መጽሐፈ፡ሳሙኤል፡ካልዕ።

(ክለሳ.1.20020507)

_______________መጽሐፈ፡ሳሙኤል፡ካልዕ፥ምዕራፍ፡1።______________
ምዕራፍ፡1።
1፤እንዲህም፡ኾነ፥ሳኦል፡ከሞተ፡በዃላ፡ዳዊት፡ዐማሌቃውያንን፡ከመግደል፡ተመልሶ፡በጺቅላግ፡ኹለት፡ቀን፡ያኽ ል፡ተቀመጠ።
2፤በሦስተኛውም፡ቀን፥እንሆ፥ከሳኦል፡ሰፈር፡አንድ፡ሰው፡ልብሱን፡ቀዶ፟፡በራሱም፡ላይ፡ትቢያ፡ነስንሶ፡መጣ፤ ወደ፡ዳዊትም፡በመጣ፡ጊዜ፡በግንባሩ፡ተደፍቶ፡እጅ፡ነሣ።
3፤ዳዊትም፦ከወዴት፡መጣኽ፧አለው፡ርሱም፦ከእስራኤል፡ሰፈር፡ኰብልዬ፡መጣኹ፡አለው።
4፤ዳዊትም፦ነገሩ፡እንደ፡ምን፡ኾነ፧እስኪ፡ንገረኝ፡አለው።ርሱም፡መልሶ፦ሕዝቡ፡ከሰልፉ፡ሸሽቷል፥ከሕዝቡ፡ብ ዙው፡ወደቁ፡ሞቱም፤ሳኦልና፡ልጁም፡ዮናታን፡ደግሞ፡ሞተዋል፡አለ።
5፤ዳዊትም፡ወሬኛውን፡ጕልማሳ፦ሳኦልና፡ልጁ፡ዮናታን፡እንደ፡ሞቱ፡በምን፡ታውቃለኽ፧አለው።
6፤ወሬኛውም፡ጕልማሳ፡አለ፦በድንገት፡ወደጊልቦዓ፡ተራራ፡መጣኹ፥እንሆም፥ሳኦል፡ጦሩን፡ተመርኵዞ፡ቆሞ፡ነበር ፤ሠረገላዎችና፡ፈረሰኛዎችም፡ተከትለው፡ደረሱበት።
7፤ወደ፡ዃላውም፡ዘወር፡አለና፡እኔን፡አይቶ፡ጠራኝ፤እኔም፦እንሆኝ፡አልኹ።
8፤ርሱም፦አንተ፡ማን፡ነኽ፧አለኝ፤እኔም፦ዐማሌቃዊ፡ነኝ፡ብዬ፡መለስኹለት።
9፤ርሱም፦ሰውነቴ፡ዝሏልና፥ደግሞ፡እስከ፡አኹን፡ድረስ፡ነፍሴ፡ገና፡ፈጽማ፡ሕያው፡ናትና፥በላዬ፡ቆመኽ፡ግደለ ኝ፡አለኝ።
10፤እኔም፡ከወደቀ፡በዃላ፡አለ፡መዳኑን፡አይቼ፡በላዩ፡ቆሜ፡ገደልኹት፤በራሱም፡ላይ፡የነበረውን፡ዘውድ፡በክ ንዱም፡የነበረውን፡ቢተዋ፡ወሰድኹ፥ወደዚህም፡ወደ፡ጌታዬ፡አመጣኹት።
11፤ዳዊትና፡ከርሱ፡ጋራ፡የነበሩ፡ሰዎች፡ዅሉ፡ልብሳቸውን፡ይዘው፡ቀደዱ።
12፤በሰይፍም፡ወድቀዋልና፥ለሳኦልና፡ለልጁ፡ለዮናታን፡ለእግዚአብሔርም፡ሕዝብ፡ለእስራኤልም፡ወገን፡እንባ፡ እያፈሰሱ፡አለቀሱ፥እስከ፡ማታም፡ድረስ፡ጾሙ።
13፤ዳዊትም፡ወሬኛውን፡ጕልማሳ።አንተ፡ከወዴት፡ነኽ፧አለው፤ርሱም፦እኔ፡የመጻተኛው፡የዐማሌቃዊው፡ልጅ፡ነኝ ፡ብሎ፡መለሰለት።
14፤ዳዊትም፦እግዚአብሔር፡የቀባውን፡ለመግደል፡እጅኽን፡ስትዘረጋ፡ለምን፡አልፈራኽም፧አለው።
15፤ዳዊትም፡ከጕልማሳዎቹ፡አንዱን፡ጠርቶ፦ወደ፡ርሱ፡ቅረብና፡ውደቅበት፡አለው።ርሱም፡መታው፥ሞተም።
16፤ዳዊትም፦እግዚአብሔር፡የቀባውን፡እኔ፡ገድያለኹ፡ብሎ፡አፍኽ፡በላይኽ፡መስክሯልና፥ደምኽ፡በራስኽ፡ላይ፡ ይኹን፡አለው።
17፤ዳዊትም፡ስለ፡ሳኦልና፡ሰለ፡ልጁ፡ስለ፡ዮናታን፡ይህን፡የሐዘን፡ቅኔ፡ተቀኘ፥
18፤የይሁዳንም፡ልጆች፡ያስተምሩ፡ዘንድ፡አዘዘ።እንሆ፥ይህ፡በያሻር፡መጽሐፍ፡ተጽፏል።
19፤የእስራኤል፡ክብር፡በኰረብታዎች፡ላይ፡ተወግቶ፡ሞተ፤ኀያላን፡እንዴት፡ወደቁ!
20፤የፍልስጥኤማውያን፡ቈነዣዥት፡ደስ፡እንዳይላቸው፥የቈላፋንም፡ቈነዣዥት፡እልል፡እንዳይሉ፥በጌት፡ውስጥ፡ አታውሩ፤በአስቀሎናም፡አደባባይ፡የምሥራች፡አትበሉ።
21፤እናንተ፡የጊልቦዓ፡ተራራዎች፡ሆይ፥የሳኦል፡ጋሻ፡በዘይት፡እንዳልተቀባ፥የኀያላን፡ጋሻ፡በዚያ፡ወድቋልና ፥ዝናብና፡ጠል፡አይውረድባችኹ፥ቍርባንንም፡የሚያበቅል፡ዕርሻ፡አይኹንባችኹ።
22፤ከሞቱት፡ደምና፡ከኀያላን፡ስብ፡የዮናታን፡ቀስት፡አልተመለሰችም፥የሳኦልም፡ሰይፍ፡በከንቱ፡አልተመለሰም ።
23፤ሳኦልና፡ዮናታን፡የተዋደዱና፡የተስማሙ፡ነበሩ፤በሕይወታቸውና፡በሞታቸው፡አልተለያዩም፤ከንስር፡ይልቅ፡ ፈጣኖች፡ነበሩ፤ከአንበሳም፡ይልቅ፡ብርቱዎች፡ነበሩ።
24፤የእስራኤል፡ቈነዣዥት፡ሆይ፥ቀይ፡ሐርና፡ጥሩ፡ግምጃ፡ያለብሳችኹ፡ለነበረ፥በወርቀ፡ዘቦም፡ላስጌጣችኹ፡ለ ሳኦል፡አልቅሱለት።
25፤ኀያላንም፡በሰልፍ፡ውስጥ፡እንዴት፡ወደቁ! ዮናታንም፡በኰረብታዎችኽ፡ላይ፡ወድቋል።
26፤ወንድሜ፡ዮናታን፡ሆይ፥እኔ፡ስለ፡አንተ፡እጨነቃለኹ፤በእኔ፡ዘንድ፡ውድኽ፡እጅግ፡የተለየ፡ነበረ፤ከሴት፡ ፍቅር፡ይልቅ፡ፍቅርኽ፡ለእኔ፡ግሩም፡ነበረ።
27፤ኀያላን፡እንዴት፡ወደቁ! የሰልፍም፡ዕቃ፡እንዴት፡ጠፋ!
_______________መጽሐፈ፡ሳሙኤል፡ካልዕ፥ምዕራፍ፡2።______________
ምዕራፍ፡2።
1፤ከዚያም፡በዃላ፡ዳዊት፦ከይሁዳ፡ከተማዎች፡ወደ፡አንዲቱ፡ልውጣን፧ብሎ፡እግዚአብሔርን፡ጠየቀ።እግዚአብሔር ም፦ውጣ፡አለው።ዳዊትም፦ወዴት፡ልውጣ፧አለ።ርሱም፦ወደ፡ኬብሮን፡ውጣ፡አለው።
2፤ዳዊትም፡ከኹለቱ፡ሚስቶቹ፡ከኢይዝራኤላዊቱ፡ከአኪናሖምና፡የቀርሜሎሳዊው፡የናባል፡ሚስት፡ከነበረችው፡ከአ ቢግያ፡ጋራ፡ወደዚያ፡ወጣ።
3፤ዳዊትም፡ከርሱ፡ጋራ፡የነበሩትን፡ሰዎችና፡ቤተ፡ሰባቸውን፡ዅሉ፡አመጣ፤በኬብሮንም፡ከተማዎች፡ተቀመጡ።
4፤የይሁዳም፡ሰዎች፡መጥተው፡በይሁዳ፡ቤት፡ይነግሥ፡ዘንድ፡ዳዊትን፡በዚያ፡ቀቡት።ሳኦልን፡የቀበሩት፡የኢያቢ ስ፡ገለዓድ፡ሰዎች፡ናቸው፡ብለው፡ለዳዊት፡ነገሩት።
5፤ዳዊትም፡ወደኢያቢስ፡ገለዓድ፡ሰዎች፡መልእክተኛዎችን፡ልኮ፡እንዲህ፡አላቸው።እናንተ፡ለጌታችኹ፡ለሳኦል፡ ይህን፡ቸርነት፡አድርጋችዃልና፥ቀብራችኹትማልና፥በእግዚአብሔር፡የተባረካችኹ፡ኹኑ።
6፤አኹንም፡እግዚአብሔር፡ቸርነትንና፡እውነትን፡ያድርግላችኹ፤ይህንም፡ነገር፡አድርጋችዃልና፥እኔ፡ደግሞ፡ይ ህን፡ቸርነት፡እመልስላችዃለኹ።
7፤አኹንም፡ጌታችኹ፡ሳኦል፡ሞቷልና፥እጃችኹ፡ትጽና፥እናንተም፡ጨክኑ፤ዳግም፡የይሁዳ፡ቤት፡በእነርሱ፡ላይ፡ን ጉሥ፡እኾን፡ዘንድ፡ቀብተውኛል።
8፤የሳኦልም፡ጭፍራ፡አለቃ፣የኔር፡ልጅ፡አበኔር፥የሳኦልን፡ልጅ፣ኢያቡስቴን፡ወስዶ፡ወደ፡መሃናይም፡አሻገረው ፤
9፤በገለዓድና፡በአሹራውያን፡በኢይዝራኤልም፡በኤፍሬምም፡በብንያምም፡በእስራኤልም፡ዅሉ፡ላይ፡አነገሠው።
10፤የሳኦል፡ልጅ፡ኢያቡስቴም፡በእስራኤል፡ላይ፡መንገሥ፡በዠመረ፡ጊዜ፡የአርባ፡ዓመት፡ሰው፡ነበረ፤ኹለት፡ዓ መትም፡ነገሠ፤ነገር፡ግን፥የይሁዳ፡ቤት፡ዳዊትን፡ተከተለ።
11፤ዳዊትም፡በይሁዳ፡ቤት፡ነግሦ፡በኬብሮን፡የተቀመጠበት፡ዘመን፡ሰባት፡ዓመት፡ከስድስት፡ወር፡ነበረ።
12፤የኔር፡ልጅ፡አበኔርና፡የሳኦል፡ልጅ፡የኢያቡስቴ፡ባሪያዎች፡ከመሃናይም፡ወደ፡ገባዖን፡ወጡ።
13፤የጽሩያ፡ልጅ፡ኢዮአብና፡የዳዊት፡ባሪያዎች፡ወጥተው፡በገባዖን፡ውሃ፡መቆሚያ፡አጠገብ፡ተገናኟቸው፤በውሃ ውም፡መቆሚያ፡በአንዱ፡ወገን፡እነዚህ፥በሌላውም፡ወገን፡እነዚያ፡ኾነው፡ተቀመጡ።
14፤አበኔርም፡ኢዮአብን፦ጕልማሳዎች፡ይነሡ፥በፊታችንም፡ይቈራቈሱ፡አለው፤ኢዮአብም፦ይነሡ፡አለ።
15፤ለብንያም፡ወገንና፡ለሳኦል፡ልጅ፡ለኢያቡስቴ፡አስራ፡ኹለት፥ከዳዊትም፡ባሪያዎች፡ዐሥራ፡ኹለት፡ተቈጥረው ፡ተነሡ።
16፤ዅሉም፡እያንዳንዱ፡የወደረኛውን፡ራስ፡ያዘ፥ሰይፉንም፡በወደረኛው፡ጐን፡ሻጠ፥ተያይዘውም፡ወደቁ።የዚያም ፡ስፍራ፡ስም፡የስለታም፡ሰይፍ፡ዕርሻ፡ተብሎ፡ተጠራ፥ርሱም፡በገባዖን፡ነው።
17፤በዚያም፡ቀን፡ጽኑ፡ሰልፍ፡ኾነ፤በዳዊትም፡ባሪያዎች፡ፊት፡አበኔርና፡የእስራኤል፡ሰዎች፡ተሸነፉ።
18፤በዚያም፡ሦስቱ፡የጽሩያ፡ልጆች፡ኢዮአብና፡አቢሳ፡ዐሳሄልም፡ነበሩ፤ዐሳሄልም፡እንደ፡ዱር፡ሚዳቋ፡በሩጫ፡ ፈጣን፡ነበረ።
19፤ዐሳሄልም፡የአበኔርን፡ፍለጋ፡ተከታተለ፥አበኔርንም፡ከማሳደድ፡ቀኝና፡ግራ፡አላለም።
20፤አበኔርም፡ዘወር፡ብሎ፡ተመለከተና፦አንተ፡ዐሳሄል፡ነኽን፧አለ።ርሱም፦እኔ፡ነኝ፡አለ።
21፤አበኔርም፦ወደ፡ቀኝ፡ወይም፡ወደ፡ግራ፡ፈቀቅ፡በል፤አንድ፡ጕልማሳ፡ያዝ፥መሣሪያውንም፡ውሰድ፡አለው።ዐሳ ሄል፡ግን፡ርሱን፡ከማሳደድ፡ፈቀቅ፡ይል፡ዘንድ፡እንቢ፡አለ።
22፤አበኔርም፡ዐሳሄልን፦ከምድር፡ጋራ፡እንዳላጣብቅኽ፡እኔን፡ከማሳደድ፡ፈቀቅ፡በል፤ወደ፡ወንድምኽ፡ወደ፡ኢ ዮአብ፡ፊቴን፡አቅኝቼ፡አይ፡ዘንድ፡እንዴት፡ይቻለኛል፧አለው።
23፤ነገር፡ግን፥ከርሱ፡ፈቀቅ፡ይል፡ዘንድ፡እንቢ፡አለ፤አበኔርም፡በጦሩ፡ጫፍ፡ሆዱን፡ወጋው፥ጦሩም፡በዃላው፡ ወጣ፥በዚያም፡ስፍራ፡ወድቆ፡ሞተ።ዐሳሄልም፡ወድቆ፡በሞተበቱ፡ስፍራ፡የሚያልፍ፡ዅሉ፡ይቆም፡ነበር።
24፤ኢዮአብና፡አቢሳም፡አበኔርን፡አሳደዱ፤በገባዖንም፡ምድረ፡በዳ፡መንገድ፡በጋይ፡ፊት፡ለፊት፡እስካለው፡እ ስከ፡አማ፡ኰረብታ፡ድረስ፡በወጡ፡ጊዜ፡ፀሓይ፡ጠለቀች።
25፤የብንያምም፡ልጆች፡ወደ፡አበኔር፡ተሰበሰቡ፥በአንድነትም፡ኾኑ፥በኰረብታም፡ራስ፡ላይ፡ቆሙ።
26፤አበኔርም፡ወደ፡ኢዮአብ፡ጮኸ፦ሰይፍ፡በእውኑ፡እስከ፡ዘለዓለም፡ያጠፋልን፧ፍጻሜውሳ፡መራራ፡እንደ፡ኾነ፡ አታውቅምን፧ሕዝቡ፡ወንድሞቻቸውን፡ከማሳደድ፡ይመለሱ፡ዘንድ፡ሕዝቡን፡የማትናገር፡እስከ፡መቼ፡ነው፧አለው።
27፤ኢዮአብም፦ሕያው፡እግዚአብሔርን! ባትናገር፡ኖሮ፡ሕዝቡ፡በጧት፡ወጥተው፡በኼዱ፡ነበር፥ወንድሞቻቸውንም፡ማሳደድ፡በተዉ፡ነበር፡አለ።
28፤ኢዮአብም፡ቀንደ፡መለከት፡ነፋ፥ሕዝቡም፡ዅሉ፡ቆመ፥ከዚያም፡በዃላ፡እስራኤልን፡አላሳደደም፥ሰልፍም፡አላ ደረገም።
29፤አበኔርና፡ሰዎቹም፡ሌሊቱን፡ዅሉ፡ዐረባ፡እያለፉ፡ኼዱ፤ዮርዳኖስንም፡ተሻገሩ፥ቢትሮንንም፡ዅሉ፡ካለፉ፡በ ዃላ፡ወደ፡መሃናይም፡መጡ።
30፤ኢዮአብም፡አበኔርን፡ከማሳደድ፡ተመለሰ፤ሕዝቡንም፡ዅሉ፡ሰበሰበ፥ከዳዊትም፡ባሪያዎች፡ከዐሳሄል፡ሌላ፡ዐ ሥራ፡ዘጠኝ፡ሰዎች፡ጐደሉ።
