ትንቢተ፡ሆሴዕ።

(ክለሳ.1.20020507)

_______________ትንቢተ፡ሆሴዕ፥ምዕራፍ፡1።______________
ምዕራፍ፡1።
1፤በይሁዳ፡ነገሥታት፡በዖዝያንና፡በኢዮአታም፡በአካዝና፡በሕዝቅያስም፡ዘመን፡በእስራኤልም፡ንጉሥ፡በዮአስ፡ ልጅ፡በኢዮርብዓም፡ዘመን፡ወደብኤሪ፡ልጅ፡ወደ፡ሆሴዕ፡የመጣ፡የእግዚአብሔር፡ቃል፡ይህ፡ነው፦
2፤እግዚአብሔር፡መዠመሪያ፡በሆሴዕ፡በተናገረ፡ጊዜ፥እግዚአብሔር፡ሆሴዕን፦ምድሪቱ፡ከእግዚአብሔር፡ርቃ፡ታላ ቅ፡ግልሙትና፡ታደርጋለችና፡ኺድ፤ጋለሞታን፡ሴትና፡የግልሙትናን፡ልጆች፡ለአንተ፡ውሰድ፡አለው።
3፤ርሱም፡ኼዶ፡የዴቤላይምን፡ልጅ፡ጎሜርን፡አገባ፤ርሷም፡ፀነሰች፡ወንድ፡ልጅንም፡ወለደችለት።
4፤እግዚአብሔርም፦ከጥቂት፡ዘመን፡በዃላ፡የኢይዝራኤልን፡ደም፡በኢዩ፡ቤት፡ላይ፡እበቀላለኹና፥ከእስራኤልም፡ ቤት፡መንግሥትን፡እሽራለኹና፡ስሙን፡ኢይዝራኤል፡ብለኽ፡ጥራው፤
5፤በዚያም፡ቀን፡በኢይዝራኤል፡ሸለቆ፡ውስጥ፡የእስራኤልን፡ቀስት፡እሰብራለኹ፡አለው።
6፤ደግሞ፡ፀነሰች፡ሴት፡ልጅንም፡ወለደች።እግዚአብሔርም፦ይቅር፡እላቸው፡ዘንድ፡የእስራኤልን፡ቤት፡ከእንግዲ ህ፡ወዲህ፡አልምርምና፡ስሟን፡ሎሩሃማ፡ብለኽ፡ጥራት፤
7፤ነገር፡ግን፥የይሁዳን፡ቤት፡እምራለኹ፤በአምላካቸውም፡በእግዚአብሔር፡አድናቸዋለኹ፡እንጂ፡በቀስት፡ወይም ፡በሰይፍ፡ወይም፡በሰልፍ፡ወይም፡በፈረሶች፡ወይም፡በፈረሰኛዎች፡አላድናቸውም፡አለው።
8፤ሎሩሃማም፡ጡት፡ባስጣለች፡ጊዜ፥ደግሞ፡ፀነሰች፡ወንድ፡ልጅንም፡ወለደች።
9፤እግዚአብሔርም፦ሕዝቤ፡አይደላችኹምና፥እኔም፡አምላክ፡አልኾናችኹምና፡ስሙን፡ሎዓሚ፡ብለኽ፡ጥራው፡አለው።
_______________ትንቢተ፡ሆሴዕ፥ምዕራፍ፡2።______________
ምዕራፍ፡2።
1፤የእስራኤልም፡ልጆች፡ቍጥር፡እንደማይሰፈርና፡እንደማይቈጠር፡እንደ፡ባሕር፡አሸዋ፡ይኾናል፤እንዲህም፡ይኾ ናል፤እናንተ፡ሕዝቤ፡አይደላችኹም፡ተብሎ፡በተነገረበት፡በዚያ፡ስፍራ፡የሕያው፡አምላክ፡ልጆች፡ይባላሉ።
2፤የይሁዳ፡ልጆችና፡የእስራኤል፡ልጆች፡በአንድነት፡ይሰበሰባሉ፥ለእነርሱም፡አንድ፡አለቃ፡ይሾማሉ፥ከምድሪቱ ም፡ይወጣሉ፤የኢይዝራኤል፡ቀን፡ታላቅ፡ይኾናልና።
3፤ወንድሞቻችኹን፦ዓሚ፥እኅቶቻችኹንም፦ሩሃማ፡በሏቸው።
4፤እናታችኹ፡ሚስቴ፡አይደለችምና፥እኔም፡ባሏ፡አይደለኹምና፡ተሟገቱ፤ከእናታችኹ፡ጋራ፡ተሟገቱ።ግልሙትናዋን ፡ከፊቷ፥ምንዝርናዋንም፡ከጡቶቿ፡መካከል፡ታስወግድ፤
5፤ዕራቍቷን፡እንዳልገፋ፟ት፥እንደተወለደችበትም፡ቀን፡እንዳላደርጋት፥እንደ፡ምድረ፡በዳና፡እንደ፡ደረቅ፡ም ድር፡እንዳላደርጋት፥በጥማትም፡እንዳልገድላት፤
6፤የግልሙትናዋ፡ልጆች፡ናቸውና፥ልጆቿን፡አልምርም።
7፤እናታቸው፡አመንዝራለች፤የፀነሰቻቸውም፦እንጀራዬንና፡ውሃዬን፥ጥጤንና፡የተልባ፡እግሬን፥ዘይቴንና፡መጠጤ ን፡ከሚሰጡኝ፡ከውሽማዎቼ፡በዃላ፡እኼዳለኹ፡ብላ፡አስነወረቻቸው።
8፤ስለዚህ፥እንሆ፥መንገድሽን፡በሾኽ፡እዘጋለኹ፥መንገዷንም፡እንዳታገኝ፡ቅጥርን፡እቀጥርባታለኹ።
9፤ውሽማዎቿንም፡ትከተላለች፥ነገር፡ግን፥አትደርስባቸውም፤ትፈልጋቸውማለች፥ነገር፡ግን፥አታገኛቸውም፤ርሷም ፦ከዛሬ፡ይልቅ፡የዚያን፡ጊዜ፡ይሻለኝ፡ነበርና፥ተመልሼ፡ወደቀደመው፡ባሌ፡እኼዳለኹ፡ትላለች።
10፤ርሷም፡እኽልንና፡ወይንን፡ጠጅ፡ዘይትንም፡የሰጠዃት፥ለበዓልም፡የተሠራውን፡ብርና፡ወርቅ፡ያበዛኹላት፡እ ኔ፡እንደ፡ኾንኹ፡አላወቀችም።
11፤ስለዚህ፥እኽሌን፡በጊዜዋ፥ወይን፡ጠጄንም፡በወረቷ፡እወስዳለኹ፥ዕራቍትነቷንም፡እንዳትሸፍን፡ጥጤንና፡የ ተልባ፡እግሬን፡እገፋ፟ታለኹ።
12፤አኹንም፡ውሽማዎቿ፡እያዩ፡ነውሯን፡እገልጣለኹ፤ከእጄም፡ማንም፡አያድናትም።
13፤ደስታዋንም፡ዅሉ፥በዓላቷንም፥መባቻዎቿንም፥ሰንበቶቿንም፥የተቀደሱትንም፡ጉባኤዎችን፡ዅሉ፡አስቀራለኹ።
