የሐዋርያው፡የያዕቆብ፡መልእክት።

(ክለሳ.1.20020507)

_______________ያዕቆብ፥ምዕራፍ፡1።______________
ምዕራፍ፡1፤
1፤የእግዚአብሔርና፡የጌታ፡የኢየሱስ፡ክርስቶስ፡ባሪያ፡ያዕቆብ፡ለተበተኑ፡ለዐሥራ፡ኹለቱ፡ወገኖች፤ሰላም፡ለ እናንተ፡ይኹን።
2-3፤ወንድሞቼ፡ሆይ፥የእምነታችኹ፡መፈተን፡ትዕግሥትን፡እንዲያደርግላችኹ፡ዐውቃችኹ፥ልዩ፡ልዩ፡ፈተና፡ሲደር ስባችኹ፡እንደ፡ሙሉ፡ደስታ፡ቍጠሩት፡
4፤ትዕግሥትም፡ምንም፡የሚጐድላችኹ፡ሳይኖር፡ፍጹማንና፡ምሉዓን፡ትኾኑ፡ዘንድ፡ሥራውን፡ይፈጽም።
5፤ከእናንተ፡ግን፡ማንም፡ጥበብ፡ቢጐድለው፥ሳይነቅፍ፡በልግስና፡ለዅሉ፡የሚሰጠውን፡እግዚአብሔርን፡ይለምን፥ ለርሱም፡ይሰጠዋል።
6፤ነገር፡ግን፥በምንም፡ሳይጠራጠር፡በእምነት፡ይለምን፤የሚጠራጠር፡ሰው፡በነፋስ፡የተገፋና፡የተነቃነቀ፡የባ ሕርን፡ማዕበል፡ይመስላልና።
7-8፤ኹለት፡ዐሳብ፡ላለው፡በመንገዱም፡ዅሉ፡ለሚወላውል፡ለዚያ፡ሰው፡ከጌታ፡ዘንድ፡አንዳች፡እንዲያገኝ፡አይም ሰለው።
9-10፤የተዋረደው፡ወንድም፡ግን፡በከፍታው፥ባለጠጋም፡በውርደቱ፡ይመካ፤እንደ፡ሣር፡አበባ፡ያልፋልና።
11፤ፀሓይ፡ከትኵሳት፡ጋራ፡ይወጣልና፥ሣርንም፡ያጠወልጋልና፥አበባውም፡ይረግፋልና፥የመልኩም፡ውበት፡ይጠፋል ና፤እንዲሁ፡ደግሞ፡ባለጠጋው፡በመንገዱ፡ይዝላል።
12፤በፈተና፡የሚጸና፡ሰው፡የተባረከ፡ነው፤ከተፈተነ፡በዃላ፡ለሚወዱት፡ተስፋ፡ስለ፡ርሱ፡የሰጣቸውን፡የሕይወ ትን፡አክሊል፡ይቀበላልና።
13፤ማንም፡ሲፈተን፦በእግዚአብሔር፡እፈተናለኹ፡አይበል፤እግዚአብሔር፡በክፉ፡አይፈተንምና፤ርሱ፡ራሱስ፡ማን ንም፡አይፈትንም።
14፤ነገር፡ግን፥እያንዳንዱ፡በራሱ፡ምኞት፡ሲሳብና፡ሲታለል፡ይፈተናል።
15፤ከዚህ፡በዃላ፡ምኞት፡ፀንሳ፡ኀጢአትን፡ትወልዳለች፤ኀጢአትም፡ካደገች፡በዃላ፡ሞትን፡ትወልዳለች።
16፤የተወደዳችኹ፡ወንድሞቼ፡ሆይ፥አትሳቱ።
17፤በጎ፡ስጦታ፡ዅሉ፡ፍጹምም፡በረከት፡ዅሉ፡ከላይ፡ናቸው፥መለወጥም፡በርሱ፡ዘንድ፡ከሌለ፡በመዞርም፡የተደረ ገ፡ጥላ፡በርሱ፡ዘንድ፡ከሌለ፡ከብርሃናት፡አባት፡ይወርዳሉ።
