የሐዋርያው፡ጳውሎስ፡መልእክት፡
ወደገላትያ፡ሰዎች።

(ክለሳ.1.20020507)

_______________ገላትያ፥ምዕራፍ፡1።______________
ምዕራፍ፡1፤
1-2፤በኢየሱስ፡ክርስቶስ፡ከሙታንም፡ባነሣው፡በእግዚአብሔር፡አብ፡ሐዋርያ፡የኾነ፡እንጂ፡ከሰዎች፡ወይም፡በሰ ው፡ያልኾነ፡ጳውሎስ፡ከእኔም፡ጋራ፡ያሉት፡ወንድሞች፡ዅሉ፥ወደገላትያ፡አብያተ፡ክርስቲያናት፤
3፤ከእግዚአብሔር፡ከአባታችን፡ከጌታችንም፡ከኢየሱስ፡ክርስቶስ፡ጸጋና፡ሰላም፡ለእናንተ፡ይኹን።
4፤ክፉ፡ከኾነ፡ካኹኑ፡ዓለም፡ያድነን፡ዘንድ፡እንደ፡አምላካችንና፡እንደ፡አባታችን፡ፈቃድ፡ስለ፡ኀጢአታችን፡ ራሱን፡ሰጠ።
5፤ለአብ፡ከዘለዓለም፡እስከ፡ዘለዓለም፡ክብር፡ይኹን፤አሜን።
6፤በክርስቶስ፡ጸጋ፡እናንተን፡ከጠራችኹ፡ከርሱ፡ወደ፡ልዩ፡ወንጌል፡እንዲህ፡ፈጥናችኹ፡እንዴት፡እንዳለፋችኹ ፡እደነቃለኹ፤
7፤ርሱ፡ግን፡ሌላ፡ወንጌል፡አይደለም፤የሚያናውጧችኹ፡የክርስቶስንም፡ወንጌል፡ሊያጣምሙ፡የሚወዱ፡አንዳንዶች ፡አሉ፡እንጂ።
8፤ነገር፡ግን፥እኛ፡ብንኾን፡ወይም፡ከሰማይ፡መልአክ፥ከሰበክንላችኹ፡ወንጌል፡የሚለይ፡ወንጌልን፡ቢሰብክላች ኹ፥የተረገመ፡ይኹን።
9፤አስቀድመን፡እንዳልን፡እንዲሁ፡አኹን፡ኹለተኛ፡እላለኹ፥ከተቀበላችኹት፡የተለየውን፡ማንም፡ቢሰብክላችኹ፡ የተረገመ፡ይኹን።
10፤ሰውን፡ወይስ፡እግዚአብሔርን፡አኹን፡ዕሺ፡አሠኛለኹን፧ወይም፡ሰውን፡ደስ፡ላሠ፟ኝ፡እፈልጋለኹን፧አኹን፡ ሰውን፡ደስ፡ባሠኝ፡የክርስቶስ፡ባሪያ፡ባልኾንኹም።
11፤ወንድሞች፡ሆይ፥በእኔ፡የተሰበከ፡ወንጌል፡እንደ፡ሰው፡እንዳይደለ፡አስታውቃችዃለኹ፤
12፤ኢየሱስ፡ክርስቶስ፡ገልጦልኛል፡እንጂ፡እኔ፡ከሰው፡አልተቀበልኹትም፡አልተማርኹትምም።
13፤በአይሁድ፡ሥርዐት፡በፊት፡እንዴት፡እንደ፡ኖርኹ፡ሰምታችዃልና፤የእግዚአብሔርን፡ቤተ፡ክርስቲያን፡ያለል ክ፡አሳድድና፡አጠፋ፡ነበር፥
14፤ለአባቶችም፡ወግ፡ከመጠን፡ይልቅ፡እየቀናኹ፡በወገኔ፡ዘንድ፡በዘመኔ፡ካሉት፡ብዙዎችን፡በአይሁድ፡ሥርዐት ፡እበልጥ፡ነበር።
15-16፤ነገር፡ግን፥በእናቴ፡ማሕፀን፡ሳለኹ፡የለየኝ፡በጸጋውም፡የጠራኝ፡እግዚአብሔር፡በአሕዛብ፡መካከል፡ስለ ፡ርሱ፡ወንጌልን፡እሰብክ፡ዘንድ፡ልጁን፡በእኔ፡ኹኔታ፡ሊገልጥ፡በወደደ፡ጊዜ፥ወዲያው፡ከሥጋና፡ከደም፡ጋራ፡ አልተማከርኹም፥
17፤ከእኔም፡በፊት፡ሐዋርያት፡ወደነበሩት፡ወደ፡ኢየሩሳሌም፡አልወጣኹም፥ነገር፡ግን፥ወደዐረብ፡አገር፡ኼድኹ ፡እንደ፡ገናም፡ወደ፡ደማስቆ፡ተመለስኹ።