31፤የዳዊትም፡ባሪያዎች፡ከብንያምና፡ከአበኔር፡ሰዎች፡ሦስት፡መቶ፡ስድሳ፡ያኽል፡ገደሉ።
32፤ዐሳሄልንም፡አንሥተው፡በቤተ፡ልሔም፡በአባቱ፡መቃብር፡ቀበሩት፤ኢዮአብና፡ሰዎቹም፡ሌሊቱን፡ዅሉ፡ኼዱ፥በ ኬብሮንም፡አነጉ።
_______________መጽሐፈ፡ሳሙኤል፡ካልዕ፥ምዕራፍ፡3።______________
ምዕራፍ፡3።
1፤በሳኦል፡ቤትና፡በዳዊት፡ቤት፡መካከል፡ብዙ፡ዘመን፡ጦርነት፡ኾነ፤የዳዊት፡ቤት፡እየበረታ፥የሳኦል፡ቤት፡ግ ን፡እየደከመ፡የሚኼድ፡ኾነ።
2፤ለዳዊትም፡ወንድ፡ልጆች፡በኬብሮን፡ተወለዱለት፤በኵሩም፡ከኢይዝራኤላዊቱ፡ከአኪናሖም፡የተወለደው፡አምኖን ፡ነበረ።
3፤ኹለተኛውም፡የቀርሜሎሳዊው፡የናባል፡ሚስት፡ከነበረች፡ከአቢግያ፡የተወለደው፡ዶሎሕያ፡ነበረ።ሦስተኛውም፡ ከጌሹር፡ንጉሥ፡ከተልማይ፡ልጅ፡ከመዓካ፡የተወለደው፡አቤሴሎም፡ነበረ።
4፤አራተኛውም፡የአጊት፡ልጅ፡አዶንያስ፥ዐምስተኛውም፡የአቢጣል፡ልጅ፡ሰፋጥያስ፡ነበረ።
5፤ስድስተኛውም፡የዳዊት፡ልጅ፡ሚስት፡የዔግላ፡ልጅ፡ይትረኃም፡ነበረ።እነዚህም፡ለዳዊት፡በኬብሮን፡ተወለዱለ ት።
6፤በሳኦል፡ቤትና፡በዳዊት፡ቤት፡መካከል፡ጦርነት፡ኾኖ፡ሳለ፡አበኔር፡በሳኦል፡ቤት፡ይበረታ፡ነበር።
7፤ለሳኦልም፡የኢዮሄል፡ልጅ፡ሪጽፋ፡የተባለች፡ቁባት፡ነበረችው፤ኢያቡስቴም፡አበኔርን፦ወዳባቴ፡ቁባት፡ለምን ፡ገባኽ፧አለው።
8፤አበኔርም፡በኢያቡስቴ፡ቃል፡እጅግ፡ተቈጥቶ፡እንዲህ፡አለ፦እኔ፡ለአባትኽ፡ለሳኦል፡ቤት፡ለወንድሞቹም፡ለዘ መዶቹም፡ቸርነት፡አድርጌያለኹ፥አንተንም፡ለዳዊት፡እጅ፡አሳልፌ፡አልሰጠኹም፤አንተም፡ዛሬ፡ከዚች፡ሴት፡ጋራ ፡ስለሠራኹት፡ኀጢአት፡ትከሰ፟ኛለኽ፤በእውኑ፡እኔ፡የውሻ፡ራስ፡ነኝን፧
9፤10፤መንግሥትን፡ከሳኦል፡ቤት፡ያወጣ፡ዘንድ፡የዳዊትንም፡ዙፋን፡በእስራኤልና፡በይሁዳ፡ከዳን፡ዠምሮ፡እስ ከ፡ቤርሳቤሕ፡ድረስ፡ከፍ፡ያደርግ፡ዘንድ፡እግዚአብሔር፡ለዳዊት፡እንደ፡ማለለት፡እንዲሁ፡ከርሱ፡ጋራ፡ባላደ ርግ፡እግዚአብሔር፡በአበኔር፡ይህን፡ያድርግበት፡ይህንም፡ይጨምርበት።
11፤ኢያቡስቴም፡አበኔርን፡ይፈራው፡ነበርና፥አንዳች፡ይመልስለት፡ዘንድ፡አልቻለም።
12፤አበኔርም፡ለዳዊት፦ምድሪቱ፡ለማን፡ናት፧ከእኔ፡ጋራ፡ቃል፡ኪዳን፡አድርግ፥እጄም፡ከአንተ፡ጋራ፡ትኾናለች ፥እስራኤልንም፡ዅሉ፡ወዳንተ፡እመልሰዋለኹ፡ብለው፡ይነግሩት፡ዘንድ፡መልእክተኛዎች፡ሰደደለት።
13፤ዳዊትም፦ይኹን፥ከአንተ፡ጋራ፡ቃል፡ኪዳን፡አደርጋለኹ፤ነገር፡ግን፥አንድ፡ነገር፡ከአንተ፡እሻለኹ፤ፊቴን ፡ለማየት፡በመጣኽ፡ጊዜ፥የሳኦልን፡ልጅ፡ሜልኮልን፡ካላመጣኽልኝ፡ፊቴን፡አታይም፡አለ።
14፤ዳዊትም፡ወደሳኦል፡ልጅ፡ወደ፡ኢያቡስቴ፦በመቶ፡ፍልስጥኤማውያን፡ሸለፈት፡ያጨዃትን፡ሚስቴን፡ሜልኮልን፡ ስጠኝ፡ብሎ፡መልእክተኛዎችን፡ሰደደ።
15፤ኢያቡስቴም፡ልኮ፡ከሌሳ፡ልጅ፡ከባሏ፡ከፈልጢኤል፡ወሰዳት።
16፤ባሏም፡እያለቀሰ፡ከርሷ፡ጋራ፡ኼደ፥እስከ፡ብራቂም፡ድረስ፡ተከተላት።አበኔርም፦ኺድ፥ተመለስ፡አለው፤ርሱ ም፡ተመለሰ።
17፤አበኔርም፡ለእስራኤል፡ሽማግሌዎች፦አስቀድሞ፡ዳዊት፡በእናንተ፡ላይ፡ንጉሥ፡ይኾን፡ዘንድ፡ፈልጋችኹ፡ነበ ር።
18፤እግዚአብሔርም፡ስለ፡ዳዊት፦በባሪያዬ፡በዳዊት፡እጅ፡ሕዝቤን፡እስራኤልን፡ከፍልስጥኤማውያን፡እጅና፡ከጠ ላቶቻቸው፡ዅሉ፡እጅ፡አድናለኹ፡ብሎ፡ተናግሯልና፥እንግዲህ፡አኹን፡አድርጉ፡ብሎ፡ነገራቸው።
19፤አበኔርም፡ደግሞ፡በብንያም፡ወገን፡ዦሮ፡ተናገረ፤አበኔርም፡ደግሞ፡በእስራኤልና፡በብንያም፡ቤት፡ዅሉ፡መ ልካም፡የነበረውን፡ለዳዊት፡ሊነግረው፡ወደ፡ኬብሮን፡ኼደ።
20፤አበኔርም፡ከኻያ፡ሰዎች፡ጋራ፡ወደ፡ዳዊት፡ወደ፡ኬብሮን፡መጣ።ዳዊትም፡ለአበኔርና፡ከርሱ፡ጋራ፡ለነበሩት ፡ሰዎች፡ግብዣ፡አደረገላቸው።
21፤አበኔርም፡ዳዊትን፦ተነሥቼ፡ልኺድ፥ከአንተ፡ጋራም፡ቃል፡ኪዳን፡እንዲያደርጉ፥ነፍስኽም፡እንደ፡ወደደች፡ ዅሉን፡እንድትገዛ፡እስራኤልን፡ዅሉ፡ለጌታዬ፡ለንጉሥ፡ልሰብስብ፡አለው።ዳዊትም፡አበኔርን፡አሰናበተው፥በደ ኅናም፡ኼደ።
22፤በዚያን፡ጊዜም፡የዳዊት፡ባሪያዎችና፡ኢዮአብ፡ከዘመቻ፡ታላቅ፡ምርኮ፡ይዘው፡መጡ።አበኔር፡ግን፡ዳዊት፡አ ሰናብቶት፡በደኅና፡ኼዶ፡ነበር፡እንጂ፡በኬብሮን፡አልነበረም።
23፤ኢዮአብና፡ከርሱም፡ጋራ፡የነበረ፡ጭፍራ፡ዅሉ፡በመጡ፡ጊዜ፦የኔር፡ልጅ፡አበኔር፡ወደ፡ንጉሥ፡መጣ፥አሰናበ ተውም፡በደኅናውም፡ኼደ፡ብለው፡ሰዎች፡ለኢዮአብ፡ነገሩት።
24፤ኢዮአብም፡ወደ፡ንጉሥ፡ገብቶ፦ምን፡አደረግኽ፧እንሆ፥አበኔር፡መጥቶልኽ፡ነበር፤በደኅና፡እንዲኼድ፡ስለ፡ ምን፡አሰናበትኸው፧
25፤የኔር፡ልጅ፡አበኔር፡ያታልልኽ፡ዘንድ፥መውጫኽንና፡መግቢያኽንም፡ያውቅ፡ዘንድ፥የምታደርገውንም፡ነገር፡ ዅሉ፡ያስተውል፡ዘንድ፡እንደ፡መጣ፡አታውቅምን፧አለው።
26፤ኢዮአብም፡ከዳዊት፡በወጣ፡ጊዜ፡መልእክተኛዎችን፡ከአበኔር፡በዃላ፡ላከ፥ከሴይርም፡ጕድጓድም፡መለሱት።ዳ ዊት፡ግን፡ይህን፡አላወቀም።
27፤አበኔርም፡ወደ፡ኬብሮን፡በተመለሰ፡ጊዜ፡ኢዮአብ፡በበር፡ውስጥ፡በቈይታ፡ይናገረው፡ዘንድ፡ወደ፡አጠገቡ፡ ወሰደው፤በዚያም፡ለወንድሙ፡ለዐሳሄል፡ደም፡ተበቅሎ፡ሆዱን፡መታው፥ሞተም።
28፤በዃላም፡ዳዊት፡ይህ፡ነገር፡እንደ፡ተደረገ፡በሰማ፡ጊዜ፦ከኔር፡ልጅ፡ከአበኔር፡ደም፡በእግዚአብሔር፡ዘን ድ፡ለዘለዓለም፡እኔ፡ንጹሕ፡ነኝ፥መንግሥቴም፡ንጹሕ፡ነው፤
29፤በኢዮአብ፡ራስ፡ላይና፡በአባቱ፡ቤት፡ዅሉ፡ላይ፡ይምጣበት፤በኢዮአብም፡ቤት፡ፈሳሽ፡ነገር፡ያለበት፡ወይም ፡ለምጻም፡ወይም፡ዐንካሳ፡ወይም፡በሰይፍ፡የሚወድቅ፡ወይም፡እንጀራ፡የሌለው፡ሰው፡አይታጣ፡አለ።
30፤ኢዮአብና፡ወንድሙ፡አቢሳም፡በሰልፍ፡በገባዖን፡ወንድማቸው፡ዐሳሄልን፡ገድሎ፡ነበርና፥አበኔርን፡ገደሉት ።
31፤ዳዊትም፡ኢዮአብንና፡ከርሱ፡ጋራ፡የነበሩትን፡ሕዝብ፡ዅሉ፦ልብሳችኹን፡ቅደዱ፥ማቅም፡ልበሱ፥በአበኔርም፡ ፊት፡አልቅሱ፡አላቸው።ንጉሡም፡ዳዊት፡ከቃሬዛው፡በዃላ፡ኼደ።
32፤አበኔርንም፡በኬብሮን፡ቀበሩት፤ንጉሡም፡ድምፁን፡ከፍ፡አድርጎ፡በአበኔር፡መቃብር፡አጠገብ፡አለቀሰ፤ሕዝ ቡም፡ዅሉ፡አለቀሱ።ንጉሡም፡ለአበኔር፦
33፤አበኔር፡ሰነፍ፡እንደሚሞት፡ይምታልን፧
34፤እጅኽ፡አልታሰረም፥እግርኽም፡በሰንሰለት፡አልተያዘም፤ሰው፡በዐመፀኛዎች፡ፊት፡እንደሚወድቅ፡አንተ፡እን ዲሁ፡ወደቅኽ፡ብሎ፡የልቅሶ፡ቅኔ፡ተቀኘለት።ሕዝቡም፡ዅሉ፡ዋይታ፡አብዝተው፡አለቀሱ።
35፤ሕዝቡም፡ዅሉ፡ገና፡ሳይመሽ፡ዳዊትን፡እንጀራ፡ይበላ፡ዘንድ፡ሊጋብዙት፡መጡ፤ዳዊት፡ግን፦ፀሓይ፡ሳትጠልቅ ፡እንጀራ፡ወይም፡ሌላ፡ነገር፡ብቀምስ፡እግዚአብሔር፡ይህን፡ያድርግብኝ፥ይህንም፡ይጨምርብኝ፡ብሎ፤ማለ።
36፤ሕዝቡም፡ዅሉ፡ይህን፡ተመለከቱ፥ደስ፡አሠኛቸውም፤በሕዝቡም፡ዅሉ፡ፊት፡ንጉሥ፡ያደረገው፡ዅሉ፡ደስ፡አሠኛ ቸው።
37፤በዚያም፡ቀን፡ሕዝቡ፡ዅሉ፡እስራኤልም፡ዅሉ፡የኔር፡ልጅ፡የአበኔር፡ሞት፡ከንጉሡ፡ዘንድ፡እንዳልኾነ፡ዐወ ቁ።
38፤ንጉሡም፡ባሪያዎቹን፦ዛሬ፡በእስራኤል፡ዘንድ፡መኰንንና፡ታላቅ፡ሰው፡እንደ፡ወደቀ፡አታውቁምን፧
39፤እኔም፡ዛሬ፡ምንም፡ለመንገሥ፡የተቀባኹ፡ብኾን፡ደካማ፡ነኝ፤እነዚህም፡ሰዎች፡የጽሩያ፡ልጆች፡በርትተውብ ኛል፤እግዚአብሔር፡ክፋት፡በሠራ፡ላይ፡እንደ፡ክፋቱ፡ይመልስበት፡አላቸው።
_______________መጽሐፈ፡ሳሙኤል፡ካልዕ፥ምዕራፍ፡4።______________
ምዕራፍ፡4።
1፤የሳኦልም፡ልጅ፡ኢያቡስቴ፡አበኔር፡በኬብሮን፡እንደ፡ሞተ፡በሰማ፡ጊዜ፡እጁ፡ደከመች፥እስራኤላውያንም፡ዅሉ ፡ደነገጡ።
2፤ለሳኦልም፡ልጅ፡ለኢያቡስቴ፡የጭፍራ፡አለቃዎች፡የኾኑ፡ኹለት፡ሰዎች፡ነበሩት፤የአንዱም፡ስም፡በዓና፥የኹለ ተኛውም፡ስም፡ሬካብ፡ነበረ፥ከብንያምም፡ልጆች፡የብኤሮታዊው፡የሬሞን፡ልጆች፡ነበሩ፤ብኤሮትም፡ለብንያም፡ተ ቈጥራ፡ነበር።
3፤ብኤሮታውያንም፡ወደ፡ጌቴም፡ሸሽተው፡ነበር፥እስከ፡ዛሬም፡ድረስ፡በዚያ፡ተጠግተው፡ነበር።
4፤ለሳኦልም፡ልጅ፡ለዮናታን፡አንድ፡ሽባ፡የኾነ፡ልጅ፡ነበረው።የሳኦልና፡የዮናታን፡ወሬ፡ከኢይዝራኤል፡በመጣ ፡ጊዜ፡የዐምስት፡ዓመት፡ልጅ፡ነበረ፥ሞግዚቱም፡ዐዝላው፡ሸሸች፤ፈጥናም፡ስትሸሽ፡ወድቆ፡ሽባ፡ኾነ።ስሙም፡ሜ ምፊቦስቴ፡ነበር።
5፤የብኤሮታዊውም፡የሬሞን፡ልጆች፡ሬካብና፡በዓና፡ቀኑ፡ሲሞቅ፡ወደኢያቡስቴ፡ቤት፡መጡ፤ርሱም፡በቀትር፡ጊዜ፡ በምንጣፍ፡ላይ፡ተኝቶ፡ነበር።
6፤በረኛዪቱም፡ስንዴ፡ታበጥር፡ነበር፥አንቀላፍታም፡ተኝታ፡ነበር፤ሬካብና፡ወንድሙ፡በዓናም፡በቀስታ፡ገቡ።
7፤ወደ፡ቤትም፡በገቡ፡ጊዜ፡ርሱ፡በዕልፍኙ፡በምንጣፉ፡ላይ፡ተኝቶ፡ሳለ፡መቱት፥ገደሉትም፤ራሱንም፡ቈርጠው፡ወ ሰዱት፥በዐረባም፡መንገድ፡ሌሊቱን፡ዅሉ፡ኼዱ።
8፤የኢያቡስቴንም፡ራስ፡ይዘው፡ወደ፡ዳዊት፡ወደ፡ኬብሮን፡መጡ፥ንጉሡንም፦ነፍስኽን፡ይሻ፡የነበረው፡የጠላትኽ ፡የሳኦል፡ልጅ፡የኢያቡስቴ፡ራስ፡እንሆ፤እግዚአብሔርም፡ዛሬ፡ከሳኦልና፡ከዘሩ፡ለጌታችን፡ለንጉሥ፡ተበቀለለ ት፡አሉት።
9፤ዳዊትም፡ለብኤሮታዊው፡ለሬሞት፡ልጆች፡ለሬካብና፡ለወንድሙ፡ለበዓና፡እንዲህ፡ብሎ፡መለሰላቸው።ነፍሴን፡ከ መከራ፡ዅሉ፡ያዳነ፡ሕያው፡እግዚአብሔርን!