18፤ለፍጥረቱ፡የበኵራት፡ዐይነት፡እንድንኾን፡በእውነት፡ቃል፡ዐስቦ፡ወለደን።
19፤ስለዚህ፥የተወደዳችኹ፡ወንድሞቼ፡ሆይ፥ሰው፡ዅሉ፡ለመስማት፡የፈጠነ፡ለመናገርም፡የዘገየ፡ለቍጣም፡የዘገ የ፡ይኹን፤
20፤የሰው፡ቍጣ፡የእግዚአብሔርን፡ጽድቅ፡አይሠራምና።
21፤ስለዚህ፥ርኵሰትን፡ዅሉ፥የክፋትንም፡ትርፍ፡አስወግዳችኹ፥ነፍሳችኹን፡ማዳን፡የሚችለውን፡በውስጣችኹም፡ የተተከለውን፡ቃል፡በየዋህነት፡ተቀበሉ።
22፤ቃሉን፡የምታደርጉ፡ኹኑ፡እንጂ፡ራሳችኹን፡እያሳታችኹ፡የምትሰሙ፡ብቻ፡አትኹኑ።
23፤ቃሉን፡የሚሰማ፡የማያደርገውም፡ቢኖር፡የተፈጥሮ፡ፊቱን፡በመስተዋት፡የሚያይን፡ሰው፡ይመስላል፤
24፤ራሱን፡አይቶ፡ይኼዳልና፥ወዲያውም፡እንደ፡ምን፡እንደ፡ኾነ፡ይረሳል።
25፤ነገር፡ግን፥ነጻ፡የሚያወጣውን፡ፍጹሙን፡ሕግ፡ተመልክቶ፡የሚጸናበት፥ሥራንም፡የሚሠራ፡እንጂ፡ሰምቶ፡የሚ ረሳ፡ያልኾነው፥በሥራው፡የተባረከ፡ይኾናል።
26፤አንደበቱን፡ሳይገታ፡ልቡን፡እያሳተ፡እግዚአብሔርን፡የሚያመልክ፡የሚመስለው፡ማንም፡ቢኖር፡የርሱ፡አምል ኮ፡ከንቱ፡ነው።
27፤ንጹሕ፡የኾነ፡ነውርም፡የሌለበት፡አምልኮ፡በእግዚአብሔር፡አብ፡ዘንድ፡ይህ፡ነው፤ወላጆች፡የሌላቸውን፡ል ጆች፡ባልቴቶችንም፡በመከራቸው፡መጠየቅ፥በዓለምም፡ከሚገኝ፡እድፍ፡ሰውነቱን፡መጠበቅ፡ነው።
_______________ያዕቆብ፥ምዕራፍ፡2።______________
ምዕራፍ፡2፤
1፤ወንድሞቼ፡ሆይ፥በክብር፡ጌታ፡በጌታችን፡በኢየሱስ፡ክርስቶስ፡ያለውን፡እምነት፡ለሰው፡ፊት፡በማድላት፡አት ያዙ።
2፤የወርቅ፡ቀለበት፡ያደረገና፡የጌጥ፡ልብስ፡የለበሰ፡ሰው፡ወደ፡ጉባኤያችኹ፡ቢገባ፥እድፍ፡ልብስም፡የለበሰ፡ ድኻ፡ሰው፡ደግሞ፡ቢገባ፥
3፤የጌጥ፡ልብስም፡የለበሰውን፡ተመልክታችኹ።አንተስ፡በዚህ፡በመልካም፡ስፍራ፡ተቀመጥ፡ብትሉት፥ድኻውንም፦አ ንተስ፡ወደዚያ፡ቁም፡ወይም፡ከእግሬ፡መረገጫ፡በታች፡ተቀመጥ፡ብትሉት፥ራሳችኹን፡መለያየታችኹ፡አይደለምን፧
4፤ክፉ፡ዐሳብ፡ያላቸውም፡ዳኛዎች፡መኾናችኹ፡አይደለምን፧