18፤ከዚህ፡ወዲያ፡ከሦስት፡ዓመት፡በዃላ፡ኬፋን፡ልጠይቅ፡ወደ፡ኢየሩሳሌም፡ወጥቼ፡ከርሱ፡ጋራ፡ዐሥራ፡ዐምስት ፡ቀን፡ሰነበትኹ፤
19፤ነገር፡ግን፥ከጌታ፡ወንድም፡ከያዕቆብ፡በቀር፡ከሐዋርያት፡ሌላ፡አላየኹም።
20፤ስለምጽፍላችኹም፡ነገር፥እንሆ፥በእግዚአብሔር፡ፊት፡ሐሰት፡አልናገርም።
21፤ከዚያ፡ወዲያ፡ወደ፡ሶርያና፡ወደኪልቅያ፡አገር፡መጣኹ።
22፤በክርስቶስም፡ያሉት፡የይሁዳ፡ማኅበሮች፡ፊቴን፡አያውቁም፡ነበር፤
23፤ነገር፡ግን፦ቀድሞ፡እኛን፡ያሳድድ፡የነበረ፥ርሱ፡በፊት፡ያጠፋው፡የነበረውን፡ሃይማኖት፡አኹን፡ይሰብካል ፡ተብሎ፡ሲነገር፡ይሰሙ፡ነበር፤
24፤ስለ፡እኔም፡እግዚአብሔርን፡ያከብሩ፡ነበር።
_______________ገላትያ፥ምዕራፍ፡2።______________
ምዕራፍ፡2፤
1፤ከዚያ፡ወዲያ፡ከዐሥራ፡አራት፡ዓመት፡በዃላ፡ከበርናባስ፡ጋራ፡ቲቶን፡ደግሞ፡ይዤ፡ወደ፡ኢየሩሳሌም፡ኹለተኛ ፡ወጣኹ፤
2፤እንደ፡ተገለጠልኝም፡ወጣኹ፤ምናልባትም፡በከንቱ፡እንዳልሮጥ፡ወይም፡በከንቱ፡ሮጬ፡እንዳልኾን፡በአሕዛብ፡ መካከል፡የምሰብከውን፡ወንጌል፡አስታወቅዃቸው፤ዋኖች፡ግን፡መስለው፡ለሚታዩ፡ለብቻቸው፡አስታወቅዃቸው።
3፤ነገር፡ግን፥ከእኔ፡ጋራ፡የነበረ፡ቲቶ፡እንኳ፡የግሪክ፡ሰው፡ሲኾን፡ይገረዝ፡ዘንድ፡ግድ፡አላሉትም፤
4፤ነገር፡ግን፥ባሪያዎች፡ሊያደርጉን፡በክርስቶስ፡ኢየሱስ፡ያለንን፡ሐራነታችንን፡ይሰልሉ፡ዘንድ፡ሾልከው፡በ ስውር፡ስለገቡ፡ስለሐሰተኛዎች፡ወንድሞች፡ነበረ።
5፤የወንጌልም፡እውነት፡በእናንተ፡ዘንድ፡ጸንቶ፡እንዲኖር፡ላንድ፡ሰዓት፡እንኳ፡ለቀ፟ን፡አልተገዛንላቸውም።
6፤አለቃዎች፡የመሰሉት፡ግን፥በፊት፡ማን፡እንደ፡ነበሩ፡አይገደኝም፤እግዚአብሔር፡የሰውን፡ፊት፡አይቶ፡አያደ ላም፤አለቃዎች፡የመሰሉት፡አንዳች፡እንኳ፡አልጨመሩልኝምና፥
7፤ተመልሰው፡ግን፡ጴጥሮስ፡ለተገረዙት፡የኾነው፡ወንጌል፡ዐደራ፡እንደተሰጠው፡እንዲሁ፡ለእኔ፡ላልተገረዙት፡ የኾነው፡ወንጌል፡ዐደራ፡እንደተሰጠኝ፡አዩ፤
8፤ለተገረዙት፡ሐዋርያ፡እንዲኾን፡ለጴጥሮስ፡የሠራለት፥ለእኔ፡ደግሞ፡ለአሕዛብ፡ሐዋርያ፡እንድኾን፡ሠርቷልና ።
9፤ደግሞ፡የተሰጠኝን፡ጸጋ፡ዐውቀው፥አዕማድ፡መስለው፡የሚታዩ፡ያዕቆብና፡ኬፋ፡ዮሐንስም፡እኛ፡ወደ፡አሕዛብ፡ እነርሱም፡ወደተገረዙት፡ይኼዱ፡ዘንድ፡ለኔና፡ለበርናባስ፡ቀኝ፡እጃቸውን፡ሰጡን፤
10፤ድኻዎችን፡እናስብ፡ዘንድ፡ብቻ፡ለመኑን፥ይህንም፡ደግሞ፡ላደርግ፡ተጋኹ።
11፤ነገር፡ግን፥ኬፋ፡ወደ፡አንጾኪያ፡በመጣ፡ጊዜ፡ፊት፡ለፊት፡ተቃወምኹት፥ይፈረድበት፡ዘንድ፡ይገ፟ባ፟፡ነበ ርና።
