ትንቢተ፡ኢዮኤል።

(ክለሳ.1.20020507)

_______________ትንቢተ፡ኢዮኤል፥ምዕራፍ፡1።______________
ምዕራፍ፡1።
1፤ወደባቱኤል፡ልጅ፡ወደ፡ኢዮኤል፡የመጣው፡የእግዚአብሔር፡ቃል፡ይህ፡ነው፦
2፤እናንተ፡ሽማግሌዎች፥ይህን፡ስሙ፤በምድርም፡የምትኖሩ፡ዅሉ፥አድምጡ።ይህ፡በዘመናችኹ፡ወይስ፡በአባቶቻችኹ ፡ዘመን፡ኾኖ፡ነበርን፧
3፤ይህን፡ለልጆቻችኹ፡ንገሩ፤ልጆቻችኹም፡ለልጆቻቸው፥ልጆቻቸውም፡ለዃለኛው፡ትውልድ፡ይንገሩ።
4፤ከተምች፡የቀረውን፡አንበጣ፡በላው፤ከአንበጣም፡የቀረውን፡ደጐብያ፡በላው፤ከደጐብያም፡የቀረውን፡ኵብኵባ፡ በላው።
5፤በተሓ፡ወይን፡ጠጃችኹ፡ከአፋችኹ፡ተወግዷልና፥እናንተ፡ሰካራሞች፥ነቅታችኹ፡አልቅሱ፤እናንተም፡የወይን፡ጠ ጅ፡የምትጠጡ፡ዅሉ፥ዋይ፡በሉ።
6፤ቍጥርም፡የሌለው፡ብርቱ፡ሕዝብ፡በምድሬ፡ላይ፡ወጥቷልና፤ጥርሳቸው፡እንደ፡አንበሳ፡ጥርስ፥መንጋጋቸውም፡እ ንደ፡እንስቲቱ፡አንበሳ፡መንጋጋ፡ነው።
7፤ወይኔን፡ባዶ፡ምድር፡አደረገው፥በለሴንም፡ሰበረው፤ባዶም፡አደረገው፥ጣለውም፤ቅርንጫፎቹም፡ነጡ።
8፤ለቍንዥናዋ፡ባል፡ማቅ፡ለብሳ፡እንደምታለቅስ፡ድንግል፡አልቅሺ።
9፤የእኽሉ፡ቍርባንና፡የመጠጡ፡ቍርባን፡ከእግዚአብሔር፡ቤት፡ተወግዷል፤የእግዚአብሔርም፡አገልጋዮች፡ካህናቱ ፡አለቀሱ።
10፤እኽሉ፡ጠፍቷልና፥ወይኑም፡ደርቋልና፥ዘይቱም፡ጐድሏልና፥ዕርሻው፡ምድረ፡በዳ፡ኾኗል፥ምድሪቱም፡አልቅሳለ ች።
11፤መከሩ፡ከዕርሻቸው፡ጠፍቷልና፥ገበሬዎች፡ስለ፡ስንዴውና፡ስለ፡ገብሱ፡ዐፈሩ፤የወይን፡አትክልተኛዎችም፡አ ለቀሱ።
12፤ወይኑ፡ደርቋል፥በለሱም፡ጠውልጓል፤ሮማኑና፡ተምሩ፡እንኰዩም፡የምድርም፡ዛፎች፡ዅሉ፡ደርቀዋል፤ደስታም፡ ከሰው፡ልጆች፡ዘንድ፡ርቋል።
13፤የእኽሉ፡ቍርባንና፡የመጠጡ፡ቍርባን፡ከአምላካችኹ፡ቤት፡ቀርቷልና፥እናንተ፡ካህናት፥ማቅ፡ታጥቃችኹ፡አል ቅሱ፤እናንተም፡የመሠዊያ፡አገልጋዮች፥ዋይ፡በሉ፤እናንተ፡የአምላኬ፡አገልጋዮች፥ኑ፥ሌሊቱን፡ዅሉ፡በማቅ፡ላ ይ፡ተኙ።