5፤የተወደዳችኹ፡ወንድሞቼ፡ሆይ፥ስሙ፤እግዚአብሔር፡በእምነት፡ባለጠጋዎች፡እንዲኾኑ፡ለሚወዱትም፡ተስፋ፡ስለ ፡ርሱ፡የሰጣቸውን፡መንግሥት፡እንዲወርሱ፡የዚህን፡ዓለም፡ድኻዎች፡አልመረጠምን፧
6፤እናንተ፡ግን፡ድኻዎችን፡አዋረዳችኹ።ባለጠጋዎቹ፡የሚያስጨንቋችኹ፡አይደሉምን፧ወደ፡ፍርድ፡ቤትም፡የሚጐት ቷችኹ፡እነርሱ፡አይደሉምን፧
7፤የተጠራችኹበትን፡መልካሙን፡ስም፡የሚሰድቡ፡እነርሱ፡አይደሉምን፧
8፤ነገር፡ግን፥መጽሐፍ፦ባልንጀራኽን፡እንደ፡ራስኽ፡ውደድ፡እንደሚል፡የንጉሥን፡ሕግ፡ብትፈጽሙ፡መልካም፡ታደ ርጋላችኹ፤
9፤ለሰው፡ፊት፡ግን፡ብታደሉ፡ኀጢአትን፡ትሠራላችኹ፥ሕግም፡እንደ፡ተላላፊዎች፡ይወቅሳችዃል።
10፤ሕግን፡ዅሉ፡የሚጠብቅ፥ነገር፡ግን፥ባንዱ፡የሚሰናከል፡ማንም፡ቢኖር፡በዅሉ፡በደለኛ፡ይኾናል፤አታመንዝር ፡ያለው፡ደግሞ፦አትግደል፡ብሏልና፤
11፤ባታመነዝርም፥ነገር፡ግን፥ብትገድል፥ሕግን፡ተላላፊ፡ኾነኻል።
12፤በነጻነት፡ሕግ፡ፍርድን፡ይቀበሉ፡ዘንድ፡እንዳላቸው፡ሰዎች፡እንዲህ፡ተናገሩ፥እንዲህም፡አድርጉ።
13፤ምሕረትን፡ለማያደርግ፡ምሕረት፡የሌለበት፡ፍርድ፡ይኾናልና፤ምሕረትም፡በፍርድ፡ላይ፡ይመካል።
14፤ወንድሞቼ፡ሆይ፥እምነት፡አለኝ፡የሚል፥ሥራ፡ግን፡የሌለው፡ሰው፡ቢኖር፡ምን፡ይጠቅመዋል፧እምነቱስ፡ሊያድ ነው፡ይችላልን፧
15፤ወንድም፡ወይም፡እኅት፡ዕራቍታቸውን፡ቢኾኑ፡የዕለት፡ምግብንም፡ቢያጡ፥
16፤ከእናንተ፡አንዱም፦በደኅና፡ኺዱ፥እሳት፡ሙቁ፥ጥገቡም፡ቢላቸው፡ለሰውነት፡ግን፡የሚያስፈልጉትን፡ባትሰጧ ቸው፡ምን፡ይጠቅማቸዋል፧
17፤እንደዚሁም፡ሥራ፡የሌለው፡እምነት፡ቢኖር፡በራሱ፡የሞተ፡ነው።
18፤ነገር፡ግን፥አንድ፡ሰው፦አንተ፡እምነት፡አለኽ፡እኔም፡ሥራ፡አለኝ፤እምነትኽን፡ከሥራኽ፡ለይተኽ፡አሳየኝ ፥እኔም፡እምነቴን፡በሥራዬ፡አሳይኻለኹ፡ይላል።
19፤እግዚአብሔር፡አንድ፡እንደ፡ኾነ፡አንተ፡ታምናለኽ፤መልካም፡ታደርጋለኽ፤አጋንንት፡ደግሞ፡ያምናሉ፡ይንቀ ጠቀጡማል።
20፤አንተ፡ከንቱ፡ሰው፥እምነት፡ከሥራ፡ተለይቶ፡የሞተ፡መኾኑን፡ልታውቅ፡ትወዳ፟ለኽን፧
21፤አባታችን፡አብርሃም፡ልጁን፡ይሥሐቅን፡በመሠዊያው፡ባቀረበ፡ጊዜ፡በሥራ፡የጸደቀ፡አልነበረምን፧