12፤አንዳንድ፡ከያዕቆብ፡ዘንድ፡ሳይመጡ፡ከአሕዛብ፡ጋራ፡ዐብሮ፡ይበላ፡ነበርና፤በመጡ፡ጊዜ፡ግን፡ከተገረዙት ፡ወገን፡ያሉትን፡ፈርቶ፡ያፈገፍግ፡ነበርና፥ከነርሱ፡ተለየ።
13፤የቀሩትም፡አይሁድ፡ደግሞ፥በርናባስ፡ስንኳ፡በግብዝነታቸው፡እስከ፡ተሳበ፡ድረስ፥ከርሱ፡ጋራ፡ዐብረው፡ግ ብዞች፡ኾኑ።
14፤ነገር፡ግን፥እንደ፡ወንጌል፡እውነት፡በቅንነት፡እንዳልኼዱ፡ባየኹ፡ጊዜ፡በዅሉ፡ፊት፡ኬፋን።አንተ፡አይሁ ዳዊ፡ሳለኽ፡በአይሁድ፡ኑሮ፡ያይደለ፡በአሕዛብ፡ኑሮ፡ብትኖር፥አሕዛብ፡በአይሁድ፡ኑሮ፡ሊኖሩ፡እንዴት፡ግድ፡ አልኻቸው፧አልኹት።
15፤እኛ፡በፍጥረት፡አይሁድ፡ነን፡ኀጢአተኛዎችም፡የኾኑ፡አሕዛብ፡አይደለንም፤
16፤ነገር፡ግን፥ሰው፡በኢየሱስ፡ክርስቶስ፡በማመን፡እንዲጸድቅ፡እንጂ፡በሕግ፡ሥራ፡እንዳይኾን፡ዐውቀን፥ሥጋ ን፡የለበሰ፡ዅሉ፡በሕግ፡ሥራ፡ስለማይጸድቅ፥እኛ፡ራሳችን፡በሕግ፡ሥራ፡ሳይኾን፡በክርስቶስ፡እምነት፡እንጸድ ቅ፡ዘንድ፡በክርስቶስ፡ኢየሱስ፡አምነናል።
17፤ነገር፡ግን፥በክርስቶስ፡ልንጸድቅ፡የምንፈልግ፡ስንኾን፡ራሳችን፡ደግሞ፡ኀጢአተኛዎች፡ኾነን፡ከተገኘን፥ እንግዲያስ፡ክርስቶስ፡የኀጢአት፡አገልጋይ፡ነዋ፧አይደለም።
18፤ያፈረስኹትን፡ይህን፡እንደ፡ገና፡የማንጽ፡ከኾንኹ፡ራሴ፡ሕግ፡ተላላፊ፡እንድኾን፡አስረዳለኹና።
19፤እኔ፡ለእግዚአብሔር፡ሕያው፡ኾኜ፡እኖር፡ዘንድ፡በሕግ፡በኩል፡ለሕግ፡ሞቼ፡ነበርና።
20፤ከክርስቶስ፡ጋራ፡ተሰቅያለኹ፤እኔም፡አኹን፡ሕያው፡ኾኜ፡አልኖርም፥ክርስቶስ፡ግን፡በእኔ፡ይኖራል፤አኹን ም፡በሥጋ፡የምኖርበት፡ኑሮ፡በወደደኝና፡ስለ፡እኔ፡ራሱን፡በሰጠው፡በእግዚአብሔር፡ልጅ፡ላይ፡ባለ፡እምነት፡ የምኖረው፡ነው።
21፤የእግዚአብሔርን፡ጸጋ፡አልጥልም፤ጽድቅስ፡በሕግ፡በኩል፡ከኾነ፡እንኪያስ፡ክርስቶስ፡በከንቱ፡ሞተ።
_______________ገላትያ፥ምዕራፍ፡3።______________
ምዕራፍ፡3፤
1፤የማታስተውሉ፡የገላትያ፡ሰዎች፡ሆይ፥በዐይናችኹ፡ፊት፡ኢየሱስ፡ክርስቶስ፡እንደ፡ተሰቀለ፡ኾኖ፡ተሥሎ፡ነበ ር፤ለእውነት፡እንዳትታዘዙ፡ዐዚም፡ያደረገባችኹ፡ማን፡ነው፧
2፤ይህን፡ብቻ፡ከእናንተ፡እንድማር፡እወዳለኹ፤በሕግ፡ሥራ፡ወይም፡ከእምነት፡ጋራ፡በኾነ፡መስማት፡መንፈስን፡ ተቀበላችኹን፧
3፤እንዲህን፡የማታስተውሉ፡ናችኹ፧በመንፈስ፡ዠምራችኹ፡አኹን፡በሥጋ፡ትፈጽማላችኹን፧
4፤በእውኑ፡ከንቱ፡እንደ፡ኾነስ፡እንደዚህ፡ያለ፡መከራ፡በከንቱ፡ተቀበላችኹን፧
5፤እንግዲህ፡መንፈስን፡የሚሰጣችኹ፡በእናንተም፡ዘንድ፡ተኣምራት፡የሚያደርግ፥በሕግ፡ሥራ፡ነውን፡ወይስ፡ከእ ምነት፡ጋራ፡በኾነ፡መስማት፡ነው፧
