የሐዋርያው፡ጳውሎስ፡መልእክት፡
ወደፊልጵስዩስ፡ሰዎች።

(ክለሳ.1.20020507)

_______________ፊልጵስዩስ፥ምዕራፍ፡1።______________
ምዕራፍ፡1፤
1፤የኢየሱስ፡ክርስቶስ፡ባሪያዎች፡የኾኑ፡ጳውሎስና፡ጢሞቴዎስ፡በፊልጵስዩስ፡ለሚኖሩ፡ከኤጲስ፡ቆጶሳትና፡ከዲ ያቆናት፡ጋራ፡በክርስቶስ፡ኢየሱስ፡ላሉት፡ቅዱሳን፡ዅሉ፤
2፤ከእግዚአብሔር፡ከአባታችን፡ከጌታም፡ከኢየሱስ፡ክርስቶስ፡ጸጋና፡ሰላም፡ለእናንተ፡ይኹን።
3-5፤ዅልጊዜ፡በጸሎቴ፡ዅሉ፡ስለ፡እናንተ፡ዅሉ፡በደስታ፡እየጸለይኹ፥ከፊተኛው፡ቀን፡እስከ፡ዛሬ፡ድረስ፡ወንጌ ልን፡በመስበክ፡ዐብራችኹ፡ስለ፡ሠራችኹ፥ባሰብዃችኹ፡ጊዜ፡ዅሉ፡አምላኬን፡አመሰግናለኹ።
6፤በእናንተ፡መልካምን፡ሥራ፡የዠመረው፡እስከኢየሱስ፡ክርስቶስ፡ቀን፡ድረስ፡እንዲፈጽመው፡ይህን፡ተረድቻለኹ ና፤
7፤በእስራቴም፡ወንጌልንም፡መመከቻና፡መጽኛ፡በማድረግ፡ዅላችኹ፡ከእኔ፡ጋራ፡በጸጋ፡ተካፋዮች፡ስለ፡ኾናችኹ፥ በልቤ፡ትኖራላችኹና፡ስለ፡ዅላችኹ፡ይህን፡ላስብ፡ይገ፟ባ፟ኛል።
8፤በክርስቶስ፡ኢየሱስ፡ፍቅር፡ዅላችኹን፡እንዴት፡እንድናፍቃችኹ፡እግዚአብሔር፡ምስክሬ፡ነውና።
9-11፤ለእግዚአብሔርም፡ክብርና፡ምስጋና፡ከኢየሱስ፡ክርስቶስ፡የሚገኝ፡የጽድቅ፡ፍሬ፡ሞልቶባችኹ፥ለክርስቶስ ፡ቀን፡ተዘጋጅታችኹ፡ቅኖችና፡አለ፡ነውር፡እንድትኾኑ፡የሚሻለውን፡ነገር፡ፈትናችኹ፡ትወዱ፡ዘንድ፥ፍቅራችኹ ፡በዕውቀትና፡በማስተዋል፡ዅሉ፡ከፊት፡ይልቅ፡እያደገ፡እንዲበዛ፡ይህን፡እጸልያለኹ።
12፤ነገር፡ግን፥ወንድሞች፡ሆይ፥ይህ፡የደረሰብኝ፡በእውነት፡ወንጌልን፡ለማስፋት፡እንደ፡ኾነ፡ታውቁ፡ዘንድ፡ እወዳለኹ።
13፤ስለዚህም፡እስራቴ፡ስለ፡ክርስቶስ፡እንዲኾን፡በንጉሥ፡ዘበኛዎች፡ዅሉና፡በሌላዎች፡ዅሉ፡ዘንድ፡ተገልጧል ፥
14፤በጌታም፡ካሉት፡ወንድሞች፡የሚበዙት፡ስለ፡እስራቴ፡ታምነው፡የእግዚአብሔርን፡ቃል፡እንዲነግሩ፡ያለፍርሀ ት፡ከፊት፡ይልቅ፡ይደፍራሉ።
15፤አንዳንዶች፡ከቅንአትና፡ከክርክር፡እንኳ፡ሌላዎች፡ግን፡ከበጎ፡ፈቃድ፡የተነሣ፡ክርስቶስን፡ይሰብኩታል፤