14፤ጾምን፡ቀድሱ፥ጉባኤውንም፡ዐውጁ፤ሽማግሌዎችንና፡በምድር፡የሚኖሩትን፡ዅሉ፡ወደ፡አምላካችኹ፡ወደእግዚአ ብሔር፡ቤት፡ሰብስቡ፥ወደ፡እግዚአብሔርም፡ጩኹ።
15፤የእግዚአብሔር፡ቀን፡ቀርቧልና፥ለቀኑ፡ወዮ! ርሱም፡ዅሉን፡ከሚችል፡ከአምላክ፡ዘንድ፡እንደ፡ጥፋት፡ይመጣል።
16፤ከዐይናችን፡ፊት፡ምግብ፥ከአምላካችንም፡ቤት፡ደስታና፡እልልታ፡የጠፋ፡አይደለምን፧
17፤ዘሩ፡በምድር፡ውስጥ፡በሰበሰ፤እኽሉ፡ደርቋልና፥ጐተራዎቹ፡ባዶ፡ናቸው፥ጐታዎቹም፡ፈርሰዋል።
18፤እንስሳዎች፡እጅግ፡ጮኹ፤የላምም፡መንጋዎች፡ማሰማሪያ፡የላቸውምና፡ተጠራጠሩ፤የበግም፡መንጋዎች፡ጠፍተዋ ል።
19፤አቤቱ፥እሳት፡የምድረ፡በዳውን፡ማሰማሪያ፡በልቷልና፥ነበልባሉም፡የዱሩን፡ዛፍ፡ዅሉ፡አቃጥሏልና፥ወዳንተ ፡እጮኻለኹ።
20፤ፈሳሹ፡ውሃ፡ደርቋልና፥እሳቱም፡የምድረ፡በዳውን፡ማሰማሪያ፡በልቷልና፥የምድር፡አራዊት፡ወዳንተ፡አለከለ ኩ።
_______________ትንቢተ፡ኢዮኤል፥ምዕራፍ፡2።______________
ምዕራፍ፡2።
1፤የእግዚአብሔር፡ቀን፡መጥቷልና፥ርሱም፡ቀርቧልና፥በጽዮን፡መለከትን፡ንፉ፥በቅዱሱም፡ተራራዬ፡ላይ፡እሪ፡በ ሉ፤በምድርም፡የሚኖሩ፡ዅሉ፡ይንቀጥቀጡ፤የእግዚአብሔር፡ቀን፡መጥቷልና፤
2፤የጨለማና፡የጭጋግ፡ቀን፥የደመናና፡የድቅድቅ፡ጨለማ፡ቀን፡ነው፤ታላቅና፡ብርቱ፡ሕዝብ፡በተራራዎች፡ላይ፡እ ንደ፡ወገግታ፡ተዘርግቷል፤ከዘለዓለምም፡ዠምሮ፡እንደ፡እነርሱ፡ያለ፡አልነበረም፥ከነርሱም፡በዃላ፡እስከ፡ብ ዙ፡ትውልድ፡ድረስ፡እንደ፡እነርሱ፡ያለ፡ከእንግዲህ፡ወዲህ፡አይኾንም።
3፤እሳት፡በፊታቸው፡ትባላለች፥በዃላቸውም፡ነበልባል፡ታቃጥላለች፤ምድሪቱ፡በፊታቸው፡እንደ፡ዔዴን፡ገነት፥በ ዃላቸውም፡የምድረ፡በዳ፡በረሓ፡ናት፤ከነርሱም፡የሚያመልጥ፡የለም።
4፤መልካቸው፡እንደ፡ፈረስ፡መልክ፡ነው፥እንደ፡ፈረሶችም፡ይሮጣሉ።