6፤እንዲሁ፡አብርሃም፡በእግዚአብሔር፡አመነና፡ጽድቅ፡ኾኖ፡ተቈጠረለት።
7፤እንኪያስ፡ከእምነት፡የኾኑት፡እነዚህ፡የአብርሃም፡ልጆች፡እንደ፡ኾኑ፡ዕወቁ።
8፤መጽሐፍም፡እግዚአብሔር፡አሕዛብን፡በእምነት፡እንዲያጸድቅ፡አስቀድሞ፡አይቶ፦ባንተ፡አሕዛብ፡ዅሉ፡ይባረካ ሉ፡ብሎ፡ወንጌልን፡ለአብርሃም፡አስቀድሞ፡ሰበከ።
9፤እንደዚህ፡ከእምነት፡የኾኑት፡ካመነው፡ከአብርሃም፡ጋራ፡ይባረካሉ።
10፤ከሕግ፡ሥራ፡የኾኑት፡ዅሉ፡በርግማን፡በታች፡ናቸውና፤በሕግ፡መጽሐፍ፡በተጻፉት፡ዅሉ፡ጸንቶ፡የማይኖር፡የ ማያደርግም፡ዅሉ፡የተረገመ፡ነው፡ተብሎ፡ተጽፏልና።
11፤ጻድቅ፡በእምነት፡ይኖራል፡ተብሏልና፥ማንም፡በእግዚአብሔር፡ፊት፡በሕግ፡እንዳይጸድቅ፡ግልጥ፡ነው።
12፤ሕግም፡ከእምነት፡አይደለም፡ነገር፡ግን፦የሚያደርገው፡ይኖርበታል፡ተብሏል።
13፤በዕንጨት፡የሚሰቀል፡ዅሉ፡የተረገመ፡ነው፡ተብሎ፡ተጽፏልና፥ክርስቶስ፡ስለ፡እኛ፡ርግማን፡ኾኖ፡ከሕግ፡ር ግማን፡ዋጀን፤
14፤የመንፈስን፡ተስፋ፡በእምነት፡እንድንቀበል፥የአብርሃም፡በረከት፡ወደ፡አሕዛብ፡በኢየሱስ፡ክርስቶስ፡ይደ ርስላቸው፡ዘንድ።
15፤ወንድሞች፡ሆይ፥እንደ፡ሰው፡ልማድ፡እላለኹ፦የሰው፡ስንኳ፡ቢኾን፡ርግጠኛውን፡ኪዳን፡ማንም፡አይንቅም፡ወ ይም፡አይጨምርበትም።
16፤ለአብርሃምና፡ለዘሩም፡የተስፋው፡ቃል፡ተነገረ።ስለ፡ብዙዎች፡እንደሚነገር፦ለዘሮቹም፡አይልም፤ስለ፡አን ድ፡እንደሚነገር፡ግን፦ለዘርኽም፡ይላል፥ርሱም፡ክርስቶስ።
17፤ይህንም፡እላለኹ፤ከአራት፡መቶ፡ሠላሳ፡ዓመት፡በዃላ፡የተሰጠው፡ሕግ፡አስቀድሞ፡በእግዚአብሔር፡የተረጋገ ጠውን፡ኪዳን፡የተስፋውን፡ቃል፡እስኪሽር፡ድረስ፡አያፈርስም።
18፤ርስቱ፡በሕግ፡ቢኾንስ፡እንግዲያስ፡በተስፋ፡ቃል፡አይኾንም፤በተስፋ፡ቃል፡ግን፡እግዚአብሔር፡ለአብርሃም ፡ሰጥቷል።
19፤እንግዲህ፡ሕግ፡ምንድር፡ነው፧ተስፋው፡የተሰጠው፡ዘር፡እስኪመጣ፡ድረስ፡በመካከለኛ፡እጅ፡በመላእክት፡በ ኩል፡ስለሕግ፡መተላለፍ፡ተጨመረ።
20፤መካከለኛውም፡ላንድ፡ብቻ፡አይደለም፡እግዚአብሔር፡ግን፡አንድ፡ነው።
21፤እንግዲህ፡ሕግ፡የእግዚአብሔርን፡የተስፋ፡ቃል፡የሚቃወም፡ነውን፧አይደለም።ሕያው፡ሊያደርግ፡የሚቻለው፡ ሕግ፡ተሰጥቶ፡ቢኾንስ፡በእውነት፡ጽድቅ፡ከሕግ፡በኾነ፡ነበር፤
22፤ነገር፡ግን፥በኢየሱስ፡ክርስቶስ፡ከማመን፡የኾነው፡የተስፋ፡ቃል፡ለሚያምኑ፡ይሰጥ፡ዘንድ፥መጽሐፍ፡ከኀጢ አት፡በታች፡ዅሉን፡ዘግቶታል።
