ሰቆቃወ፡ኤርምያስ።

(ክለሳ.1.20020507)

_______________ሰቆቃወ፡ኤርምያስ፥ምዕራፍ፡1።______________
ምዕራፍ፡1።
1፤አሌፍ።ሕዝብ፡ሞልቶባት፡የነበረች፡ከተማ፡ብቻዋን፡እንዴት፡ተቀመጠች! በአሕዛብ፡መካከል፡ታላቅ፡የነበረች፡እንደ፡መበለት፡ኾናለች፤በአውራጃዎች፡መካከል፡ልዕልት፡የነበረች፡ተገ ዢ፡ኾናለች።
2፤ቤት።በሌሊት፡እጅግ፡ታላቅሳለች፥እንባዋም፡በጕንጯ፡ላይ፡አለ፤ከውሽማዎቿ፡ዅሉ፡የሚያጽናናት፡የለም፤ወዳ ጆቿ፡ዅሉ፡ወነጀሏት፡ጠላቶችም፡ኾኗት።
3፤ጋሜል።ይሁዳ፡ስለመጨነቅና፡ስለባርነት፡ብዛት፡ተማረከች፤በአሕዛብ፡መካከል፡ተቀመጠች፡ዕረፍትም፡አላገኘ ችም፤የሚያስጨንቋት፡ዅሉ፡ተጨንቃ፡አገኟት።
4፤ዳሌጥ።ወደ፡ዓመት፡በዓልም፡የሚመጣ፡የለምና፡የጽዮን፡መንገዶች፡አለቀሱ፤በሮቿ፡ዅሉ፡ፈርሰዋል፡ካህናቷም ፡እየጮኹ፡ያለቅሳሉ፤ደናግሎቿም፡ተጨነቁ፡ርሷም፡በምሬት፡አለች።
5፤ሄ።ስለኀጢአቷ፡ብዛት፡እግዚአብሔር፡አስጨንቋታልና፥አስጨናቂዎቿ፡ራስ፡ኾኑ፥ጠላቶቿም፡ተከናወነላቸው፤ሕ ፃናቷ፡ባስጨናቂዎች፡ፊት፡ተማርከዋል።
6፤ዋው።ከጽዮን፡ሴት፡ልጅ፡ውበቷ፡ዅሉ፡ወጥቷል፤አለቃዎቿ፡ማሰማሪያ፡እንደማያገኙ፡ዋላዎች፡ኾኑ፤ከሚያባርሯ ቸው፡ፊት፡ተዳክመው፡ኼዱ።
7፤ዛይ።ኢየሩሳሌም፡በጭንቀቷና፡በመከራዋ፡ወራት፡ከጥንት፡ዠምሮ፡የነበረላትን፡የከበረን፡ነገር፡ዅሉ፡ዐሰበ ች፤ሕዝቧ፡በአስጨናቂዎች፡እጅ፡በወደቀ፡ጊዜ፡የሚረዳትም፡በሌላት፡ጊዜ፥አስጨናቂዎች፡አይዋት፡በመፍረሷም፡ ሣቁ።
8፤ሔት።ኢየሩሳሌም፡እጅግ፡ኀጢአት፡ሠርታለች፤ስለዚህ፥ረክሳለች፤ያከብሯት፡የነበሩ፡ዅሉ፡ኀፍረተ፡ሥጋዋን፡ አይተዋታልና፥አቃለሏት፤ርሷም፡እየጮኸች፡ታለቅሳለች፥ወደ፡ዃላም፡ዘወር፡አለች።
9፤ጤት።አደፏ፡በልብሷ፡ዘርፍ፡ነበረ፤ፍጻሜዋን፡አላሰበችም፤ስለዚህ፥በድንቅ፡ተዋርዳለች፥የሚያጽናናትም፡የ ለም፤አቤቱ፥ጠላት፡ከፍ፡ከፍ፡ብሏልና፥መከራዬን፡ተመልከት።
10፤ዮድ።አስጨናቂው፡በከበረ፡ነገሯ፡ዅሉ፡ላይ፡እጁን፡ዘረጋ፤ወደ፡ጉባኤኽ፡እንዳይገቡ፡ያዘዝኻቸው፡አሕዛብ ፡ወደ፡መቅደሷ፡ሲገቡ፡አይታለችና።
11፤ካፍ።ሕዝቧ፡ዅሉ፡እየጮኹ፡ያለቅሳሉ፡እንጀራም፡ይፈልጋሉ፤ሰውነታቸውን፡ለማበርታት፡የከበረ፡ሀብታቸውን ፡ስለ፡መብል፡ሰጥተዋል፤አቤቱ፥ተጐሳቍያለኹና፡እይ፥ተመልከትም።