16፤እነዚህ፡ወንጌልን፡መመከቻ፡ለማድረግ፡እንደ፡ተሾምኹ፡ዐውቀው፡በፍቅር፡ይሰብካሉ፥
17፤እነዚያ፡ግን፡በእስራቴ፡ላይ፡መከራን፡ሊያመጡብኝ፡መስሏቸው፥ለወገናቸው፡የሚጠቅም፡ፈልገው፡በቅን፡ዐሳ ብ፡ሳይኾኑ፡ስለ፡ክርስቶስ፡ያወራሉ።
18፤ምን፡አለ፧ቢኾንም፡በዅሉ፡ጐዳና፥በማመካኘት፡ቢኾን፡ወይም፡በቅንነት፡ቢኾን፥ክርስቶስ፡ይሰበካል፡ስለዚ ህም፡ደስ፡ብሎኛል።
19፤ወደ፡ፊትም፡ደግሞ፡ደስ፡ይለኛል፤ይህ፡በጸሎታችኹና፡በኢየሱስ፡ክርስቶስ፡መንፈስ፡መሰጠት፡ለመዳኔ፡እን ዲኾንልኝ፡ዐውቃለኹና፥
20፤ይህ፡ናፍቆቴ፡ተስፋዬም፡ነውና፤ባንድ፡ነገር፡እንኳ፡አላፍርም፥ነገር፡ግን፥በሕይወት፡ብኖር፡ወይም፡ብሞ ት፥ክርስቶስ፡በግልጥነት፡ዅሉ፡እንደ፡ወትሮው፡አኹን፡ደግሞ፡በሥጋዬ፡ይከብራል።
21፤ለእኔ፡ሕይወት፡ክርስቶስ፥ሞትም፡ጥቅም፡ነውና።
22፤ነገር፡ግን፥በሥጋ፡መኖር፡ለእኔ፡የሥራ፡ፍሬ፡ቢኾን፥ምን፡እንድመርጥ፡አላስታውቅም።
23፤በእነዚህም፡በኹለቱ፡እጨነቃለኹ፤ልኼድ፡ከክርስቶስም፡ጋራ፡ልኖር፡እናፍቃለኹ፥ከዅሉ፡ይልቅ፡እጅግ፡የሚ ሻል፡ነውና፤
24፤ነገር፡ግን፥በሥጋ፡መኖሬ፡ስለ፡እናንተ፡እጅግ፡የሚያስፈልግ፡ነው።
25-26፤ይህንንም፡ተረድቼ፥በእናንተ፡ዘንድ፡እንደ፡ገና፡ስለ፡መኾኔ፥በእኔ፡መመካታችኹ፡በክርስቶስ፡ኢየሱስ፡ ይበዛ፡ዘንድ፥በእምነት፡ታድጉና፡ደስ፡ይላችኹ፡ዘንድ፡እንድኖር፡ከዅላችኹም፡ጋራ፡እንድቈይ፡ዐውቃለኹ።
27፤ይኹን፡እንጂ፥መጥቼ፡ባያችኹ፡ወይም፡ብርቅ፥ባንድ፡ልብ፡ስለወንጌል፡ሃይማኖት፡ዐብራችኹ፡እየተጋደላችኹ ፥ባንድ፡መንፈስ፡እንድትቆሙ፡ስለ፡ኑሯችኹ፡እሰማ፡ዘንድ፥ለክርስቶስ፡ወንጌል፡እንደሚገ፟ባ፟፡ኑሩ።
28፤በአንድም፡ነገር፡እንኳ፡በተቃዋሚዎች፡አትደንግጡ፤ይህም፡ለእነርሱ፡የጥፋት፥ለእናንተ፡ግን፡የመዳን፡ም ልክት፡ነው፥ይህም፡ከእግዚአብሔር፡ነው፤
29፤ይህ፡ስለ፡ክርስቶስ፡ተሰጥቷችዃልና፤ስለርሱ፡መከራ፡ደግሞ፡ልትቀበሉ፡እንጂ፡በርሱ፡ልታምኑ፡ብቻ፡አይደ ለም፤
30፤በእኔ፡ያያችኹት፡አኹንም፡በእኔ፡እንዳለ፡የምትሰሙት፥ያው፡መጋደል፡ደርሶባችዃልና።