22፤እምነት፡ከሥራው፡ጋራ፡ዐብሮ፡ያደርግ፡እንደ፡ነበረ፥በሥራም፡እምነት፡እንደ፡ተፈጸመ፡ትመለከታለኽን፧
23፤መጽሐፍም፦አብርሃምም፡እግዚአብሔርን፡አመነ፡ጽድቅም፡ኾኖ፡ተቈጠረለት፡ያለው፡ተፈጸመ፤የእግዚአብሔርም ፡ወዳጅ፡ተባለ።
24፤ሰው፡በእምነት፡ብቻ፡ሳይኾን፡በሥራ፡እንዲጸድቅ፡ታያላችኹ።
25፤እንደዚሁም፡ጋለሞታዪቱ፡ረዓብ፡ደግሞ፡መልእክተኛዎቹን፡ተቀብላ፡በሌላ፡መንገድ፡በሰደደቻቸው፡ጊዜ፡በሥ ራ፡አልጸደቀችምን፧
26፤ከነፍስ፡የተለየ፡ሥጋ፡የሞተ፡እንደ፡ኾነ፡እንዲሁ፡ደግሞ፡ከሥራ፡የተለየ፡እምነት፡የሞተ፡ነው።
_______________ያዕቆብ፥ምዕራፍ፡3።______________
ምዕራፍ፡3፤
1፤ወንድሞቼ፡ሆይ፥ከእናንተ፡ብዙዎቹ፡አስተማሪዎች፡አይኹኑ፥የባሰውን፡ፍርድ፡እንድንቀበል፡ታውቃላችኹና።
2፤ዅላችን፡በብዙ፡ነገር፡እንሰናከላለንና፤በቃል፡የማይሰናከል፡ማንም፡ቢኖር፡ርሱ፡ሥጋውን፡ዅሉ፡ደግሞ፡ሊገ ታ፡የሚችል፡ፍጹም፡ሰው፡ነው።
3፤እንሆ፥ፈረሶች፡ይታዘዙልን፡ዘንድ፡ልጓም፡በአፋቸው፡ውስጥ፡እናገባለን፥ሥጋቸውንም፡ዅሉ፡እንመራለን።
4፤እንሆ፥መርከቦች፡ደግሞ፡ይህን፡ያኽል፡ታላቅ፡ቢኾኑ፡በዐውሎ፡ነፋስም፡ቢነዱ፥የመሪ፡ፈቃድ፡ወደሚወደ፟ው፡ ስፍራ፡እጅግ፡ታናሽ፡በኾነ፡መቅዘፊያ፡ይመራሉ።
5፤እንዲሁም፡አንደበት፡ደግሞ፡ትንሽ፡ብልት፡ኾኖ፡በታላላቅ፡ነገር፡ይመካል።እንሆ፥ትንሽ፡እሳት፡እንዴት፡ያ ለ፡ትልቅ፡ጫካ፡ያቃጥላል።
6፤አንደበትም፡እሳት፡ነው።አንደበት፡በብልቶቻችን፡መካከል፡ዐመፀኛ፡ዓለም፡ኾኗል፤ሥጋን፡ዅሉ፡ያሳድፋልና፥ የፍጥረትንም፡ሩጫ፡ያቃጥላል፥በገሃነምም፡ይቃጠላል።
7፤የአራዊትና፡የወፎች፡የተንቀሳቃሾችና፡በባሕር፡ያለ፡የፍጥረት፡ወገን፡ዅሉ፡በሰው፡ይገራል፥ደግሞ፡ተገርቷ ል፤
8፤ነገር፡ግን፥አንደበትን፡ሊገራ፡ማንም፡ሰው፡አይችልም፤የሚገድል፡መርዝ፡የሞላበት፡ወላዋይ፡ክፋት፡ነው።
9፤በርሱ፡ጌታንና፡አብን፡እንባርካለን፤በርሱም፡እንደእግዚአብሔር፡ምሳሌ፡የተፈጠሩትን፡ሰዎች፡እንረግማለን ፤
10፤ካንድ፡አፍ፡በረከትና፡መርገም፡ይወጣሉ።ወንድሞቼ፡ሆይ፥ይህ፡እንዲህ፡ሊኾን፡አይገ፟ባ፟ም።