12፤ላሜድ።እናንተ፡መንገድ፡ዐላፊዎች፡ዅሉ፥በእናንተ፡ዘንድ፡ምንም፡የለምን፧እግዚአብሔር፡በጽኑ፡ቍጣው፡ቀ ን፡እኔን፡እንዳስጨነቀበት፡በእኔ፡ላይ፡እንደተደረገው፡እንደእኔ፡መከራ፡የሚመስል፡መከራ፡እንዳለ፡ተመልከ ቱ፥እዩ።
13፤ሜም።ከላይ፡እሳትን፡ወደ፡ዐጥንቴ፡ሰደደ፡በረታችበትም፤ለእግሬ፡ወጥመድ፡ዘረጋ፡ወደ፡ዃላም፡መለሰኝ፥አ ጠፋኝም፡ቀኑንም፡ዅሉ፡አደከመኝ።
14፤ኖን።የኀጢአቶቼ፡ቀንበር፡በእጁ፡ተይዛለች፤ታስረው፡በዐንገቴ፡ላይ፡ወጥተዋል፤ጕልበቴን፡አደከመ።ጌታ፡ በፊታቸው፡እቆም፡ዘንድ፡በማልችላቸው፡እጅ፡አሳልፎ፡ሰጠኝ።
15፤ሳምኬት።ጌታ፡ኀያላኔን፡ዅሉ፡ከውስጤ፡አስወገዳቸው፤ጕልማሳዎቼን፡ያደቅ፟፡ዘንድ፡ጉባኤን፡ጠራብኝ፤ጌታ ፡ድንግሊቱን፡የይሁዳን፡ልጅ፡በመጥመቂያ፡እንደሚረገጥ፡አድርጎ፡ረገጣት።
16፤ዔ።የሚያጽናናኝ፡ነፍሴንም፡የሚያበረታት፡ከእኔ፡ርቋልና፥ስለዚህ፡አለቅሳለኹ፤ዐይኔ፥ዐይኔ፡ውሃ፡ያፈሳ ፟ል።ጠላት፡በርትቷልና፥ልጆቼ፡ጠፍተዋል።
17፤ፌ።ጽዮን፡እጇን፡ዘረጋች፤የሚያጽናናት፡የለም፤እግዚአብሔር፡በያዕቆብ፡ዙሪያ፡ያሉትን፡እንዲያስጨንቁት ፡አዘዘ፤ኢየሩሳሌም፡በመካከላቸው፡እንደ፡ርኩስ፡ነገር፡ኾናለች።
18፤ጻዴ።በአፉ፡ነገር፡ላይ፡ዐመፅ፡አድርጌያለኹና፥እግዚአብሔር፡ጻድቅ፡ነው።እናንተ፡አሕዛብ፡ዅሉ፥እባካች ኹ፡ስሙ፥መከራዬንም፡ተመልከቱ፤ደናግሎቼና፡ጐበዛዝቴ፡ተማርከው፡ኼዱ።
19፤ቆፍ።ውሽማዎቼን፡ጠራኹ፥እነርሱም፡አታለሉኝ፤ካህናቴና፡ሽማግሌዎቼ፡ሰውነታቸውን፡ያበረቱ፡ዘንድ፡መብል ፡ሲፈልጉ፡በከተማ፡ውስጥ፡ሞቱ።
20፤ሬስ።አቤቱ፥ተጨንቄያለኹና፥አንዠቴም፡ታውኮብኛልና፥ተመልከት፤ዐመፃን፡ፈጽሞ፡አድርጌያለኹና፡ልቤ፡በው ስጤ፡ተገላበጠብኝ፤በሜዳ፡ሰይፍ፡ልጆቼን፡አጠፋ፡በቤትም፡ሞት፡አለ።
21፤ሳን።እኔ፡እየጮኽኹ፡እንደማለቅስ፡ሰምተዋል፤የሚያጽናናኝ፡የለም፤ጠላቶቼ፡ዅሉ፡ስለ፡መከራዬ፡ሰምተዋል ፤አንተ፡አድርገኸዋልና፥ደስ፡አላቸው፤ስለ፡ርሱ፡የተናገርኸውን፡ቀን፡ታመጣለኽ፡እነርሱም፡እንደ፡እኔ፡ይኾ ናሉ።
22፤ታው።ልቅሶዬ፡እጅግ፡ነውና፥ልቤም፡ደክሟልና፥ክፋታቸው፡ዅሉ፡ወደ፡ፊትኽ፡ይድረስ፥ስለ፡ኀጢአቴ፡ዅሉ፡እ ንዳደረግኽብኝ፡አድርግባቸው።
_______________ሰቆቃወ፡ኤርምያስ፥ምዕራፍ፡2።______________
ምዕራፍ፡2።
1፤አሌፍ።ጌታ፡በቍጣው፡የጽዮንን፡ሴት፡ልጅ፡እንደ፡ምን፡አደመናት! የእስራኤልን፡ውበት፡ከሰማይ፡ወደ፡ምድር፡ጣለ፥በቍጣውም፡ቀን፡የእግሩን፡መረገጫ፡አላሰበም።