10፤መልካም፡ወሬ፡የያዘ፡መስሎት፦እንሆ፥ሳኦል፡ሞተ፡ብሎ፡የነገረኝን፡የምሥራቹ፡ዋጋ፡እንዲኾን፡ይዤ፡በጺቅ ላግ፡ገደልኹት።
11፤ይልቁንስ፡በቤቱ፡ውስጥ፡በምንጣፉ፡ላይ፡ንጹሑን፡ሰው፡የገደላችኹትን፡እናንተን፡ኀጢአተኛዎችንማ፡እንዴ ት፡ነዋ፧ደሙን፡ከእጃችኹ፡አልሻውምን፧ከምድርም፡አላጠፋችኹምን፧
12፤ዳዊትም፡ጕልማሳዎቹን፡አዘዘ፥ገደሏቸውም፤እጃቸውንና፡እግራቸውን፡ቈርጠው፡በኬብሮን፡በውሃ፡መቆሚያ፡አ ጠገብ፡አንጠለጠሏቸው።የኢያቡስቴንም፡ራስ፡ወስደው፡በአበኔር፡መቃብር፡በኬብሮን፡ቀበሩት።
_______________መጽሐፈ፡ሳሙኤል፡ካልዕ፥ምዕራፍ፡5።______________
ምዕራፍ፡5።
1፤የእስራኤልም፡ነገድ፡ዅሉ፡ወደ፡ኬብሮን፡ወደ፡ዳዊት፡መጥተው፦እንሆ፥እኛ፡የዐጥንትኽ፡ፍላጭ፡የሥጋኽ፡ቍራ ጭ፡ነን።
2፤አስቀድሞ፡ሳኦል፡በእኛ፡ላይ፡ንጉሥ፡ኾኖ፡ሳለ፡እስራኤልን፡የምታወጣና፡የምታገባ፡አንተ፡ነበርኽ፤እግዚአ ብሔርም፦አንተ፡ሕዝቤን፡እስራኤልን፡ትጠብቃለኽ፥በእስራኤልም፡ላይ፡አለቃ፡ትኾናለኽ፡ብሎኽ፡ነበር፡አሉት።
3፤የእስራኤልም፡ሽማግሌዎች፡ዅሉ፡ወደ፡ንጉሡ፡ወደ፡ኬብሮን፡መጡ፤ንጉሡ፡ዳዊትም፡በኬብሮን፡በእግዚአብሔር፡ ፊት፡ቃል፡ኪዳን፡ከነርሱ፡ጋራ፡አደረገ፤በእስራኤልም፡ንጉሥ፡ይኾን፡ዘንድ፡ዳዊትን፡ቀቡት።
4፤ዳዊትም፡መንገሥ፡በዠመረ፡ጊዜ፡የሠላሳ፡ዓመት፡ልጅ፡ነበረ፥አርባ፡ዓመትም፡ነገሠ።
5፤በኬብሮን፡በይሁዳ፡ላይ፡ሰባት፡ዓመት፡ከስድስት፡ወር፡ነገሠ፤በኢየሩሳሌምም፡በእስራኤል፡ዅሉና፡በይሁዳ፡ ላይ፡ሠላሳ፡ሦስት፡ዓመት፡ነገሠ።
6፤ንጉሡና፡ሰዎቹም፡በአገሩ፡ውስጥ፡ከተቀመጡት፡ከኢያቡሳውያን፡ጋራ፡ለመዋጋት፡ወደ፡ኢየሩሳሌም፡ኼዱ፤እነር ሱም፦ዳዊት፡ወደዚህ፡ሊገባ፡አይችልም፡ብለው፡ዐስበው፡ነበርና፥ዳዊትን፦ዕውሮችንና፡ዐንካሳዎችን፡ካላወጣኽ ፡በቀር፡ወደዚህ፡አትገባም፡አሉት።
7፤ነገር፡ግን፥ዳዊት፡ዐምባዪቱን፡ጽዮንን፡ያዘ፥ርሷም፡የዳዊት፡ከተማ፡ናት።
8፤በዚያም፡ቀን፡ዳዊት፦ኢያቡሳውያንን፡የሚመታ፡በውሃ፡መኼጃው፡ይውጣ፤የዳዊትም፡ነፍስ፡የምትጠላቸውን፡ዕው ሮችንና፡ዐንካሳዎችን፡ያውጣ፡አለ።ስለዚህም፡በምሳሌ፦ዕውርና፡ዐንካሳ፡ወደ፡ቤት፡አይግቡ፡ተባለ።
9፤ዳዊትም፡በዐምባዪቱ፡ውስጥ፡ተቀመጠ፥የዳዊትም፡ከተማ፡ብሎ፡ጠራት።ዳዊትም፡ዙሪያዋን፡ከሚሎ፡ዠምሮ፡ወደ፡ ውስጥ፡ቀጠራት።
10፤ዳዊትም፡እየበረታ፡ኼደ፤የሰራዊት፡አምላክ፡እግዚአብሔርም፡ከርሱ፡ጋራ፡ነበረ።
11፤የጢሮስም፡ንጉሥ፡ኪራም፡ወደ፡ዳዊት፡መልእክተኛዎችን፡የዝግባ፡ዕንጨትንም፡ዐናጢዎችንም፡ጠራቢዎችንም፡ ላከ፤ለዳዊትም፡ቤት፡ሠሩለት።
12፤ዳዊትም፡እግዚአብሔር፡በእስራኤል፡ላይ፡ንጉሥ፡አድርጎ፡እንዳጸናው፥ስለ፡ሕዝቡ፡ስለ፡እስራኤልም፡መንግ ሥቱን፡ከፍ፡እንዳደረገ፡ዐወቀ።
13፤ዳዊትም፡ከኬብሮን፡ከመጣ፡በዃላ፡ሌላዎቹን፡ቁባቶቹንና፡ሚስቶቹን፡ከኢየሩሳሌም፡ወሰደ፤ለዳዊትም፡ደግሞ ፡ወንዶችና፡ሴቶች፡ልጆች፡ተወለዱለት።
14፤በኢየሩሳሌምም፡የተወለዱለት፡ስማቸው፡ይህ፡ነው፤ሳሙስ፥
15፤ሶባብ፥ናታን፥ሰሎሞን፥ኢያቤሐር፥ኤሊሱዔ፥
16፤ናፌቅ፥ያፍያ፥ኤሊሳማ፥ኤሊዳሄ፥ኤሊፋላት።
17፤ፍልስጥኤማውያንም፡ዳዊት፡በእስራኤል፡ላይ፡ንጉሥ፡ኾኖ፡እንደ፡ተቀባ፡ሰሙ፥ፍልስጥኤማውያንም፡ዅሉ፡ዳዊ ትን፡ሊፈልጉ፡ወጡ፤ዳዊትም፡በሰማ፡ጊዜ፡ወደ፡ምሽጉ፡ወረደ።
18፤ፍልስጥኤማውያንም፡መጥተው፡በራፋይም፡ሸለቆ፡ተበትነው፡ሰፈሩ።
19፤ዳዊትም፦ወደ፡ፍልስጥኤማውያን፡ልውጣን፧በእጄስ፡አሳልፈኽ፡ትሰጣቸዋለኽን፧ብሎ፡እግዚአብሔርን፡ጠየቀ። እግዚአብሔርም፡ዳዊትን፦ፍልስጥኤማውያንን፡በርግጥ፡በእጅኽ፡አሳልፌ፡እሰጣቸዋለኹና፡ውጣ፡አለው።
20፤ዳዊትም፡ወደ፡በዓልፐራሲም፡መጣ፥በዚያም፡መታቸውና፦ውሃ፡እንዲያፈርስ፡እግዚአብሔር፡ጠላቶቼን፡በፊቴ፡ አፈረሳቸው፡አለ።ስለዚህም፡የዚያን፡ስፍራ፡ስም፡በዓልፐራሲም፡ብሎ፡ጠራው።
21፤ጣዖቶቻቸውንም፡በዚያ፡ተዉ፥ዳዊትና፡ሰዎቹም፡ወሰዷቸው።
22፤ፍልስጥኤማውያንም፡ደግሞ፡መጡ፥በራፋይምም፡ሸለቆ፡ተበትነው፡ሰፈሩ።
23፤ዳዊትም፡እግዚአብሔርን፡ጠየቀ፤ርሱም፦በዃላቸው፡ዞረኽ፡በሾላው፡ዛፍ፡ፊት፡ለፊት፡ግጠማቸው፡እንጂ፡አት ውጣ።
24፤በሾላውም፡ዛፍ፡ራስ፡ውስጥ፡የሽውሽውታ፡ድምፅ፡ስትሰማ፥በዚያን፡ጊዜ፡እግዚአብሔር፡የፍልስጥኤማውያንን ፡ጭፍራ፡ለመምታት፡በፊትኽ፡ወጥቶ፡ይኾናልና፥በዚያን፡ጊዜ፡ቸኵል፡አለው።
25፤ዳዊትም፡እግዚአብሔር፡እንዳዘዘው፡አደረገ፤ከገባዖንም፡እስከ፡ጌዝር፡ድረስ፡ፍልስጥኤማውያንን፡መታ።
_______________መጽሐፈ፡ሳሙኤል፡ካልዕ፥ምዕራፍ፡6።______________
ምዕራፍ፡6።
1፤ዳዊትም፡ዳግም፡ከእስራኤል፡የተመረጡትን፡ሠላሳ፡ሺሕ፡ያኽል፡ሰው፡ሰበሰበ።
2፤ዳዊትና፡ከርሱ፡ጋራ፡የነበሩት፡ሕዝብ፡ዅሉ፡በይሁዳ፡ካለች፡ከበዓል፡ተነሥተው፡በኪሩቤል፡ላይ፡በተቀመጠ፡ በሰራዊት፡ጌታ፡በእግዚአብሔር፡ስም፡የተጠራውን፡የእግዚአብሔርን፡ታቦት፡ከዚያ፡ያመጡ፡ዘንድ፡ኼዱ።
3፤የእግዚአብሔርንም፡ታቦት፡በዐዲስ፡ሠረገላ፡ላይ፡ጫኑ፥በኰረብታውም፡ላይ፡ከነበረው፡ከዐሚናዳብ፡ቤት፡አመ ጡት፤የዐሚናዳብ፡ልጆችም፡ዖዛ፡እና፡አኂዮ፡ዐዲሱን፡ሠረገላ፡ይነዱ፡ነበር።
4፤በኰረብታውም፡ላይ፡ከነበረው፡ከዐሚናዳብ፡ቤት፡የእግዚአብሔርን፡ታቦት፡ባመጡ፡ጊዜ፡አኂዮ፡በታቦቱ፡ፊት፡ ይኼድ፡ነበር።
5፤ዳዊትና፡የእስራኤልም፡ቤት፡ዅሉ፡በቅኔና፡በበገና፡በመሰንቆም፡በከበሮም፡በነጋሪትና፡በጸናጽል፡በእግዚአ ብሔር፡ፊት፡በሙሉ፡ኀይላቸው፡ይጫወቱ፡ነበር።
6፤ወደናኮንም፡ዐውድማ፡በደረሱ፡ጊዜ፡በሬዎቹ፡ይፋንኑ፡ነበርና፥ዖዛ፡እጁን፡ዘርግቶ፡የእግዚአብሔርን፡ታቦት ፡ያዘ።
7፤የእግዚአብሔርም፡ቍጣ፡በዖዛ፡ላይ፡ነደደ፥እግዚአብሔርም፡ስለ፡ድፍረቱ፡በዚያው፡ቀሠፈው፤በእግዚአብሔርም ፡ታቦት፡አጠገብ፡በዚያው፡ሞተ።
8፤እግዚአብሔርም፡ዖዛን፡ስለ፡ሰበረው፡ዳዊት፡ዐዘነ፤እስከ፡ዛሬም፡ድረስ፡የዚያ፡ስፍራ፡ስም፡የዖዛ፡ስብራት ፡ተብሎ፡ተጠራ።
9፤በዚያም፡ቀን፡ዳዊት፡እግዚአብሔርን፡ፈራና፦የእግዚአብሔር፡ታቦት፡ወደ፡እኔ፡እንዴት፡ይመጣል፧አለ።
10፤ዳዊትም፡የእግዚአብሔርን፡ታቦት፡ወደ፡ርሱ፡ወደዳዊት፡ከተማ፡ያመጣው፡ዘንድ፡አልወደደም፤ዳዊትም፡በጌት ፡ሰው፡በዐቢዳራ፡ቤት፡አገባው።
11፤የእግዚአብሔርም፡ታቦት፡በጌት፡ሰው፡በአቢዳራ፡ቤት፡ሦስት፡ወር፡ያኽል፡ተቀመጠ፤እግዚአብሔርም፡አቢዳራ ንና፡ቤቱን፡ዅሉ፡ባረከ።
12፤ንጉሡ፡ዳዊትም፡እግዚአብሔር፡የአቢዳራን፡ቤትና፡የነበረውን፡ዅሉ፡ስለእግዚአብሔር፡ታቦት፡እንደ፡ባረከ ፡ሰማ።ዳዊትም፡ኼዶ፡የእግዚአብሔርን፡ታቦት፡ከአቢዳራ፡ቤት፡ወደዳዊት፡ከተማ፡በደስታ፡አመጣው።
13፤የእግዚአብሔርንም፡ታቦት፡የተሸከሙ፡ስድስት፡ርምጃ፡በኼዱ፡ጊዜ፡አንድ፡በሬና፡አንድ፡ፍሪዳ፡ሠዋ።
14፤ዳዊትም፡በሙሉ፡ኀይሉ፡በእግዚአብሔር፡ፊት፡ይዘፍን፡ነበር፤ዳዊትም፡የበፍታ፡ኤፉድ፡ለብሶ፡ነበር።
15፤ዳዊትና፡የእስራኤልም፡ቤት፡ዅሉ፡ሆ፡እያሉ፡ቀንደ፡መለከትም፡እየነፉ፡የእግዚአብሔርን፡ታቦት፡አመጡ።
16፤የእግዚአብሔርም፡ታቦት፡ወደዳዊት፡ከተማ፡በገባ፡ጊዜ፡የሳኦል፡ልጅ፡ሜልኮል፡በመስኮት፡ኾና፡ተመለከተች ፥ንጉሡም፡ዳዊት፡በእግዚአብሔር፡ፊት፡ሲዘል፟ና፡ሲዘፍን፡አየች፤በልቧም፡ናቀችው።
17፤የእግዚአብሔርንም፡ታቦት፡አገቡ፥ዳዊትም፡በተከለለት፡ድንኳን፡ውስጥ፡በስፍራው፡አኖሩት፤ዳዊትም፡የሚቃ ጠልና፡የደኅንነት፡መሥዋዕትን፡በእግዚአብሔር፡ፊት፡አሳረገ።
18፤ዳዊትም፡የሚቃጠልና፡የደኅንነት፡መሥዋዕት፡ማሳረግ፡ከፈጸመ፡በዃላ፡ሕዝቡን፡በሰራዊት፡ጌታ፡በእግዚአብ ሔር፡ስም፡መረቀ።
19፤ለሕዝቡም፡ዅሉ፡ለእስራኤል፡ወገን፡ለወንዱም፡ለሴቱም፡ለያንዳንዱ፡አንዳንድ፡እንጀራ፡አንዳንድም፡የሥጋ ፡ቍራጭ፡አንዳንድም፡የዘቢብ፡ጥፍጥፍ፡አከፋፈለ።ሕዝቡም፡ዅሉ፡እያንዳንዱ፡ወደ፡ቤቱ፡ኼደ።
20፤ዳዊትም፡ቤተ፡ሰቡን፡ሊመርቅ፡ተመለሰ።የሳኦልም፡ልጅ፡ሜልኮል፡ዳዊትን፡ለመቀበል፡ወጣችና።ምናምንቴዎች ፡ዕርቃናቸውን፡እንደሚገልጡ፡የእስራኤል፡ንጉሥ፡በባሪያዎቹ፡ቈነዣዥት፡ፊት፡ዕርቃኑን፡በመግለጡ፡ምንኛ፡የ ተከበረ፡ነው! አለችው።