11፤ምንጭስ፡ካንድ፡አፍ፡የሚጣፍጥንና፡የሚመርን፡ውሃ፡ያመነጫልን፧
12፤ወንድሞቼ፡ሆይ፥በለስ፡ወይራን፡ወይስ፡ወይን፡በለስን፡ልታፈራ፡ትችላለችን፧ከጨው፡ውሃም፡ጣፋጭ፡ውሃ፡አ ይወጣም።
13፤ከእናንተ፡ጥበበኛና፡አስተዋይ፡ማን፡ነው፧በመልካም፡አኗኗሩ፡ሥራውን፡በጥበብ፡የዋህነት፡ያሳይ።
14፤ነገር፡ግን፥መራራ፡ቅንአትና፡ዐድመኛነት፡በልባችኹ፡ቢኖርባችኹ፥አትመኩ፡በእውነትም፡ላይ፡አትዋሹ።
15፤ይህ፡ጥበብ፡ከላይ፡የሚወርድ፡አይደለም፤ነገር፡ግን፥የምድር፡ነው፥የሥጋም፡ነው፥የአጋንንትም፡ነው፤
16፤ቅንአትና፡ዐድመኛነት፡ባሉበት፡ስፍራ፡በዚያ፡ሁከትና፡ክፉ፡ሥራ፡ዅሉ፡አሉና።
17፤ላይኛዪቱ፡ጥበብ፡ግን፡በመዠመሪያ፡ንጽሕት፡ናት፥በዃላም፡ታራቂ፥ገር፥ዕሺ፡ባይ፡ምሕረትና፡በጎ፡ፍሬ፡የ ሞላባት፥ጥርጥርና፡ግብዝነት፡የሌለባት፡ናት።
18፤የጽድቅም፡ፍሬ፡ሰላምን፡ለሚያደርጉት፡ሰዎች፡በሰላም፡ይዘራል።
_______________ያዕቆብ፥ምዕራፍ፡4።______________
ምዕራፍ፡4፤
1፤በእናንተ፡ዘንድ፡ጦርና፡ጠብ፡ከወዴት፡ይመጣሉ፧በብልቶቻችኹ፡ውስጥ፡ከሚዋጉ፡ከነዚህ፡ከምቾቶቻችኹ፡አይደ ሉምን፧
2፤ትመኛላችኹ፡ለእናንተም፡አይኾንም፤ትገድላላችኹ፡በብርቱም፡ትፈልጋላችኹ፥ልታገኙም፡አትችሉም፤ትጣላላችኹ ፥ትዋጉማላችኹ፥ነገር፡ግን፥አትለምኑምና፡ለእናንተ፡አይኾንም፤
3፤ትለምናላችኹ፥በምቾቶቻችኹም፡ትከፍሉ፡ዘንድ፡በክፉ፡ትለምናላችኹና፡አትቀበሉም።
4፤አመንዝራዎች፡ሆይ፥ዓለምን፡መውደድ፡ለእግዚአብሔር፡ጥል፡እንዲኾን፡አታውቁምን፧እንግዲህ፡የዓለም፡ወዳጅ ፡ሊኾን፡የሚፈቅድ፡ዅሉ፡የእግዚአብሔር፡ጠላት፡ኾኗል።
5፤ወይስ፡መጽሐፍ።በእኛ፡ዘንድ፡ያሳደረው፡መንፈስ፡በቅንአት፡ይመኛል፡ያለው፡በከንቱ፡እንደ፡ተናገረ፡ይመስ ላችዃልን፧
6፤ነገር፡ግን፥ጸጋን፡አብልጦ፡ይሰጣል፤ስለዚህ፦እግዚአብሔር፡ትዕቢተኛዎችን፡ይቃወማል፥ለትሑታን፡ግን፡ጸጋ ን፡ይሰጣል፡ይላል።
7፤እንግዲህ፡ለእግዚአብሔር፡ተገዙ፤ዲያብሎስን፡ግን፡ተቃወሙ፡ከእናንተም፡ይሸሻል፤