2፤ቤት።ጌታ፡የያዕቆብን፡ማደሪያዎች፡ዅሉ፡ዋጠ፥አልራራምም፤በመዓቱ፡የይሁዳን፡ሴት፡ልጅ፡ዐምባዎች፡አፈረሰ ፥ወደ፡ምድርም፡አወረዳቸው፤መንግሥቱንና፡አለቃዎቿን፡አረከሰ።
3፤ጋሜል።በጽኑ፡ቍጣው፡የእስራኤልን፡ቀንድ፡ዅሉ፡ቀጠቀጠ፤ቀኝ፡እጁን፡ከጠላት፡ፊት፡ወደ፡ዃላ፡መለሰ፥በዙሪ ያውም፡እንደሚባላ፡እንደ፡እሳት፡ነበልባል፡ያዕቆብን፡አቃጠለ።
4፤ዳሌጥ።ቀስቱን፡እንደ፡ጠላት፡ገተረ፥እንደ፡አስጨናቂ፡ቀኝ፡እጁን፡አጸና፥ለዐይንም፡የሚያምረውን፡ዅሉ፡ገ ደለ፤በጽዮን፡ሴት፡ልጅ፡ድንኳን፡መዓቱን፡እንደ፡እሳት፡አፈሰሰ።
5፤ሄ።ጌታ፡እንደ፡ጠላት፡ኾነ፥እስራኤልን፡ዋጠ፤አዳራሾቿን፡ዅሉ፡ዋጠ፥ዐምባዎቿን፡አጠፋ፤በይሁዳም፡ሴት፡ል ጅ፡ሐዘንና፡ልቅሶ፡አበዛ።
6፤ዋው።ማደሪያውን፡እንደ፡አትክልት፡ነቀለ፤የበዓሉን፡ስፍራ፡አጠፋ፤እግዚአብሔር፡በጽዮን፡ዓመት፡በዓሉንና ፡ሰንበቱን፡አስረሳ፥በቍጣውም፡መዓት፡ንጉሡንና፡ካህኑን፡አቃለለ።
7፤ዛይ።ጌታ፡መሠዊያውን፡ጣለ፥መቅደሱን፡ጠላ፥የአዳራሾቿንም፡ቅጥር፡በጠላት፡እጅ፡አሳልፎ፡ሰጠ፤ድምፃቸውን ፡እንደ፡ዓመት፡በዓል፡ቀን፡በእግዚአብሔር፡ቤት፡ከፍ፡ከፍ፡አደረጉ።
8፤ሔት።እግዚአብሔር፡የጽዮንን፡ሴት፡ልጅ፡ቅጥር፡ያፈርስ፡ዘንድ፡ዐሰበ፤የመለኪያውን፡ገመድ፡ዘረጋ፥እጁን፡ ከማጥፋት፡አልመለሰም፤ምሽጉና፡ቅጥሩ፡እንዲያለቅሱ፡አደረገ፤በአንድነት፡ደከሙ።
9፤ጤት።በሮቿ፡በመሬት፡ውስጥ፡ሰጠሙ፥መወርወሪያዎቿን፡አጠፋ፡ሰበረም፤ንጉሧና፡አለቃዎቿ፡ሕግ፡በሌለባቸው፡ በአሕዛብ፡መካከል፡አሉ፤ነቢያቷም፡ከእግዚአብሔር፡ዘንድ፡ራእይ፡አላገኙም።
10፤ዮድ።የጽዮን፡ሴት፡ልጅ፡ሽማግሌዎች፡ዝም፡ብለው፡በመሬት፡ላይ፡ተቀምጠዋል፤ትቢያን፡በራሳቸው፡ላይ፡ነሰ ነሱ፥ማቅም፡ታጠቁ፤የኢየሩሳሌም፡ደናግል፡ራሳቸውን፡ወደ፡ምድር፡አዘነበሉ።
11፤ካፍ።ሕፃኑና፡ጡት፡የሚጠባው፡በከተማዪቱ፡ጐዳና፡ላይ፡ሲዝሉ፥ዐይኔ፡በእንባ፡ደከመች፥አንዠቴም፡ታወከ፤ ስለወገኔ፡ሴት፡ልጅ፡ቅጥቃጤ፡ጕበቴ፡በምድር፡ላይ፡ተዘረገፈ።
12፤ላሜድ።በከተማ፡ጐዳና፡እንደ፡ተወጋ፡ሰው፡በዛሉ፡ጊዜ፥ነፍሳቸውም፡በእናቶቻቸው፡ብብት፡በወጣች፡ጊዜ፥እ ናቶቻቸውን፦እኽልና፡የወይን፡ጠጅ፡ወዴት፡አለ፧ይሏቸዋል።