23፤እምነትም፡ሳይመጣ፥ሊገለጥ፡ላለው፡እምነት፡ተዘግተን፥ከሕግ፡በታች፡እንጠበቅ፡ነበር።
24፤እንደዚህ፡በእምነት፡እንጸድቅ፡ዘንድ፡ሕግ፡ወደ፡ክርስቶስ፡የሚያመጣ፡ሞግዚታችን፡ኾኗል፤
25፤እምነት፡ግን፡መጥቷልና፥ከእንግዲህ፡ወዲህ፡ከሞግዚት፡በታች፡አይደለንም።
26፤በእምነት፡በኩል፡ዅላችኹ፡በክርስቶስ፡ኢየሱስ፡የእግዚአብሔር፡ልጆች፡ናችኹና፤
27፤ከክርስቶስ፡ጋራ፡አንድ፡ትኾኑ፡ዘንድ፡የተጠመቃችኹ፡ዅሉ፡ክርስቶስን፡ለብሳችዃልና።
28፤አይሁዳዊ፡ወይም፡የግሪክ፡ሰው፡የለም፥ባሪያ፡ወይም፡ጨዋ፡ሰው፡የለም፥ወንድም፡ሴትም፡የለም፤ዅላችኹ፡በ ክርስቶስ፡ኢየሱስ፡አንድ፡ሰው፡ናችኹና።
29፤እናንተም፡የክርስቶስ፡ከኾናችኹ፡እንኪያስ፡የአብርሃም፡ዘር፡እንደተስፋውም፡ቃል፡ወራሾች፡ናችኹ።
_______________ገላትያ፥ምዕራፍ፡4።______________
ምዕራፍ፡4፤
1፤ነገር፡ግን፥እላለኹ፥ወራሹ፡ሕፃን፡ኾኖ፡ባለበት፡ዘመን፡ዅሉ፥ምንም፡የዅሉ፡ጌታ፡ቢኾን፡ከቶ፡ከባሪያ፡አይ ለይም፥
2፤ነገር፡ግን፥አባቱ፡እስከቀጠረለት፡ቀን፡ድረስ፡ከጠባቂዎችና፡ከመጋቢዎች፡በታች፡ነው።
3፤እንዲሁ፡እኛ፡ደግሞ፡ሕፃናት፡ኾነን፡ሳለን፡ከዓለም፡መዠመሪያ፡ትምህርት፡በታች፡ተገዝተን፡ባሪያዎች፡ነበ ርን፤
4፤ነገር፡ግን፥የዘመኑ፡ፍጻሜ፡በደረሰ፡ጊዜ፡እግዚአብሔር፡ከሴት፡የተወለደውን፡ከሕግም፡በታች፡የተወለደውን ፡ልጁን፡ላከ፤
5፤እንደ፡ልጆች፡እንኾን፡ዘንድ፥ከሕግ፡በታች፡ያሉትን፡ይዋጅ፡ዘንድ።
6፤ልጆችም፡ስለ፡ኾናችኹ፡እግዚአብሔር፡አባ፡አባት፡ብሎ፡የሚጮኽ፡የልጁን፡መንፈስ፡በልባችኹ፡ውስጥ፡ላከ።
7፤ስለዚህ፥ከእንግዲህ፡ወዲህ፡ልጅ፡ነኽ፡እንጂ፡ባሪያ፡አይደለኽም፤ልጅም፡ከኾንኽ፡ደግሞ፡በክርስቶስ፡የእግ ዚአብሔር፡ወራሽ፡ነኽ።
8፤ነገር፡ግን፥በዚያን፡ጊዜ፡እግዚአብሔርን፡ሳታውቁ፡በባሕርያቸው፡አማልክት፡ለማይኾኑ፡ባሪያዎች፡ኾናችኹ፡ ተገዛችኹ፤
9፤አኹን፡ግን፡እግዚአብሔርን፡ስታውቁ፡ይልቅስ፡በእግዚአብሔር፡ስትታወቁ፡እንደ፡ገና፡ወደ፡ደካማ፡ወደሚናቅ ም፡ወደመዠመሪያ፡ትምህርት፡እንዴት፡ትመለሳላችኹ፧እንደ፡ገና፡ባሪያዎች፡ኾናችኹ፡ዳግመኛ፡ለዚያ፡ልትገዙ፡ ትወዳላችኹን፧
10፤ቀንንና፡ወርን፡ዘመንንም፡ዓመትንም፡በጥንቃቄ፡ትጠብቃላችኹ።
11፤ምናልባት፡በከንቱ፡ለእናንተ፡ደክሜያለኹ፡ብዬ፡እፈራችዃለኹ።
12፤ወንድሞች፡ሆይ፥እኔ፡ደግሞ፡እንደናንተ፡ኾኛለኹና፦እንደ፡እኔ፡ኹኑ፡ብዬ፡እለምናችዃለኹ።አንዳችም፡አል በደላችኹኝም።
13፤በመዠመሪያ፡ወንጌልን፡በሰበክኹላችኹ፡ጊዜ፡ከሥጋ፡ድካም፡የተነሣ፡እንደ፡ነበረ፡ታውቃላችኹ፥