8፤ወደ፡እግዚአብሔር፡ቅረቡ፡ወደ፡እናንተም፡ይቀርባል።እናንተ፡ኀጢአተኛዎች፥እጆቻችኹን፡አንጹ፤ኹለት፡ዐሳ ብም፡ያላችኹ፡እናንተ፥ልባችኹን፡አጥሩ።
9፤ተጨነቁና፡ዕዘኑ፡አልቅሱም፤ሣቃችኹ፡ወደ፡ሐዘን፡ደስታችኹም፡ወደ፡ትካዜ፡ይለወጥ።
10፤በጌታ፡ፊት፡ራሳችኹን፡አዋርዱ፡ከፍ፡ከፍም፡ያደርጋችዃል።
11፤ወንድሞች፡ሆይ፥ርስ፡በርሳችኹ፡አትተማሙ።ወንድሙን፡የሚያማ፡በወንድሙም፡የሚፈርድ፡ሕግን፡ያማል፡በሕግ ም፡ይፈርዳል፤በሕግም፡ብትፈርድ፡ፈራጅ፡ነኽ፡እንጂ፡ሕግን፡አድራጊ፡አይደለኽም።
12፤ሕግን፡የሚሰጥና፡የሚፈርድ፡አንድ፡ነው፤ርሱም፡ሊያድን፡ሊያጠፋም፡የሚችል፡ነው፤በሌላው፡ግን፡የምትፈር ድ፡አንተ፡ማን፡ነኽ፧
13፤አኹንም፦ዛሬ፡ወይም፡ነገ፡ወደዚህ፡ከተማ፡እንኼዳለን፡በዚያም፡ዓመት፡እንኖራለን፡እንነግድማለን፡እናተ ርፍማለን፡የምትሉ፡እናንተ፥ተመልከቱ፥ነገ፡የሚኾነውን፡አታውቁምና።
14፤ሕይወታችኹ፡ምንድር፡ነው፧ጥቂት፡ጊዜ፡ታይቶ፡ዃላ፡እንደሚጠፋ፡እንፋሎት፡ናችኹና።
15፤በዚህ፡ፈንታ፦ጌታ፡ቢፈቅድ፥ብንኖርም፡ይህን፡ወይም፡ያን፡እናደርጋለን፡ማለት፡ይገ፟ባ፟ችዃል።
16፤አኹን፡ግን፡በትዕቢታችኹ፡ትመካላችኹ፤እንደዚህ፡ያለ፡ትምክሕት፡ዅሉ፡ክፉ፡ነው።
17፤እንግዲህ፡በጎ፡ለማድረግ፡ዐውቆ፡ለማይሠራው፡ኀጢአት፡ነው።
_______________ያዕቆብ፥ምዕራፍ፡5።______________
ምዕራፍ፡5፤
1፤አኹንም፡እናንተ፡ባለጠጋዎች፥ስለሚደርስባችኹ፡ጭንቅ፡ዋይ፡ዋይ፡እያላችኹ፡አልቅሱ።
2፤ሀብታችኹ፡ተበላሽቷል፥ልብሳችኹም፡በብል፡ተበልቷል።
3፤ወርቃችኹም፡ብራችኹም፡ዝጓል፥ዝገቱም፡ምስክር፡ይኾንባችዃል፡ሥጋችኹንም፡እንደ፡እሳት፡ይበላል።ለዃለኛው ፡ቀን፡መዝገብን፡አከማችታችዃል።
4፤እንሆ፥ዕርሻችኹን፡ያጨዱት፡የሠራተኛዎች፡ደመ፡ወዝ፡በእናንተ፡ተቀምቶ፡ይጮኻል፥የዐጫጆችም፡ድምፅ፡ወደ፡ ጌታ፡ጸባኦት፡ዦሮ፡ገብቷል።
5፤በምድር፡ላይ፡ተቀማጥላችዃል፡በሴሰኝነትም፡ኖራችዃል፤ለዕርድ፡ቀን፡እንደሚያወፍር፡ልባችኹን፡አወፍራችዃ ል።
6፤ጻድቁን፡ኰንናችኹታል፡ገድላችኹትማል፤እናንተን፡አይቃወምም።