14፤ርሷም፦ውሽማዎቼ፡የሰጡኝ፡ዋጋዬ፡ይህ፡ነው፡ያለችውን፡ወይኗንና፡በለሷን፡አጠፋለኹ፤ዱርም፡አደርገዋለኹ ፥የምድረ፡በዳም፡አራዊት፡ይበሉታል።
15፤እኔን፡ረስታ፡ውሽማዎቿን፡እየተከተለች፥በጕትቾቿና፡በጌጧም፡እያጌጠች፡ለበዓሊም፡ያጠነችበትን፡ወራት፡ እበቀልባታለኹ፥ይላል፡እግዚአብሔር።
16፤ስለዚህ፥እንሆ፥አባብላታለኹ፥ወደ፡ምድረ፡በዳም፡አመጣታለኹ፥ለልቧም፡እናገራለኹ።
17፤ከዚያም፡የወይን፡ቦታዋን፥የተስፋ፡በርም፡እንዲኾንላት፡የዐኮርን፡ሸለቆ፡እሰጣታለኹ፤በዚያም፡ከግብጽ፡ ምድር፡እንደ፡ወጣችበት፡ቀን፡እንደ፡ሕፃንነቷ፡ወራት፡ትዘምራለች።
18፤በዚያ፡ቀን፡ባሌ፡ብለሽ፡ትጠሪኛለሽ፡እንጂ፡ዳግመኛ፡በኣሌ፡ብለሽ፡አትጠሪኝም፥ይላል፡እግዚአብሔር፤
19፤የበዓሊምን፡ስም፡ከአፏ፡አስወግደዋለኹና፥በስማቸውም፡እንግዲህ፡አይታሰቡምና።
20፤በዚያም፡ቀን፡ከምድር፡አራዊትና፡ከሰማይ፡ወፎች፡ከመሬትም፡ተንቀሳቃሾች፡ጋራ፡ቃል፡ኪዳን፡አደርግላቸዋ ለኹ፤ቀስትንና፡ሰይፍን፡ሰልፍንም፡ከምድሩ፡እሰብራለኹ፥ተከልለውም፡እንዲኖሩ፡አስተኛቸዋለኹ።
21፤ለዘለዓለምም፡ለእኔ፡እንድትኾኚ፡ዐጭሻለኹ፤በጽድቅና፡በፍርድ፡በምሕረትና፡በርኅራኄ፡ዐጭሻለኹ።
22፤ለኔም፡እንድትኾኚ፡በመታመን፡ዐጭሻለኹ፤አንቺም፡እግዚአብሔርን፡ታውቂያለሽ።
23፤በዚያንም፡ቀን፡እመልሳለኹ፥ይላል፡እግዚአብሔር፤ለሰማይ፡እመልሳለኹ፥ሰማይም፡ለምድር፡ይመልሳል፤
24፤ምድርም፡ለእኽልና፡ለወይን፡ጠጅ፡ለዘይትም፡ትመልሳለች፤እነርሱም፡ለኢይዝራኤል፡ይመልሳሉ።
25፤በምድርም፡ላይ፡ለእኔ፡እዘራታለኹ፤ምሕረትም፡የሌላትን፡እምራለኹ፥ሕዝቤም፡ያልኾነውን፦አንተ፡ሕዝቤ፡ነ ኽ፡እለዋለኹ፤ርሱም፦አንተ፡አምላኬ፡ነኽ፡ይለኛል።
_______________ትንቢተ፡ሆሴዕ፥ምዕራፍ፡3።______________
ምዕራፍ፡3።
1፤እግዚአብሔርም፦የእስራኤል፡ልጆች፡ወደ፡ሌላዎች፡አማልክት፡ቢመለሱና፡የዘቢብ፡ጥፍጥፍን፡ቢወዱ፡እንኳ፥እ ግዚአብሔር፡እንደሚወዳቸው፡አንተም፡ውሽማዋን፡የምትወደ፟ውን፡አመንዝራዪትን፡ሴት፡ውደድ፡አለኝ።
2፤እኔም፡በዐሥራ፡ዐምስት፡ብርና፡ባንድ፡ቆሮስ፡መስፈሪያ፡ተኩል፡ገብስ፡ገዛዃት።
3፤ከእኔ፡ጋራ፡ብዙ፡ወራት፡ተቀመጪ፥አታመንዝሪም፥ለሌላ፡ሰውም፡አትኹኚ፤እኔም፡እንዲሁ፡እኾንልሻለኹ፡አልዃ ት።
4፤የእስራኤል፡ልጆች፡ያለንጉሥና፡ያለአለቃ፥ያለመሥዋዕትና፡ያለዐምድ፥ያለኤፉድና፡ያለተራፊም፡ብዙ፡ወራት፡ ይቀመጣሉና፤
5፤ከዚያም፡በዃላ፡የእስራኤል፡ልጆች፡ተመልሰው፡አምላካቸውን፡እግዚአብሔርንና፡ንጉሣቸውን፡ዳዊትን፡ይፈልጋ ሉ፤በዃለኛውም፡ዘመን፡ፈርተው፡ወደ፡እግዚአብሔርና፡ወደ፡በረከቱ፡ይመጣሉ።
_______________ትንቢተ፡ሆሴዕ፥ምዕራፍ፡4።______________
ምዕራፍ፡4።
1፤እናንተ፡የእስራኤል፡ልጆች፡ሆይ፥እውነትና፡ምሕረት፡እግዚአብሔርንም፡ማወቅ፡በምድር፡ስለሌለ፡እግዚአብሔ ር፡በምድሩ፡ላይ፡ከሚኖሩ፡ጋራ፡ክርክር፡አለውና፡የእግዚአብሔርን፡ቃል፡ስሙ።
2፤ርግማንና፡ሐሰት፡ግዳይና፡ስርቆት፡ምንዝርናም፡ወጥተዋል፤ደምም፡ወደ፡ደም፡ደርሷል።
3፤ስለዚህ፥ምድሪቱ፡ታለቅሳለች፥በርሷም፡የሚቀመጡ፡ዅሉ፡ከምድር፡አራዊትና፡ከሰማይ፡ወፎች፡ጋራ፡ይደክማሉ፤ የባሕሩም፡ዓሣዎች፡ያልቃሉ።
4፤ነገር፡ግን፥ሕዝብኽ፡ከካህን፡ጋራ፡እንደሚከራከሩ፡ናቸውና፥ማንም፡አይከራከር፥ማንም፡አይዝለፍ።
5፤በቀንም፡ትሰናከላለኽ፥ነቢዩም፡ከአንተ፡ጋራ፡በሌሊት፡ይሰናከላል፤እናትኽንም፡አጠፋታለኹ።
6፤ሕዝቤ፡ዕውቀት፡ከማጣቱ፡የተነሣ፡ጠፍቷል፤አንተም፡ዕውቀትን፡ጠልተኻልና፥እኔ፡ካህን፡እንዳትኾነኝ፡እጠላ ኻለኹ፤የአምላክኽንም፡ሕግ፡ረስተኻልና፥እኔ፡ደግሞ፡ልጆችኽን፡እረሳለኹ።
7፤እንደ፡ብዛታቸው፡መጠን፡ኀጢአት፡ሠሩብኝ፤እኔም፡ክብራቸውን፡ወደ፡ነውር፡እለውጣለኹ።
8፤የሕዝቤም፡ኀጢአት፡መብል፡ኾኖላቸዋል፥ልባቸውንም፡ወደ፡በደላቸው፡አድርገዋል።
9፤እንደ፡ሕዝቡም፡እንዲሁ፡ካህኑ፡ይኾናል፤በመንገዳቸውም፡እበቀላቸዋለኹ፥ሥራቸውንም፡እመልስባቸዋለኹ።
