መዠመሪያዪቱ፡የሐዋርያው፡ጳውሎስ፡መልእክት፡
ወደተሰሎንቄ፡ሰዎች።

(ክለሳ.1.20020507)

_______________1ኛ፡ተሰሎንቄ፥ምዕራፍ፡1።______________
ምዕራፍ፡1፤
1፤ጳውሎስና፡ስልዋኖስ፡ጢሞቴዎስም፥በእግዚአብሔር፡አብ፡በጌታ፡በኢየሱስ፡ክርስቶስም፡ወደምትኾን፡ወደተሰሎ ንቄ፡ሰዎች፡ቤተ፡ክርስቲያን፤ከእግዚአብሔር፡ከአባታችን፡ከጌታ፡ከኢየሱስ፡ክርስቶስም፡ጸጋ፡ሰላምም፡ለእና ንተ፡ይኹን።
2-3፤በጸሎታችን፡ጊዜ፡ስለ፡እናንተ፡ስናሳስብ፥የእምነታችኹን፡ሥራ፡የፍቅራችኹንም፡ድካም፡በጌታችንም፡በኢየ ሱስ፡ክርስቶስ፡ያለውን፡የተስፋችኹን፡መጽናት፡በአምላካችንና፡በአባታችን፡ፊት፡ሳናቋርጥ፡እያሰብን፥እግዚ አብሔርን፡ዅል፡ጊዜ፡በዅላችኹ፡ምክንያት፡እናመሰግናለን፤
4፤በእግዚአብሔር፡የምትወደዱ፡ወንድሞች፡ሆይ፥እንደ፡ተመረጣችኹ፡ዐውቀናልና።
5፤ወንጌላችን፡በኀይልና፡በመንፈስ፡ቅዱስ፡በብዙ፡መረዳትም፡እንጂ፡በቃል፡ብቻ፡ወደ፡እናንተ፡አልመጣምና፤በ እናንተ፡ዘንድ፡ስለ፡እናንተ፡እንዴት፡እንደ፡ነበርን፡ታውቃላችኹ።
6፤ደግሞ፡እናንተ፡ቃሉን፡በብዙ፡መከራ፡ከመንፈስ፡ቅዱስ፡ደስታ፡ጋራ፡ተቀብላችኹ፥እኛንና፡ጌታን፡የምትመስሉ ፡ኾናችኹ፤
7፤ስለዚህም፡በመቄዶንያና፡በአካይያ፡ላሉት፡ምእመናን፡ዅሉ፡ምሳሌ፡ኾናችኹላቸው።
8፤ከእናንተ፡ወጥቶ፡የጌታ፡ቃል፡በመቄዶንያና፡በአካይያ፡ብቻ፡አልተሰማምና፥ነገር፡ግን፥ምንም፡እንድንናገር ፡እስከማያስፈልግ፡ድረስ፥በእግዚአብሔር፡ዘንድ፡የሚኾን፡እምነታችኹ፡በዅሉ፡ስፍራ፡ተወርቷል።
9-10፤እነርሱ፡ራሳቸው፡ወደ፡እናንተ፡መግባታችን፡እንዴት፡እንደነበረ፡ስለ፡እኛ፡ይናገራሉና፤ለሕያውና፡ለእ ውነተኛ፡አምላክም፡ታገለግሉ፡ዘንድ፥ከሙታንም፡ያስነሣውን፡ልጁን፡ርሱንም፡ኢየሱስን፡ከሚመጣው፡ቍጣ፡የሚያ ድነንን፡ከሰማይ፡ትጠብቁ፡ዘንድ፥ከጣዖቶች፡ወደ፡እግዚአብሔር፡እንዴት፡ዘወር፡እንዳላችኹ፡ይናገራሉ።
_______________1ኛ፡ተሰሎንቄ፥ምዕራፍ፡2።______________
ምዕራፍ፡2፤
1፤ወንድሞች፡ሆይ፥ራሳችኹ፡ወደ፡እናንተ፡መግባታችን፡ከንቱ፡እንዳልኾነ፡ታውቃላችኹና።
