዚህ፡በዃላ፡ምን፡እንላለን፧
13፤ስለ፡ክፉ፡ሥራችንና፡ስለ፡ታላቁ፡በደላችን፡ካገኘን፡ነገር፡ዅሉ፡በዃላ፥አንተ፡አምላካችን፡እንደ፡ኀጢአ ታችን፡ብዛት፡አልቀሠፍኸንም፥ነገር፡ግን፥ቅሬታን፡ሰጠኸን።
14፤በእውኑ፡ተመልሰን፡ትእዛዝኽን፡እናፈርስ፡ዘንድ፥ርኩስ፡ሥራን፡ከሚሠሩ፡ከነዚህም፡አሕዛብ፡ጋራ፡እንገባ ፡ዘንድ፡ይገ፟ባ፟ናልን፧አንተስ፡ቅሬታ፡የሌለንና፡የማናመልጥ፡እስክንኾን፡ድረስ፡እንድታጠፋን፡አትቈጣንም ፧
15፤አቤቱ፡የእስራኤል፡አምላክ፡ሆይ፥አንተ፡ጻድቅ፡ነኽ፤ዛሬም፡እንደኾነው፡እኛ፡አምልጠን፡ቀርተናል፤እንሆ ፥በፊትኽ፡በበደላችን፡አለን፤ስለዚህ፥በፊትኽ፡ሊቆም፡የሚችል፡የለም።
_______________መጽሐፈ፡ዕዝራ፥ምዕራፍ፡10።______________
ምዕራፍ፡10።
1፤ዕዝራም፡እያለቀሰና፡በእግዚአብሔር፡ቤት፡ፊት፡እየወደቀ፡በጸለየና፡በተናዘዘ፡ጊዜ፡ከእስራኤል፡ዘንድ፡የ ወንድና፡የሴት፡የሕፃናትም፡እጅግ፡ታላቅ፡ጉባኤ፡ወደ፡ርሱ፡ተሰበሰበ፤ሕዝቡም፡እጅግ፡አለቀሱ።
2፤ከዔላም፡ልጆች፡ወገን፡የነበረም፡የይሒኤል፡ልጅ፡ሴኬንያ፡ዕዝራን፡እንዲህ፡ብሎ፡ተናገረው፦አምላካችንን፡ በድለናል፤የምድርን፡አሕዛብ፡እንግዳዎች፡ሴቶችን፡አግብተናል፤አኹን፡ግን፡ስለዚህ፡ነገር፡ገና፡ለእስራኤል ፡ተስፋ፡አለ።
3፤አኹንም፡እንደ፡ጌታዬና፡የአምላካችንን፡ትእዛዝ፡እንደሚፈሩት፡ምክር፥ሴቶችን፡ዅሉ፡ከነርሱም፡የተወለዱት ን፡እንሰድ፟፡ዘንድ፡ከአምላካችን፡ጋራ፡ቃል፡ኪዳን፡እናድርግ፤እንደ፡ሕጉም፡ይደረግ።
4፤ይህም፡ነገር፡ለአንተ፡ይገ፟ባ፟ልና፥እኛም፡ከአንተ፡ጋራ፡ነንና፡ተነሣ፥አይዞኽ፥አድርገው።
5፤ዕዝራም፡ተነሣ፤አለቃዎቹንና፡ካህናቱን፡ሌዋውያኑንም፡እስራኤልንም፡ዅሉ፡እንደዚህ፡ቃል፡ያደርጉ፡ዘንድ፡ አማለ፤እነርሱም፡ማሉ።
6፤ዕዝራም፡ከእግዚአብሔር፡ቤት፡ፊት፡ተነሥቶ፡ወደኤልያሴብ፡ልጅ፡ወደዮሐናን፡ጓዳ፡ገባ፤ስለምርኮኛዎቹም፡ኀ ጢአት፡ያለቅስ፡ነበርና፥ገብቶ፡እንጀራ፡አልበላም፥ውሃም፡አልጠጣም።