_______________ፊልጵስዩስ፥ምዕራፍ፡2።______________
ምዕራፍ፡2፤
1፤በክርስቶስም፡አንዳች፡ምክር፡ቢኾን፥የፍቅር፡መጽናናት፡ቢኾን፥የመንፈስ፡ኅብረት፡ቢኾን፥ምሕረትና፡ርኅራ ኄ፡ቢኾኑ፥ደስታዬን፡ፈጽሙልኝ፤
2፤ባንድ፡ዐሳብ፡ተስማሙ፥አንድ፡ፍቅር፡አንድም፡ልብ፡አንድም፡ዐሳብ፡ይኹንላችኹ፤
3፤ለወገኔ፡ይጠቅማል፡በማለት፡ወይም፡በከንቱ፡ውዳሴ፡ምክንያት፡አንድ፡እንኳ፡አታድርጉ፥ነገር፡ግን፥እያንዳ ንዱ፡ባልንጀራው፡ከራሱ፡ይልቅ፡እንዲሻል፡በትሕትና፡ይቍጠር፤
4፤እያንዳንዱ፡ለራሱ፡የሚጠቅመውን፡አይመልከት፥ለባልንጀራው፡ደግሞ፡እንጂ።
5፤በክርስቶስ፡ኢየሱስ፡የነበረ፡ይህ፡ዐሳብ፡በእናንተ፡ዘንድ፡ደግሞ፡ይኹን።
6፤ርሱ፡በእግዚአብሔር፡መልክ፡ሲኖር፡ሳለ፡ከእግዚአብሔር፡ጋራ፡መተካከልን፡መቀማት፡እንደሚገ፟ባ፟፡ነገር፡ አልቈጠረውም፥
7፤ነገር፡ግን፥የባሪያን፡መልክ፡ይዞ፡በሰውም፡ምሳሌ፡ኾኖ፡ራሱን፡ባዶ፡አደረገ፥
8፤በምስሉም፡እንደ፡ሰው፡ተገኝቶ፡ራሱን፡አዋረደ፥ለሞትም፡ይኸውም፡የመስቀል፡ሞት፡እንኳ፡የታዘዘ፡ኾነ።
9፤በዚህ፡ምክንያት፡ደግሞ፡እግዚአብሔር፡ያለልክ፡ከፍ፡ከፍ፡አደረገው፥ከስምም፡ዅሉ፡በላይ፡ያለውን፡ስም፡ሰ ጠው፤
10፤ይህም፡በሰማይና፡በምድር፡ከምድርም፡በታች፡ያሉት፡ዅሉ፡በኢየሱስ፡ስም፡ይንበረከኩ፡ዘንድ፥
11፤ምላስም፡ዅሉ፡ለእግዚአብሔር፡አብ፡ክብር፡ኢየሱስ፡ክርስቶስ፡ጌታ፡እንደ፡ኾነ፡ይመሰክር፡ዘንድ፡ነው።
12፤ስለዚህ፥ወዳጆቼ፡ሆይ፥ዅልጊዜ፡እንደ፡ታዘዛችኹ፥በእናንተ፡ዘንድ፡በመኖሬ፡ብቻ፡ሳይኾን፡ይልቁን፡አኹን ፡ስርቅ፥በፍርሀትና፡በመንቀጥቀጥ፡የራሳችኹን፡መዳን፡ፈጽሙ፤
13፤ስለ፡በጎ፡ፈቃዱ፡መፈለግንም፡ማድረግንም፡በእናንተ፡የሚሠራ፡እግዚአብሔር፡ነውና።
14-15፤በመጥፎና፡በጠማማ፡ትውልድ፡መካከል፡ያለነቀፋ፡የዋሆችም፡ነውርም፡የሌለባቸው፡የእግዚአብሔር፡ልጆች፡ እንድትኾኑ፡ሳታንጐራጕሩ፡ክፉም፡ሳታስቡ፡ዅሉን፡አድርጉ፤
16፤በእነርሱም፡መካከል፡የሕይወትን፡ቃል፡እያቀረባችኹ፡በዓለም፡እንደ፡ብርሃን፡ትታያላችኹ፥ስለዚህም፡በከ ንቱ፡እንዳልሮጥኹ፡በከንቱም፡እንዳልደከምኹ፡በክርስቶስ፡ቀን፡የምመካበት፡ይኾንልኛል።