10፤እግዚአብሔርንም፡መጠበቅ፡ትተዋልና፥ሲበሉ፡አይጠግቡም፥ሲያመነዝሩም፡አይበዙም።
11፤ግልሙትናና፡የወይን፡ጠጅ፡ስካርም፡አእምሮን፡ያጠፋል።
12፤የግልሙትና፡መንፈስ፡ሕዝቤን፡አስቷቸዋልና፥እነርሱም፡ከአምላካቸው፡ርቀው፡አመንዝረዋልና፥በትራቸውን፡ ይጠይቃሉ፥ዘንጋቸውም፡ይመልስላቸዋል።
13፤በተራራዎችም፡ራስ፡ላይ፡ይሠዋሉ፤ጥላውም፡መልካም፡ነውና፥ከኮምበልና፡ከልብን፣ከአሆማም፡ዛፍ፡በታች፡በ ኰረብታዎች፡ላይ፡ያጥናሉ፤ስለዚህ፥ሴቶች፡ልጆቻችኹ፡ይገለሙታሉ፥ሙሽሮቻችኹም፡ያመነዝራሉ።
14፤ወንዶችም፡ደግሞ፡ከጋለሞታዎች፡ጋራ፡ይጫወታሉና፥ከጋለሞታዎችም፡ጋራ፡ይሠዋሉና፡ሴቶች፡ልጆቻችኹ፡በገለ ሞቱ፡ጊዜ፥ሙሽሮቻችኹም፡ባመነዘሩ፡ጊዜ፡አልቀጣቸውም፤የማያስተውልም፡ሕዝብ፡ይገለበጣል።
15፤እስራኤል፡ሆይ፥አንተ፡ብታመነዝር፡ይሁዳ፡አይበድል፤እናንተም፡ወደ፡ገልገላ፡አትግቡ፥ወደ፡ቤትአዌንም፡ አትውጡ፥ወይም፦ሕያው፡እግዚአብሔርን! ብላችኹ፡አትማሉ።
16፤እስራኤል፡እንደ፡እልከኛ፡ጊደር፡እንቢ፡ብሏል፤እግዚአብሔርስ፡በሰፊው፡ቦታ፡እንደ፡ጠቦት፡ያሰማራዋልን ፧
17፤ኤፍሬም፡ከጣዖታት፡ጋራ፡ተጋጠመ፤ተወው።
18፤ስካርን፡ፈጽመዋል፥ግልሙትናንም፡አብዝተዋል፤አለቃዎቿም፡ነውርን፡እጅግ፡ወደዱ።
19፤ነፋስ፡በክንፏ፡አስሯታል፤ከመሥዋዕታቸውም፡የተነሣ፡ያፍራሉ።
_______________ትንቢተ፡ሆሴዕ፥ምዕራፍ፡5።______________
ምዕራፍ፡5።
1፤ካህናት፡ሆይ፥ይህን፡ስሙ፤የእስራኤል፡ቤት፡ሆይ፥አድምጡ፤የንጉሥ፡ቤት፡ሆይ፥ልብ፡አድርጉ፤በምጽጳ፡ላይ፡ ወጥመድ፥በታቦርም፡ላይ፡የተዘረጋ፡አሽክላ፡ኾናችዃልና፥ፍርድ፡በእናንተ፡ላይ፡ነው።
2፤ዐመፀኛዎችም፡ዕርድ፡አብዝተዋል፤እኔ፡ግን፡እነዚያን፡ዅሉ፡እዘልፋለኹ።
3፤ኤፍሬምን፡ዐውቀዋለኹ፥እስራኤልም፡ከእኔ፡አልተሰወረም፤ኤፍሬም፡ሆይ፥ዛሬ፡አመንዝረኻል፥እስራኤልም፡ረክ ሷል።
4፤ወደ፡አምላካቸው፡ይመለሱ፡ዘንድ፡ሥራቸውን፡አላቀኑም፤የግልሙትና፡መንፈስ፡በውስጣቸው፡አለና፤እግዚአብሔ ርንም፡አላወቁምና።
5፤የእስራኤልም፡ትዕቢት፡በፊቱ፡ይመሰክራል፤ስለዚህ፥እስራኤልና፡ኤፍሬም፡በኀጢአታቸው፡ይሰናከላሉ፤ይሁዳም ፡ደግሞ፡ከነሱ፡ጋራ፡ይሰናከላል።
6፤እግዚአብሔርንም፡ለመሻት፡በጎቻቸውንና፡ላሞቻቸውን፡ነድተው፡ይኼዳሉ፤ነገር፡ግን፥ርሱ፡ከነርሱም፡ተመልሷ ልና፥አያገኙትም።
7፤ዲቃላዎችን፡ልጆች፡ወልደዋልና፥እግዚአብሔርን፡ወንጅለዋል፤አኹንም፡አንድ፡ወር፡እነርሱንና፡ርስታቸውን፡ ይበላቸዋል።
8፤በጊብዓ፡መለከትን፥በራማ፡እንቢልታን፡ንፉና፦ብንያም፡ሆይ፥ከአንተ፡በዃላ፥እያላችኹ፡በቤትአዌን፡ላይ፡እ ሪ፡በሉ።
9፤ኤፍሬም፡በዘለፋ፡ቀን፡የፈረሰ፡ይኾናል።በእስራኤል፡ነገዶች፡ዘንድ፡በርግጥ፡የሚኾነውን፡ነገር፡ገልጫለኹ ።
10፤የይሁዳ፡አለቃዎች፡ድንበርን፡እንደሚነቅሉ፡ኾነዋል፤እኔም፡መዓቴን፡እንደ፡ውሃ፡አፈስ፟ባቸዋለኹ።
11፤ኤፍሬም፡ከትእዛዝ፡በዃላ፡መኼድን፡ወዷ፟ልና፥የተገፋና፡በፍርድ፡የተጐዳ፡ኾኗል።
12፤እኔም፡ለኤፍሬም፡እንደ፡ብል፥ለይሁዳም፡ቤት፡እንደ፡ነቀዝ፡ኾኛለኹ።
13፤ኤፍሬምም፡ደዌውን፥ይሁዳም፡ቍስሉን፡ባየ፡ጊዜ፡ኤፍሬም፡ወደ፡አሶር፡ኼደ፡ወደ፡ንጉሡም፡ወደ፡ኢያሪም፡መ ልእክተኛን፡ላከ፤ርሱ፡ግን፡ይፈውሳችኹ፡ዘንድ፥ከቍስላችኹም፡ያድናችኹ፡ዘንድ፡አልቻለም።
14፤እኔም፡ለኤፍሬም፡እንደ፡አንበሳ፥ለይሁዳም፡ቤት፡እንደ፡አንበሳ፡ደቦል፡እኾናለኹና፤እኔም፡ነጥቄ፡እኼዳ ለኹ፡እወስድማለኹ፥የሚያድንም፡አይገኝም።
15፤በደላቸውንም፡እስኪያውቁ፡ድረስ፥ፊቴንም፡እስኪሹ፡ድረስ፡ኼጄ፡ወደ፡ስፍራዬ፡እመለሳለኹ፤በመከራቸው፡ጊ ዜ፡እጅግ፡አድርገው፡ፊቴን፡ይፈልጋሉ።
_______________ትንቢተ፡ሆሴዕ፥ምዕራፍ፡6።______________
ምዕራፍ፡6።