7፤8፤ምርኮኛዎቹም፡ዅሉ፡ወደ፡ኢየሩሳሌም፡እንዲሰበሰቡ፥እንደ፡አለቃዎቹና፡እንደ፡ሽማግሌዎችም፡ምክር፡በሦ ስት፡ቀን፡ውስጥ፡ያልመጣ፡ዅሉ፡ንብረቱ፡ዅሉ፡እንዲወረስ፥ርሱም፡ከምርኮው፡ጉባኤ፡እንዲለይ፡በይሁዳና፡በኢ የሩሳሌም፡ላይ፡ዐዋጅ፡ነገሩ።
9፤ሦስት፡ቀንም፡ሳያልፍ፡በዘጠነኛው፡ወር፡ከወሩም፡በኻያኛው፡ቀን፡የይሁዳና፡የብንያም፡ሰዎች፡ዅሉ፡ወደ፡ኢ የሩሳሌም፡ተሰበሰቡ።ሕዝቡም፡ዅሉ፡ስለዚህ፡ነገርና፡ስለ፡ታላቁ፡ዝናብ፡እየተንቀጠቀጡ፡በእግዚአብሔር፡ቤት ፡ፊት፡ባለው፡አደባባይ፡ተቀመጡ።
10፤ካህኑም፡ዕዝራ፡ተነሥቶ፦ተላልፋችዃል፤የእስራኤልን፡በደል፡ታበዙ፡ዘንድ፡እንግዳዎችን፡ሴቶች፡አግብታች ዃል።
11፤አኹንም፡ለአባቶቻችኹ፡አምላክ፡ለእግዚአብሔር፡ተናዘዙ፥ደስ፡የሚያሠኘውንም፡አድርጉ፤ከምድርም፡አሕዛብ ና፡ከእንግዳዎች፡ሴቶች፡ተለዩ፡አላቸው።
12፤ጉባኤውም፡ዅሉ፡በታላቅ፡ድምፅ፡መልሰው፡እንዲህ፡አሉ፦እንደ፡ተናገርኸን፡እናደርግ፡ዘንድ፡ይገ፟ባ፟ናል ።
13፤ነገር፡ግን፥የሕዝቡ፡ቍጥር፡ብዙ፡ነው፥ጊዜውም፡የትልቅ፡ዝናብ፡ጊዜ፡ነው፥በሜዳም፡ልንቆም፡አንችልም፤በ ዚህም፡ነገር፡እጅግ፡በድለናልና፥ይህ፡ሥራ፡የአንድ፡ወይም፡የኹለት፡ቀን፡ሥራ፡አይደለም።
14፤አለቃዎቻችንም፡በጉባኤው፡ዅሉ፡ፋንታ፡ይቁሙ፤ስለዚህም፡ነገር፡የአምላካችን፡ጽኑ፡ቍጣ፡ከእኛ፡ይመለስ፡ ዘንድ፡እንግዳዎቹን፡ሴቶች፡ያገቡት፡በከተማዎቻችን፡ያሉት፡ዅሉ፡በተቀጠረው፡ጊዜ፡ይምጡ፥ከነርሱም፡ጋራ፡የ ከተማ፡ዅሉ፡ሽማግሌዎችና፡ፈራጆች፡ይምጡ።
15፤ነገር፡ግን፥የዐሳሄል፡ልጅ፡ዮናታንና፡የቴቁዋ፡ልጅ፡የሕዝያ፡ይህን፡ነገር፡ተቃወሙ፤ሜሱላምና፡ሌዋዊውም ፡ሳባታይ፡ረዷቸው።
16፤ምርኮኛዎቹም፡እንዲህ፡አደረጉ፤ካህኑ፡ዕዝራም፡የአባቶችም፡ቤቶች፡አለቃዎች፡በያባቶቻቸው፡ቤቶች፡ተለዩ ፥ዅሉም፡በየስማቸው፡ተጻፉ፤በዐሥረኛውም፡ወር፡በመዠመሪያው፡ቀን፡ነገሩን፡ይመረምሩ፡ዘንድ፡ተቀመጡ።
17፤እስከመዠመሪያው፡ወር፡እስከመዠመሪያው፡ቀን፡ድረስ፡ሠረተው፡እንግዳዎቹን፡ሴቶች፡ያገቡትን፡ሰዎች፡ዅሉ ፡መርምረው፡ጨረሱ።