14፤በሥጋዬም፡ፈተና፡የኾነባችኹን፡ነገር፡አልናቃችኹትምና፡አልተጸየፋችኹትም፥ነገር፡ግን፥እንደእግዚአብሔ ር፡መልአክ፥አዎን፥እንደ፡ክርስቶስ፡ኢየሱስ፡ተቀበላችኹኝ።
15፤እንግዲህ፡ደስ፡ማሠኘታችኹ፡ወዴት፡አለ፧ቢቻልስ፡ዐይኖቻችኹን፡አውጥታችኹ፡በሰጣችኹኝ፡ብዬ፡እመሰክርላ ችዃለኹ።
16፤እንኪያስ፡እውነቱን፡ስለ፡ነገርዃችኹ፡ጠላት፡ኾንኹባችኹን፧
17፤በብርቱ፡ይፈልጓችዃል፥ለመልካም፡አይደለም፥ነገር፡ግን፥በብርቱ፡ትፈልጓቸው፡ዘንድ፡በውጭ፡ሊያስቀሯችኹ ፡ይወዳሉ።
18፤ነገር፡ግን፥ከእናንተ፡ዘንድ፡በምኖርበት፡ጊዜ፡ብቻ፡ሳይኾን፡ዅልጊዜ፡በመልካም፡ነገር፡ተፈላጊ፡ብትኾኑ ፡መልካም፡ነው።
19፤ልጆቼ፡ሆይ፥ክርስቶስ፡በእናንተ፡እስኪሣል፡ድረስ፡ዳግመኛ፡ስለ፡እናንተ፡ምጥ፡ይዞኛል።
20፤ስለ፡እናንተ፡አመነታለኹና፡አኹን፡በእናንተ፡ዘንድ፡ኾኜ፡ድምፄን፡ልለውጥ፡በወደድኹ።
21፤እናንተ፡ከሕግ፡በታች፡ልትኖሩ፡የምትወዱ፥ሕጉን፡አትሰሙምን፧እስኪ፡ንገሩኝ።
22፤አንዱ፡ከባሪያዪቱ፡አንዱም፡ከጨዋዪቱ፡የኾኑ፡ኹለት፡ልጆች፡ለአብርሃም፡እንደ፡ነበሩት፡ተጽፏልና።
23፤ነገር፡ግን፥የባሪያዪቱ፡ልጅ፡እንደ፡ሥጋ፡ተወልዷል፥የጨዋዪቱ፡ግን፡በተስፋው፡ቃል፡ተወልዷል።
24፤ይህም፡ነገር፡ምሳሌ፡ነው፤እነዚህ፡ሴቶች፡እንደ፡ኹለቱ፡ኪዳኖች፡ናቸውና።ከደብረ፡ሲና፡የኾነችው፡አንዲ ቱ፡ለባርነት፡ልጆችን፡ትወልዳለች፥ርሷም፡አጋር፡ናት።
25፤ይህችም፡አጋር፡በዐረብ፡ምድር፡ያለችው፡ደብረ፡ሲና፡ናት፤አኹንም፡ያለችውን፡ኢየሩሳሌምን፡ትመስላለች፥ ከልጆቿ፡ጋራ፡በባርነት፡ናትና።
26፤ላይኛዪቱ፡ኢየሩሳሌም፡ግን፡በነጻነት፡የምትኖር፡ናት፡ርሷም፡እናታችን፡ናት።
27፤አንቺ፡የማትወልጅ፡መካን፥ደስ፡ይበልሽ፤አንቺ፡አምጠሽ፡የማታውቂ፥እልል፡በዪና፡ጩኺ፤ባል፡ካላቱ፡ይልቅ ፡የብቸኛዪቱ፡ልጆች፡በዝተዋልና፥ተብሎ፡ተጽፏል።
28፤እኛም፥ወንድሞች፡ሆይ፥እንደ፡ይሥሐቅ፡የተስፋ፡ቃል፡ልጆች፡ነን።
29፤ነገር፡ግን፥እንደ፡ሥጋ፡የተወለደው፡እንደ፡መንፈስ፡የተወለደውን፡በዚያን፡ጊዜ፡እንዳሳደደው፡ዛሬም፡እ ንዲሁ፡ነው።
30፤ነገር፡ግን፥መጽሐፍ፡ምን፡ይላል፧የባሪያዪቱ፡ልጅ፡ከጨዋዪቱ፡ልጅ፡ጋራ፡አይወርስምና፡ባሪያዪቱን፡ከልጇ ፡ጋራ፡አውጣት።
31፤ስለዚህ፥ወንድሞች፡ሆይ፥የጨዋዪቱ፡ልጆች፡ነን፡እንጂ፡የባሪያዪቱ፡አይደለንም።
_______________ገላትያ፥ምዕራፍ፡5።______________
ምዕራፍ፡5፤