1፤ኑ፥ወደ፡እግዚአብሔር፡እንመለስ፤ርሱ፡ሰብሮናልና፥ርሱም፡ይፈውሰናል፤ርሱ፡መቶ፟ናል፥ርሱም፡ይጠግነናል።
2፤ከኹለት፡ቀን፡በዃላ፡ያድነናል፤በሦስተኛውም፡ቀን፡ያስነሣናል፥በፊቱም፡በሕይወት፡እንኖራለን።
3፤እንወቅ፤እናውቀውም፡ዘንድ፡እግዚአብሔርን፡እንከተል፤እንደ፡ወገግታም፡ተዘጋጅቶ፡እናገኘዋለን፤እንደ፡ዝ ናብም፡ምድርንም፡እንደሚያጠጣ፡እንደ፡መጨረሻ፡ዝናብ፡ይመጣል።
4፤ምሕረታችኹ፡እንደ፡ማለዳ፡ደመና፥በማለዳም፡እንደሚያልፍ፡ጠል፡ነውና፥ኤፍሬም፡ሆይ፥ምን፡ላድርግልኽ፧ይሁ ዳ፡ሆይ፥ምን፡ላድርግልኽ፧
5፤ስለዚህ፥በነቢያት፡እጅ፡ቈረጥዃቸው፥በአፌም፡ቃል፡ገደልዃቸው፤ፍርዴም፡እንደ፡ብርሃን፡ይወጣል።
6፤ከመሥዋዕት፡ይልቅ፡ምሕረትን፥ከሚቃጠልም፡መሥዋዕት፡ይልቅ፡እግዚአብሔርን፡ማወቅ፡እወዳለኹና።
7፤እነርሱ፡ግን፡እንደ፡አዳም፡ቃል፡ኪዳንን፡ተላልፈዋል፤በዚያም፡ላይ፡ወንጅለውኛል።
8፤ገለዓድ፡ኀጢአትን፡የሚሠሩ፡ሰዎች፡ከተማ፥በደምም፡የተቀባ፡ነው።
9፤ለሰውም፡እንደሚያደቡ፡ወንበዴዎች፥እንዲሁ፡የካህናት፡ወገኖች፡በሴኬም፡መንገድ፡ላይ፡ይገድላሉ፤ሴሰኝነት ንም፡ያደርጋሉ።
10፤በእስራኤል፡ቤት፡የሚያስፈራን፡ነገር፡አይቻለኹ፤በዚያ፡በኤፍሬም፡ውስጥ፡ግልሙትና፡ተገኘ፥እስራኤልም፡ ረክሷል።
11፤ይሁዳ፡ሆይ፥የሕዝቤን፡ምርኮ፡በምመልስበት፡ጊዜ፡ለአንተ፡ደግሞ፡መከር፡ተወስኖልኻል።
_______________ትንቢተ፡ሆሴዕ፥ምዕራፍ፡7።______________
ምዕራፍ፡7።
1፤በሐሰት፡አድርገዋልና፥ሌባም፡ገብቷልና፥በውጭም፡ወንበዴዎች፡ቀምተዋልና፥እስራኤልን፡እፈውስ፡ዘንድ፡በወ ደድኹ፡ጊዜ፡የኤፍሬም፡ኀጢአትና፡የሰማርያ፡ክፋት፡ተገለጠ።
2፤እኔም፡ክፋታቸውን፡ዅሉ፡እንዳሰብኹ፡በልባቸው፡አያስቡም፡አኹንም፡ሥራቸው፡ከባ፟ቸዋለች፥በፊቴም፡አለች።
3፤ንጉሡን፡በክፋታቸው፥አለቃዎቹንም፡በሐሰታቸው፡ደስ፡አሰኝተዋል።
4፤ዅሉም፡አመንዝራዎች፡ናቸው፤ጋጋሪ፡እንደሚያነድ፟በት፡እንደ፡ምድጃ፡ናቸው፤ዅሉ፡እስኪቦካ፡ድረስ፡እሳትን ፡መቈስቈስና፡ርሾን፡መለወስ፡ይቈያል።
5፤በንጉሣችን፡ቀን፡አለቃዎች፡ከወይን፡ጠጅ፡ሙቀት፡የተነሣ፡ታመሙ፤ርሱም፡ከዋዘኛዎች፡ጋራ፡እጁን፡ዘረጋ።
6፤እያደቡ፡ልባቸውን፡እንደ፡ምድጃ፡አዘጋጅተዋል፤አበዛቸውም፡ሌሊቱን፡ዅሉ፡አንቀላፋ፤በጠባም፡ጊዜ፡እንደ፡ እሳት፡ነበልባል፡ይነዳል።
7፤ዅሉም፡እንደ፡ምድጃ፡ግለዋል፥ፈራጆቻቸውንም፡በሉ፤ነገሥታታቸውም፡ዅሉ፡ወደቁ፤ከነርሱም፡ወደ፡እኔ፡የሚጮ ኽ፡የለም።
8፤ኤፍሬም፡ከአሕዛብ፡ጋራ፡ተደባለቀ፤ኤፍሬም፡እንዳልተገላበጠ፡ቂጣ፡ነው።
9፤እንግዳዎች፡ጕልበቱን፡በሉት፥ርሱም፡አላወቀም፤ሽበትም፡ወጣበት፥ርሱም፡አላወቀም።
10፤የእስራኤልም፡ትዕቢቱ፡በፊቱ፡መሰከረ፤ወደ፡አምላካቸው፡ወደ፡እግዚአብሔር፡ግን፡አልተመለሱም፥በዚህም፡ ዅሉ፡አልፈለጉትም።
11፤ኤፍሬምም፡አእምሮ፡እንደሌላት፡እንደ፡ሰነፍ፡ርግብ፡ነው፤ግብጽን፡ጠሩ፥ወደ፡አሶርም፡ኼዱ።
12፤ሲኼዱ፡አሽክላዬን፡እዘረጋባቸዋለኹ፤እንደሰማይ፡ወፎች፡አወርዳቸዋለኹ፤መከራቸውን፡ሲሰሙ፡እገሥጻቸዋለ ኹ።
13፤ከእኔ፡ፈቀቅ፡ብለዋልና፥ወዮላቸው! በእኔም፡ላይ፡ዐምፀዋልና፥ጥፋት፡ይምጣባቸው! እኔ፡ልታደጋቸው፡ወደድኹ፥እነርሱ፡ግን፡በሐሰት፡ተናገሩብኝ።
14፤በመኝታቸው፡ላይ፡ኾነው፡ያለቅሱ፡ነበር፡እንጂ፡በልባቸው፡ወደ፡እኔ፡አልጮኹም፤ስለ፡እኽልና፡ስለ፡ወይን ፡ጠጅ፡ይሰበሰቡ፡ነበር፤በእኔም፡ላይ፡ዐመፁ።
15፤እኔም፡ክንዳቸውን፡አስተማርኹና፡አጸናኹ፤እነርሱ፡ግን፡ክፉ፡ነገርን፡መከሩብኝ።
16፤ወደ፡ከንቱ፡ነገር፡ተመለሱ፤እንደ፡ተንኰለኛ፡ቀስት፡ኾኑ፤አለቃዎቻቸው፡ከምላሳቸው፡ቍጣ፡የተነሣ፡በሰይ ፍ፡ይወድቃሉ፤ይህ፡በግብጽ፡ምድር፡ውስጥ፡መሳለቂያ፡ይኾንባቸዋል።
_______________ትንቢተ፡ሆሴዕ፥ምዕራፍ፡8።______________
ምዕራፍ፡8።