17፤ነገር፡ግን፥በእምነታችኹ፡መሥዋዕትና፡አገልግሎት፡ተጨምሬ፡ሕይወቴ፡እንኳ፡ቢፈስ፥ደስ፡ብሎኛል፤ከዅላች ኹም፡ጋራ፡ዐብሬ፡ደስ፡ብሎኛል፤
18፤እናንተም፡ደግሞ፡እንዲሁ፡ደስ፡ይበላችኹ፥ከእኔም፡ጋራ፡ዐብራችኹ፡ደስ፡ይበላችኹ።
19፤ነገር፡ግን፥ኑሯችኹን፡ሳውቅ፡እኔ፡ደግሞ፡ደስ፡እንዲለኝ፡ፈጥኜ፡ጢሞቴዎስን፡ልልክላችኹ፡በጌታ፡በኢየሱ ስ፡ተስፋ፡አደርጋለኹ።
20፤እንደ፡ርሱ፡ያለ፥ስለ፡ኑሯችኹ፡በቅንነት፡የሚጨነቅ፥ማንም፡የለኝምና፤
21፤ዅሉ፡የራሳቸውን፡ይፈልጋሉና፥የክርስቶስ፡ኢየሱስን፡አይደለም።
22፤ነገር፡ግን፥ልጅ፡ለአባቱ፡እንደሚያገለግል፡ከእኔ፡ጋራ፡ኾኖ፡ለወንጌል፡እንደ፡አገለገለ፡መፈተኑን፡ታው ቃላችኹ።
23፤እንግዲህ፡እንዴት፡እንደምኾን፡ባየኹ፡ጊዜ፥ርሱን፡ቶሎ፡እንድልክ፡ተስፋ፡አደርጋለኹ፤
24፤ራሴ፡ደግሞ፡ግን፡ፈጥኜ፡እንድመጣ፡በጌታ፡ታምኛለኹ።
25፤ነገር፡ግን፥ወንድሜንና፡ከእኔ፡ጋራ፡ዐብሮ፡ሠራተኛ፡ወታደርም፡የሚኾነውን፥የእናንተ፡ግን፡መልእክተኛ፡ የኾነውና፡የሚያስፈልገኝን፡የሚያገለግለውን፡አፍሮዲጡን፡እንድልክላችኹ፡በግድ፡ዐስባለኹ፤
26፤ዅላችኹን፡ይናፍቃልና፥እንደ፡ታመመም፡ስለ፡ሰማችኹ፡ይተክዛል።
27፤በእውነት፡ታሞ፡ለሞት፡እንኳ፡ቀርቦ፡ነበርና፤ነገር፡ግን፥እግዚአብሔር፡ማረው፥ሐዘን፡በሐዘን፡ላይ፡እን ዳይጨመርብኝ፡ለእኔ፡ደግሞ፡እንጂ፡ለርሱ፡ብቻ፡አይደለም።
28፤እንግዲህ፡እንደ፡ገና፡ስታዩት፡ደስ፡እንዲላችኹ፡ለኔም፡ሐዘኔ፡እንዲቃለል፡በብዙ፡ፍጥነት፡እልከዋለኹ።
29፤እንግዲህ፡በሙሉ፡ደስታ፡በጌታ፡ተቀበሉት፥ርሱን፡የሚመስሉትንም፡አክብሯቸው፤
30፤በእኔ፡ዘንድ፡ካላችኹ፡አገልግሎት፡እናንተ፡ስለሌላችኹ፡የጐደለኝን፡እንዲፈጽም፥በነፍሱ፡ተወራርዶ፡ከጌ ታ፡ሥራ፡የተነሣ፡እስከ፡ሞት፡ቀርቧልና።
_______________ፊልጵስዩስ፥ምዕራፍ፡3።______________
ምዕራፍ፡3፤
1፤በቀረውስ፥ወንድሞቼ፡ሆይ፥በጌታ፡ደስ፡ይበላችኹ።ስለ፡አንድ፡ነገር፡መልሼ፡ልጽፍላችኹ፡እኔን፡አይታክተኝ ም፡ለእናንተ፡ግን፡ደኅና፡ነው።