21፤ዳዊትም፡ሜልኮልን፦በእግዚአብሔር፡ፊት፡ዘፍኛለኹ፤በእግዚአብሔር፡ሕዝብ፡በእስራኤል፡ላይ፡አለቃ፡እኾን ፡ዘንድ፡ከአባትሽና፡ከቤቱ፡ዅሉ፡ይልቅ፡የመረጠኝ፡እግዚአብሔር፡የተባረከ፡ይኹን፡ስለዚህም፡በእግዚአብሔር ፡ፊት፡እጫወታለኹ።
22፤አኹንም፡ከኾንኹት፡ይልቅ፡የተናቅኹ፡እኾናለኹ፥በዐይንሽም፡እዋረዳለኹ፤ነገር፡ግን፥በተናገርሽው፡ቈነዣ ዥት፡ዘንድ፡እከብራለኹ፡አላት።
23፤የሳኦልም፡ልጅ፡ሜልኮል፡እስከሞተችበት፡ቀን፡ድረስ፡ልጅ፡አልወለደችም።
_______________መጽሐፈ፡ሳሙኤል፡ካልዕ፥ምዕራፍ፡7።______________
ምዕራፍ፡7።
1፤እንዲህም፡ኾነ፤ንጉሡ፡በቤቱ፡በተቀመጠ፡ጊዜ፡እግዚአብሔርም፡በዙሪያው፡ካሉት፡ጠላቶቹ፡ዅሉ፡ባሳረፈው፡ጊ ዜ፥
2፤ንጉሡ፡ነቢዩን፡ናታንን፦እኔ፡ከዝግባ፡በተሠራ፡ቤት፡ተቀምጫለኹ፥የእግዚአብሔር፡ታቦት፡ግን፡በመጋረጃዎች ፡ውስጥ፡እንደ፡ተቀመጠ፡እይ፡አለው።
3፤ናታንም፡ንጉሡን፦እግዚአብሔር፡ከአንተ፡ጋራ፡ነውና፥ኺድ፥በልብኽም፡ያለውን፡ዅሉ፡አድርግ፡አለው።
4፤በዚያም፡ሌሊት፡የእግዚአብሔር፡ቃል፡ወደ፡ናታን፡መጣ፥እንዲህም፡አለው፦
5፤6፤ኺድ፥ለባሪያዬ፡ለዳዊት፡ንገረው፦እግዚአብሔር፡እንዲህ፡ይላል፦የእስራኤልን፡ልጆች፡ከግብጽ፡ምድር፡ካ ወጣኹበት፡ቀን፡ዠምሮ፡እስከ፡ዛሬ፡ድረስ፡በድንኳንና፡በማደሪያ፡እኼድ፡ነበር፡እንጂ፡በቤት፡አልተቀመጥኹም ና፡አንተ፡የምኖርበትን፡ቤት፡አትሠራልኝም።
7፤ከእስራኤል፡ልጆች፡ዅሉ፡ጋራ፡ባለፍኹበት፡ስፍራ፡ዅሉ፦ስለ፡ምን፡ቤትን፡ከዝግባ፡ዕንጨት፡አልሠራችኹልኝም ፧ብዬ፡ሕዝቤን፡እስራኤልን፡ይጠብቅ፡ዘንድ፡ከእስራኤል፡ነገድ፡ላዘዝኹት፡ለአንዱ፡በእውኑ፡ተናግሬያለኹን፧
8፤አኹንም፡ዳዊትን፡ባሪያዬን፡እንዲህ፡በለው፦የሰራዊት፡ጌታ፡እግዚአብሔር፡እንዲህ፡ይላል፦አንተ፡መንጋውን ፡ስትከተል፡በሕዝቤ፡በእስራኤል፡ላይ፡አለቃ፡ትኾን፡ዘንድ፡ከበግ፡ጥበቃ፡ወሰድኹኽ፤
9፤በኼድኽበትም፡ዅሉ፡ከአንተ፡ጋራ፡ነበርኹ፥ጠላቶችኽንም፡ዅሉ፡ከፊትኽ፡አጠፋኹ፤በምድርም፡ላይ፡እንዳሉ፡እ ንደ፡ታላላቆቹ፡ስም፡ታላቅ፡ስም፡አደርግልኻለኹ።
10፤11፤ለሕዝቤም፡ለእስራኤል፡ስፍራ፡አደርግለታለኹ፥እተክለውማለኹ፤በስፍራውም፡ይቀመጣል፥ከዚያም፡በዃላ፡ አይናወጥ፤እንደ፡ቀድሞው፡ዘመንና፡በሕዝቤ፡በእስራኤል፡ላይ፡ፈራጆች፡እንዳስነሣኹበት፡ጊዜ፡ግፈኛዎች፡ተመ ልሰው፡አያስጨንቁትም፤ከጠላቶችኽም፡አሳርፍኻለኹ።እግዚአብሔርም፡ደግሞ፦ቤት፡እሠራልኻለኹ፡ብሎ፡ይነግርኻ ል።
12፤ዕድሜኽም፡በተፈጸመ፡ጊዜ፡ከአባቶችኽም፡ጋራ፡ባንቀላፋኽ፡ጊዜ፥ከወገብኽ፡የሚወጣውን፡ዘርኽን፡ከአንተ፡ በዃላ፡አስነሣለኹ፥መንግሥቱንም፡አጸናለኹ።
13፤ርሱ፡ለስሜ፡ቤት፡ይሠራል፤የመንግሥቱንም፡ዙፋን፡ለዘለዓለም፡አጸናለኹ።
14፤እኔም፡አባት፡እኾነዋለኹ፥ርሱም፡ልጅ፡ይኾነኛል፤ክፉ፡ነገርም፡ቢያደርግ፥ሰው፡በሚቀጣበት፡በትርና፡በሰ ው፡ልጆች፡መቀጫ፡እገሥጸዋለኹ፤
15፤ከፊቴም፡ከጣልኹት፡ከሳኦል፡እንዳራቅኹ፡ምሕረቴን፡ከርሱ፡አላርቅም።
16፤ቤትኽና፡መንግሥትኽም፡በፊቴ፡ለዘለዓለም፡ይጠነክራል፥ዙፋንኽም፡ለዘለዓለም፡ይጸናል።
17፤እንደዚህ፡ቃል፡ዅሉ፡እንደዚህም፡ራእይ፡ዅሉ፡ናታን፡ለዳዊት፡ነገረው።
18፤ንጉሡ፡ዳዊትም፡ገባ፥በእግዚአብሔርም፡ፊት፡ተቀምጦ፡እንዲህ፡አለ፦ጌታዬ፡እግዚአብሔር፡ሆይ፥እስከዚህ፡ ያደረስኸኝ፡እኔ፡ማን፡ነኝ፧
19፤ቤቴስ፡ምንድር፡ነው፧ጌታዬ፡እግዚአብሔር፡ሆይ፥ይህ፡በፊትኽ፡ጥቂት፡ነበረ፤ስለ፡ባሪያኽም፡ቤት፡ደግሞ፡ ለሩቅ፡ዘመን፡ተናገርኽ፤ጌታዬ፡እግዚአብሔር፡ሆይ፥ይህ፡የሰው፡ሕግ፡ነው።
20፤ጌታዬ፡እግዚአብሔር፡ሆይ፥አንተ፡ባሪያኽን፡ታውቃለኽና፡ዳዊትስ፡ይናገርኽ፡ዘንድ፡የሚጨምረው፡ምንድር፡ ነው፧
21፤ለባሪያኽም፡ታስታውቀው፡ዘንድ፡ስለ፡ቃልኽ፡ምክንያትና፡እንደ፡ልብኽ፡ዐሳብ፡ይህን፡ታላቅ፡ነገር፡ዅሉ፡ አደረግኽ።
22፤ስለዚህም፥አቤቱ፡አምላኬ፡ሆይ፥እንደ፡አንተ፡ያለ፡የለምና፥በዦሯችንም፡እንደ፡ሰማን፡ዅሉ፡ከአንተ፡በቀ ር፡አምላክ፡የለምና፡አንተ፡ታላቅ፡ነኽ።
23፤ለርሱ፡ለራሱ፡እንዲኾን፡ሕዝብን፡ይቤዥ፡ዘንድ፡ለርሱ፡ለራሱም፡ስም፡ያደርግ፡ዘንድ፥በአሕዛብና፡በአምላ ኮቻቸውም፡ፊት፡ከግብጽ፡በተቤዠው፡ሕዝብ፡ፊት፡ተኣምራትንና፡ድንቅን፡ያደርግ፡ዘንድ፡እግዚአብሔር፡እንደ፡ ኼደለት፡እንደ፡ሕዝብኽ፡እንደ፡እስራኤል፡ያለ፡በምድር፡ላይ፡ምን፡ሕዝብ፡አለ፧
24፤ሕዝብኽንም፡እስራኤልን፡ለዘለዓለም፡ሕዝብ፡አድርገኽ፡አጽንተኸዋል፤አንተም፥አቤቱ፥አምላክ፡ኾነኻቸዋል ።
25፤አቤቱ፡አምላክ፡ሆይ፥አኹንም፡ለባሪያኽና፡ለቤቱ፡የተናገርኸውን፡ለዘለዓለም፡አጽናው፥እንደ፡ተናገርኽም ፡አድርግ።
26፤የሰራዊት፡ጌታ፡እግዚአብሔር፡የእስራኤል፡አምላክ፡ነው፡ይባል፡ዘንድ፡ስምኽ፡ለዘለዓለም፡ታላቅ፡ይኹን፤ የባሪያኽም፡የዳዊት፡ቤት፡በፊትኽ፡የጸና፡ይኹን።
27፤አቤቱ፡የእስራኤል፡አምላክ፡የሰራዊት፡ጌታ፡ሆይ፥አንተ፦እኔ፡ቤት፡እሠራልኻለኹ፡ብለኽ፡ለባሪያኽ፡ገልጠ ኻልና፥ስለዚህ፡ባሪያኽ፡ይህችን፡ጸሎት፡ወዳንተ፡ይጸልይ፡ዘንድ፡በልቡ፡ደፈረ።
28፤ጌታዬ፡እግዚአብሔር፡ሆይ፥አኹንም፡አንተ፡አምላክ፡ነኽ፥ቃልኽም፡እውነት፡ነው፥ይህንም፡መልካም፡ነገር፡ ለባሪያኽ፡ተናግረኻል።
29፤ጌታዬ፡እግዚአብሔር፡ሆይ፥አንተ፡ተናግረኻልና፥አኹን፡እንግዲህ፡ለዘለዓለም፡በፊትኽ፡ይኾን፡ዘንድ፡የባ ሪያኽን፡ቤት፥እባክኽ፥ባርክ፤በበረከትኽም፡የባሪያኽ፡ቤት፡ለዘለዓለም፡ይባረክ።
_______________መጽሐፈ፡ሳሙኤል፡ካልዕ፥ምዕራፍ፡8።______________
ምዕራፍ፡8።
1፤ከዚህም፡በዃላ፡ዳዊት፡ፍልስጥኤማውያንን፡መታ፥አዋረዳቸውም፤ከፍልስጥኤማውያንም፡እጅ፡ሜቴግ፡አማ፡የተባ ለችውን፡ከተማ፡ወሰደ።
2፤ሞዐብን፡መታ፥ሞዐባውያንንም፡በምድር፡ጥሎ፡በገመድ፡ሰፈራቸው፤በኹለትም፡ገመድ፡ለሞት፥በአንድም፡ገመድ፡ ሙሉ፡ለሕይወት፡ሰፈራቸው፤ሞዐባውያንም፡ለዳዊት፡ገባሮች፡ኾኑ፥ግብርም፡አመጡለት።
3፤ዳዊትም፡ደግሞ፡በኤፍራጥስ፡ወንዝ፡አጠገብ፡የነበረውን፡ግዛት፡መልሶ፡ለመያዝ፡በኼደ፡ጊዜ፡የረአብን፡ልጅ ፡የሱባን፡ንጉሥ፡አድርዐዛርን፡መታ።
4፤ዳዊትም፡ከርሱ፡ሺሕ፡ሰባት፡መቶ፡ፈረሰኛዎች፥ኻያ፡ሺሕም፡እግረኛዎች፡ያዘ፤ዳዊትም፡የሠረገለኛውን፡ፈረስ ፡ዅሉ፡ቋንዣ፡ቈረጠ፤ለመቶ፡ሠረገላ፡ብቻ፡አስቀረ።
5፤ከደማስቆም፡ሶርያውያን፡የሱባን፡ንጉሥ፡አድርዐዛርን፡ሊረዱ፡በመጡ፡ጊዜ፡ዳዊት፡ከሶርያውያን፡ኻያ፡ኹለት ፡ሺሕ፡ሰዎች፡ገደለ።
6፤ዳዊትም፡በደማስቆ፡ሶርያ፡ጭፍራዎች፡አኖረ፥ሶርያውያንም፡ለዳዊት፡ገባሮች፡ኾኑ፥ግብርም፡አመጡለት፤እግዚ አብሔርም፡ዳዊት፡በኼደበት፡ዅሉ፡ድልን፡ሰጠው።
7፤ዳዊትም፡ለአድርዐዛር፡ባሪያዎች፡የነበሩትን፡የወርቅ፡ጋሻዎች፡ወሰደ፥ወደ፡ኢየሩሳሌምም፡ይዟቸው፡መጣ።
8፤ንጉሡም፡ዳዊት፡ከአድርዐዛር፡ከተማዎች፡ከቤጣሕና፡ከቤሮታይ፡እጅግ፡ብዙ፡ናስ፡ወሰደ።
9፤የሐማትም፡ንጉሥ፡ቶዑ፡ዳዊት፡የአድርዐዛርን፡ጭፍራ፡ዅሉ፡እንደ፡መታ፡ሰማ።
10፤ቶዑም፡ከአድርዐዛር፡ጋራ፡ዅልጊዜ፡ይዋጋ፡ነበርና፥ዳዊት፡አድርዐዛርን፡ድል፡ስለ፡መታ፡ቶዑ፡ልጁን፡አዶ ራምን፡ደኅንነቱን፡ይጠይቅ፡ዘንድ፥ይመርቀውም፡ዘንድ፡ወደ፡ንጉሥ፡ዳዊት፡ላከው፤ርሱም፡የብርና፡የወርቅ፡የ ናስም፡ዕቃ፡ይዞ፡መጣ።
11፤12፤ንጉሥ፡ዳዊትም፡ካሸነፋቸው፡ከአሕዛብ፡ዅሉ፡ከሶርያ፡ከሞዐብም፡ከዐሞንም፡ልጆች፡ከፍልስጥኤማውያንም ፡ከዐማሌቅም፡ከረአብም፡ልጅ፡ከሱባ፡ንጉሥ፡ከአድርዐዛር፡ምርኮ፡ከቀደሰው፡ብርና፡ወርቅ፡ጋራ፡እነዚህን፡ደ ግሞ፡ለእግዚአብሔር፡ቀደሰ።
13፤ዳዊትም፡በተመለሰ፡ጊዜ፡ከኤዶምያስ፡ዐሥራ፡ስምንት፡ሺሕ፡ሰዎች፡በጨው፡ሸለቆ፡ውስጥ፡በመምታቱ፡ስሙ፡ተ ጠራ።
14፤በኤዶምያስ፡ዅሉ፡ጭፍራዎች፡አኖረ፥ኤዶማውያንም፡ዅሉ፡ለዳዊት፡ገባሮች፡ኾኑ፤እግዚአብሔርም፡ዳዊት፡በሚ ኼድበት፡ዅሉ፡ድልን፡ሰጠው።
15፤ዳዊትም፡በእስራኤል፡ዅሉ፡ላይ፡ነገሠ፤ዳዊትም፡ለሕዝቡ፡ዅሉ፡ፍርድንና፡ጽድቅን፡አደረገላቸው።
16፤የጽሩያ፡ልጅ፡ኢዮአብም፡የሰራዊት፡አለቃ፡ነበረ፤የአኂሉድም፡ልጅ፡ኢዮሳፍጥ፡ታሪክ፡ጸሓፊ፡ነበረ፤