1፤መለከትን፡ወደ፡አፍኽ፡አቅርብ፤ቃል፡ኪዳኔን፡ተላልፈዋልና፥በሕጌም፡ላይ፡ዐምፀዋልና፥በእግዚአብሔር፡ቤት ፡ላይ፡እንደ፡ንስር፡ይመጣል።
2፤እነርሱም፦አምላክ፡ሆይ፥እኛ፡እስራኤል፡ዐወቅንኽ፡ብለው፡ወደ፡እኔ፡ይጮኻሉ።
3፤እስራኤል፡ደግነትን፡ጥሏል፤ጠላትም፡ያሳድዱታል።
4፤ለራሳቸው፡ነገሥታትን፡አነገሡ፥ከእኔም፡ዘንድ፡አይደለም፤አለቃዎችንም፡አደረጉ፥እኔም፡አላወቅኹም፤ለጥፋ ታቸውም፡ከብራቸውና፡ከወርቃቸው፤ጣዖታትን፡ለራሳቸው፡አደረጉ።
5፤ሰማርያ፡ሆይ፥እንቦሳኽን፤ጥሏል፤ቍጣዬ፡በላያቸው፡ነዷ፟ል፤እስከ፡መቼ፡ድረስ፡ንጹሕ፡ሊኾኑ፡አይችሉም፧
6፤ይህ፡ደግሞ፡ከእስራኤል፡ዘንድ፡ነው፤ሠራተኛ፡ሠራው፥ርሱም፡አምላክ፡አይደለም፤የሰማርያም፡እንቦሳ፡ይቈራ ረጣል።
7፤ነፍስን፡ዘርተዋል፥ዐውሎ፡ነፍስንም፡ያጭዳሉ፤አገዳ፡የለውም፥ከፍሬውም፡ዱቄት፡አይገኝም፤ቢገኝም፡እንግዳ ዎች፡ይበሉታል።
8፤እስራኤል፡ተውጧል፥በአሕዛብም፡መካከል፡ዛሬ፡እንደ፡ረከሰ፡ዕቃ፡ኾኗል።
9፤ለብቻውም፡እንደሚቀመጥ፡እንደ፡ምድረ፡በዳ፡አህያ፡ወደ፡አሶር፡ወጥተዋል፤ኤፍሬምም፡ወዳጆቹን፡በእጅ፡መን ሻ፡ገዛ።
10፤ነገር፡ግን፥ለአሕዛብ፡እጅ፡መንሻ፡ቢሰጡ፡እኔ፡አኹን፡እሰበስባቸዋለኹ፤ከንጉሥና፡ከአለቃዎችም፡ሸክም፡ የተነሣ፡ይደክማሉ።
11፤ኤፍሬም፡ኀጢአትን፡ለመሥራት፡መሠዊያ፡አብዝቷልና፥መሠዊያ፡ለኀጢአት፡ይኾንለታል።
12፤የሕጌን፡ብዛት፡ጽፌለታለኹ፤እነርሱ፡ግን፡እንደ፡እንግዳ፡ነገር፡ቈጥረውታል።
13፤መሥዋዕቴን፡ያቀርባሉ፥ሥጋንም፡ያርዳሉ፥ይበላሉም፤እግዚአብሔር፡ግን፡አይቀበላቸውም፤በደላቸውንም፡ያስ ባል፥ኀጢአታቸውንም፡ይቀጣል፤እነርሱም፡ወደ፡ግብጽ፡ይመለሳሉ።
14፤እስራኤል፡ፈጣሪውን፡ረስቷል፥መስገጃዎችንም፡ሠርቷል፤ይሁዳም፡የተመሸጉትን፡ከተማዎች፡አብዝቷል፤እኔ፡ ግን፡በከተማዎች፡ላይ፡እሳትን፡እሰዳለኹ፥አዳራሾችንም፡ትበላለች።
_______________ትንቢተ፡ሆሴዕ፥ምዕራፍ፡9።______________
ምዕራፍ፡9።
1፤እስራኤል፡ሆይ፥ከአምላክኽ፡ተለይተኽ፡አመንዝረኻልና፥እንደ፡አሕዛብ፡ደስ፡አይበልኽ፥ሐሴትንም፡አታድርግ ፤በእኽሉ፡ዐውድማ፡ዅሉ፡ላይ፡የግልሙትናን፡ዋጋ፡ወደ፟ኻል።
2፤ዐውድማውና፡መጥመቂያው፡አይመግባቸውም፥ጕሽ፡ጠጅም፡ይጐድልባታል።
3፤በእግዚአብሔር፡ምድር፡ላይ፡አይቀመጡም፤ኤፍሬምም፡ወደ፡ግብጽ፡ይመለሳል፥በአሶርም፡ርኩስን፡ነገር፡ይበላ ሉ።
4፤ለእግዚአብሔርም፡የወይን፡ጠጅን፡ቍርባን፡አያፈሱ፟ም፥መሥዋዕታቸውም፡ደስ፡አያሠኘውም፤የሐዘንም፡እንጀራ ፡ይኾንላቸዋል፥የሚበላውም፡ዅሉ፡ይረክሳል፤እንጀራቸውም፡ለሰውነታቸው፡ይኾናል፡እንጂ፡ወደእግዚአብሔር፡ቤ ት፡አይገባም።
5፤በዓመት፡በዓል፡ቀንና፡በእግዚአብሔር፡በዓል፡ቀን፡ምን፡ታደርጋላችኹ፧
6፤እንሆ፥ከጥፋት፡ሸሽተው፡ኼዱ፥ግብጽም፡ትሰበስባቸዋለች፥ሜምፎስም፡ትቀብራቸዋለች፤ሳማም፡የብራቸውን፡ጌጥ ፡ይወርሳል፥ሾኽም፡በድንኳኖቻቸው፡ውስጥ፡ይበቅላል።
7፤የበቀል፡ወራት፡መጥቷል፥የፍዳም፡ወራት፡ደርሷል፥እስራኤልም፡ያውቃል፤ከኀጢአትኽና፡ከጠላትነትኽ፡ብዛት፡ የተነሣ፡ነቢዩ፡ሰንፏል፥መንፈስም፡ያለበት፡ሰው፡አብዷል።
8፤ኤፍሬም፡ከአምላኬ፡ጋራ፡ተመልካች፡ነበረ፤አኹን፡ግን፡ነቢዩ፡በመንገዱ፡ዅሉ፡ላይ፡የወፍ፡ወጥመድ፡ኾነ፥በ አምላኩም፡ቤት፡ጠላትነት፡አለ።
9፤በጊብዓ፡ዘመን፡እንደ፡ነበረ፡እጅግ፡ረከሱ፤ርሱም፡በደላቸውን፡ያስባል፥ኀጢአታቸውንም፡ይበቀላል።
10፤እስራኤልን፡በምድረ፡በዳ፡እንዳለ፡ወይን፡ኾኖ፡አገኘኹት፤አባቶቻችኹንም፡ከመዠመሪያዋ፡ዓመት፡እንደ፡በ ለስ፡በኵራት፡ኾነው፡አየዃቸው፤እነርሱ፡ግን፡ወደ፡ብዔልፌጎር፡መጡ፥ለነውርም፡ተለዩ፥እንደ፡ወደዱትም፡ርኩ ስ፡ኾኑ፥
11፤የኤፍሬምም፡ክብር፡እንደ፡ወፍ፡በሮ፟፡ይጠፋል፤መውለድና፡መፅነስ፡ማርገዝም፡አይኾንላቸውም።
12፤ልጆቻቸውንም፡ቢያሳድጉ፡ሰው፡እንዳይቀርላቸው፡ልጅ፡አልባ፡አደርጋቸዋለኹ፤ከነርሱም፡በራቅኹ፡ጊዜ፡ወዮ ላቸው!