1፤በነጻነት፡ልንኖር፡ክርስቶስ፡ነጻነት፡አወጣን፤እንግዲህ፡ጸንታችኹ፡ቁሙ፡እንደ፡ገናም፡በባርነት፡ቀንበር ፡አትያዙ።
2፤እንሆ፥እኔ፡ጳውሎስ፡እላችዃለኹ፦ብትገረዙ፡ክርስቶስ፡ምንም፡አይጠቅማችኹም።
3፤ሕግንም፡ዅሉ፡እንዲፈጽም፡ግድ፡አለበት፡ብዬ፡ለሚገረዙት፡ዅሉ፡ለያንዳንዶች፡ደግሜ፡እመሰክራለኹ።
4፤በሕግ፡ልትጸድቁ፡የምትፈልጉ፡ከክርስቶስ፡ተለይታችኹ፡ከጸጋው፡ወድቃችዃል።
5፤እኛ፡በመንፈስ፡ከእምነት፡የጽድቅን፡ተስፋ፡እንጠባበቃለንና።
6፤በክርስቶስ፡ኢየሱስ፡ኾኖ፥በፍቅር፡የሚሠራ፡እምነት፡እንጂ፡መገረዝ፡ቢኾን፡ወይም፡አለመገረዝ፡አይጠቅምም ና።
7፤በመልካም፡ትሮጡ፡ነበር፤ለእውነት፡እንዳትታዘዙ፡ማን፡ከለከላችኹ፧
8፤ይህ፡ማባበል፡ከሚጠራችኹ፡አልወጣም።ጥቂት፡ርሾ፡ሊጡን፡ዅሉ፡ያቦካል።
9-10፤የተለየ፡ነገር፡ከቶ፡እንዳታስቡ፡እኔ፡በጌታ፡ስለ፡እናንተ፡ታምኛለኹ፤የሚያናውጣችኹ፡ማንም፡ቢኖር፡ግ ን፡ፍርዱን፡ሊሸከም፡ነው።
11፤ነገር፡ግን፥ወንድሞች፡ሆይ፥እኔ፡ገና፡እስከ፡አኹን፡መገረዝን፡ብሰብክ፡እስከ፡አኹን፡ድረስ፡ለምን፡ያሳ ድዱኛል፧እንኪያስ፡የመስቀል፡ዕንቅፋት፡ተወግዷል።
12፤የሚያውኳችኹ፡ይቈረጡ።
13፤ወንድሞች፡ሆይ፥እናንተ፡ለሐራነት፡ተጠርታችዃልና፤ብቻ፡ሐራነታችኹ፡ለሥጋ፡ምክንያትን፡አይስጥ፥ነገር፡ ግን፥በፍቅር፡ርስ፡በርሳችኹ፡እንደ፡ባሪያዎች፡ኹኑ።
14፤ሕግ፡ዅሉ፡ባንድ፡ቃል፡ይፈጸማልና፥ርሱም፦ባልንጀራኽን፡እንደ፡ራስኽ፡ውደድ፡የሚል፡ነው።
15፤ነገር፡ግን፥ርስ፡በርሳችኹ፡ብትነካከሱ፡ብትበላሉ፡ርስ፡በርሳችኹ፡እንዳትጠፋፉ፡ተጠንቀቁ።
16፤ነገር፡ግን፥እላለኹ፥በመንፈስ፡ተመላለሱ፥የሥጋንም፡ምኞት፡ከቶ፡አትፈጽሙ።
17፤ሥጋ፡በመንፈስ፡ላይ፡መንፈስም፡በሥጋ፡ላይ፡ይመኛልና፥እነዚህም፡ርስ፡በርሳቸው፡ይቀዋወማሉ፤ስለዚህም፡ የምትወዱትን፡ልታደርጉ፡አትችሉም።
18፤በመንፈስ፡ብትመሩ፡ግን፡ከሕግ፡በታች፡አይደላችኹም።
19፤የሥጋ፡ሥራም፡የተገለጠ፡ነው፥ርሱም፡ዝሙት፥ርኵሰት፥
20፤መዳራት፥ጣዖትን፡ማምለክ፥ሟርት፥ጥል፥ክርክር፥ቅንአት፥ቍጣ፥ዐድመኛነት፥
21፤መለያየት፥መናፍቅነት፥ምቀኝነት፥መግደል፥ስካር፥ዘፋኝነት፥ይህንም፡የሚመስል፡ነው።አስቀድሜም፡እንዳል ኹ፥እንደዚህ፡ያሉትን፡የሚያደርጉ፡የእግዚአብሔርን፡መንግሥት፡አይወርሱም።
22፤የመንፈስ፡ፍሬ፡ግን፡ፍቅር፥ደስታ፥ሰላም፥ትዕግሥት፥ቸርነት፥በጎነት፥እምነት፥የውሀት፥ራስን፡መግዛት፡ ነው።
23፤እንደዚህ፡ያሉትን፡የሚከለክል፡ሕግ፡የለም።
24፤የክርስቶስ፡ኢየሱስም፡የኾኑቱ፡ሥጋን፡ከክፉ፡መሻቱና፡ከምኞቱ፡ጋራ፡ሰቀሉ።