5፤በተራራ፡ላይ፡እንዳሉ፡ሠረገላዎች፡ድምፅ፥ገለባውንም፡እንደሚበላ፡እንደ፡እሳት፡ነበልባል፡ድምፅ፥ለሰልፍ ም፡እንደ፡ተዘጋጀ፡እንደ፡ብርቱ፡ሕዝብ፡ያኰበኵባሉ።
6፤ከፊታቸው፡አሕዛብ፡ይንቀጠቀጣሉ፤የሰውም፡ፊት፡ዅሉ፡ይጠቍራል።
7፤እንደ፡ኀያላን፡ይሮጣሉ፥እንደ፡ሰልፈኛዎችም፡በቅጥሩ፡ላይ፡ይወጣሉ፤እያንዳንዱም፡በመንገዱ፡ላይ፡ይራመዳ ል፥ከርምጃቸውም፡አያፈገፍጉም።
8፤አንዱ፡ካንዱ፡ጋራ፡አይጋፉም፥እያንዳንዱም፡መንገዱን፡ይጠበጥባል፤በሰልፍ፡መካከል፡ያልፋሉ፥እነርሱም፡አ ይቈስሉም።
9፤በከተማም፡ያኰበኵባሉ፥በቅጥሩም፡ላይ፡ይሮጣሉ፤ወደ፡ቤቶችም፡ይወጣሉ፥እንደ፡ሌባም፡በመስኮቶች፡ይገባሉ።
10፤ምድሪቱም፡ከፊታቸው፡ትናወጣለች፥ሰማያትም፡ይንቀጠቀጣሉ፤ፀሓይና፡ጨረቃም፡ይጨልማሉ፥ከዋክብትም፡ብርሃ ናቸውን፡ይሰውራሉ።
11፤እግዚአብሔርም፡በሰራዊቱ፡ፊት፡ድምፁን፡ይሰጣል፤ሰፈሩ፡እጅግ፡ብዙ፡ነውና፥ቃሉንም፡የሚያደርግ፡ርሱ፡ኀ ያል፡ነውና፤የእግዚአብሔርም፡ቀን፡ታላቅና፡እጅግ፡የሚያስፈራ፡ነውና፥ማንስ፡ይችለዋል፧
12፤አኹንስ፥ይላል፡እግዚአብሔር፥በፍጹም፡ልባችኹ፥በጾምም፥በልቅሶና፡በዋይታ፡ወደ፡እኔ፡ተመለሱ።
13፤ልባችኹን፡እንጂ፡ልብሳችኹን፡አትቅደዱ፤አምላካችኹም፡እግዚአብሔር፡ቸርና፡መሓሪ፥ቍጣው፡የዘገየ፥ምሕረ ቱም፡የበዛ፥ለክፋትም፡የተጸጸተ፡ነውና፥ወደ፡ርሱ፡ተመለሱ።
14፤የሚመለስና፡የሚጸጸት፡እንደ፡ኾነ፥ለአምላካችኹም፡ለእግዚአብሔር፡የእኽልና፡የመጠጥ፡ቍርባን፡የሚኾነው ን፡በረከት፡የሚያተርፍ፡እንደ፡ኾነ፡ማን፡ያውቃል፧
15፤በጽዮን፡መለከትን፡ንፉ፥ጾምንም፡ቀድሱ፥ጉባኤውንም፡ዐውጁ፥
16፤ሕዝቡንም፡አከማቹ፥ማኅበሩንም፡ቀድሱ፥ሽማግሌዎቹንም፡ሰብስቡ፥ሕፃናቱንና፡ጡት፡የሚጠቡትን፡አከማቹ፤ሙ ሽራው፡ከዕልፍኙ፥ሙሽራዪቱም፡ከጫጕላዋ፡ይውጡ።
17፤የእግዚአብሔርም፡አገልጋዮች፡ካህናት፡ከወለሉና፡ከመሠዊያው፡መካከል፡እያለቀሱ፦አቤቱ፥ለሕዝብኽ፡ራራ፥ አሕዛብም፡እንዳይነቅፏቸው፡ርስትኽን፡ለማላገጫ፡አሳልፈኽ፡አትስጥ፤ከአሕዛብ፡መካከል፦አምላካቸው፡ወዴት፡ ነው፧ስለ፡ምን፡ይላሉ፧ይበሉ።