13፤እኔ፡እንዳየኹ፡የኤፍሬም፡ልጆች፡ለምርኮ፡ተሰጥተዋል፤ኤፍሬምም፡ልጆቹን፡ወደ፡ገዳዩች፡ያወጣል።
14፤አቤቱ፥ስጣቸው፤ምን፡ትሰጣቸዋለኽ፧የሚጨነግፍን፡ማሕፀን፡የደረቀውንም፡ጡት፡ስጣቸው።
15፤ክፋታቸው፡ዅሉ፡በገልገላ፡አለ፤በዚያ፡ጠልቻቸዋለኹ፤ስለሠሩት፡ክፋት፡ከቤቴ፡አሳድዳቸዋለኹ፤ከእንግዲህ ፡ወዲያ፡አልወዳቸውም፤አለቃዎቻቸው፡ዅሉ፡ዐመፀኛዎች፡ናቸው።
16፤ኤፍሬም፡ተመታ፥ሥሩም፡ደረቀ፥ፍሬም፡አያፈራም፤ደግሞም፡ቢወልዱ፡የማሕፀናቸውን፡ፍሬ፡እገድላለኹ።
17፤አልሰሙትምና፡አምላኬ፡ይጥላቸዋል፤በአሕዛብም፡መካከል፡ተቅበዝባዦች፡ይኾናሉ።
_______________ትንቢተ፡ሆሴዕ፥ምዕራፍ፡10።______________
ምዕራፍ፡10።
1፤እስራኤል፡ፍሬው፡የበዛለት፡የለመለመ፡ወይን፡ነው፤እንደ፡ፍሬው፡ብዛት፡መሠዊያውን፡አብዝቷል፤እንደ፡ምድ ሩም፡ማማር፡መጠን፡ሐውልቶችን፡እያሳመሩ፡ሠርተዋል።
2፤ልባቸው፡ተከፈለ፤አኹንም፡በደላቸውን፡ይሸከማሉ፤ርሱ፡መሠዊያቸውን፡ያፈርሳል፥ሐውልቶቻቸውን፡ያጠፋል።
3፤አኹንም፦ንጉሥ፡የለንም፥እግዚአብሔርን፡አልፈራንምና፤ንጉሥስ፡ምን፡ያደርግልናል፧ይላሉ።
4፤የማይረባውን፡ቃል፡ይናገራሉ፤ቃል፡ኪዳን፡በገቡ፡ጊዜ፡በሐሰት፡ይምላሉ፤ስለዚህ፥መርዛም፡ሣር፡በዕርሻ፡ት ልም፡ላይ፡እንደሚበቅል፥መቅሠፍት፡ይበቅልባቸዋል።
5፤የሰማርያ፡ሰዎች፡ስለቤትአዌን፡እንቦሳ፡ይፈራሉ፤ክብሩም፡ከርሱ፡ዘንድ፡ወጥቷልና፥ሕዝቡ፡ያለቅሱለታል፥የ ጣዖቱ፡ካህናትም፡በሐዘን፡ይንተባተባሉ።
6፤ለንጉሡ፡ለኢያሪም፡እጅ፡መንሻ፡ይኾን፡ዘንድ፡ወደ፡አሶር፡ይማረካል፤ኤፍሬምን፡ዕፍረት፡ይይዘዋል፥እስራኤ ልም፡በምክሩ፡ያፍራል።
7፤ሰማርያ፡ከንጉሧ፡ጋራ፡በውሃ፡ላይ፡እንዳለ፡ዐረፋ፡ጠፍታለች።
8፤የእስራኤል፡ኀጢአት፡የኾኑት፡የአዌን፡የኰረብታው፡መስገጃዎች፡ይፈርሳሉ፤ሾኽና፡አሜከላ፡በመሠዊያዎቻቸው ፡ላይ፡ይበቅላል፤ተራራዎችንም፦ክደኑን፥ኰረብታዎችንም፦ውደቁብን፡ይሏቸዋል።
9፤እስራኤል፡ሆይ፥ከጊብዓ፡ዘመን፡ዠምረኽ፡ኀጢአትን፡ሠርተኻል፤በዚያ፡ጸንተዋል፤በጊብዓ፡ላይ፡ሰልፍ፡አይደ ርስባቸውምን፧
10፤በፈቀድኹም፡ጊዜ፡እገሥጻቸዋለኹ፤ስለ፡ኹለቱም፡ኀጢአታቸው፡በታሰሩ፡ጊዜ፡አሕዛብ፡ይሰበሰቡባቸዋል።
11፤ኤፍሬም፡ማበራየት፡እንደ፡ለመደች፡ጊደር፡ነው፥እኔ፡ግን፡በዐንገቱ፡ውበት፡እጫንበታለኹ፤በኤፍሬም፡ላይ ፡እጠምድበታለኹ፥ይሁዳም፡ያርሳል፥ያዕቆብም፡ዐፈሩን፡ያለሰልሳል።
12፤እግዚአብሔር፡መጥቶ፡ጽድቅን፡እስኪያዘንብላችኹ፡ድረስ፡ርሱን፡የምትሹበት፡ዘመን፡ነውና፥ለእናንተ፡በጽ ድቅ፡ዝሩ፥እንደ፡ምሕረቱም፡መጠን፡ዕጨዱ፥ጥጋታችኹንም፡ዕረሱ።
13፤ክፋትን፡ዐርሳችዃል፥ኀጢአትንም፡ዐጭዳችዃል፥የሐሰትንም፡ፍሬ፡በልታችዃል፤በኀያላንኽ፡ብዛት፥በመንገድ ኽም፡ላይ፡ታምነኻልና።
14፤በሕዝብኽም፡መካከል፡ሽብር፡ይነሣል፤እናትም፡ከልጆቿ፡ጋራ፡በተፈጠፈጠች፡ጊዜ፡ሰልማን፡ቤትአርብኤልን፡ በሰልፍ፡ቀን፡እንዳፈረሰ፥ዐምባዎችኽ፡ዅሉ፡ይፈርሳሉ።
15፤ከኀጢአታችኹም፡ክፋት፡የተነሣ፡ቤቴል፡እንዲሁ፡ያደርግባችዃል፤በነጋ፡ጊዜ፡የእስራኤል፡ንጉሥ፡ፈጽሞ፡ይ ጠፋል።
_______________ትንቢተ፡ሆሴዕ፥ምዕራፍ፡11።______________
ምዕራፍ፡11።
1፤እስራኤል፡ሕፃን፡በነበረ፡ጊዜ፡ወደድኹት፥ልጄንም፡ከግብጽ፡ጠራኹት።
2፤አብዝቼ፡ብጠራቸው፡አጥብቀው፡ከፊቴ፡ራቁ፤ለበዓሊምም፡ይሠዉ፡ነበር፥ለተቀረጹ፡ምስሎችም፡ያጥኑ፡ነበር።
3፤እኔም፡ኤፍሬምን፡ክንዱን፡ይዤ፡በእግሩ፡እንዲኼድ፡መራኹት፤እኔም፡እፈውሳቸው፡እንደ፡ነበር፡አላወቁም።