17፤የአኪጦብም፡ልጅ፡ሳዶቅ፥የአቢሜሌክም፡ልጅ፡አብያታር፡ካህናት፡ነበሩ፤ሰራያም፡ጸሓፊ፡ነበረ፤
18፤የዮዳዔ፡ልጅ፡በናያስ፡በከሊታውያንና፡በፈሊታውያን፡ላይ፡ነበረ፤የዳዊትም፡ልጆች፡አማካሪዎች፡ነበሩ።
_______________መጽሐፈ፡ሳሙኤል፡ካልዕ፥ምዕራፍ፡9።______________
ምዕራፍ፡9።
1፤ዳዊትም፦ስለ፡ዮናታን፡ቸርነት፡አደርግለት፡ዘንድ፡ከሳኦል፡ቤት፡አንድ፡ሰው፡ቀርቷልን፧አለ።
2፤ከሳኦልም፡ቤት፡ሲባ፡የሚባል፡አንድ፡ባሪያ፡ነበረ፥ወደ፡ዳዊትም፡ጠሩት፤ንጉሡም፦አንተ፡ሲባ፡ነኽን፧አለው ።ርሱም፦እኔ፡ባሪያኽ፡ነኝ፡አለ።
3፤ንጉሡም፦የእግዚአብሔርን፡ቸርነት፡አደርግለት፡ዘንድ፡ከሳኦል፡ቤት፡አንድ፡ሰው፡አልቀረምን፧አለ።ሲባም፡ ንጉሡን፦እግሩ፡ሽባ፡የኾነ፡አንድ፡የዮናታን፡ልጅ፡አለ፡አለው።
4፤ንጉሡም፦ወዴት፡ነው፧አለው፤ሲባም፡ንጉሡን፦እንሆ፥ርሱ፡በሎዶባር፡በዓሚኤል፡ልጅ፡በማኪር፡ቤት፡አለ፡አለ ው።
5፤ንጉሡም፡ዳዊት፡ልኮ፡ከሎዶባር፡ከዓሚኤል፡ልጅ፡ከማኪር፡ቤት፡አስመጣው።
6፤የሳኦልም፡ልጅ፡የዮናታን፡ልጅ፡ሜምፊቦስቴ፡ወደ፡ዳዊት፡መጣ፥በግንባሩም፡ወድቆ፡እጅ፡ነሣ፤ዳዊትም፦ሜምፊ ቦስቴ፡ሆይ፥አለ፤ርሱም፦እንሆኝ፡ባሪያኽ፡አለ።
7፤ዳዊትም፦ስለ፡አባትኽ፡ስለ፡ዮናታን፡ቸርነት፡ፈጽሜ፡አደርግልኻለኹና፡አትፍራ፤የአባትኽንም፡የሳኦልን፡ም ድር፡ዅሉ፡እመልስልኻለኹ፥አንተም፡ዅልጊዜ፡ከገበታዬ፡እንጀራ፡ትበላለኽ፡አለው።
8፤ርሱም፦የሞተ፡ውሻ፡ወደምመስል፡ወደ፡እኔ፡የተመለከትኽ፥እኔ፡ባሪያኽ፡ምንድር፡ነኝ፧ብሎ፡እጅ፡ነሣ።
9፤ንጉሡም፡የሳኦልን፡ባሪያ፣ሲባን፡ጠርቶ፦ለሳኦልና፡ለቤቱ፡ዅሉ፡የነበረውን፡ዅሉ፡ለጌታኽ፡ልጅ፡ሰጥቻለኹ።
10፤አንተና፡ልጆችኽ፡ሎሌዎችኽም፡ምድሩን፡ዕረሱለት፤ለጌታኽም፡ልጅ፡እንጀራ፡ይኾነው፡ዘንድ፡ፍሬውን፡አግባ ፤የጌታኽ፡ልጅ፡ሜምፊቦስቴ፡ግን፡ዅልጊዜ፡ከገበታዬ፡ይበላል፡አለው።ለሲባም፡ዐሥራ፡ዐምስት፡ልጆችና፡ኻያ፡ ባሪያዎች፡ነበሩት።
11፤ሲባም፡ንጉሡን፦ጌታዬ፡ንጉሡ፡ባሪያውን፡እንዳዘዘ፡እንዲሁ፡ባሪያኽ፡ያደርጋል፡አለው።ሜምፊቦስቴም፡ከን ጉሡ፡ልጆች፡እንደ፡አንዱ፡ከዳዊት፡ገበታ፡ይበላ፡ነበር።
12፤ለሜምፊቦስቴም፡ሚካ፡የተባለ፡ታናሽ፡ልጅ፡ነበረው።በሲባም፡ቤት፡ያሉ፡ዅሉ፡ለሜምፊቦስቴ፡ያገለግሉ፡ነበ ር።
13፤ሜምፊቦስቴም፡ከንጉሥ፡ገበታ፡ዅልጊዜ፡እየበላ፡በኢየሩሳሌም፡ተቀምጦ፡ነበር፤ኹለት፡እግሩም፡ሽባ፡ነበረ ።
_______________መጽሐፈ፡ሳሙኤል፡ካልዕ፥ምዕራፍ፡10።______________
ምዕራፍ፡10።
1፤ከዚህ፡በዃላ፡የዐሞን፡ልጆች፡ንጉሥ፡ሞተ፥ልጁም፡ሐኖን፡በፋንታው፡ነገሠ።
2፤ዳዊትም፦አባቱ፡ወረታ፡እንዳደረገልኝ፡እኔ፡ለናዖስ፡ልጅ፡ለሐኖን፡ቸርነት፡አደርጋለኹ፡አለ።ዳዊትም፡አባ ቱ፡ስለ፡ሞተ፡ሊያጽናናው፡ባሪያዎቹን፡ላከ፤የዳዊትም፡ባሪያዎች፡ወደዐሞን፡ልጆች፡አገር፡መጡ።
3፤የዐሞንም፡ልጆች፡አለቃዎች፡ጌታቸውን፡ሐኖንን፦ዳዊት፡አባትኽን፡አክብሮ፡ሊያጽናናኽ፡ባሪያዎቹን፡ወዳንተ ፡የላከ፡ይመስልኻልን፧ዳዊትስ፡ከተማዪቱን፡ለመመርመርና፡ለመሰለል፡ለማጥፋትም፡ባሪያዎቹን፡የላከ፡አይደለ ምን፧አሉት።
4፤ሐኖንም፡የዳዊትን፡ባሪያዎች፡ወስዶ፡የጢማቸውን፡ገሚስ፡ላጨ፥ልብሳቸውንም፡እስከ፡ወገባቸው፡ድረስ፡ከኹለ ት፡ቀዶ፟፡ሰደዳቸው።
5፤ዳዊትም፡ያን፡በሰማ፡ጊዜ፥ሰዎቹ፡እጅግ፡ዐፍረው፡ነበርና፥ተቀባዮች፡ላከ።ንጉሡም፦ጢማችኹ፡እስኪያድግ፡ድ ረስ፡በኢያሪኮ፡ተቀመጡ፥ከዚያም፡በዃላ፡ተመለሱ፡አላቸው።
6፤የዐሞን፡ልጆች፡በዳዊት፡ዘንድ፡አንደ፡ተጠሉ፡ባዩ፡ጊዜ፥የዐሞን፡ልጆች፡ልከው፡ከሶርያውያን፡ከቤትሮዖብና ፡ከሱባ፡ኻያ፡ሺሕ፡እግረኛዎች፥ከመዓካ፡ንጉሥም፡አንድ፡ሺሕ፡ሰዎች፥ከጦብም፡ዐሥራ፡ኹለት፡ሺሕ፡ሰዎች፡ቀጠ ሩ።
7፤ዳዊትም፡በሰማ፡ጊዜ፡ኢዮአብንና፡የኀያላኑን፡ሰራዊት፡ዅሉ፡ላከ።
8፤የዐሞንም፡ልጆች፡ወጥተው፡በበሩ፡መግቢያ፡ፊት፡ለፊት፡ተሰለፉ፤የሱባና፡የረአብ፡ሶርያውያን፥የጦብና፡የመ ዓካም፡ሰዎች፡ለብቻቸው፡በሰፊ፡ሜዳ፡ላይ፡ነበሩ።
9፤ኢዮአብም፡በፊትና፡በዃላ፡ሰልፍ፡እንደ፡ከበበው፡ባየ፡ጊዜ፡ከእስራኤል፡ምርጥ፡ምርጦቹን፡ዅሉ፡መረጠ፥በሶ ርያውያንም፡ፊት፡ለሰልፍ፡አኖራቸው።
10፤የቀረውንም፡ሕዝብ፡በወንድሙ፡በአቢሳ፡እጅ፡አድርጎ፡በዐሞን፡ልጆች፡ፊት፡ለሰልፍ፡አኖራቸው።
11፤ሶርያውያን፡ቢበረቱብኝ፡ትረዳኛለኽ፤የዐሞን፡ልጆች፡ቢበረቱብኽ፡እኔ፡መጥቼ፡እረዳኻለኹ።
12፤አይዞኽ፤ስለ፡ሕዝባችንና፡ስለ፡አምላካችንም፡ከተማዎች፡እንበርታ፤እግዚአብሔርም፡ደስ፡ያሠኘውን፡ያድር ግ፡አለ።
13፤ኢዮአብና፡ከርሱም፡ጋራ፡የነበረው፡ሕዝብ፡ከሶርያውያን፡ጋራ፡ሊዋጉ፡ቀረቡ፥እነርሱም፡ከፊቱ፡ሸሹ።
14፤የዐሞንም፡ልጆች፡ሶርያውያን፡እንደ፡ሸሹ፡ባዩ፡ጊዜ፡እነርሱ፡ደግሞ፡ከአቢሳ፡ፊት፡ሸሹ፥ወደ፡ከተማዪቱም ፡ገቡ፤ኢዮአብም፡ከዐሞን፡ልጆች፡ዘንድ፡ተመልሶ፡ወደ፡ኢየሩሳሌም፡መጣ።
15፤ሶርያውያንም፡በእስራኤል፡ፊት፡እንደ፡ተሸነፉ፡ባዩ፡ጊዜ፡በአንድነት፡ተሰበሰቡ።
16፤አድርዐዛርም፡ልኮ፡በወንዝ፡ማዶ፡የነበሩትን፡ሶርያውያን፥አመጣ፤ወደ፡ዔላምም፡መጡ፥የአድርዐዛርም፡ሰራ ዊት፡አለቃ፡ሶባክ፡በፊታቸው፡ነበረ።
17፤ዳዊትም፡በሰማ፡ጊዜ፡እስራኤልን፡ዅሉ፡ሰበሰበ፥ዮርዳኖስንም፡ተሻግሮ፡ወደዔላም፡መጣ፤ሶርያውያንም፡በዳ ዊት፡ፊት፡ተሰልፈው፡ከርሱ፡ጋራ፡ተዋጉ።
18፤ሶርያውያንም፡ከእስራኤል፡ፊት፡ሸሹ፤ዳዊትም፡ከሶርያውያን፡ሰባት፡መቶ፡ሠረገለኛዎች፡አርባ፡ሺሕም፡ፈረ ሰኛዎች፡ገደለ፤የሰራዊቱንም፡አለቃ፡ሶባክን፡መታ፥ርሱም፡በዚያ፡ሞተ።
19፤ለአድርዐዛርም፡የሚገብሩ፡ነገሥታት፡ዅሉ፡በእስራኤል፡ፊት፡እንደ፡ተሸነፉ፡ባዩ፡ጊዜ፡ከእስራኤል፡ጋራ፡ ታረቁ፥ገበሩላቸውም፦ሶርያውያንም፡ከዚያ፡ወዲያ፡የዐሞንን፡ልጆች፡ይረዱ፡ዘንድ፡ፈሩ።
_______________መጽሐፈ፡ሳሙኤል፡ካልዕ፥ምዕራፍ፡11።______________
ምዕራፍ፡11።
1፤እንዲህም፡ኾነ፤በዓመቱ፡መለወጫ፡ነገሥታት፡ወደ፡ሰልፍ፡በሚወጡበት፡ጊዜ፥ዳዊት፡ኢዮአብን፡ከርሱም፡ጋራ፡ ባሪያዎቹን፡እስራኤልንም፡ዅሉ፡ሰደደ።የዐሞንም፡ልጆች፡አገር፡አጠፉ፥ረባትንም፡ከበቡ፤ዳዊት፡ግን፡በኢየሩ ሳሌም፡ቀርቶ፡ነበር።
2፤እንዲህም፡ኾነ፤ወደ፡ማታ፡ጊዜ፡ዳዊት፡ከምንጣፉ፡ተነሣ፥በንጉሥም፡ቤት፡በሰገነት፡ላይ፡ተመላለሰ፤በሰገነ ቱ፡ሳለ፡አንዲት፡ሴት፡ስትታጠብ፡አየ፤ሴቲቱም፡መልከ፡መልካም፡ነበረች።
3፤ዳዊትም፡ልኮ፡ስለ፡ሴቲቱ፡ጠየቀ፤አንድ፡ሰውም፦ይህች፡የኤልያብ፡ልጅ፡የኬጢያዊው፡የኦርዮ፡ሚስት፡ቤርሳቤ ሕ፡አይደለችምን፧አለ።
4፤ዳዊትም፡መልእክተኛዎች፡ልኮ፡አስመጣት፤ወደ፡ርሱም፡ገባች፥ከርኵሰቷም፡ነጽታ፡ነበርና፥ከርሷ፡ጋራ፡ተኛ፤ ወደ፡ቤቷም፡ተመለሰች።
5፤ሴቲቱም፡አረገዘች፥ወደ፡ዳዊትም፦አርግዤያለኹ፡ብላ፡ላከችበት።
6፤ዳዊትም፡ወደ፡ኢዮአብ፦ኬጢያዊውን፡ኦርዮን፡ስደድልኝ፡ብሎ፡ላከ።ኢዮአብም፡ኦርዮን፡ወደ፡ዳዊት፡ሰደደው።
7፤ኦርዮም፡ወደ፡ርሱ፡በመጣ፡ጊዜ፡ዳዊት፡የኢዮአብንና፡የሕዝቡን፡ደኅንነት፥ሰልፉም፡እንዴት፡እንደ፡ኾነ፡ጠ የቀው።
8፤ዳዊትም፡ኦርዮን፦ወደ፡ቤትኽ፡ኺድ፥እግርኽንም፡ታጠብ፡አለው።ኦርዮም፡ከንጉሡ፡ቤት፡ሲወጣ፡ማለፊያ፡የንጉ ሥ፡መብል፡ተከትሎት፡ኼደ።
9፤ኦርዮ፡ግን፡ከጌታው፡ባሪያዎች፡ዅሉ፡ጋራ፡በንጉሥ፡ቤት፡ደጅ፡ተኛ፥ወደ፡ቤቱም፡አልወረደም።
10፤ኦርዮ፡ወደ፡ቤቱ፡አልኼደም፡ብለው፡ለዳዊት፡ነገሩት፤ዳዊትም፡ኦርዮን፦አንተ፡ከመንገድ፡የመጣኽ፡አይደለ ምን፧ስለ፡ምን፡ወደ፡ቤትኽ፡አልወረድኽም፧አለው።
11፤ኦርዮም፡ዳዊትን፦ታቦቱና፡እስራኤል፡ይሁዳም፡በጐዦ፡ተቀምጠዋል፤ጌታዬ፡ኢዮአብና፡የጌታዬም፡ባሪያዎች፡ በሰፊ፡ሜዳ፡ሰፍረዋል፤እኔ፡ልበላና፡ልጠጣ፡ወይስ፡ከሚስቴ፡ጋራ፡ልተኛ፡ወደ፡ቤቴ፡እኼዳለኹን፧በሕይወትኽና ፡በሕያው፡ነፍስኽ፡እምላለኹ! ይህን፡ነገር፡አላደርገውም፡አለው።
12፤ዳዊትም፡ኦርዮን፦ዛሬ፡ደግሞ፡በዚህ፡ተቀመጥ፥ነገም፡አሰናብትኻለኹ፡አለው።ኦርዮም፡በዚያ፡ቀንና፡በነጋ ው፡በኢየሩሳሌም፡ተቀመጠ።