13፤ሜም።የኢየሩሳሌም፡ሴት፡ልጅ፡ሆይ፥ምን፡እመሰክርልሻለኹ፧በምንስ፡እመስልሻለኹ፧ድንግሊቱ፡የጽዮን፡ልጅ ፡ሆይ፥አጽናናሽ፡ዘንድ፡በምን፡አስተካክልሻለኹ፧ስብራትሽ፡እንደ፡ባሕር፡ታላቅ፡ነውና፤የሚፈውስሽ፡ማን፡ነ ው፧
14፤ኖን።ነቢያትሽ፡ከንቱና፡ሐሰተኛ፡ራእይ፡አይተውልሻል፤ምርኮሽንም፡ይመልሱ፡ዘንድ፡በደልሽን፡አልገለጡም ፤ከንቱና፡የማይረባ፡ነገርንም፡አይተውልሻል።
15፤ሳምኬት።መንገድ፡ዐላፊዎች፡ዅሉ፡እጃቸውን፡ያጨበጭቡብሻልና፦በእውኑ፡የውበት፡ፍጻሜና፡የምድር፡ዅሉ፡ደ ስታ፡የሚሏት፡ከተማ፡ይህች፡ናትን፧እያሉ፥በኢየሩሳሌም፡ሴት፡ልጅ፡ላይ፡ያፏጫሉ፥ራሳቸውንም፡ያነቃንቃሉ።
16፤ዔ።ጠላቶችሽ፡ዅሉ፡አፋቸውን፡አላቀቁብሽ፤እያፏጩና፡ጥርሳቸውን፡እያፋ፟ጩ፦ውጠናታል፤ነገር፡ግን፥ተስፋ ፡ያደረግናት፡ቀን፡ይህች፡ናት፤አግኝተናታል፥አይተናትማል፡ይላሉ።
17፤ፌ።እግዚአብሔር፡ያሰበውን፡አደረገ፤በቀድሞ፡ዘመን፡ያዘዘውን፡ቃል፡ፈጸመ፤አፈረሰ፡አልራራምም፤ጠላትን ም፡ደስ፡አሠኘብሽ፥የሚያስጨንቁሽንም፡ቀንድ፡ከፍ፡ከፍ፡አደረገ።
18፤ጻዴ።ልባቸው፡ወደ፡ጌታ፡ጮኸ፦የጽዮን፡ሴት፡ልጅ፡ቅጥር፡ሆይ፥እንባሽን፡እንደ፡ፈሳሽ፡ቀንና፡ሌሊት፡አፍ ሺ፟፤ለሰውነትሽ፡ዕረፍት፡አትስጪ፤የዐይንሽ፡ብሌን፡አታቋርጥ።
19፤ቆፍ።ተነሺ፥በሌሊት፡በመዠመሪያ፡ክፍል፡ጩኺ፥በጌታም፡ፊት፡ልብሽን፡እንደ፡ውሃ፡አፍሺ፟፤በጐዳና፡ዅሉ፡ ራስ፡ላይ፡በራብ፡ስለደከሙ፡ስለሕፃናትሽ፡ነፍስ፡እጆችሽን፡ወደ፡ርሱ፡አንሺ።
20፤ሬስ።አቤቱ፥እይ፤በማን፡ላይ፡እንደዚህ፡እንዳደረግኽ፡ተመልከት።በእውኑ፡ሴቶች፡ፍሬያቸውን፥ያቀማጠሏቸ ውን፡ሕፃናት፥ይበላሉን፧በእውኑ፡ካህኑና፡ነቢዩ፡በጌታ፡መቅደስ፡ውስጥ፡ይገደላሉን፧
21፤ሳን።ብላቴናውና፡ሽማግሌው፡በመንገዶች፡ላይ፡ተጋደሙ፤ደናግሎቼና፡ጐበዛዝቴ፡በሰይፍ፡ወድቀዋል፤በቍጣኽ ፡ቀን፡ገደልኻቸው፤ሳትራራ፡ዐረድኻቸው።
22፤ታው።እንደ፡በዓል፡ቀን፡የሚያስፈሩኝን፡ከዙሪያዬ፡ጠራኽ፥በእግዚአብሔር፡ቍጣ፡ቀንም፡ያመለጠ፡ወይም፡የ ቀረ፡አልተገኘም፤ያቀማጠልዃቸውንና፡ያሳደግዃቸውን፡ጠላቴ፡በላቸው።
_______________ሰቆቃወ፡ኤርምያስ፥ምዕራፍ፡3።______________
ምዕራፍ፡3።
1፤አሌፍ።በቍጣው፡በትር፡መከራ፡ያየ፡ሰው፡እኔ፡ነኝ።
2፤ብርሃን፡ወደሌለበት፡ወደ፡ጨለማ፡መርቶ፡ወሰደኝ።
3፤ዘወትር፡ቀኑን፡ዅሉ፡እጁን፡በላዬ፡መለሰ።
4፤ቤት።ሥጋዬንና፡ቍርበቴን፡አስረጀ፥ዐጥንቴን፡ሰበረ።