4፤በሰው፡ገመድ፡በፍቅርም፡እስራት፡ሳብዃቸው፤ለእነርሱም፡ቀምበርን፡ከጫንቃቸው፡ላይ፡እንደሚያነሣ፡ኾንኹ፥ ድርቆሽም፡ጣልኹላቸው።
5፤ወደ፡እኔ፡ይመለሱ፡ዘንድ፡አልወደዱምና፡ወደ፡ግብጽ፡ምድር፡ይመለሳሉ፥አሶርም፡ንጉሣቸው፡ይኾናል።
6፤ከመከሩትም፡ምክር፡የተነሣ፡ሰይፍ፡በከተማዎቻቸው፡ላይ፡ይወድቃል፥ከበርቴዎችንም፡ያጠፋል።
7፤ሕዝቤም፡ከእኔ፡ይመለሱ፡ዘንድ፡ወደዱ፤ወደ፡ላይም፡ቢጠሯቸው፡ማንም፡ከፍ፡ከፍ፡ያደርጋቸው፡ዘንድ፡አይችል ም።
8፤ኤፍሬም፡ሆይ፥እንዴት፡እጥልኻለኹ፧እስራኤል፡ሆይ፥እንዴትስ፡አሳልፌ፡እሰጥኻለኹ፧እንዴትስ፡እንደ፡አዳማ ፡እጥልኻለኹ፧እንዴትስ፡እንደ፡ሲባዮ፡አደርግኻለኹ፧ልቤ፡በውስጤ፡ተናውጣለች፥ምሕረቴም፡ተነሣሥታለች።
9፤እኔ፡አምላክ፡ነኝ፡እንጂ፡ሰው፡አይደለኹምና፥በመካከልኽም፡ቅዱሱ፡ነኝና፡የቍጣዬን፡መቅሠፍት፡አላደርግም ፥ኤፍሬምንም፡አጠፋ፡ዘንድ፡አልመለስም፤በመዓትም፡አልመጣም።
10፤እግዚአብሔርን፡ይከተላሉ፥ርሱም፡እንደ፡አንበሳ፡ያገሣል፤ባገሣም፡ጊዜ፡ልጆች፡እየተንቀጠቀጡ፡ከምዕራብ ፡ይመጣሉ።
11፤እንደ፡ወፍም፡ከግብጽ፥እንደ፡ርግብም፡ከአሶር፡ምድር፡እየተንቀጠቀጡ፡ይመጣሉ፤በቤታቸውም፡አኖራቸዋለኹ ፥ይላል፡እግዚአብሔር።
_______________ትንቢተ፡ሆሴዕ፥ምዕራፍ፡12።______________
ምዕራፍ፡12።
1፤ኤፍሬም፡በሐሰት፥የእስራኤልም፡ቤት፡በተንኰል፡ከበበኝ፤ይሁዳም፡ከታመነው፡ቅዱሱ፡ከእግዚአብሔር፡ጋራ፡አ ይጸናም።
2፤ኤፍሬም፡ነፋስን፡ይበላል፥የምሥራቅንም፡ነፋስ፡ይከተላል፤ዅልጊዜም፡ሐሰትንና፡ተንኰልን፡ያበዛል፤ከአሶር ፡ጋራ፡ቃል፡ኪዳን፡ያደርጋሉ፥ወደ፡ግብጽም፡ዘይት፡ይወስዳሉ።
3፤እግዚአብሔርም፡ደግሞ፡ከይሁዳ፡ጋራ፡ክርክር፡አለው፥ያዕቆብንም፡እንደ፡መንገዱ፡ይቀጣል፤እንደ፡ሥራውም፡ ይመልስለታል።
4፤በማሕፀን፡ውስጥ፡ወንድሙን፡በተረከዙ፡ያዘው፥በጕልማሳነቱም፡ጊዜ፡ከአምላክ፡ጋራ፡ታገለ፤
5፤ከመልአኩም፡ጋራ፡ታግሎ፡አሸነፈ፤አልቅሶም፡ለመነው።በቤቴልም፡አገኘው፥በዚያም፡ከእኛ፡ጋራ፡ተነጋገረ።
6፤ርሱም፡የሰራዊት፡አምላክ፡እግዚአብሔር፡ነው፤የመታሰቢያው፡ስም፡እግዚአብሔር፡ነው።
7፤ስለዚህ፥ወደ፡አምላክኽ፡ተመለስ፤ምሕረትንና፡ፍርድን፡ጠብቅ፥ዘወትርም፡በአምላክኽ፡ታመን።
8፤ከከነዓን፡ወገን፡ነው፤በእጁ፡የተንኰል፡ሚዛን፡አለ፥ሽንገላንም፡ይወዳል።
9፤ኤፍሬምም፦ባለጠጋ፡ኾኛለኹ፥ሀብትንም፡አግኝቻለኹ፥በድካሜም፡ዅሉ፡ኀጢአት፡የሚኾን፡በደል፡አይገኝብኝም፡ አለ።
10፤እኔም፡ከግብጽ፡ዠምሬ፡አምላክኽ፡እግዚአብሔር፡ነኝ፤እንደ፡ዓመት፡በዓል፡ቀን፡እንደ፡ገና፡በድንኳን፡እ ንድትኖር፡አደርግኻለኹ።
11፤ለነቢያትም፡ተናግሬያለኹ፥ራእይንም፡አብዝቻለኹ፤በነቢያትም፡እጅ፡ምሳሌዎችን፡አውጥቻለኹ።
12፤ኀጢአት፡በገለዓድ፡አለ፤ፈጽመው፡ከንቱ፡ናቸው፤ወይፈኖች፡በገልገላ፡ይሠዋሉ፥መሠዊያዎቻቸውም፡በዕርሻ፡ ትልም፡ላይ፡የድንጋይ፡ክምር፡ይኾናሉ።
13፤ያዕቆብ፡ወደሶርያ፡አገር፡ሸሸ፥እስራኤልም፡ስለ፡ሚስት፡አገለገለ፥ስለ፡ሚስትም፡ጠባቂ፡ነበረ።
14፤እግዚአብሔርም፡በነቢይ፡እጅ፡እስራኤልን፡ከግብጽ፡አወጣ፥በነቢይም፡እጅ፡ጠበቀው።
15፤ኤፍሬም፡አስመርሮ፡አስቈጣው፤ስለዚህ፥ደሙ፡በላዩ፡ላይ፡ነው፤ጌታውም፡ስድቡን፡በራሱ፡ላይ፡ይመልሳል።
_______________ትንቢተ፡ሆሴዕ፥ምዕራፍ፡13።______________
ምዕራፍ፡13።
1፤ኤፍሬም፡በተናገረ፡ጊዜ፡ፍርሀት፡ነበረ፥በእስራኤልም፡ዘንድ፡ታበየ፤ነገር፡ግን፥በዓልን፡በማምለክ፡በበደ ለ፡ጊዜ፡ሞተ።