18፤እግዚአብሔርም፡ስለ፡ምድሩ፡ቀና፥ለሕዝቡም፡ራራለት።
19፤እግዚአብሔርም፡መልሶ፡ሕዝቡን፦እንሆ፥እኽልንና፡ወይንን፡ዘይትንም፡እሰድ፟ላችዃለኹ፥እናንተም፡በርሱ፡ ትጠግባላችኹ፤ከእንግዲህም፡ወዲያ፡በአሕዛብ፡መካከል፡መሰደቢያ፡አላደርጋችኹም።
20፤የሰሜንንም፡ሰራዊት፡ከእናንተ፡ዘንድ፡አርቃለኹ፥ወደ፡በረሓና፡ወደ፡ምድረ፡በዳ፥ፊቱን፡ወደምሥራቁ፡ባሕ ር፡ዠርባውንም፡ወደምዕራቡ፡ባሕር፡አድርጌ፡አሳድደዋለኹ፤ርሱም፡ትዕቢትን፡አድርጓልና፥ግማቱ፡ይወጣል፥ክር ፋቱም፡ይነሣል፡አለ።
21፤ምድር፡ሆይ፥እግዚአብሔር፡ታላቅ፡ነገር፡አድርጓልና፥አትፍሪ፥ደስም፡ይበልሽ፥እልልም፡በዪ።
22፤እናንተ፡የምድር፡እንስሳዎች፡ሆይ፥የምድረ፡በዳው፡ማሰማሪያ፡ለምልሟልና፥ዛፉም፡ፍሬውን፡አፍርቷልና፥በ ለሱና፡ወይኑም፡ኀይላቸውን፡ሰጥተዋልና፥አትፍሩ።
23፤እናንተ፡የጽዮን፡ልጆች፥አምላካችኹ፡እግዚአብሔር፡የፊተኛውን፡ዝናብ፡በጽድቅ፡ሰጥቷችዃልና፥እንደ፡ቀድ ሞውም፡የፊተኛውንና፡የዃለኛውን፡ዝናብ፡አዝንቦላችዃልና፥በርሱ፡ደስ፡ይበላችኹ፥ለርሱም፡እልል፡በሉ።
24፤ዐውድማዎችም፡እኽልን፡ይሞላሉ፥መጥመቂያዎችም፡የወይን፡ጠጅንና፡ዘይትን፡አትረፍርፈው፡ያፈሳ፟ሉ።
25፤የሰደድኹባችኹ፡ታላቁ፡ሰራዊቴ፡አንበጣና፡ደጐብያ፡ኵብኵባና፡ተምች፡የበላቸውን፡ዓመታት፡እመልስላችዃለ ኹ።
26፤ብዙ፡መብል፡ትበላላችኹ፥ትጠግቡማላችኹ፤ከእናንተም፡ጋራ፡ተኣምራትን፡የሠራውን፡የአምላካችኹን፡የእግዚ አብሔርን፡ስም፡ታመሰግናላችኹ፤ሕዝቤም፡ለዘለዓለም፡አያፍርም።
27፤እኔም፡በእስራኤል፡መካከል፡እንዳለኹ፥እኔም፡አምላካችኹ፡እግዚአብሔር፡እንደ፡ኾንኹ፥ከእኔም፡በቀር፡ሌ ላ፡አምላክ፡እንደሌለ፡ታውቃላችኹ፤ሕዝቤም፡ለዘለዓለም፡አያፍርም።
28፤ከዚህም፡በዃላ፡እንዲህ፡ይኾናል፤መንፈሴን፡በሥጋ፡ለባሽ፡ዅሉ፡ላይ፡አፈሳ፟ለኹ፤ወንዶችና፡ሴቶች፡ልጆቻ ችኹም፡ትንቢት፡ይናገራሉ፥ሽማግሌዎቻችኹም፡ሕልምን፡ያልማሉ፥ጐበዞቻችኹም፡ራእይ፡ያያሉ፤