5፤ቅጥር፡ሠራብኝ፡በሐሞትና፡በድካምም፡ከበበኝ።
6፤ቀድሞ፡ሞተው፡እንደ፡ነበሩ፡በጨለማ፡አኖረኝ።
7፤ጋሜል።እንዳልወጣ፡በዙሪያዬ፡ቅጥር፡ሠራብኝ፤ሰንሰለቴን፡አከበደ።
8፤በጠራኹና፡በጮኽኹ፡ጊዜ፡ጸሎቴን፡ከለከለ።
9፤መንገዴን፡በተጠረበ፡ድንጋይ፡ዘጋ፥ጐዳናዬንም፡አጣመመ።
10፤ዳሌጥ።እንደሚሸምቅ፡ድብ፡እንደ፡ተሸሸገም፡አንበሳ፡ኾነብኝ።
11፤መንገዴን፡ለወጠ፥ገነጣጠለኝም፤ባድማ፡አደረገኝ።
12፤ቀስቱን፡ገተረ፡ለፍላጻውም፡እንደ፡ጊጤ፡አደረገኝ።
13፤ሄ።የሰገባውን፡ፍላጻዎች፡በኵላሊቴ፡ውስጥ፡ተከለ።
14፤ለወገኔ፡ዅሉ፡ማላገጫ፡ቀኑንም፡ዅሉ፡መሳለቂያ፡ኾንኹ።
15፤ምሬት፡ሞላብኝ፡በሬትም፡አጠገበኝ።
16፤ዋው።ጥርሴን፡በጭንጫ፡ሰበረ፥በዐመድም፡ከደነኝ።
17፤ነፍሴን፡ከሰላም፡አራቅኽ፤በጎ፡ነገርን፡ረሳኹ።
18፤እኔም፦ኀይሌ፡ከእግዚአብሔርም፡ዘንድ፡ያለው፡ተስፋዬ፡ጠፋ፡አልኹ።
19፤ዛይ።መከራዬንና፡ችግሬን፡ሬትንና፡ሐሞትን፡ዐስብ።
20፤ነፍሴ፡እያሰበችው፡በውስጤ፡ፈዘዘች።
21፤ይህችን፡በልቤ፡አኖራለኹ፥ስለዚህ፡እታገሣለኹ።
22፤ሔት።ያልጠፋነው፡ከእግዚአብሔር፡ምሕረት፡የተነሣ፡ነው፤ርኅራኄው፡አያልቅምና።
23፤ማለዳ፡ማለዳ፡ዐዲስ፡ነው፤ታማኝነትኽ፡ብዙ፡ነው።
24፤ነፍሴ፦እግዚአብሔር፡ዕድል፡ፈንታዬ፡ነው፤ስለዚህ፥ተስፋ፡አደርገዋለኹ፡አለች።
25፤ጤት።እግዚአብሔር፡በተስፋ፡ለሚጠብቁት፡ለምትሻውም፡ነፍስ፡መልካም፡ነው።
26፤ሰው፡ዝም፡ብሎ፡የእግዚአብሔርን፡ማዳን፡ተስፋ፡ቢያደርግ፡መልካም፡ነው።
27፤ሰው፡በታናሽነቱ፡ቀንበር፡ቢሸከም፡መልካም፡ነው።
28፤ዮድ።ርሱ፡አሸክሞታልና፥ዝም፡ብሎ፡ለብቻው፡ይቀመጥ።
29፤ተስፋ፡የኾነው፡እንደ፡ኾነ፡አፉን፡በዐፈር፡ውስጥ፡ያኑር።
30፤ጕንጩን፡ለሚመታው፡ይስጥ፥ስድብንም፡ይጥገብ።
31፤ካፍ።ጌታ፡ለዘለዓለም፡አይጥልምና፤
32፤ቢያሳዝንም፡እንደ፡ምሕረቱ፡ብዛት፡ይራራልና፤
33፤የሰውን፡ልጆች፡ከልቡ፡አያስጨንቅም፥አያሳዝንምም።
34፤ላሜድ።በምድር፡የተጋዙትን፡ዅሉ፡ከእግሩ፡በታች፡ይረግጣቸው፡ዘንድ፥
35፤የሰውን፡ፍርድ፡በልዑል፡ፊት፡ይመልስ፡ዘንድ፥
36፤የሰውን፡ፍርድ፡ያጣምም፡ዘንድ፡ጌታ፡ዕሺ፡አይልም።
37፤ሜም።ጌታ፡ያላዘዘውን፡የሚልና፡የሚፈጽም፡ማን፡ነው፧
38፤ከልዑል፡አፍ፡ክፉና፡መልካም፡ነገር፡አይወጣምን፧
39፤ሕያው፡ሰው፡የሚያጕረመርም፥ሰው፡ስለኀጢአቱ፡ቅጣት፡የሚያጕረመርም፡ስለ፡ምንድር፡ነው፧