2፤ከውሻዎች፡ተጠበቁ፥ከክፉዎችም፡ሠራተኛዎች፡ተጠበቁ፥ከሐሰተኛም፡መገረዝ፡ተጠበቁ።
3፤እኛ፡በመንፈስ፡እግዚአብሔርን፡የምናመልክ፡በክርስቶስ፡ኢየሱስም፡የምንመካ፡በሥጋም፡የማንታመን፡እኛ፡የ ተገረዝን፡ነንና።
4፤እኔ፡ግን፡በሥጋ፡ደግሞ፡የምታመንበት፡አለኝ።ሌላ፡ሰው፡ማንም፡ቢኾን፡በሥጋ፡የሚታመንበት፡እንዳለው፡ቢመ ስለው፥እኔ፡እበልጠዋለኹ።
5፤በስምንተኛው፡ቀን፡የተገረዝኹ፥ከእስራኤል፡ትውልድ፥ከብንያም፡ወገን፥ከዕብራውያን፡ዕብራዊ፡ነኝ፤ስለ፡ሕ ግ፡ብትጠይቁ፥ፈሪሳዊ፡ነበርኹ፤
6፤ስለ፡ቅንአት፡ብትጠይቁ፥ቤተ፡ክርስቲያንን፡አሳዳጅ፡ነበርኹ፤በሕግ፡ስለሚገኝ፡ጽድቅ፡ብትጠይቁ፥ያለነቀፋ ፡ነበርኹ።
7፤ነገር፡ግን፥ለእኔ፡ረብ፡የነበረውን፡ዅሉ፡ስለ፡ክርስቶስ፡እንደ፡ጕዳት፡ቈጥሬዋለኹ።
8-9፤አዎን፥በእውነት፡ከዅሉ፡ይልቅ፡ስለሚበልጥ፡ስለ፡ክርስቶስ፡ኢየሱስ፡ስለ፡ጌታዬ፡ዕውቀት፡ነገር፡ዅሉ፡ጕ ዳት፡እንዲኾን፡እቈጥራለኹ፤ስለ፡ርሱ፡ዅሉን፡ተጐዳኹ፥ክርስቶስንም፡አገኝ፡ዘንድ፥በክርስቶስም፡በማመን፡ያ ለው፡ጽድቅ፡ማለት፡በእምነት፡ከእግዚአብሔር፡ዘንድ፡ያለው፡ጽድቅ፡እንጂ፡ከሕግ፡ለእኔ፡ያለው፡ጽድቅ፡ሳይኾ ንልኝ፥በርሱ፡እገኝ፡ዘንድ፡ዅሉን፡እንደ፡ጕድፍ፡እቈጥራለኹ፤
10-11፤ርሱንና፡የትንሣኤውን፡ኀይል፡እንዳውቅ፥በመከራውም፡እንድካፈል፥ወደሙታንም፡ትንሣኤ፡ልደርስ፡ቢኾንል ኝ፥በሞቱ፡እንድመስለው፡እመኛለኹ።
12፤አኹን፡እንዳገኘኹ፡ወይም፡አኹን፡ፍጹም፡እንደ፡ኾንኹ፡አይደለም፥ነገር፡ግን፥ስለ፡ርሱ፡በክርስቶስ፡ኢየ ሱስ፡የተያዝኹበትን፡ያን፡ደግሞ፡እይዛለኹ፡ብዬ፡እፈጥናለኹ።
13፤ወንድሞች፡ሆይ፥እኔ፡ገና፡እንዳልያዝኹት፡እቈጥራለኹ፤ነገር፡ግን፥አንድ፡ነገር፡አደርጋለኹ፤በዃላዬ፡ያ ለውን፡እየረሳኹ፡በፊቴ፡ያለውን፡ለመያዝ፡እዘረጋለኹ፥
14፤በክርስቶስ፡ኢየሱስ፡ከፍ፡ከፍ፡ያለውን፡የእግዚአብሔርን፡መጥራት፡ዋጋ፡እንዳገኝ፡ምልክትን፡እፈጥናለኹ ።
15፤እንግዲህ፡ፍጹማን፡የኾን፟፡ዅላችን፡ይህን፡እናስብ፤በአንዳች፡ነገርም፡ልዩ፡ዐሳብ፡ቢኖራችኹ፥እግዚአብ ሔር፡ይህን፡ደግሞ፡ይገልጥላችዃል፤