13፤ዳዊትም፡ጠራው፥በፊቱም፡በላና፡ጠጣ፥አሰከረውም፤ነገር፡ግን፥በመሸ፡ጊዜ፡ወጥቶ፡ከጌታው፡ባሪያዎች፡ጋራ ፡በምንጣፉ፡ላይ፡ተኛ፥ወደ፡ቤቱም፡አልወረደም።
14፤በነጋም፡ጊዜ፥ዳዊት፡ለኢዮአብ፡ደብዳቤ፡ጻፈ፥በኦርዮም፡እጅ፡ላከው።
15፤በደብዳቤውም፦ኦርዮን፡ጽኑ፡ሰልፍ፡ባለበት፡በፊተኛው፡ስፍራ፡አቁሙት፥ተመቶ፟ም፡ይሞት፡ዘንድ፡ከዃላው፡ ሽሹ፡ብሎ፡ጻፈ።
16፤ኢዮአብም፡ከተማዪቱን፡በከበበ፡ጊዜ፥ዠግናዎች፡እንዳሉበት፡በሚያውቀው፡ስፍራ፡ኦርዮን፡አቆመው።
17፤የከተማዪቱም፡ሰዎች፡ወጥተው፡ከኢዮአብ፡ጋራ፡ተዋጉ፤ከዳዊትም፡ባሪያዎች፡ከሕዝቡ፡አንዳንዱ፡ወደቁ፤ኬጢ ያዊው፡ኦርዮም፡ደግሞ፡ሞተ።
18፤ኢዮአብም፡ልኮ፡በሰልፍ፡የኾነውን፡ዅሉ፡ለዳዊት፡ነገረው።
19፤ለመልእክተኛውም፡እንዲህ፡ብሎ፡አዘዘው።የሰልፉን፡ነገር፡ዅሉ፡ለንጉሡ፡ነግረኽ፡በፈጸምኽ፡ጊዜ፦
20፤ስትዋጉ፡ወደ፡ከተማዪቱ፡ለምን፡ቀረባችኹ፧ከቅጥሩ፡በላይ፡ፍላጻ፡እንዲወረወር፡አታውቁምን፧
21፤የሩቤሼትን፡ልጅ፡አቢሜሌክን፡ማን፡ገደለው፧ከቅጥር፡ላይ፡የወፍጮ፡መጅ፡ጥላ፡በቴቤስ፡ላይ፡የገደለችው፡ አንዲት፡ሴት፡አይደለችምን፧ስለ፡ምን፡ወደ፡ቅጥሩ፡እንደዚህ፡ቀርባችኹ፧ብሎ፡ንጉሡ፡ሲቈጣ፡ብታይ፥አንተ፦ባ ሪያኽ፡ኬጢያዊው፡ኦርዮ፡ደግሞ፡ሞተ፡በለው።
22፤መልእክተኛውም፡ተነሥቶ፡ኼደ፥ኢዮአብም፡ያዘዘውን፡ዅሉ፡ለዳዊት፡ነገረው።
23፤መልእክተኛውም፡ዳዊትን፦ሰዎቹ፡በረቱብን፥ወደ፡ሜዳም፡ወጡብን፤እኛም፡ወደቅንባቸው፥እስከከተማዪቱም፡በ ር፡ድረስ፡ተከተልናቸው።
24፤ፍላጻ፡የሚወረውሩም፡በቅጥሩ፡ላይ፡ኾነው፡በባሪያዎችኽ፡ላይ፡ወረወሩ፤ከንጉሡም፡ባሪያዎች፡አንዳንድ፡ሞ ቱ፥ባሪያኽም፡ኬጢያዊው፡ኦርዮ፡ደግሞ፡ሞተ፡አለው።
25፤ዳዊትም፡መልእክተኛውን፦ሰይፍ፡አንድ፡ጊዜ፡ይህን፡አንድ፡ጊዜም፡ያን፡ያጠፋልና፡ይህ፡ነገር፡በዐይንኽ፡ አይክፋ፤ከተማዪቱን፡የሚወጉትን፡አበርታ፥አፍርሳትም፡ብለኽ፡ለኢዮአብ፡ንገረው፤አንተም፡አጽናው፡አለው።
26፤የኦርዮም፡ሚስት፡ባሏ፡ኦርዮ፡እንደ፡ሞተ፡በሰማች፡ጊዜ፥ለባሏ፡አለቀሰች።
27፤የልቅሶዋም፡ወራት፡ሲፈጸም፡ዳዊት፡ልኮ፡ወደ፡ቤቱ፡አስመጣት፥ሚስትም፡ኾነችው፥ወንድ፡ልጅም፡ወለደችለት ፤ነገር፡ግን፥ዳዊት፡ያደረገው፡ነገር፡ዅሉ፡በእግዚአብሔር፡ፊት፡ክፉ፡ኾነ።
_______________መጽሐፈ፡ሳሙኤል፡ካልዕ፥ምዕራፍ፡12።______________
ምዕራፍ፡12።
1፤እግዚአብሔርም፡ናታንን፡ወደ፡ዳዊት፡ላከ፥ወደ፡ርሱም፡መጥቶ፡አለው፦ባንድ፡ከተማ፡አንዱ፡ባለጠጋ፡አንዱም ፡ድኻ፡የኾኑ፡ኹለት፡ሰዎች፡ነበሩ።
2፤ባለጠጋውም፡እጅግ፡ብዙ፡በግና፡ላም፡ነበረው።
3፤ለድኻው፡ግን፡ከገዛት፡አንዲት፡ታናሽ፡በግ፡በቀር፡አንዳች፡አልነበረውም፤አሳደጋትም፥ከልጆቹም፡ጋራ፡በር ሱ፡ዘንድ፡አደገች፤እንጀራውንም፡ትበላ፥ከዋንጫውም፡ትጠጣ፥በብብቱም፡ትተኛ፡ነበር፥እንደ፡ልጁም፡ነበረች።
4፤ወደ፡ባለጠጋውም፡እንግዳ፡በመጣ፡ጊዜ፡ከበጉና፡ከላሙ፡ወስዶ፡ለዚያ፡ወደ፡ርሱ፡ለመጣው፡እንግዳ፡ያዘጋጅለ ት፡ዘንድ፡ሣሣ፤የዚያንም፡የድኻውን፡ሰው፡በግ፡ወስዶ፡ለዚያ፡ለመጣው፡ሰው፡አዘጋጀ።
5፤ዳዊትም፡በዚያ፡ሰው፡ላይ፡እጅግ፡ተቈጥቶ፡ናታንን፦ሕያው፡እግዚአብሔርን! ይህን፡ያደረገ፡ሰው፡የሞት፡ልጅ፡ነው።
6፤ይህን፡አድርጓልና፥አላዘነምና፡ስለ፡አንዲቱ፡በግ፡አራት፡ይመልስ፡አለው።
7፤ናታንም፡ዳዊትን፡አለው፦ያ፡ሰው፡አንተ፡ነኽ።የእስራኤል፡አምላክ፡እግዚአብሔር፡እንዲህ፡ይላል፦በእስራኤ ል፡ላይ፡ንጉሥ፡ልትኾን፡ቀባኹኽ፥ከሳኦልም፡እጅ፡አዳንኹኽ፤
8፤የጌታኽንም፡ቤት፡ሰጠኹኽ፥የጌታኽንም፡ሚስቶች፡በብብትኽ፡ጣልኹልኽ፤የእስራኤልንና፡የይሁዳን፡ቤት፡ሰጠኹ ኽ፤ይህም፡አንሶ፡ቢኾን፡ኖሮ፡ከዚህ፡የበለጠ፡እጨምርልኽ፡ነበር።
9፤አኹንስ፡በፊቱ፡ክፉ፡ትሠራ፡ዘንድ፡የእግዚአብሔርን፡ነገር፡ለምን፡አቃለልኽ፧ኬጢያዊውን፡ኦርዮን፡በሰይፍ ፡መትተኻል፥ሚስቱንም፡ለአንተ፡ሚስት፡ትኾን፡ዘንድ፡ወስደኻል፤ርሱንም፡በዐሞን፡ልጆች፡ሰይፍ፡ገድለኻል።
10፤ስለዚህም፡አቃለ፟ኸኛልና፥የኬጢያዊውንም፡የኦርዮን፡ሚስት፡ለአንተ፡ሚስት፡ትኾን፡ዘንድ፡ወስደኻልና፡ለ ዘለዓለም፡ከቤትኽ፡ሰይፍ፡አይርቅም።
11፤እግዚአብሔር፡እንዲህ፡ይላል፦እንሆ፥ከቤትኽ፡ክፉ፡ነገር፡አስነሣብኻለኹ፤ሚስቶችኽንም፡በዐይንኽ፡ፊት፡ እወስዳለኹ፥ለዘመድኽም፡እሰጣቸዋለኹ፥በዚችም፡ፀሓይ፡ዐይን፡ፊት፡ከሚስቶችኽ፡ጋራ፡ይተኛል።
12፤አንተ፡ይህን፡በስውር፡አድርገኸዋል፤እኔ፡ግን፡ይህን፡በእስራኤል፡ዅሉ፡ፊትና፡በፀሓይ፡ፊት፡አደርገዋለ ኹ።
13፤ዳዊትም፡ናታንን፦እግዚአብሔርን፡በድያለኹ፡አለው።ናታንም፡ዳዊትን፦እግዚአብሔር፡ደግሞ፡ኀጢአትኽን፡አ ርቆልኻል፤አትሞትም።
14፤ነገር፡ግን፥በዚህ፡ነገር፡ለእግዚአብሔር፡ጠላቶች፡ታላቅ፡የስድብ፡ምክንያት፡አድርገኻልና፡ስለዚህ፡ደግ ሞ፡የተወለደልኽ፡ልጅ፡ፈጽሞ፡ይሞታል፡አለው።
15፤ናታንም፡ወደ፡ቤቱ፡ተመለሰ።እግዚአብሔርም፡የኦርዮ፡ሚስት፡ለዳዊት፡የወለደችውን፡ሕፃን፡ቀሠፈ፥እጅግም ፡ታሞ፟፡ነበር።
16፤ዳዊትም፡ስለ፡ሕፃኑ፡እግዚአብሔርን፡ለመነ፤ዳዊትም፡ጾመ፥ገብቶም፡በመሬት፡ላይ፡ተኛ።
17፤የቤቱም፡ሽማግሌዎች፡ተነሥተው፡ከምድር፡ያነሡት፡ዘንድ፡በአጠገቡ፡ቆሙ፤ርሱ፡ግን፡እንቢ፡አለ፥ከነርሱም ፡ጋራ፡እንጀራ፡አልበላም።
18፤በሰባተኛውም፡ቀን፡ሕፃኑ፡ሞተ።የዳዊትም፡ባሪያዎች።ሕፃኑ፡በሕይወት፡ሳለ፡ብንነግረው፡አልሰማንም፤ይል ቁንስ፡ሕፃኑ፡እንደ፡ሞተ፡ብንነግረው፡እንዴት፡ይኾን፧በነፍሱ፡ክፉ፡ያደርጋል፡ብለው፡ሕፃኑ፡እንደ፡ሞተ፡ይ ነግሩት፡ዘንድ፡ፈሩ።
19፤ዳዊትም፡ባሪያዎቹ፡በሹክሹክታ፡ሲነጋገሩ፡ባየ፡ጊዜ፡ዳዊት፡ሕፃኑ፡እንደ፡ሞተ፡ዐወቀ፤ዳዊትም፡ባሪያዎቹ ን፦ሕፃኑ፡ሞቷል፧አላቸው።እነርሱም፦ሞቷል፡አሉት።
20፤ዳዊትም፡ከምድር፡ተነሥቶ፡ታጠበ፥ተቀባም፥ልብሱንም፡ለወጠ፤ወደእግዚአብሔርም፡ቤት፡ገብቶ፡ሰገደ።ወደ፡ ቤቱም፡መጣ፦እንጀራ፡አምጡልኝ፡አለ፤በፊቱም፡አቀረቡለት፥በላም።
21፤ባሪያዎቹም፦ይህ፡ያደረግኸው፡ነገር፡ምንድር፡ነው፧በሕይወት፡ሳለ፡ስለ፡ሕፃኑ፡ጾምኽና፡አለቀስኽ፤ከሞተ ፡በዃላ፡ግን፡ተነሥተኽ፡እንጀራ፡በላኽ፡አሉት።
22፤ርሱም፦ሕፃኑ፡ሕያው፡ሳለ።እግዚአብሔር፡ይምረኝ፥ሕፃኑም፡በሕይወት፡ይኖር፡እንደ፡ኾነ፡ማን፡ያውቃል፧ብ ዬ፡ጾምኹ፡አለቀስኹም።
23፤አኹን፡ግን፡ሞቷል፤የምጾመው፡ስለ፡ምንድር፡ነው፧በእውኑ፡እንግዲህ፡እመልሰው፡ዘንድ፡ይቻለኛልን፧እኔ፡ ወደ፡ርሱ፡እኼዳለኹ፡እንጂ፡ርሱ፡ወደ፡እኔ፡አይመለስም፡አለ።
24፤ዳዊትም፡ሚስቱን፡ቤርሳቤሕን፡አጽናናት፥ወደ፡ርሷም፡ገባ፥ከርሷም፡ጋራ፡ተኛ፤ወንድ፡ልጅም፡ወለደች፥ስሙ ንም፡ሰሎሞን፡ብሎ፡ጠራው።እግዚአብሔርም፡ወደደው፤
25፤ደግሞም፡በነቢዩ፡በናታን፡እጅ፡ልኮ፡ስሙን፡ስለ፡እግዚአብሔር፡ይዲድያ፡ብሎ፡ጠራው።
26፤ኢዮአብም፡የዐሞንን፡ልጆች፡ከተማ፡ረባትን፡ወጋ፥የውሃውንም፡ከተማ፡ያዘ።
27፤ኢዮአብም፡ወደ፡ዳዊት፦ረባትን፡ወግቻለኹ፥የውሃውንም፡ከተማ፡ይዣለኹ።
28፤አኹንም፡ከተማዪቱን፡እንዳልይዝ፥በስሜም፡እንዳትጠራ፥የቀረውን፡ሕዝብ፡ሰብስብ፥ከተማዪቱንም፡ከበ፟ኽ፡ ያዝ፡ብሎ፡መልእክተኛዎችን፡ላከ።
29፤ዳዊትም፡ሕዝቡን፡ዅሉ፡ሰብስቦ፡ወደ፡ረባት፡ኼደ፥ወግቶም፡ያዛት።
30፤የንጉሣቸውንም፡ዘውድ፡ከራሱ፡ላይ፡ወሰደ።ክብደቱም፡አንድ፡መክሊት፡ወርቅ፡ያኽል፡ነበር፥ክቡር፡ዕንቍም ፡ነበረበት፤ዳዊትም፡በራሱ፡ላይ፡አደረገው።ከከተማዪቱም፡እጅግ፡ብዙ፡ምርኮ፡አወጣ።
31፤በውስጧም፡የነበሩትን፡ሕዝብ፡አውጥቶ፡በመጋዝና፡በብረት፡መቈፈሪያና፡በብረት፡መጥረቢያ፡እንዲሠሩ፡አደ ረጋቸው፤የሸክላ፡ጡብም፡እንዲያቃጥሉ፡አደረጋቸው፤በዐሞን፡ልጆች፡ከተማዎች፡ዅሉ፡እንዲህ፡አደረገ።ዳዊትም ፡ሕዝቡም፡ዅሉ፡ወደ፡ኢየሩሳሌም፡ተመለሱ።
_______________መጽሐፈ፡ሳሙኤል፡ካልዕ፥ምዕራፍ፡13።______________
ምዕራፍ፡13።
1፤ከዚህም፡በዃላ፡እንዲህ፡ኾነ፤ለዳዊት፡ልጅ፡ለአቤሴሎም፡አንዲት፡የተዋበች፡እኅት፡ነበረችው፥ስሟም፡ትዕማ ር፡ነበረ፤የዳዊትም፡ልጅ፡አምኖን፡ወደዳት።