40፤ኖን።መንገዳችንን፡እንመርምርና፡እንፈትን፥ወደ፡እግዚአብሔርም፡እንመለስ።
41፤ልባችንን፡ከእጃችን፡ጋራ፡በሰማይ፡ወዳለው፡ወደ፡እግዚአብሔር፡እናንሣ።
42፤በድለናል፡ዐምፀናልም፥አንተም፡ይቅር፡አላልኽም።
43፤ሳምኬት።በቍጣ፡ከደንኸን፡አሳደድኸንም፤ገደልኸን፥አልራራኽም።
44፤ጸሎት፡እንዳያልፍ፡ራስኽን፡በደመና፡ከደንኽ።
45፤በአሕዛብ፡መካከል፡ጕድፍና፡ውዳቂ፡አደረግኸን።
46፤ዔ።ጠላቶቻችን፡ዅሉ፡አፋቸውን፡አላቀቁብን።
47፤ድንጋጤና፡ቍጣ፥ጥፋትና፡ቅጥቃጤ፡ኾነብን።
48፤ስለወገኔ፡ሴት፡ልጅ፡ቅጥቃጤ፡ዐይኔ፡የውሃ፡ፈሳሽ፡አፈሰሰች።
49፤50፤ፌ።እግዚአብሔር፡ከሰማይ፡እስኪጐበኝና፡እስኪመለከት፡ድረስ፡ዐይኔ፡ሳታቋርጥ፡ዝም፡ሳትል፡እንባ፡ታ ፈሳ፟ለች።
51፤ስለከተማዬ፡ቈነዣዥት፡ዅሉ፡ዐይኔ፡ነፍሴን፡አሳዘነች።
52፤ጻዴ።በከንቱ፡ነገር፡ጠላቶች፡የኾኑኝ፡እንደ፡ወፍ፡ማደንን፡አደኑኝ።
53፤ሕይወቴን፡በጕድጓድ፡አጠፉ፥በላዬም፡ድንጋይ፡ጣሉ።
54፤በራሴ፡ላይ፡ውሃዎች፡ተከነበሉ፤እኔም፦ጠፋኹ፡ብዬ፡ነበር።
55፤ቆፍ።አቤቱ፥በጠለቀ፡ጕድጓድ፡ውስጥ፡ኾኜ፡ስምኽን፡ጠራኹ።
56፤ድምፄን፡ሰማኽ፤ዦሮኽን፡ከልመናዬ፡አትመልስ።
57፤በጠራኹኽ፡ቀን፡ቀርበኽ፦አትፍራ፡አልኽ።
58፤ሬስ።ጌታ፡ሆይ፥ስለ፡ነፍሴ፡ተሟግተኽ፡ሕይወቴን፡ተቤዠኽ።
59፤አቤቱ፥ጭንቀቴን፡አይተኻል፥ፍርዴን፡ፍረድልኝ።
60፤በቀላቸውን፡ዅሉና፡በእኔ፡ላይ፡ያለውን፡ዐሳባቸውን፡ዅሉ፡አየኽ።
61፤ሳን።አቤቱ፥ስድባቸውንና፡በእኔ፡ላይ፡ያለውን፡ዐሳባቸውን፡ዅሉ፥
62፤የተነሡብኝን፡ሰዎች፡ከንፈሮች፡ቀኑንም፡ዅሉ፡ያሰቡብኝን፡ዐሳባቸውን፡ሰማኽ።
63፤መቀመጣቸውንና፡መነሣታቸውን፡ተመልከት፤እኔ፡መሳለቂያቸው፡ነኝ።
64፤ታው።አቤቱ፥እንደ፡እጃቸው፡ሥራ፡ፍዳቸውን፡ትከፍላቸዋለኽ።
65፤የልብ፡ዕውርነትንና፡ርግማንኽን፡ትሰጣቸዋለኽ።
66፤አቤቱ፥በቍጣ፡ታሳድዳቸዋለኽ፡ከሰማይም፡በታች፡ታጠፋቸዋለኽ።
_______________ሰቆቃወ፡ኤርምያስ፥ምዕራፍ፡4።______________
ምዕራፍ፡4።
1፤አሌፍ።ወርቁ፡እንዴት፡ደበሰ! ጥሩው፡ወርቅ፡እንዴት፡ተለወጠ! የመቅደሱ፡ድንጋዮች፡በጐዳና፡ዅሉ፡ራስ፡ተበተኑ።
2፤ቤት።ጥሩ፡ወርቅ፡የሚመስሉ፡የከበሩ፡የጽዮን፡ልጆች፥የሸክላ፡ሠሪ፡እጅ፡እንደ፡ሠራው፡እንደ፡ሸክላ፡ዕቃ፡ እንዴት፡ተቈጠሩ!