7፤እንግዲህ፥ወንድሞች፡ሆይ፥ጌታ፡እስኪመጣ፡ድረስ፡ታገሡ።እንሆ፥ገበሬው፡የፊተኛውንና፡የዃለኛውን፡ዝናብ፡ እስኪቀበል፡ድረስ፡ርሱን፡እየታገሠ፡የከበረውን፡የመሬት፡ፍሬ፡ይጠብቃል።
8፤እናንተ፡ደግሞ፡ታገሡ፥ልባችኹንም፡አጽኑ፤የጌታ፡መምጣት፡ቀርቧልና።
9፤ወንድሞች፡ሆይ፥እንዳይፈረድባችኹ፡ርስ፡በርሳችኹ፡አታጕረምርሙ፤እንሆ፥ፈራጅ፡በደጅ፡ፊት፡ቆሟል።
10፤ወንድሞች፡ሆይ፥የመከራና፡የትዕግሥት፡ምሳሌ፡የኾኑትን፡በጌታ፡ስም፡የተናገሩትን፡ነቢያትን፡ተመልከቱ።
11፤እንሆ፥በትዕግሥት፡የጸኑትን፡ብፁዓን፡እንላቸዋለን፤ኢዮብ፡እንደ፡ታገሠ፡ሰምታችዃል፥ጌታም፡እንደ፡ፈጸ መለት፡አይታችዃል፤ጌታ፡እጅግ፡የሚምር፡የሚራራም፡ነውና።
12፤ከዅሉም፡በፊት፥ወንድሞቼ፡ሆይ፥በሰማይ፡ቢኾን፡በምድርም፡ቢኾን፡በሌላ፡መሐላም፡ቢኾን፡በምንም፡አትማሉ ፤ነገር፡ግን፥ከፍርድ፡በታች፡እንዳትወድቁ፡ነገራችኹ፡አዎን፡ቢኾን፡አዎን፡ይኹን፥አይደለምም፡ቢኾን፡አይደ ለም፡ይኹን።
13፤ከእናንተ፡መከራን፡የሚቀበል፡ማንም፡ቢኖር፡ርሱ፡ይጸልይ፤ደስ፡የሚለውም፡ማንም፡ቢኖር፡ርሱ፡ይዘምር።
14፤ከእናንተ፡የታመመ፡ማንም፡ቢኖር፡የቤተ፡ክርስቲያንን፡ሽማግሌዎች፡ወደ፡ርሱ፡ይጥራ፤በጌታም፡ስም፡ርሱን ፡ዘይት፡ቀብተው፡ይጸልዩለት።
15፤የእምነትም፡ጸሎት፡ድውዩን፡ያድናል፡ጌታም፡ያስነሣዋል፤ኀጢአትንም፡ሠርቶ፡እንደ፡ኾነ፡ይሰረይለታል።
16፤ርስ፡በርሳችኹ፡በኀጢአታችኹ፡ተናዘዙ።ትፈወሱም፡ዘንድ፡እያንዳንዱ፡ስለ፡ሌላው፡ይጸልይ፤የጻድቅ፡ሰው፡ ጸሎት፡በሥራዋ፡እጅግ፡ኀይል፡ታደርጋለች።
17፤ኤልያስ፡እንደ፡እኛ፡የኾነ፡ሰው፡ነበረ፥ዝናብም፡እንዳይዘንብ፡አጥብቆ፡ጸለየ፥በምድርም፡ላይ፡ሦስት፡ዓ መት፡ከስድስት፡ወር፡አልዘነበም፤ኹለተኛም፡ጸለየ፥
18፤ሰማዩም፡ዝናብን፡ሰጠ፡ምድሪቱም፡ፍሬዋን፡አበቀለች።
19፤ወንድሞቼ፡ሆይ፥ከእናንተ፡ማንም፡ከእውነት፡ቢስት፡አንዱም፡ቢመልሰው፥
20፤ኀጢአተኛን፡ከተሳሳተበት፡መንገድ፡የሚመልሰው፡ነፍሱን፡ከሞት፡እንዲያድን፥የኀጢአትንም፡ብዛት፡እንዲሸ ፍን፡ይወቅ፨

http://www.gzamargna.net