29፤ደግሞም፡በዚያ፡ወራት፡በወንዶችና፡በሴቶች፡ባሪያዎች፡ላይ፡መንፈሴን፡አፈሳ፟ለኹ፤
30፤በላይ፡በሰማይ፡ድንቆችን፡አሳያለኹ፥በታች፡በምድርም፡ደምና፣እሳት፣የጢስም፡ጭጋግ።
31፤ታላቁና፡የሚያስፈራው፡የእግዚአብሔር፡ቀን፡ሳይመጣ፡ፀሓይ፡ወደ፡ጨለማ፥ጨረቃም፡ወደ፡ደም፡ይለወጣል።
32፤እንዲህም፡ይኾናል፤የእግዚአብሔር፡ስም፡የሚጠራ፡ዅሉ፡ይድናል፤እግዚአብሔርም፡እንደ፡ተናገረ፥በጽዮን፡ ተራራና፡በኢየሩሳሌም፡መድኀኒት፡ይገኛል።ደግሞም፡እግዚአብሔር፡የጠራቸው፥የምሥራች፡የሚሰበከላቸው፡ይገኛ ሉ።
_______________ትንቢተ፡ኢዮኤል፥ምዕራፍ፡3።______________
ምዕራፍ፡3።
1፤እንሆም፥በዚያ፡ወራትና፡በዚያ፡ዘመን፥የይሁዳንና፡የኢየሩሳሌምን፡ምርኮ፡በምመልስበት፡ጊዜ፥
2፤አሕዛብን፡ዅሉ፡ሰብስቤ፡ወደኢዮሳፍጥ፡ሸለቆ፡አወርዳቸዋለኹ፤በዚያም፡ስለ፡ሕዝቤና፡ስለ፡ርስቴ፡ስለ፡እስ ራኤል፡በአሕዛብ፡መካከል፡የበተኗቸውን፡ምድሬንም፡የተካፈሏትን፡እፋረድባቸዋለኹ።
3፤በሕዝቤም፡ላይ፡ዕጣ፡ተጣጣሉ፤ወንድ፡ልጅን፡ለጋለሞታ፡ዋጋ፡ሰጡ፥ሴት፡ልጅን፡ለወይን፡ጠጅ፡ሸጡ፥ጠጡም።
4፤ጢሮስና፡ሲዶና፡የፍልስጥኤምም፡ግዛት፡ዅሉ፡ሆይ፥ከእናንተ፡ጋራ፡ለእኔ፡ምን፡አለኝ፧በእውኑ፡ብድራትን፡ት መልሱልኛላችኹን፧ብድራትን፡ብትመልሱልኝ፡ፈጥኜ፡በችኰላ፡ብድራታችኹን፡በራሳችኹ፡ላይ፡እመልሳለኹ።
5፤ብሬንና፡ወርቄን፡ወስዳችዃልና፥የተወደደውንም፡መልካሙን፡ዕቃዬን፡ወደ፡መቅደሳችኹ፡አግብታችዃልና፥
6፤ከዳርቻቸውም፡ታርቋቸው፡ዘንድ፡የይሁዳንና፡የኢየሩሳሌምን፡ልጆች፡ለግሪክ፡ሰዎች፡ሸጣችዃልና፥
7፤እንሆ፥እነርሱን፡ከሸጣችኹበት፡ስፍራ፡አስነሣቸዋለኹ፥ብድራታችኹንም፡በራሳችኹ፡ላይ፡እመልሳለኹ።
8፤እግዚአብሔር፡ተናግሯልና፥ወንዶችና፡ሴቶች፡ልጆቻችኹን፡በይሁዳ፡ልጆች፡እጅ፡እሸጣለኹ፥እነርሱም፡ለሩቆቹ ፡ሕዝብ፡ለሳባ፡ሰዎች፡ይሸጧችዃል።