2፤ነገር፡ግን፥እንደምታውቁት፡በፊልጵስዩስ፡አስቀድመን፡መከራ፡ተቀብለን፡ተንገላተ፟ንም፥በብዙ፡ገድል፡የእ ግዚአብሔርን፡ወንጌል፡ለእናንተ፡እንናገር፡ዘንድ፡በአምላካችን፡ደፈርን።
3፤ልመናችን፡ከስሕተት፡ወይም፡ከርኵሰት፡ወይም፡ከተንኰል፡አልነበረምና፤
4፤ነገር፡ግን፥ወንጌልን፡ዐደራ፡ይሰጠን፡ዘንድ፡እግዚአብሔር፡የታመን፟፡ኾነን፡እንዳገኘን፡መጠን፥እንዲሁ፡ እንናገራለን፥ልባችንን፡የሚመረምር፡እግዚአብሔርን፡እንጂ፡ሰውን፡ደስ፡እንደምናሠኝ፡አይደለም።
5፤እንደምታውቁ፥እያቈላመጥን፡ከቶ፡አልተናገርንም፥እግዚአብሔርም፡እንደሚመሰክር፡እያመካኘን፡በመጐምዠት፡ አልሠራንም፤
6፤የክርስቶስም፡ሐዋርያት፡እንደ፡መኾናችን፡ልንከብድባችኹ፡ስንችል፥ከእናንተ፡ቢኾን፡ወይም፡ከሌላዎች፡ክብ ርን፡ከሰው፡አልፈለግንም።
7፤ነገር፡ግን፥ሞግዚት፡የራሷን፡ልጆች፡እንደምትከባከብ፥በመካከላችኹ፡የዋሆች፡ኾን፟፤
8፤እንዲሁም፡እያፈቀርናችኹ፡የእግዚአብሔርን፡ወንጌል፡ለማካፈል፡ብቻ፡ሳይኾን፡የገዛ፡ነፍሳችንን፡ደግሞ፡እ ናካፍላችኹ፡ዘንድ፡በጎ፡ፈቃዳችን፡ነበረ፥ለእኛ፡የተወደዳችኹ፡ኾናችኹ፡ነበርና።
9፤ወንድሞች፡ሆይ፥ድካማችንና፡ጥረታችን፡ትዝ፡ይላችዃልና፤ከእናንተ፡በአንዱ፡ስንኳ፡እንዳንከብድበት፡ሌሊት ና፡ቀን፡እየሠራን፥የእግዚአብሔርን፡ወንጌል፡ለእናንተ፡ሰበክን።
10፤በእናንተ፡በምታምኑ፡ዘንድ፡በእንዴት፡ያለ፡ቅድስናና፡ጽድቅ፡ነቀፋም፡በሌለበት፡ኑሮ፡እንደ፡ኼድን፥እና ንተና፡እግዚአብሔር፡ምስክሮች፡ናችኹ፤
11-12፤ወደ፡መንግሥቱ፡ወደ፡ክብሩም፡ለጠራችኹ፡ለእግዚአብሔር፡እንደሚገ፟ባ፟፡ትመላለሱ፡ዘንድ፡እየመከርንና ፡እያጸናን፡እየመሰከርንላችኹም፥አባት፡ለልጆቹ፡እንደሚኾን፡ለያንዳንዳችኹ፡እንደ፡ኾን፟፡ታውቃላችኹና።
13፤ስለዚህም፡የመልእክትን፡ቃል፡ርሱም፡የእግዚአብሔር፡ቃል፡ከእኛ፡በተቀበላችኹ፡ጊዜ፥በእውነት፡እንዳለ፡ በእናንተ፡በምታምኑ፡ደግሞ፡እንደሚሠራ፡እንደእግዚአብሔር፡ቃል፡እንጂ፡እንደ፡ሰው፡ቃል፡አድርጋችኹ፡ስላል ተቀበላችኹት፥እኛ፡ደግሞ፡እግዚአብሔርን፡ሳናቋርጥ፡እናመሰግናለን።