2፤አኹንም፡ኀጢአትን፡ይሠሩ፡ዘንድ፡ጨመሩ፤በብራቸውም፡ለራሳቸው፡ቀልጦ፡የተሠራ፡ምስልን፥እንደ፡ጥበባቸውም ፡ጣዖታትን፡ሠርተዋል፤ዅሉም፡የሠራተኛ፡ሥራ፡ናቸው።ስለ፡እነርሱም፦የሚሠዉ፡ሰዎች፡እንቦሳውን፡ይሳሙ፡ይላ ሉ።
3፤ስለዚህም፡እንደ፡ማለዳ፡ደመና፥በጧትም፡እንደሚያልፍ፡ጠል፥በዐውሎ፡ነፍስም፡ከዐውድማ፡እንደሚበተን፡እብ ቅ፥ከመስኮትም፡እንደሚወጣ፡ጢስ፡ይኾናሉ።
4፤እኔ፡ግን፡ከግብጽ፡ምድር፡ዠምሬ፡አምላክኽ፡እግዚአብሔር፡ነኝ፤ከእኔም፡በቀር፡ሌላ፡አምላክ፡አታውቅም፥ከ እኔም፡በቀር፡ሌላ፡መድኀኒት፡የለም።
5፤በምድረ፡በዳ፥እጅግ፡በደረቀ፡ምድር፡ዐውቄኽ፡ነበር።
6፤ከተሰማሩ፡በዃላ፡ጠገቡ፥በጠገቡም፡ጊዜ፡ልባቸው፡ታበየ፤ስለዚህ፥ረሱኝ።
7፤ስለዚህም፡እኔ፡እንደ፡አንበሳ፡ኾንኹባቸው፥እንደ፡ነብርም፡በመንገድ፡አጠገብ፡አደባባቸዋለኹ፤
8፤ልጇ፡እንደ፡ተነጠቀባት፡ድብ፡እገጥማቸዋለኹ፥የልባቸውንም፡ስብ፡እቀዳ፟ለኹ፤በዚያም፡እንደ፡አንበሳ፡እበ ላቸዋለኹ፥የምድረ፡በዳም፡አውሬ፡ይነጣጠቃቸዋል።
9፤እስራኤል፡ሆይ፥በእኔ፡በረዳትኽ፡ላይ፡በመነሣትኽ፡ጥፋትኽ፡ነው።
10፤በየከተማኽ፡ዅሉ፡ያድንኽ፡ዘንድ፡ንጉሥኽ፡ወዴት፡አለ፧ስለ፡እነርሱም፦ንጉሥንና፡አለቃዎችን፡ስጠኝ፡ብለ ኽ፡የተናገርኸው፡መሳፍንቶችኽ፡ወዴት፡አሉ፧
11፤በቍጣዬ፡ንጉሥን፡ሰጠኹኽ፥በመዓቴም፡ሻርኹት።
12፤የኤፍሬም፡በደል፡ታስሯል፥ኀጢአቱም፡ተከማችቷል።
13፤ምጥ፡እንደ፡ያዛት፡ሴት፡ጭንቅ፡ይመጣበታል፤በሚወለድበት፡ጊዜ፡በማሕፀን፡አፍ፡ቀጥ፡ብሎ፡አይወጣምና፡አ እምሮ፡የሌለው፡ልጅ፡ነው።
14፤ከሲኦል፡እጅ፡እታደጋቸዋለኹ፥ከሞትም፡እቤዣቸዋለኹ፤ሞት፡ሆይ፥ቸነፈርኽ፡ወዴት፡አለ፧ሲኦል፡ሆይ፥ማጥፋ ትኽ፡ወዴት፡አለ፧ርኅራኄ፡ከዐይኔ፡ተሰወረች።
15፤በወንድሞቹ፡መካከል፡ፍሬያማ፡ቢኾን፡የምሥራቅ፡ነፋስ፡ይመጣል፥የእግዚአብሔር፡ነፋስ፡ከምድረ፡በዳ፡ይመ ጣል፤ምንጩንም፡ያደርቃል፥ፈሳሹንም፡ያጠፋል፥የተከበሩ፡ዕቃዎች፡ዅሉ፡ያሉበትን፡መዝገብ፡ይበዘብዛል።
16፤ሰማርያ፡በአምላኳ፡ላይ፡ዐምፃለችና፡በደሏን፡ትሸከማለች፤በሰይፍ፡ይወድቃሉ፥ሕፃኖቻቸውም፡ይፈጠፈጣሉ፥ እርጕዞቻቸውም፡ይቀደዳሉ።
_______________ትንቢተ፡ሆሴዕ፥ምዕራፍ፡14።______________
ምዕራፍ፡14።
1፤እስራኤል፡ሆይ፥በኀጢአትኽ፡ወድቀኻልና፥ወደ፡አምላክኽ፡ወደ፡እግዚአብሔር፡ተመለስ።
2፤ከእናንተ፡ጋራ፡ቃልን፡ውሰዱ፥ወደ፡እግዚአብሔርም፡ተመልሳችኹ፦ኀጢአትን፡ዅሉ፡አስወግድ፥በቸርነትም፡ተቀ በለን፥በወይፈንም፡ፋንታ፡የከንፈራችንን፡ፍሬ፡እንሰጣለን።
3፤አሶር፡አያድነንም፤በፈረስ፡ላይ፡አንቀመጥም፤ድኻ፡አደጉም፡ባንተ፡ዘንድ፡ምሕረትን፡ያገኛልና፥ከእንግዲህ ፡ወዲህ፡ለእጆቻችን፡ሥራ።አምላኮቻችን፡ናችኹ፡አንላቸውም፡በሉት።
4፤ቍጣዬ፡ከርሱ፡ዘንድ፡ተመልሷልና፥ዐመፃቸውን፡እፈውሳለኹ፥በገዛ፡ፈቃዴ፡እወዳ፟ቸዋለኹ።
5፤ለእስራኤልም፡እንደ፡ጠል፡እኾነዋለኹ፤እንደ፡አበባም፡ያብባል፥እንደ፡ሊባኖስም፡ሥሩን፡ይሰዳ፟ል።
6፤ቅርንጫፎቹም፡ይዘረጋሉ፥ውበቱም፡እንደ፡ወይራ፥ሽታውም፡እንደ፡ሊባኖስ፡ይኾናል።
7፤ከጥላውም፡በታች፡የሚቀመጡ፡ይመለሳሉ፤ከእኽሉም፡የተነሣ፡ይጠግባሉ፤እንደ፡ወይንም፡ዐረግ፡ያብባሉ፤መታሰ ቢያውም፡እንደ፡ሊባኖስ፡ወይን፡ጠጅ፡ይኾናል።
8፤ከእንግዲህ፡ወዲያ፡ጣዖት፡ለኤፍሬም፡ምንድር፡ነው፧እኔ፡ሰምቼዋለኹ፥ወደ፡ርሱም፡እመለከታለኹ፤እኔ፡እንደ ፡ለመለመ፡ጥድ፡ነኝ፤ፍሬኽ፡በእኔ፡ዘንድ፡ይገኛል።
9፤ይህን፡ነገር፡የሚያስተውል፡ጠቢብ፥የሚያውቃትም፡አስተዋይ፡ማን፡ነው፧የእግዚአብሔር፡መንገድ፡ቅን፡ነው፥ ጻድቃንም፡ይኼዱበታል፤ተላላፊዎች፡ግን፡ይወድቁበታል፨

http://www.gzamargna.net