18፤ከካህናቱም፡ወገን፡ልጆች፡እንግዳዎቹን፡ሴቶች፡ያገቡ፡ሰዎች፡ተገኙ፤ከኢዮሴዴቅ፡ልጅ፡ከኢያሱ፡ልጆችና፡ ከወንድሞቹ፥መዕሴያ፥አልዓዛር፥ያሪብ፥ጎዶልያስ።
19፤ሚስቶቻቸውን፡ይፈቱ፡ዘንድ፡እጃቸውን፡ሰጡ፤ስለ፡በደላቸውም፡ከመንጋው፡አንድ፡አውራ፡በግ፡ለበደል፡መሥ ዋዕት፡አቀረቡ።
20፤ከኢሜር፡ልጆችም፤ዐናኒና፡ዝባድያ።
21፤ከካሪም፡ልጆችም፡መዕሴያ፥ኤልያስ፥ሸማያ፥ይሒኤል፥ዖዝያ።
22፤ከፋስኩር፡ልጆችም፤ኤልዮዔናይ፥መዕሴያ፥ይስማኤል፥ናትናኤል፥ዮዛባት፥ኤልዓሣ።
23፤ከሌዋውያንም፤ዮዛባት፥ሰሜኢ፥ቆሊጣስ፡የሚባል፡ቆልያ፥ፈታያ፥ይሁዳ፥አልዓዛር።
24፤ከመዘምራንም፤ኤልያሴብ፤ከበረኛዎችም፤ሰሎም፥ጤሌም፥ኡሪ።
25፤ከእስራኤልም፡ከፋሮስ፡ልጆች፤ራምያ፥ይዝያ፥መልክያ፥ሚያሚን፥አልዓዛር፥መልክያ፥በናያስ።
26፤ከዔላም፡ልጆችም፤ሙታንያ፥ዘካርያስ፥ይሒኤል፥ዐብዲ፥ይሬሞት፥ኤልያ።
27፤ከዛቱዕ፡ልጆችም፤ዔሊዮዔናይ፥ኢልያሴብ፥ሙታንያ፥ይሬሞት፥ዛባድ፥ዓዚዛ።
28፤ከቤባይ፡ልጆችም፤ይሆሐናን፥ሐናንያ፥ዘባይ፥ዐጥላይ።
29፤ከባኒ፡ልጆችም፤ሜሱላም፥መሉክ፥ዓዳያ፥ያሱብ፥ሸዓል፥ራሞት።
30፤ከፈሐት፡ሞዐብ፡ልጆችም፤ዓድና፥ክላል፥በናያስ፥መዕሴያ፥ሙታንያ፥ባስልኤል፥ቢንዊ፥ምናሴ።
31፤ከካሪም፡ልጆችም፤አልዓዛር፥ይሺያ፥መልክያ፥ሸማያ፥ስምዖን፥
32፤ብንያም፥መሉክ፥ሰማራያ።
33፤ከሐሱም፡ልጆችም፤መትናይ፥መተታ፥ዛባድ፥ኤሊፋላት፥ይሬማይ፥ምናሴ፥ሰሜኢ።
34፤ከባኒ፡ልጆችም፤መዕዳይ፥ዓምራም፥ኡኤል፥
35፤በናያስ፥ቤድያ፥ኬልቅያ፡
36፤ወንያ፥ሜሪሞት፥ኤልያሴብ፥
37፤መታንያ፥መትናይ፥የዕሱ፥
38፤ባኒ፥ቢንዊ፥ሰሜኢ፥
39፤ሰሌምያ፥ናታን፥ዓዳያ፥
40፤መክነድባይ፥ሴሴይ፥ሸራይ፥
41፤ዔዝርኤል፥ሰሌምያ፥ሰማራያ፥
42፤ሰሎም፥አማርያ፥ዮሴፍ።
43፤ከናባው፡ልጆችም፤ይዔኤል፥መቲትያ፥ዛባድ፥ዘቢና፥ያዳይ፥ኢዮኤል፥በናያስ።
44፤እነዚህ፡ዅሉ፡እንግዳዎቹን፡ሚስቶች፡አግብተው፡ነበር፤ከነዚህም፡ሚስቶች፡ዐያሌዎቹ፡ልጆችን፡ወልደው፡ነ በር፨

http://www.gzamargna.net