14፤እናንተ፥ወንድሞች፡ሆይ፥በይሁዳ፡የሚኖሩትን፡በክርስቶስ፡ኢየሱስ፡ያሉትን፡የእግዚአብሔርን፡ማኅበሮች፡ የምትመስሉ፡ኾናችዃልና፤እነርሱ፡ከአይሁድ፡መከራ፡እንደ፡ተቀበሉ፥እናንተ፡ደግሞ፡ያንን፡መከራ፡ከአገራችኹ ፡ሰዎች፡ተቀብላችዃልና።
15፤እነዚያም፡ጌታን፡ኢየሱስን፡ደግሞ፡ገደሉ፡ነቢያትንም፡እኛንም፡አሳደዱ፥እግዚአብሔርንም፡ደስ፡አያሠኙም ፥ሰዎችንም፡ዅሉ፡ይቃወማሉ፥
16፤ዅል፡ጊዜ፡ኀጢአታቸውን፡ይፈጽሙ፡ዘንድ፡አሕዛብ፡እንዲድኑ፡እንዳንናገራቸው፡ይከለክሉናልና።ነገር፡ግን ፥ቍጣው፡ወደ፡እነርሱ፡ፈጽሞ፡ደርሷል።
17፤እኛ፡ግን፥ወንድሞች፡ሆይ፥በልብ፡ያይደለ፡ፊት፡ለፊት፡ለጥቂት፡ጊዜ፡ዐጥተናችኹ፥በብዙ፡ናፍቆት፡ፊታችኹ ን፡ለማየት፡እጅግ፡ሞከርን፤
18፤ወደ፡እናንተ፡ልንመጣ፡ወደን፡ነበርና፥እኔ፡ጳውሎስም፡አንድና፡ኹለት፡ጊዜ፥ሰይጣን፡ግን፡አዘገየን።
19፤ተስፋችን፡ወይስ፡ደስታችን፡ወይስ፡የትምክሕታችን፡አክሊል፡ማን፡ነው፧በጌታችን፡በኢየሱስ፡ፊት፡በመምጣ ቱ፡እናንተ፡አይደላችኹምን፧
20፤እናንተ፡ክብራችን፡ደስታችንም፡ናችኹና።
_______________1ኛ፡ተሰሎንቄ፥ምዕራፍ፡3።______________
ምዕራፍ፡3፤
1፤ስለዚህ፥ወደ፡ፊት፡እንታገሥ፡ዘንድ፡ባልተቻለን፡ጊዜ፥በአቴና፡ብቻችንን፡ልንቀር፡በጎ፡ፈቃዳችን፡ኾነ።
2፤ስለ፡እምነታችኹም፡እንዲያጸናችኹና፡እንዲመክራችኹ፡ወንድማችንን፡የእግዚአብሔርንም፡አገልጋይ፡ከእኛ፡ጋ ራም፡ዐብሮ፡በክርስቶስ፡ወንጌል፡የሚሠራውን፡ጢሞቴዎስን፡ላክነው፤
3፤በዚህ፡መከራ፡ማንም፡እንዳይናወጥ፥ለዚህ፡እንደ፡ተመረጥን፡ራሳችኹ፡ታውቃላችኹና።
4፤በእውነት፡ከእናንተ፡ጋራ፡ሳለን፥መከራ፡እንቀበል፡ዘንድ፡እንዳለን፡አስቀድመን፡እንነግራችኹ፡ነበር፤እን ዲሁም፡ደግሞ፡ኾነ፥ይህንም፡ታውቃላችኹ።
5፤ስለዚህ፥እኔ፡ደግሞ፡ወደ፡ፊት፡እታገሥ፡ዘንድ፡ባልተቻለኝ፡ጊዜ፦ፈታኝ፡ምናልባት፡ፈትኗቸዋል፡ድካማችንም ፡ከንቱ፡ኾኗል፡ብዬ፡እምነታችኹን፡ለማወቅ፡ላክኹ።
6፤አኹን፡ግን፡ጢሞቴዎስ፡ከእናንተ፡ዘንድ፡ወደ፡እኛ፡መጥቶ፡ስለ፡እምነታችኹና፡ስለ፡ፍቅራችኹ፡የምሥራች፡ብ ሎ፡በነገረን፡ጊዜ፥እኛም፡እናያችኹ፡ዘንድ፡እንደምንናፍቅ፡ታዩን፡ዘንድ፡እየናፈቃችኹ፡ዅል፡ጊዜ፡በመልካም ፡እንደምታስቡን፡በነገረን፡ጊዜ፥