16፤ኾኖም፡በደረስንበት፡በዚያ፡እንመላለስ።
17፤ወንድሞች፡ሆይ፥እኔን፡የምትመስሉ፡ኹኑ፥እኛም፡እንደ፡ምሳሌ፡እንደምንኾንላችኹ፥እንዲሁ፡የሚመላለሱትን ፡ተመልከቱ።
18፤ብዙዎች፡ለክርስቶስ፡መስቀል፡ጠላቶቹ፡ኾነው፡ይመላለሳሉና፤ብዙ፡ጊዜ፡ስለ፡እነርሱ፡አልዃችኹ፥አኹንም፡ እንኳ፡እያለቀስኹ፡እላለኹ፦
19፤መጨረሻቸው፡ጥፋት፡ነው፥ሆዳቸው፡አምላካቸው፡ነው፥ክብራቸው፡በነውራቸው፡ነው፥ዐሳባቸው፡ምድራዊ፡ነው።
20፤እኛ፡አገራችን፡በሰማይ፡ነውና፥ከዚያም፡ደግሞ፡የሚመጣ፡መድኀኒትን፡ርሱንም፡ጌታን፡ኢየሱስ፡ክርስቶስን ፡እንጠባበቃለን፤
21፤ርሱም፡ዅሉን፡እንኳ፡ለራሱ፡ሊያስገዛ፡እንደሚችልበት፡አሠራር፥ክቡር፡ሥጋውን፡እንዲመስል፡የተዋረደውን ፡ሥጋችንን፡ይለውጣል።
_______________ፊልጵስዩስ፥ምዕራፍ፡4።______________
ምዕራፍ፡4፤
1፤ስለዚህ፥የምወዳችኹና፡የምናፍቃችኹ፥ደስታዬና፡አክሊሌ፡የምትኾኑ፡ወንድሞቼ፡ሆይ፥እንዲሁ፡በጌታ፡ቁሙ፥ወ ዳጆች፡ሆይ፦
2፤ባንድ፡ዐሳብ፡በጌታ፡እንዲስማሙ፡ኤዎድያንን፡እመክራለኹ፡ሲንጤኪንንም፡እመክራለኹ።
3፤አንተም፡ደግሞ፡በሥራዬ፡ዐብረኽ፡የተጠመድኽ፡እውነተኛ፡ሆይ፥እንድታግዛቸው፡እለምንኻለኹ፤ስሞቻቸው፡በሕ ይወት፡መጽሐፍ፡ከተጻፉት፡ከቀሌምንጦስና፡ደግሞ፡ከእኔ፡ጋራ፡ዐብረው፡ከሠሩት፡ከሌላዎቹ፡ጋራ፡በወንጌል፡ከ እኔ፡ጋራ፡ዐብረው፡ተጋድለዋልና።
4፤ዅልጊዜ፡በጌታ፡ደስ፡ይበላችኹ፤ደግሜ፡እላለኹ፥ደስ፡ይበላችኹ።
5፤ገርነታችኹ፡ለሰው፡ዅሉ፡ይታወቅ።
6፤ጌታ፡ቅርብ፡ነው።በነገር፡ዅሉ፡በጸሎትና፡በምልጃ፡ከምስጋና፡ጋራ፡በእግዚአብሔር፡ዘንድ፡ልመናችኹን፡አስ ታውቁ፡እንጂ፡በአንዳች፡አትጨነቁ።
7፤አእምሮንም፡ዅሉ፡የሚያልፍ፡የእግዚአብሔር፡ሰላም፡ልባችኹንና፡ዐሳባችኹን፡በክርስቶስ፡ኢየሱስ፡ይጠብቃል ።
8፤በቀረውስ፥ወንድሞች፡ሆይ፥እውነተኛ፡የኾነውን፡ነገር፡ዅሉ፥ጭምትነት፡ያለበትን፡ነገር፡ዅሉ፥ጽድቅ፡የኾነ ውን፡ነገር፡ዅሉ፥ንጹሕ፡የኾነውን፡ነገር፡ዅሉ፥ፍቅር፡ያለበትን፡ነገር፡ዅሉ፥መልካም፡ወሬ፡ያለበትን፡ነገር ፡ዅሉ፥በጎነት፡ቢኾን፡ምስጋናም፡ቢኾን፥እነዚህን፡ዐስቡ፤