3፤ጋሜል።ቀበሮዎች፡እንኳ፡ጡቶታቸውን፡ገልጠው፡ግልገሎቻቸውን፡አጠቡ፤የወገኔ፡ልጅ፡ግን፡እንደ፡ምድረ፡በዳ ፡ሰጐን፡ጨካኝ፡ኾነች።
4፤ዳሌጥ።ጡት፡የሚጠባው፡የሕፃን፡ምላስ፡ከጥም፡የተነሣ፡ወደ፡ትናጋው፡ተጣበቀ፤ሕፃናት፡እንጀራ፡ለመኑ፥የሚ ቈርስላቸውም፡የለም።
5፤ሄ።የጣፈጠ፡ነገር፡ይበሉ፡የነበሩ፡በመንገድ፡ጠፉ፤በቀይ፡ግምጃ፡ያድጉ፡የነበሩ፡የፍግ፡ክምር፡ዐቀፉ።
6፤ዋው።የማንም፡እጅ፡ሳይወድቅባት፡ድንገት፡ከተገለበጠች፡ከሰዶም፡ኀጢአት፡ይልቅ፡የወገኔ፡ሴት፡ልጅ፡ኀጢአ ት፡በዛች።
7፤ዛይ።አለቃዎቿ፡ከበረዶ፡ይልቅ፡ጥሩ፥ከወተት፡ይልቅ፡ነጭ፡ነበሩ፤ገላቸው፡ከቀይ፡ዕንቍ፡ይልቅ፡ቀይ፡ነበረ ፥መልካቸውም፡እንደ፡ሰንፔር፡ነበረ።
8፤ሔት።ፊታቸው፡ከጥቀርሻ፡ይልቅ፡ጠቍሯል፥በመንገድም፡አልታወቁም፤ቍርበታቸው፡ወደ፡ዐጥንታቸው፡ተጣብቋል፤ ደርቋል፤እንደ፡ዕንጨት፡ኾኗል።
9፤ጤት።በሰይፍ፡የሞቱ፡በራብ፡ከሞቱት፡ይሻላሉ፤እነዚህ፡የምድርን፡ፍሬ፡ዐጥተው፡ተወግተውም፡ቀጥነዋል።
10፤ዮድ።የርኅሩኆች፡ሴቶች፡እጆች፡ልጆቻቸውን፡ቀቅለዋል፤የወገኔ፡ሴት፡ልጅ፡በመቀጥቀጧ፡መብል፡ኾኗቸው።
11፤ካፍ።እግዚአብሔር፡መዓቱን፡ፈጽሟል፥ጽኑ፡ቍጣውን፡አፍስሷል፤እሳትን፡በጽዮን፡ውስጥ፡አቃጠለ፥መሠረቷን ም፡በላች።
12፤ላሜድ።የምድር፡ነገሥታት፡በዓለምም፡የሚኖሩ፡ዅሉ፡አስጨናቂና፡ጠላት፡በኢየሩሳሌም፡በር፡እንዲገባ፡አላ መኑም።
13፤ሜም።የጻድቃንን፡ደም፡በውስጧ፡ስላፈሰሱ፡ስለነቢያቷ፡ኀጢአትና፡ስለካህናት፡በደል፡ነው።
14፤ኖን።ታውረው፡በመንገድ፡ላይ፡ተቅበዘበዙ፤ልብሳቸው፡እንዳይዳሰስ፡በደም፡ረክሰዋል።
15፤ሳምኬት።እናንተ፡ርኩሳን፥ራቁ፥ርቃችኹም፡ኺዱ፥አትንኩ፡ብለው፡ጮኹባቸው።በሸሹና፡በተቅበዘበዙ፡ጊዜ፥በ አሕዛብ፡መካከል።በዚህ፡ከእንግዲህ፡ወዲህ፡አይኖሩም፡ተባለ።
16፤ዔ።የእግዚአብሔር፡ፊት፡በተናቸው፡ርሱም፡ከእንግዲህ፡ወዲህ፡አይመለከታቸውም፤የካህናቱን፡ፊት፡አላፈሩ ም፥ሽማግሌዎቹንም፡አላከበሩም።
17፤ፌ።ዐይናችን፡ወደ፡ከንቱ፡ረዳታችን፡ገና፡ሲመለከት፡ጠፍቷል፤በመቈየታችን፡ማዳን፡የማይቻለውን፡ሕዝብ፡ ጠብቀናል።
18፤ጻዴ።በአደባባያችን፡እንዳንኼድ፡ፍለጋችንን፡ተከተሉ፤ፍጻሜያችን፡ቀርቧል፥ዕድሜያችን፡አልቋል፥ፍጻሜያ ችን፡ደርሷል።
19፤ቆፍ።አሳዳጆቻችን፡ከሰማይ፡ንስር፡ይልቅ፡ፈጣኖች፡ኾኑ፤በተራራዎች፡ላይ፡አሳደዱን፥በምድረ፡በዳ፡ሸመቁ ብን።