25፤በመንፈስ፡ብንኖር፡በመንፈስ፡ደግሞ፡እንመላለስ።
26፤ርስ፡በርሳችን፡እየተነሣሣንና፡እየተቀናናን፡በከንቱ፡አንመካ።
_______________ገላትያ፥ምዕራፍ፡6።______________
ምዕራፍ፡6፤
1፤ወንድሞች፡ሆይ፥ሰው፡በማናቸውም፡በደል፡ስንኳ፡ቢገኝ፥መንፈሳውያን፡የኾናችኹ፡እናንተ፡እንደዚህ፡ያለውን ፡ሰው፡በየውሀት፡መንፈስ፡አቅኑት፤አንተ፡ደግሞ፡እንዳትፈተን፡ራስኽን፡ጠብቅ።
2፤ከእናንተ፡እያንዳንዱ፡የአንዱን፡ሸክም፡ይሸከም፡እንዲሁም፡የክርስቶስን፡ሕግ፡ፈጽሙ።
3፤አንዱ፡ምንም፡ሳይኾን፡ምንም፡የኾነ፡ቢመስለው፡ራሱን፡ያታልላልና።
4፤ነገር፡ግን፥እያንዳንዱ፡የገዛ፡ራሱን፡ሥራ፡ይፈትን፥ከዚያም፡በዃላ፡ስለሌላው፡ሰው፡ያልኾነ፡ስለ፡ራሱ፡ብ ቻ፡የሚመካበትን፡ያገኛል፤
5፤እያንዳንዱ፡የገዛ፡ራሱን፡ሸክም፡ሊሸከም፡ነውና።
6፤ነገር፡ግን፥ቃሉን፡የሚማር፡ከሚያስተምረው፡ጋራ፡መልካምን፡ነገር፡ዅሉ፡ይከፋፈል።
7፤አትሳቱ፤እግዚአብሔር፡አይዘበትበትም።ሰው፡የሚዘራውን፡ዅሉ፡ያንኑ፡ደግሞ፡ያጭዳልና፤
8፤በገዛ፡ሥጋው፡የሚዘራ፡ከሥጋ፡መበስበስን፡ያጭዳልና፥በመንፈስ፡ግን፡የሚዘራው፡ከመንፈስ፡የዘለዓለምን፡ሕ ይወት፡ያጭዳል።
9፤ባንዝልም፡በጊዜው፡እናጭዳለንና፡መልካም፡ሥራን፡ለመሥራት፡አንታክት።
10፤እንግዲያስ፡ጊዜ፡ካገኘን፡ዘንድ፡ለሰው፡ዅሉ፡ይልቁንም፡ለሃይማኖት፡ቤተ፡ሰዎች፡መልካም፡እናድርግ።
11፤እንዴት፡ባሉ፡ታላላቆች፡ፊደላት፡በእጄ፡እንደ፡ጻፍኹላችኹ፡እዩ።
12፤በሥጋ፡መልካም፡ኾነው፡ሊታዩ፡የሚወዱ፡ዅሉ፡እንድትገረዙ፡ግድ፡አሏችኹ፥ነገር፡ግን፥ስለክርስቶስ፡መስቀ ል፡እንዳይሰደዱ፡ብቻ፡ነው።
13፤በሥጋችኹ፡እንዲመኩ፡ልትገረዙ፡ይወዳሉ፡እንጂ፡የተገረዙቱ፡ራሳቸው፡እንኳ፡ሕግን፡አይጠብቁም።
14፤ነገር፡ግን፥ዓለም፡ለእኔ፡የተሰቀለበት፡እኔም፡ለዓለም፡የተሰቀልኹበት፡ከጌታችን፡ከኢየሱስ፡ክርስቶስ፡ መስቀል፡በቀር፡ሌላ፡ትምክሕት፡ከእኔ፡ይራቅ።
15፤በክርስቶስ፡ኢየሱስ፡ዐዲስ፡ፍጥረት፡መኾን፡ይጠቅማል፡እንጂ፡መገረዝ፡ቢኾን፡ወይም፡አለመገረዝ፡አይጠቅ ምምና።
16፤በዚህም፡ሥርዐት፡በሚመላለሱ፡ዅሉ፡ላይ፡በእግዚአብሔር፡እስራኤልም፡ላይ፡ሰላምና፡ምሕረት፡ይኹን።
17፤እኔ፡የኢየሱስን፡ማኅተም፡በሥጋዬ፡ተሸክሜያለኹና፡ከእንግዲህ፡ወዲህ፡አንድ፡ስንኳ፡አያድክመኝ።
18፤ወንድሞች፡ሆይ፥የጌታችን፡የኢየሱስ፡ክርስቶስ፡ጸጋ፡ከመንፈሳችኹ፡ጋራ፡ይኹን።አሜን፨

http://www.gzamargna.net