7፤ስለዚህ፥ወንድሞች፡ሆይ፥በእምነታችኹ፡በኩል፡በችግራችንና፡በመከራችን፡ዅሉ፡ስለ፡እናንተ፡ተጽናናን፤
8፤እናንተ፡በጌታ፡ጸንታችኹ፡ብትቆሙ፥አኹን፡በሕይወት፡እንኖራለንና።
9-10፤ፊታችኹን፡ልናይ፡በእምነታችኹም፡የጐደለውን፡ልንሞላበት፡ሌሊትና፡ቀን፡ከመጠን፡ይልቅ፡እየጸለይን፡በ አምላካችን፡ፊት፡ከእናንተ፡የተነሣ፡ስለምንደሰተው፡ደስታ፡ዅሉ፥ለእግዚአብሔር፡በእናንተ፡ምክንያት፡ምን፡ ያኽል፡ምስጋና፡እናስረክብ፡ዘንድ፡እንችላለን፧
11፤አምላካችንና፡አባታችን፡ራሱ፡ጌታችንም፡ኢየሱስ፡ክርስቶስ፡ወደ፡እናንተ፡መንገዳችንን፡ያቅና፤
12-13፤ጌታችንም፡ኢየሱስ፡ክርስቶስ፡ከቅዱሳኑ፡ዅሉ፡ጋራ፡ሲመጣ፥በአምላካችንና፡በአባታችን፡ፊት፡በቅድስና፡ ነቀፋ፡የሌለበት፡አድርጎ፡ልባችኹን፡ያጸና፡ዘንድ፥እኛ፡ደግሞ፡ለእናንተ፡እንደምንኾን፡ጌታ፡ርስ፡በርሳችኹ ፡ያላችኹን፡ለዅሉም፡የሚኾን፡ፍቅራችኹን፡ያብዛ፡ይጨምርም።
_______________1ኛ፡ተሰሎንቄ፥ምዕራፍ፡4።______________
ምዕራፍ፡4፤
1፤እንግዲህ፡በቀረውስ፥ወንድሞች፡ሆይ፥ልትመላለሱ፡እግዚአብሔርንም፡ደስ፡ልታሠኙ፡እንዴት፡እንደሚገ፟ባ፟ች ኹ፡ከእኛ፡ዘንድ፡እንደ፡ተቀበላችኹ፥እናንተ፡ደግሞ፡እንደምትመላለሱ፥ከፊት፡ይልቅ፡ትበዙ፡ዘንድ፡በጌታ፡በ ኢየሱስ፡እንለምናችዃለን፡እንመክራችኹማለን።
2፤በጌታ፡በኢየሱስ፡የትኛውን፡ትእዛዝ፡እንደ፡ሰጠናችኹ፡ታውቃላችኹና።
3፤ይህ፡የእግዚአብሔር፡ፈቃድ፡ርሱም፡መቀደሳችኹ፡ነውና፤
4-5፤ከዝሙት፡እንድትርቁ፥እግዚአብሔርን፡እንደማያውቁ፡አሕዛብ፡በፍትወት፡ምኞት፡አይደለም፡እንጂ፥ከእናንተ ፡እያንዳንዱ፡የራሱን፡ዕቃ፡በቅድስናና፡በክብር፡ያገኝ፡ዘንድ፡እንዲያውቅ፤
6፤አስቀድመን፡ደግሞ፡እንዳልናችኹና፡እንደ፡መሰከርንላችኹ፥ጌታ፡ስለዚህ፡ነገር፡ዅሉ፡የሚበቀል፡ነውና፥ማን ም፡በዚህ፡ነገር፡አይተላለፍ፡ወንድሙንም፡አያታል፟።
7፤ለርኵሰት፡ሳይኾን፡እግዚአብሔር፡በቅድስና፡ጠርቶናልና።
8፤እንግዲህ፡የሚጥል፡ሰውን፡የጣለ፡አይደለም፥መንፈስ፡ቅዱስን፡በእናንተ፡እንዲኖር፡የሰጠውን፡እግዚአብሔር ን፡ነው፡እንጂ።