9፤ከእኔ፡የተማራችኹትንና፡የተቀበላችኹትን፡የሰማችኹትንም፡ያያችኹትንም፡እነዚህን፡አድርጉ፤የሰላምም፡አም ላክ፡ከእናንተ፡ጋራ፡ይኾናል።
10፤ነገር፡ግን፥አኹን፡ከጊዜ፡በዃላ፡ስለ፡እኔ፡እንደ፡ገና፡ልታስቡ፡ስለ፡ዠመራችኹ፥በጌታ፡እጅግ፡ደስ፡ይለ ኛል፤ጊዜ፡ዐጣችኹ፡እንጂ፥ማሰብስ፡ታስቡ፡ነበር።
11፤ይህን፡ስል፡ስለ፡ጕድለት፡አልልም፤የምኖርበት፡ኑሮ፡ይበቃኛል፡ማለትን፡ተምሬያለኹና።
12፤መዋረድንም፡ዐውቃለኹ፡መብዛትንም፡ዐውቃለኹ፤በያንዳንዱ፡ነገር፡በነገርም፡ዅሉ፡መጥገብንና፡መራብንም፡ መብዛትንና፡መጕደልን፡ተምሬያለኹ።
13፤ኀይልን፡በሚሰጠኝ፡በክርስቶስ፡ዅሉን፡እችላለኹ።
14፤ኾኖም፡በመከራዬ፡ከእኔ፡ጋራ፡ስለ፡ተካፈላችኹ፡መልካም፡አደረጋችኹ።
15፤የፊልጵስዩስ፡ሰዎች፡ሆይ፥ወንጌል፡በመዠመሪያ፡ሲሰበክ፥ከመቄዶንያ፡በወጣኹ፡ጊዜ፥ከእናንተ፡ብቻ፡በቀር ፡ሌላ፡ቤተ፡ክርስቲያን፡በመስጠትና፡በመቀበል፡ስሌት፡ከእኔ፡ጋራ፡እንዳልተካፈለች፡እናንተ፡ደግሞ፡ታውቃላ ችኹ፤
16፤በተሰሎንቄ፡እንኳ፡ሳለኹ፥አንድ፡ጊዜና፡ኹለት፡ጊዜ፡ያስፈለገኝን፡ሰዳችኹልኝ፡ነበርና።
17፤በስሌታችኹ፡የሚበዛውን፡ፍሬ፡እንጂ፡ስጦታውን፡ፈላጊ፡አይደለኹም።
18፤ነገር፡ግን፥ዅሉ፡አለኝ፡ይበዛልኝማል፤የመዐዛ፡ሽታና፡የተወደደ፡መሥዋዕት፡የሚኾነውን፡ለእግዚአብሔርም ፡ደስ፡የሚያሠኘውን፡ስጦታችኹን፡ከአፍሮዲጡ፡ተቀብዬ፡ተሞልቻለኹ።
19፤አምላኬም፡እንደ፡ባለጠግነቱ፡መጠን፡በክብር፡በክርስቶስ፡ኢየሱስ፡የሚያስፈልጋችኹን፡ዅሉ፡ይሞላባችዃል ።
20፤ለአምላካችንና፡ለአባታችንም፡እስከ፡ዘለዓለም፡ድረስ፡ክብር፡ይኹን፤አሜን።
21፤ለቅዱሳን፡ዅሉ፡በክርስቶስ፡ኢየሱስ፡ሰላምታ፡አቅርቡ።ከእኔ፡ጋራ፡ያሉቱ፡ወንድሞች፡ሰላምታ፡ያቀርቡላች ዃል።
22፤ቅዱሳን፡ዅሉ፡ይልቁንም፡ከቄሳር፡ቤት፡የኾኑቱ፡ሰላምታ፡ያቀርቡላችዃል።
23፤የጌታችን፡የኢየሱስ፡ክርስቶስ፡ጸጋ፡ከመንፈሳችኹ፡ጋራ፡ይኹን፤አሜን፨

http://www.gzamargna.net