2፤አምኖንም፡ከእኅቱ፡ከትዕማር፡የተነሣ፡እጅግ፡ስለ፡ተከዘ፡ታመመ፤ድንግልም፡ነበረችና፡አንዳች፡ያደርጋት፡ ዘንድ፡በዐይኑ፡ፊት፡ጭንቅ፡ኾኖበት፡ነበር።
3፤ለአምኖንም፡የዳዊት፡ወንድም፡የሳምዓ፡ልጅ፡ኢዮናዳብ፡የሚባል፡ወዳጅ፡ነበረው፤ኢዮናዳብም፡እጅግ፡ብልኅ፡ ሰው፡ነበረ።
4፤ርሱም፦የንጉሥ፡ልጅ፡ሆይ፥ስለ፡ምን፡ቀን፡በቀን፡እንዲህ፡ከሳኽ፧አትነግረኝምን፧አለው።አምኖንም፦የወንድ ሜን፡የአቤሴሎምን፡እኅት፡ትዕማርን፡እወዳ፟ታለኹ፡አለው።
5፤ኢዮናዳብም፦ታምሜያለኹ፡ብለኽ፡በዐልጋኽ፡ላይ፡ተኛ፤አባትኽም፡ሊያይኽ፡በመጣ፡ጊዜ፦እኅቴ፡ትዕማር፡እንድ ትመጣና፡እኔ፡የምበላውን፡እንጀራ፡እንድትሰጠኝ፥መብሉንም፡እኔ፡እያየኹ፡እንድታዘጋጅልኝ፥ከእጇም፡እንድበ ላው፡እለምንኻለኹ፡በል፡አለው።
6፤እንዲሁም፡አምኖን፦ታምሜያለኹ፡ብሎ፡ተኛ፤ንጉሡም፡ሊያየው፡በመጣ፡ጊዜ፡አምኖን፡ንጉሡን፦እኅቴ፡ትዕማር፡ እንድትመጣና፡እኔ፡እያየኹ፡ኹለት፡ዕንጐቻ፡እንድታደርግልኝ፥ከእጇም፡እንድበላ፡እለምንኻለኹ፡አለው።
7፤ዳዊትም፦መብልን፡ታዘጋጂለት፡ዘንድ፡ወደወንድምሽ፡ወደአምኖን፡ቤት፡ኺጂ፡ብሎ፡መልእክተኛዎችን፡ወደትዕማ ር፡ቤት፡ላከ።
8፤ትዕማርም፡ወደወንድሟ፡ወደአምኖን፡ቤት፡ኼደች፥ተኝቶም፡ነበር፤ዱቄትም፡ወስዳ፡ለወሰች፥እያየም፡ዕንጐቻ፡ አደረገች፥ጋገረችም።
9፤ምጣዱንም፡ወስዳ፡በፊቱ፡ገለበጠች፡ርሱ፡ግን፡ይበላ፡ዘንድ፡እንቢ፡አለ።አምኖንም፦ሰውን፡ዅሉ፡ከእኔ፡ዘን ድ፡አስወጡ፡አለ፤ሰውም፡ዅሉ፡ከርሱ፡ዘንድ፡ወጣ።
10፤አምኖንም፡ትዕማርን፦ከእጅሽ፡እበላ፡ዘንድ፡መብሉን፡ወደ፡ዕልፍኙ፡አግቢው፡አላት፤ትዕማርም፡የሠራችውን ፡ዕንጐቻ፡ወስዳ፡ወንድሟ፡አምኖን፡ወዳለበት፡ዕልፍኝ፡አገባችው።
11፤መብሉንም፡ባቀረበች፡ጊዜ፡ያዛትና፦እኅቴ፡ሆይ፥ነዪ፥ከእኔም፡ጋራ፡ተኚ፡አላት።
12፤ርሷ፡መልሳ፦ወንድሜ፡ሆይ፥አይኾንም፤እንዲህ፡ያለ፡ነገር፡በእስራኤል፡ዘንድ፡አይገ፟ባ፟ምና፡አታሳፍረኝ ፤ይህንም፡ነውረኛ፡ሥራ፡አታድርግ።
13፤እኔም፡ነውሬን፡ወዴት፡ልሸከም፧አንተም፡በእስራኤል፡ዘንድ፡ከምናምንቴዎች፡እንደ፡አንዱ፡ትኾናለኽ፤እን ግዲህስ፡ለንጉሡ፡ንገረው፥እኔንም፡አይነሣኽም፡አለችው።
14፤ቃሏን፡ግን፡አልሰማም፤ከርሷም፡ይልቅ፡ብርቱ፡ነበረና፡በግድ፡አስነወራት፥ከርሷም፡ጋራ፡ተኛ።
15፤ከዚያም፡በዃላ፡አምኖን፡ፈጽሞ፡ጠላት፤አስቀድሞም፡ከወደዳት፡ውድ፡ይልቅ፡በዃላ፡የጠላት፡ጥል፡በለጠ።አ ምኖንም፦ተነሥተሽ፡ኺጂ፡አላት።
16፤ርሷም፦አይኾንም፤ቀድሞ፡ከሠራኸው፡ክፋት፡ይልቅ፡እኔን፡በማውጣትኽ፡የበለጠ፡ክፋት፡ትሠራለኽ፡አለችው፤ ርሱ፡ግን፡አልሰማትም።
17፤የሚያገለግለውንም፡ብላቴና፡ጠርቶ፦ይህችን፡ሴት፡ከፊቴ፡አስወጥተኽ፡በሩን፡ዝጋባት፡አለው።
18፤ብዙ፡ሕብር፡ያለውንም፡ልብስ፡ለብሳ፡ነበር፥እንዲህ፡ያለውን፡ልብስ፡የንጉሡ፡ልጆች፡ደናግሉ፡ይለብሱ፡ነ በርና፤አገልጋዩም፡አስወጥቶ፡በሩን፡ዘጋባት።
19፤ትዕማርም፡በራሷ፡ላይ፡ዐመድ፡ነስንሳ፥ብዙ፡ሕብርም፡ያለውን፡ልብሷን፡ተርትራ፥እጇንም፡በራሷ፡ላይ፡ጭና ፡እየጮኸች፡ኼደች።
20፤ወንድሟም፡አቤሴሎም፦ወንድምሽ፡አምኖን፡ከአንቺ፡ጋራ፡ነበረን፧እኅቴ፡ሆይ፥አኹን፡ግን፡ዝም፡በዪ፤ወንድ ምሽ፡ነው፤ይህን፡ነገር፡በልብሽ፡አትያዢው፡አላት።ትዕማርም፡በወንድሟ፡በአቤሴሎም፡ቤት፡ብቻዋን፡ተቀመጠች ።
21፤ንጉሡም፡ዳዊት፡ይህን፡ነገር፡ዅሉ፡በሰማ፡ጊዜ፡እጅግ፡ተቈጣ፤ነገር፡ግን፥የበኵር፡ልጁ፡ነበረና፡ስለ፡ወ ደደው፡የልጁን፡የአምኖን፡ነፍስ፡አላሳዘነም።
22፤አቤሴሎምም፡እኅቱን፡ትዕማርን፡ስላሳፈራት፡አምኖንን፡ጠልቶታልና፡አቤሴሎም፡አምኖንን፡ክፉም፡ኾነ፡መል ካምም፡አልተናገረውም።
23፤ከኹለት፡ዓመትም፡በዃላ፡አቤሴሎም፡በኤፍሬም፡አቅራቢያ፡ባለችው፡በቤላሶር፡በጎቹን፡አሸለተ፤አቤሴሎምም ፡የንጉሡን፡ልጆች፡ዅሉ፡ጠራ።
24፤አቤሴሎምም፡ወደ፡ንጉሡ፡መጥቶ፦እንሆ፥ባሪያኽ፡በጎቹን፡ያሸልታል፤ንጉሡና፡ሎሌዎቹ፡ከባሪያኽ፡ጋራ፡ይኺ ዱ፡አለው።
25፤ንጉሡም፡አቤሴሎምን፦ልጄ፡ሆይ፥እንከብድብኻለንና፡ዅላችን፡እንመጣ፡ዘንድ፡አይኾንም፡አለው።የግድም፡አ ለው፥ርሱ፡ግን፡መረቀው፡እንጂ፡ለመኼድ፡እንቢ፡አለ።
26፤አቤሴሎምም፦አንተ፡እንቢ፡ካልኽ፡ወንድሜ፡አምኖን፡ከእኛ፡ጋራ፡እንዲኼድ፡እለምንኻለኹ፡አለ።ንጉሡም፦ከ አንተ፡ጋራ፡ለምን፡ይኼዳል፧አለው።
27፤አቤሴሎምም፡የግድ፡አለው፥አምኖንንና፡የንጉሡንም፡ልጆች፡ዅሉ፡ከርሱ፡ጋራ፡ሰደደ።
28፤አቤሴሎምም፡እንደ፡ንጉሥ፡ግብዣ፡ያለ፡ግብዣ፡አደረገ፤አቤሴሎምም፡አገልጋዮቹን፦አምኖን፡የወይን፡ጠጅ፡ ጠጥቶ፡ልቡን፡ደስ፡ባለው፡ጊዜ፡እዩ።አምኖንን፡ግደሉ፡ባልዃችኹም፡ጊዜ፡ግደሉት፥አትፍሩም፤ያዘዝዃችኹም፡እ ኔ፡ነኝና፡በርቱ፡ጽኑም፡ብሎ፡አዘዛቸው።
29፤የአቤሴሎም፡አገልጋዮች፡አቤሴሎም፡እንዳዘዛቸው፡በአምኖን፡ላይ፡አደረጉበት።የንጉሡም፡ልጆች፡ዅሉ፡ተነ ሥተው፡በየበቅሎዎቻቸው፡ተቀምጠው፡ሸሹ።
30፤ገናም፡በመንገድ፡ሲኼዱ፡ለዳዊት፦አቤሴሎም፡የንጉሡን፡ልጆች፡ዅሉ፡ገድሏል፥ከነርሱም፡አንድ፡አልቀረም፡ የሚል፡ወሬ፡መጣለት።
31፤ንጉሡም፡ተነሥቶ፡ልብሱን፡ቀደደ፥በምድር፡ላይም፡ወደቀ፤ባሪያዎቹም፡ዅሉ፡ልብሳቸውን፡ቀደ፟ው፡በአጠገቡ ፡ቆሙ።
32፤የዳዊትም፡ወንድም፡የሳምዓ፡ልጅ፡ኢዮናዳብ፦ጌታዬ፡ጕልማሳዎቹ፡የንጉሡ፡ልጆች፡ዅሉ፡እንደ፡ሞቱ፡አያስብ ፤እኅቱን፡ትዕማርን፡በግድ፡ካስነወራት፡ዠምሮ፡በአቤሴሎም፡ዘንድ፡የተቈረጠ፡ነገር፡ነበረና፡የሞተ፡አምኖን ፡ብቻ፡ነው።
33፤አኹንም፡የሞተ፡አምኖን፡ብቻ፡ነው፡እንጂ፡የንጉሥ፡ልጆች፡ዅሉ፡ሞቱ፡ብሎ፡ጌታዬ፡ንጉሡ፡ይህን፡ነገር፡በ ልቡ፡አያኑር፡አለው።
34፤አቤሴሎምም፡ኰበለለ።ጕበኛውም፡ጕልማሳ፡ዐይኑን፡ከፍ፡አደረገ፥እንሆም፥ብዙ፡ሰዎች፡በዃላው፡በተራራው፡ አጠገብ፡በመንገድ፡ሲመጡ፡አየ።
35፤ኢዮናዳብም፡ንጉሡን፦እንሆ፥የንጉሡ፡ልጆች፡መጥተዋል፤ባሪያኽ፡እንዳለው፡እንዲሁ፡ኾኗል፡አለው።
36፤ተናግሮም፡በጨረሰ፡ጊዜ፥እንሆ፥ወዲያው፡የንጉሥ፡ልጆች፡ገቡ፥ድምፃቸውንም፡ከፍ፡አድርገው፡አለቀሱ፤ደግ ሞ፡ንጉሡና፡ባሪያዎቹ፡ዅሉ፡እጅግ፡ታላቅ፡ልቅሶ፡አለቀሱ።
37፤አቤሴሎም፡ግን፡ኰብሎ፟፡ወደጌሹር፡ንጉሥ፡ወደዐሚሁድ፡ልጅ፡ወደ፡ተልማይ፡ኼደ።ዳዊትም፡ዅልጊዜ፡ለልጁ፡ ያለቅስ፡ነበር።
38፤አቤሴሎም፡ኰብሎ፟፡ወደ፡ጌሹር፡ኼደ፥በዚያም፡ሦስት፡ዓመት፡ያኽል፡ተቀመጠ።
39፤ንጉሡም፡ዳዊት፡ስለ፡አምኖን፡ሞት፡ተጽናንቶ፡ወደ፡አቤሴሎም፡ይኼድ፡ዘንድ፡እጅግ፡ናፈቀ።
_______________መጽሐፈ፡ሳሙኤል፡ካልዕ፥ምዕራፍ፡14።______________
ምዕራፍ፡14።
1፤የጽሩያም፡ልጅ፡ኢዮአብ፡የንጉሡ፡ልብ፡ወደ፡አቤሴሎም፡እንዳዘነበለ፡ዐወቀ።
2፤ኢዮአብም፡ወደ፡ቴቁሔ፡ልኮ፡ከዚያ፡ብልኀተኛ፡ሴት፡አስመጣና፦አልቅሺ፥የሐዘንም፡ልብስ፡ልበሺ፥ዘይትም፡አ ትቀቢ፥ስለ፡ሞተ፡ሰውም፡ብዙ፡ዘመን፡እንደምታለቅሺ፡ኹኚ፤
3፤ወደ፡ንጉሡም፡ገብተሽ፡እንዲህ፡ያለውን፡ቃል፡ንገሪው፡አላት፤ኢዮአብም፡ቃሉን፡በርሷ፡አፍ፡አደረገ።
4፤እንዲሁም፥የቴቁሔዪቱ፡ሴት፡ወደ፡ንጉሥ፡ገብታ፡በግንባሯ፡በምድር፡ላይ፡ወደቀች፥እጅ፡ነሥታም፦ንጉሥ፡ሆይ ፥አድነኝ፡አለች።
5፤ንጉሡም፦ምን፡ኾነሻል፧አላት።ርሷም፡መልሳ፡አለች፦በእውነት፡እኔ፡ባሌ፡የሞተብኝ፡ባልቴት፡ሴት፡ነኝ።
6፤ለኔም፡ለባሪያኽ፡ኹለት፡ወንዶች፡ልጆች፡ነበሩኝ፥በሜዳም፡ተጣሉ፤የሚገላግላቸውም፡አልነበረም፥አንዱም፡ሌ ላውን፡መቶ፟፡ገደለው።
7፤እንሆም፥ዘመዶች፡ዅሉ፡በባሪያኽ፡ላይ፡ተነሥተው፦ስለገደለው፡ስለወንድሙ፡ነፍስ፡እንገድለው፡ዘንድ፡ወንድ ሙን፡የገደለውን፡አውጪ፡አሉኝ፤እንዲሁም፡ደግሞ፡ወራሹን፡የቀረውን፡መብራቴን፡ያጠፋሉ፥የባሌን፡ስምና፡ዘር ም፡ከምድር፡ላይ፡አያስቀሩም።
8፤ንጉሡም፡ሴቲቱን፦ወደ፡ቤትሽ፡ኺጂ፥እኔም፡ስለ፡አንቺ፡አዛ፟ለኹ፡አላት።
9፤የቴቁሔዪቱም፡ሴት፡ንጉሡን፦ጌታዬ፡ንጉሥ፡ሆይ፥ኀጢአቱ፡በእኔና፡በአባቴ፡ቤት፡ላይ፡ይኹን፤ንጉሡና፡ዙፋኑ ፡ንጹሕ፡ይኹን፡አለችው።
10፤ንጉሡም፦የሚናገርሽን፡አምጪልኝ፥ከዚያም፡በዃላ፡ደግሞ፡አይነካሽም፡አለ።