9፤ይህን፡በአሕዛብ፡መካከል፡ዐውጁ፡ለሰልፍ፡ተዘጋጁ፡ኀያላንን፡አስነሡ፡ሰልፈኛዎች፡ዅሉ፡ይቅረቡ፡ይውጡም።
10፤ማረሻችኹን፡ሰይፍ፥ማጭዳችኹንም፡ጦር፡ለማድረግ፡ቀጥቅጡ፤ደካማውም፦እኔ፡ብርቱ፡ነኛ፡ይበል።
11፤እናንተ፡በዙሪያ፡ያላችኹ፡አሕዛብ፡ዅሉ፥ቸኵላችኹ፡ኑ፥ተሰብሰቡ፤አቤቱ፥ኀያላንኽን፡ወደዚያ፡አውርድ።
12፤አሕዛብ፡ይነሡ፥ወደኢዮሳፍጥ፡ሸለቆም፡ይውጡ፤በዙሪያ፡ባሉ፡አሕዛብ፡ዅሉ፡ላይ፡እፈርድ፡ዘንድ፡በዚያ፡እ ቀመጣለኹና።
13፤መከሩ፡ደርሷልና፥ማጭድ፡ስደዱ፤መጥመቂያውም፡ሞልቷልና፥ኑ፡ርገጡ፤ክፋታቸውም፡በዝቷልና፥መጥመቂያ፡ዅሉ ፡ፈርሷል።
14፤የእግዚአብሔር፡ቀን፡በፍርድ፡ሸለቆ፡ቀርቧልና፥የብዙ፡ብዙ፡ሕዝብ፡ውካታ፡በፍርድ፡ሸለቆ፡አለ።
15፤ፀሓይና፡ጨረቃ፡ጨልመዋል፥ከዋክብትም፡ብርሃናቸውን፡ሰውረዋል።
16፤እግዚአብሔርም፡በጽዮን፡ኾኖ፡ድምፁን፡ከፍ፡አድርጎ፡ይጮኻል፥በኢየሩሳሌምም፡ኾኖ፡ቃሉን፡ይሰጣል፤ሰማይ ና፡ምድርም፡ይናወጣሉ፤እግዚአብሔር፡ግን፡ለሕዝቡ፡መሸሸጊያ፥ለእስራኤልም፡ልጆች፡መጠጊያ፡ይኾናል።
17፤እኔም፡በተቀደሰው፡ተራራዬ፡በጽዮን፡የምቀመጥ፡አምላካችኹ፡እግዚአብሔር፡እንደ፡ኾንኹ፡ታውቃላችኹ፤የዚ ያን፡ጊዜም፡ኢየሩሳሌም፡የተቀደሰች፡ትኾናለች፥እንግዳዎችም፡ከእንግዲህ፡ወዲህ፡አያልፉባትም።
18፤በዚያም፡ቀን፡እንዲህ፡ይኾናል፤ተራራዎች፡በተሓ፡ጠጅ፡ያንጠባጥባሉ፥ኰረብታዎችም፡ወተትን፡ያፈሳ፟ሉ፥በ ይሁዳም፡ያሉት፡ፈፋዎች፡ዅሉ፡ውሃን፡ያጐርፋሉ፡ከእግዚአብሔርም፡ቤት፡ምንጭ፡ትፈልቃለች፥የሰጢምንም፡ሸለቆ ፡ታጠጣለች።
19፤በአገራቸው፡ንጹሑን፡ደም፡አፍሰ፟ዋልና፥በይሁዳ፡ልጆች፡ላይ፡ስላደረጉት፡ግፍ፡ግብጽ፡ምድረ፡በዳ፥ኤዶም ያስም፡በረሓ፡ይኾናል።
20፤ነገር፡ግን፥ይሁዳ፡ለዘለዓለም፥ኢየሩሳሌምም፡ለልጅ፡ልጅ፡መኖሪያ፡ይኾናል።
21፤እኔም፡ንጹሕ፡ያላደረግኹትን፡ደማቸውን፡ንጹሕ፡አደርገዋለኹ፥እግዚአብሔርም፡በጽዮን፡ያድራል፨

http://www.gzamargna.net