20፤ሬስ።ስለ፡ርሱ፦በአሕዛብ፡መካከል፡በጥላው፡በሕይወት፡እንኖራለን፡ያልነው፡በእግዚአብሔር፡የተቀባ፥የሕ ይወታችን፡እስትንፋስ፥በጕድጓዳቸው፡ተያዘ።
21፤ሳን።በዖፅ፡ምድር፡የምትኖሪ፡የኤዶምያስ፡ልጅ፡ሆይ፥ደስ፡ይበልሽ፡ሐሤትም፡አድርጊ፤ጽዋው፡ደግሞ፡ወደ፡ አንቺ፡ያልፋል፥አንቺም፡ትሰክሪያለሽ፡ትራቈቻለሽም።
22፤ታው።የጽዮን፡ልጅ፡ሆይ፥የበደልሽ፡ቅጣት፡ተፈጸመ፤ከእንግዲህ፡ወዲህ፡አያስማርክሽም።የኤዶምያስ፡ልጅ፡ ሆይ፥በደልሽን፡ይቀጣል፤ኀጢአትሽን፡ይገልጣል።
_______________ሰቆቃወ፡ኤርምያስ፥ምዕራፍ፡5።______________
ምዕራፍ፡5።
1፤አቤቱ፥የኾነብንን፡ዐስብ፤ተመልከት፡ስድባችንንም፡እይ።
2፤ርስታችን፡ለእንግዳዎች፥ቤቶቻችን፡ለሌላዎች፡ኾኑ።
3፤ድኻ፡አደጎችና፡አባት፡የሌለን፡ኾነናል፤እናቶቻችን፡እንደ፡መበለቶች፡ኾነዋል።
4፤ውሃችንን፡በብር፡ጠጣን፡ዕንጨታችንን፡በዋጋ፡ገዛን።
5፤አሳዳጆቻችን፡በዐንገታችን፡ላይ፡ናቸው፤እኛ፡ደክመናል፡ዕረፍትም፡የለንም።
6፤ለግብጻውያንና፡ለአሶራውያን፡እንጀራ፡እንጠግብ፡ዘንድ፡እጅ፡ሰጠን።
7፤አባቶቻችን፡ኀጢአትን፡ሠሩ፡ዛሬም፡የሉም፤እኛም፡በደላቸውን፡ተሸከምን።
8፤ባሪያዎች፡ሠልጥነውብናል፤ከእጃቸው፡የሚታደገን፡የለም።
9፤ከምድረ፡በዳ፡ሰይፍ፡የተነሣ፡በሕይወታችን፡እንጀራችንን፡እናመጣለን።
10፤ከሚያቃጥል፡ከራብ፡ትኵሳት፡የተነሣ፡ቍርበታችን፡እንደ፡ምድጃ፡ጠቈረ።
11፤በጽዮን፡ሴቶችን፥በይሁዳም፡ከተማዎች፡ደናግልን፡አጐሰቈሉ።
12፤አለቃዎች፡በእጃቸው፡ተሰቀሉ፤የሽማግሌዎች፡ፊት፡አልታፈረም።
13፤ጕልማሳዎች፡ወፍጮን፡ተሸከሙ፥ልጆችም፡ከዕንጨት፡በታች፡ተሰናከሉ።
14፤ሽማግሌዎች፡ከአደባባይ፥ጕልማሳዎች፡ከበገናቸው፡ተሻሩ።
15፤የልባችን፡ደስታ፡ቀርቷል፤ዘፈናችን፡ወደ፡ልቅሶ፡ተለውጧል።
16፤አክሊል፡ከራሳችን፡ወድቋል፤ኀጢአት፡ሠርተናልና፥ወዮልን!
17፤ስለዚህ፥ልባችን፡ታሟ፟ል፤ስለዚህም፡ነገር፡ዐይናችን፡ፈዟ፟ል፤
18፤ስለጽዮን፡ተራራ፥ባድማ፡ኾናለችና፥ቀበሮዎችም፡ተመላልሰውባታልና።
19፤አቤቱ፥አንተ፡ለዘለዓለም፡ትኖራለኽ፤ዙፋንኽ፡ከትውልድ፡እስከ፡ትውልድ፡ነው።
20፤ስለ፡ምን፡ለዘለዓለም፡ትረሳናለኽ፧ስለ፡ምንስ፡ለረዥም፡ዘመን፡ትተወናለኽ፧
21፤አቤቱ፥ወዳንተ፡መልሰን፡እኛም፡እንመለሳለን፤ዘመናችንን፡እንደ፡ቀድሞ፡ዐድስ።
22፤ነገር፡ግን፥ፈጽመኽ፡ጥለኸናል፤እጅግ፡ተቈጥተኸናል፨

http://www.gzamargna.net