9፤እናንተ፡ራሳችኹ፡ርስ፡በርሳችኹ፡ልትዋደዱ፡በእግዚአብሔር፡ተምራችዃልና፥ስለወንድማማች፡መዋደድ፡ማንም፡ ይጽፍላችኹ፡ዘንድ፡አያስፈልጋችኹም፤
10-12፤እንዲሁ፡በመቄዶንያ፡ዅሉ፡ላሉት፡ወንድሞች፡ዅሉ፡ታደርጋላችኹና።ነገር፡ግን፥ወንድሞች፡ሆይ፥ከፊት፡ይ ልቅ፡ልትበዙ፥በጸጥታም፡ትኖሩ፡ዘንድ፡ልትቀኑ፥የራሳችኹንም፡ጕዳይ፡ልትጠነቀቁ፥እንዳዘዝናችኹም፥በውጭ፡ባ ሉት፡ዘንድ፡በአገባብ፡እንድትመላለሱ፥አንዳችም፡እንዳያስፈልጋችኹ፡በእጃችኹ፡ልትሠሩ፡እንለምናችዃለን።
13፤ነገር፡ግን፥ወንድሞች፡ሆይ፥ተስፋ፡እንደሌላቸው፡እንደ፡ሌላዎች፡ደግሞ፡እንዳታዝኑ፥አንቀላፍተው፡ስላሉ ቱ፡ታውቁ፡ዘንድ፡እንወዳለን።
14፤ኢየሱስ፡እንደ፡ሞተና፡እንደ፡ተነሣ፡ካመን፟፥እንዲሁም፡በኢየሱስ፡ያንቀላፉቱን፡እግዚአብሔር፡ከርሱ፡ጋ ራ፡ያመጣቸዋልና።
15፤በጌታ፡ቃል፡የምንላችኹ፡ይህ፡ነውና፤እኛ፡ሕያዋን፡ኾነን፡ጌታ፡እስኪመጣ፡ድረስ፡የምንቀር፡ያንቀላፉቱን ፡አንቀድምም፤
16፤ጌታ፡ራሱ፡በትእዛዝ፡በመላእክትም፡አለቃ፡ድምፅ፡በእግዚአብሔርም፡መለከት፡ከሰማይ፡ይወርዳልና፥በክርስ ቶስም፡የሞቱ፡አስቀድመው፡ይነሣሉ፤
17፤ከዚያም፡በዃላ፡እኛ፡ሕያዋን፡ኾነን፡የምንቀረው፥ጌታን፡በአየር፡ለመቀበል፡ከነርሱ፡ጋራ፡በደመና፡እንነ ጠቃለን፤እንዲሁም፡ዅል፡ጊዜ፡ከጌታ፡ጋራ፡እንኾናለን።
18፤ስለዚህ፥ርስ፡በርሳችኹ፡በዚህ፡ቃል፡ተጽናኑ።
_______________1ኛ፡ተሰሎንቄ፥ምዕራፍ፡5።______________
ምዕራፍ፡5፤
1፤ወንድሞች፡ሆይ፥ስለ፡ዘመናትና፡ስለ፡ወራት፡ምንም፡እንዲጻፍላችኹ፡አያስፈልጋችኹም፤
2፤የጌታ፡ቀን፥ሌባ፡በሌሊት፡እንደሚመጣ፥እንዲሁ፡ይመጣ፡ዘንድ፡ራሳችኹ፡አጥብቃችኹ፡ዐውቃችዃልና።
3፤ሰላምና፡ደኅንነት፡ነው፡ሲሉ፡ያን፡ጊዜ፡ምጥ፡እርጕዝን፡እንደሚይዛት፡ጥፋት፡በድንገት፡ይመጣባቸዋል፡ከቶ ም፡አያመልጡም።
4፤እናንተ፡ግን፥ወንድሞች፡ሆይ፥ቀኑ፡እንደ፡ሌባ፡ይደርስባችኹ፡ዘንድ፡በጨለማ፡አይደላችኹም፥
5፤ዅላችኹ፡የብርሃን፡ልጆች፡የቀንም፡ልጆች፡ናችኹና።እኛ፡ከሌሊት፡ወይም፡ከጨለማ፡አይደለንም፤
6፤እንግዲያስ፡እንንቃ፡በመጠንም፡እንኑር፡እንጂ፡እንደ፡ሌላዎች፡አናንቀላፋ።
7፤የሚያንቀላፉ፡በሌሊት፡ያንቀላፋሉና፥የሚሰክሩም፡በሌሊት፡ይሰክራሉና፤
8፤እኛ፡ግን፡ከቀን፡ስለ፡ኾን፟፥የእምነትንና፡የፍቅርን፡ጥሩር፡የመዳንንም፡ተስፋ፡እንደ፡ራስ፡ቍር፡እየለበ ስን፡በመጠን፡እንኑር፤
9፤እግዚአብሔር፡ለቍጣ፡አልመረጠንምና፥በጌታችን፡በኢየሱስ፡ክርስቶስ፡መዳንን፡ለማግኘት፡ነው፡እንጂ።
10፤የምንነቃም፡ብንኾን፥የምናንቀላፋም፡ብንኾን፥ከርሱ፡ጋራ፡ዐብረን፡በሕይወት፡እንኖር፡ዘንድ፡ስለ፡እኛ፡ ሞተ።
11፤ስለዚህ፥እናንተ፡ደግሞ፡እንደምታደርጉ፥ርስ፡በርሳችኹ፡ተመካከሩ፡አንዱም፡አንዱም፡ሌላውን፡ያንጸው።
12-13፤ወንድሞች፡ሆይ፥በመካከላችኹ፡የሚደክሙትን፡በጌታም፡የሚገዟችኹን፡የሚገሥጿችኹንም፡ታውቁ፡ዘንድ፥ስለ ፡ሥራቸውም፡በፍቅር፡ከመጠን፡ይልቅ፡ታከብሯቸው፡ዘንድ፡እንለምናችዃለን።ርስ፡በርሳችኹ፡በሰላም፡ኹኑ።
14፤ወንድሞች፡ሆይ፥እንመክራችዃለን፤ያለሥርዐት፡የሚኼዱትን፡ገሥጿቸው፤ድፍረት፡የሌላቸውን፡አጽኗቸው፤ለደ ካማዎች፡ትጉላቸው፤ሰውን፡ዅሉ፡ታገሡ።
15፤ማንም፡ለሌላው፡በክፉ፡ፈንታ፡ክፉ፡እንዳይመልስ፡ተጠንቀቁ፥ነገር፡ግን፥ዅል፡ጊዜ፡ርስ፡በርሳችኹ፡ለዅሉ ም፡መልካሙን፡ለማድረግ፡ትጉ።
16፤ዅል፡ጊዜ፡ደስ፡ይበላችኹ፤
17-18፤ሳታቋርጡ፡ጸልዩ፤በዅሉ፡አመስግኑ፤ይህ፡የእግዚአብሔር፡ፈቃድ፡በክርስቶስ፡ኢየሱስ፡ወደ፡እናንተ፡ነው ና።
19፤መንፈስን፡አታጥፉ፤
20-21፤ትንቢትን፡አትናቁ፤ዅሉን፡ፈትኑ፡መልካሙንም፡ያዙ፤
22፤ከማናቸውም፡ዐይነት፡ክፉ፡ነገር፡ራቁ።
23፤የሰላምም፡አምላክ፡ራሱ፡ዅለንተናችኹን፡ይቀድስ፤መንፈሳችኹም፡ነፍሳችኹም፡ሥጋችኹም፡ጌታችን፡ኢየሱስ፡ ክርስቶስ፡በመጣ፡ጊዜ፡ያለነቀፋ፡ፈጽመው፡ይጠበቁ።
24፤የሚጠራችኹ፡የታመነ፡ነው፥ርሱም፡ደግሞ፡ያደርገዋል።
25፤ወንድሞች፡ሆይ፥ስለ፡እኛ፡ጸልዩ።
26፤ከወንድሞች፡ዅሉ፡ጋራ፡በተቀደሰ፡አሳሳም፡ሰላምታ፡ተሰጣጡ።
27፤ይህ፡መልእክት፡ለቅዱሳን፡ወንድሞች፡ዅሉ፡እንዲነበብ፡በጌታ፡አምላችዃለኹ።
28፤የጌታችን፡የኢየሱስ፡ክርስቶስ፡ጸጋ፡ከእናንተ፡ጋራ፡ይኹን፤አሜን፨

http://www.gzamargna.net