11፤ርሷም፦ደም፡ተበቃዮችም፡ከእንግዲህ፡ወዲህ፡እንዳያጠፉ፡ልጄንም፡እንዳይገድሉ፥ንጉሡ፡አምላኩን፡እግዚአ ብሔርን፡ያስብ፡አለች።ርሱም፦ሕያው፡እግዚአብሔርን! ከልጅሽ፡አንድ፡ጠጕር፡በምድር፡ላይ፡አይወድቅም፡አለ።
12፤ሴቲቱም፦እኔ፡ባሪያኽ፡ለጌታዬ፡ለንጉሥ፡አንድ፡ቃል፡ልናገር፡አለች፤ርሱም፦ተናገሪ፡አለ።
13፤ሴቲቱም፡አለች፦በእግዚአብሔር፡ሕዝብ፡ላይ፡እንዲህ፡ያለ፡ነገር፡ስለ፡ምን፡ዐሰብኽ፧ንጉሡ፡ይህን፡ነገር ፡ተናግሯልና፡ያሳደደውን፡ስላላስመለሰ፡በደለኛ፡ነው።
14፤ዅላችን፡እንሞታለን፥በምድርም፡ላይ፡እንደ፡ፈሰሰና፡እንደማይመለስ፡ውሃ፡ነን፤እግዚአብሔርም፡የነፍስን ፡ጥፋት፡አይወድ፟ም፥ነገር፡ግን፥የተጣለ፡ሰው፡ፈጽሞ፡እንዳይጠፋ፡በምክሩ፡ያስባል።
15፤አኹንም፡ሕዝቡ፡ስለሚያስፈራኝ፡ይህን፡ነገር፡ለጌታዬ፡ለንጉሥ፡እነግረው፡ዘንድ፡መጥቻለኹ፤እኔም፡ባሪያ ኽ፦ምናልባት፡የእኔን፡የባሪያውን፡ልመና፡ንጉሡ፡ያደርግልኝ፡እንደ፡ኾነ፡ለንጉሡ፡ልናገር፤
16፤ርሷንና፡ልጇን፡ከእግዚአብሔር፡ርስት፡ያጠፋቸው፡ዘንድ፡ከሚሻ፡ሰው፡እጅ፡ያድን፡ዘንድ፡ንጉሡ፡ባሪያውን ፡ይሰማል፡አልኹ።
17፤እኔም፡ባሪያኽ፦መልካሙንና፡ክፉውን፡ነገር፡ለመስማት፡ንጉሡ፡ጌታዬ፡እንደእግዚአብሔር፡መልአክ፡ነውና፥ የጌታዬ፡የንጉሡ፡ቃል፡ያጽናናኛል፤አምላክኽም፡እግዚአብሔር፡ከአንተ፡ጋራ፡ይኹን፡አልኹ።
18፤ንጉሡም፡ለሴቲቱ፡መልሶ፦የምጠይቅሽን፡ነገር፡አትሰውሪኝ፡አላት።ሴቲቱም፦ጌታዬ፡ንጉሥ፡ይናገር፡አለች።
19፤ንጉሡም፦በዚህ፡ዅሉ፡የኢዮአብ፡እጅ፡ከአንቺ፡ጋራ፡ነውን፧አላት።ሴቲቱም፡መልሳ፦ጌታዬ፡ንጉሥ፡ሆይ፥በሕ ያው፡ነፍስኽ፡እምላለኹ! ጌታዬ፡ንጉሥ፡ከተናገረው፡ነገር፡ዅሉ፡ወደ፡ቀኝም፡ወደ፡ግራም፡ሊል፡የሚችል፡የለም፤ባሪያኽ፡ኢዮአብ፡አዞ፟ ኛል፥ይህንም፡ቃል፡ዅሉ፡በባሪያኽ፡አፍ፡አደረገው።
20፤ባሪያኽ፡ኢዮአብ፡የዚህ፡ነገር፡መልክ፡እንዲለወጥ፡አደረገ፤ነገር፡ግን፥የእግዚአብሔር፡መልአክ፡ጠቢብ፡ እንደ፡ኾነ፥አንተም፡ጌታዬ፡በምድር፡ላይ፡ያለውን፡ነገር፡ዅሉ፡ታውቅ፡ዘንድ፡ጠቢብ፡ነኽ፡አለች።
21፤ንጉሡም፡ኢዮአብን፦እንሆ፥ይህን፡ነገር፡አድርጌያለኹ፤እንግዲህ፡ኺድና፡ብላቴናውን፡አቤሴሎምን፡መልሰው ፡አለው።
22፤ኢዮአብም፡በምድር፡ላይ፡በግንባሩ፡ወድቆ፡እጅ፡ነሣ፥ንጉሡንም፡ባረከ፤ኢዮአብም፦ጌታዬ፡ንጉሥ፡ሆይ፥የባ ሪያኽን፡ነገር፡አድርገኻልና፡በዐይንኽ፡ፊት፡ሞገስ፡እንዳገኘ፡ባሪያኽ፡ዛሬ፡ዐወቀ፡አለ።
23፤ኢዮአብም፡ተነሥቶ፡ወደ፡ጌሹር፡ኼደ፥አቤሴሎምንም፡ወደ፡ኢየሩሳሌም፡ይዞ፡መጣ።
24፤ንጉሡም፦ወደ፡ቤቱ፡ይኺድ፡እንጂ፡ፊቴን፡እንዳያይ፡አለ፤አቤሴሎምም፡ወደ፡ቤቱ፡ኼደ፥የንጉሡንም፡ፊት፡አ ላየም።
25፤በእስራኤልም፡ዅሉ፡ዘንድ፡እንደ፡አቤሴሎም፡በውበቱ፡የተመሰገነ፡ሰው፡አልነበረም፤ከእግሩ፡እስከ፡ራሱ፡ ድረስ፡ነውር፡አልነበረበትም።
26፤ጠጕሩም፡ይከብደው፡ነበርና፥በዓመት፡አንድ፡ጊዜ፡ይቈርጠው፡ነበር፤ሲቈረጥም፡የራሱ፡ጠጕር፡በንጉሥ፡ሚዛ ን፡ኹለት፡መቶ፡ሰቅል፡ያኽል፡ይመዘን፡ነበር።
27፤ለአቤሴሎምም፡ሦስት፡ወንዶች፡ልጆችና፡አንዲት፡ሴት፡ልጅ፡ተወለዱለት፤የሴቲቱም፡ልጅ፡ስም፡ትዕማር፡ነበ ረ፥ርሷም፡የተዋበች፡ሴት፡ነበረች።
28፤አቤሴሎምም፡በኢየሩሳሌም፡ኹለት፡ዓመት፡ሙሉ፡የንጉሡን፡ፊት፡ሳያይ፡ተቀመጠ።
29፤አቤሴሎምም፡ወደ፡ንጉሡ፡ይልከው፡ዘንድ፡ወደ፡ኢዮአብ፡ላከ፥ወደ፡ርሱም፡ሊመጣ፡አልወደደም፤ኹለተኛም፡ላ ከበት፥ሊመጣ፡ግን፡አልወደደም።
30፤ባሪያዎቹንም፦በዕርሻዬ፡አጠገብ፡ያለውን፡የኢዮአብን፡ዕርሻ፡እዩ፥በዚያም፡ገብስ፡አለው፤ኺዳችኹ፡በእሳ ት፡አቃጥሉት፡አላቸው።የአቤሴሎምም፡ባሪያዎች፡ዕርሻውን፡አቃጠሉት።
31፤ኢዮአብም፡ተነሥቶ፡ወደ፡አቤሴሎም፡ወደ፡ቤቱ፡መጣና፦ባሪያዎችኽ፡ዕርሻዬን፡ስለ፡ምን፡አቃጠሉት፧አለው።
32፤አቤሴሎምም፡ኢዮአብን፡መልሶ፦ከጌሹር፡ለምን፡መጣኹ፧በዚያም፡ተቀምጬ፡ብኾን፡ይሻለኝ፡ነበር፡ብለኽ፡እን ድትነግረው፡ወደ፡ንጉሡ፡እልክኽ፡ዘንድ፡ወደ፡እኔ፡ጠራኹኽ፤አኹንም፡የንጉሡን፡ፊት፡ልይ፥ኀጢአት፡ቢኾንብኝ ፡ይግደለኝ፡አለው።
33፤ኢዮአብም፡ወደ፡ንጉሥ፡መጥቶ፡ነገረው፤አቤሴሎምንም፡ጠራው፥ወደ፡ንጉሡም፡ገብቶ፡በንጉሥ፡ፊት፡ወደ፡ምድ ር፡በግንባሩ፡ተደፋ፤ንጉሡም፡አቤሴሎምን፡ሳመው።
_______________መጽሐፈ፡ሳሙኤል፡ካልዕ፥ምዕራፍ፡15።______________
ምዕራፍ፡15።
1፤ከዚህም፡በዃላ፡አቤሴሎም፡ሠረገላና፡ፈረሶች፥በፊቱም፡የሚሮጡ፡ዐምሳ፡ሰዎች፡አዘጋጀ።
2፤አቤሴሎምም፡በማለዳ፡ተነሥቶ፡በበሩ፡አደባባይ፡ይቆም፡ነበር፤አቤሴሎምም፡ከንጉሥ፡ለማስፈረድ፡ጕዳይ፡የነ በረውን፡ዅሉ፡ወደ፡ርሱ፡እየጠራ፦አንተ፡ከወዴት፡ከተማ፡ነኽ፧ብሎ፡ይጠይቅ፡ነበር።ርሱም፦እኔ፡ባሪያኽ፡ከእ ስራኤል፡ነገድ፡ከአንዲቱ፡ነኝ፡ብሎ፡ይመልስ፡ነበር።
3፤አቤሴሎምም፦ነገርኽ፡እውነትና፡ቅን፡ነው፤ነገር፡ግን፥ከንጉሥ፡ታዞ፟፡የሚሰማኽ፡የለም፡ይለው፡ነበር።
4፤አቤሴሎምም፦ነገርና፡ክርክር፡ያለው፡ዅሉ፡ወደ፡እኔ፡ይመጣ፡ዘንድ፡ቅንም፡ፍርድ፡እፈርድለት፡ዘንድ፡በአገ ር፡ላይ፡ፈራጅ፡አድርጎ፡ማን፡በሾመኝ፧ይል፡ነበር።
5፤ሰውም፡እጅ፡ሊነሣው፡ወደ፡ርሱ፡በቀረበ፡ጊዜ፡እጁን፡ዘርግቶ፡ይይዝና፡ይስመው፡ነበር።
6፤እንዲሁም፡አቤሴሎም፡ከንጉሥ፡ፍርድ፡ሊሰማ፡ከእስራኤል፡ዘንድ፡በሚመጣ፡ዅሉ፡ያደርግ፡ነበር፤አቤሴሎምም፡ የእስራኤልን፡ሰዎች፡ልብ፡ሰረቀ።
7፤እንዲህም፡ኾነ፤ከአራት፡ዓመት፡በዃላ፡አቤሴሎም፡ንጉሡን፦ለእግዚአብሔር፡የተሳልኹትን፡ስእለት፡ለመስጠት ፡ወደ፡ኬብሮን፥እባክኽ፥ልኺድ።
8፤እኔ፡ባሪያኽ፡በሶርያ፡ጌሹር፡ሳለኹ፦እግዚአብሔር፡ወደ፡ኢየሩሳሌም፡ቢመልሰኝ፡ለእግዚአብሔር፡መሥዋዕት፡ አቀርባለኹ፡ብዬ፡ስእለት፡ተስዬ፡ነበር፡አለው።
9፤ንጉሡም፦በደኅና፡ኺድ፡አለው፤ተነሥቶም፡ወደ፡ኬብሮን፡ኼደ።
10፤አቤሴሎምም፡በእስራኤል፡ነገድ፡ዅሉ፦የቀንደ፡መለከት፡ድምፅ፡በሰማችኹ፡ጊዜ፦አቤሴሎም፡በኬብሮን፡ነገሠ ፡በሉ፡የሚሉ፡ጕበኛዎች፡ላከ።
11፤የተጠሩትም፡ኹለት፡መቶ፡ሰዎች፡ከአቤሴሎም፡ጋራ፡በየዋህነት፡ከኢየሩሳሌም፡ኼዱ፤የሚኾነውንም፡ነገር፡ከ ቶ፡አያውቁም፡ነበር።
12፤አቤሴሎምም፡የዳዊት፡መካር፡የነበረውን፡የጊሎ፡ሰው፡አኪጦፌልን፡ከከተማው፡ከጊሎ፡መሥዋዕት፡በሚያቀርብ በት፡ጊዜ፡አስጠራው።ሤራውም፡ጽኑ፡ኾነ፤ከአቤሴሎምም፡ጋራ፡ያለ፡ሕዝብ፡እየበዛ፡ኼደ።
13፤ለዳዊትም፦የእስራኤል፡ሰዎች፡ልብ፡ከአቤሴሎም፡ጋራ፡ኾኗል፡የሚል፡ወሬኛ፡መጣለት።
14፤ዳዊትም፡ከርሱ፡ጋራ፡በኢየሩሳሌም፡ያሉትን፡ባሪያዎቹን፡ዅሉ፦ተነሡ፥እንሽሽ፡ያለዚያ፡ከአቤሴሎም፡እጅ፡ የሚድን፡ከእኛ፡የለምና፤መጥቶም፡እንዳይዘን፥ክፉም፡እንዳያመጣብን፡ከተማዪቱንም፡በሰይፍ፡ስለት፡እንዳይመ ታ፡ፈጥናችኹ፡እንኺድ፡አላቸው።
15፤የንጉሡም፡ባሪያዎች፡ንጉሡን፦እንሆ፥ጌታችን፡ንጉሡ፡የመረጠውን፡ዅሉ፡እኛ፡ባሪያዎችኽ፡ዕሺ፡ብለን፡እና ደርጋለን፡አሉት።
16፤ንጉሡም፡ከርሱም፡በዃላ፡ቤተ፡ሰቡ፡ዅሉ፡ወጡ፤ንጉሡም፡ዐሥሩን፡ሴቶች፡ቁባቶቹን፡ቤቱን፡ይጠብቁ፡ዘንድ፡ ተወ።
17፤ንጉሡም፡ከርሱም፡በዃላ፡ሕዝቡ፡ዅሉ፡ወጡ፥በቤትሜርሐቅም፡ቆሙ።
18፤ባሪያዎቹም፡ዅሉ፡በፊቱ፡ዐለፉ፤ከሊታውያንና፡ፈሊታውያንም፡ዅሉ፥ከርሱም፡በዃላ፡ከጌት፡የመጡት፡ስድስት ፡መቶው፡ጌትያውን፡ዅሉ፡በንጉሡ፡ፊት፡ዐለፉ።
19፤ንጉሡም፡የጌት፡ሰው፡ኢታይን፦ከእኛ፡ጋራ፡ለምን፡መጣኽ፧አንተ፡ከስፍራኽ፡የመጣኽ፡እንግዳና፡ስደተኛ፡ነ ኽና፥ተመለስ፥ከንጉሡም፡ጋራ፡ተቀመጥ።
20፤የመጣኸው፡ትናንት፡ነው፤ዛሬ፡ከእኛ፡ጋራ፡ላዙርኽን፧እኔ፡ወደምኼድበት፡እኼዳለኹ፤አንተ፡ግን፡ተመለስ፥ ወንድሞችኽንም፡ከአንተ፡ጋራ፡ውሰድ፥እግዚአብሔርም፡ምሕረቱንና፡እውነቱን፡ያድርግልኽ፡አለው።
21፤ኢታይም፡ለንጉሡ፡መልሶ፦ሕያው፡እግዚአብሔርን! በጌታዬም፡በንጉሡ፡ሕይወት፡እምላለኹ! በእውነት፡ጌታዬ፡ባለበት፡ስፍራ፡ዅሉ፥በሞትም፡ቢኾን፡በሕይወትም፥በዚያ፡ደግሞ፡እኔ፡ባሪያኽ፡እኾናለኹ፡አ ለው።
22፤ዳዊትም፡ኢታይን፦ኺድ፡ተሻገር፡አለው፤የጌት፡ሰው፡ኢታይና፡ሰዎቹም፡ዅሉ፥ከርሱም፡ጋራ፡የነበሩት፡ሕፃና ት፡ዅሉ፡ተሻገሩ።
23፤በአገርም፡የነበሩት፡ዅሉ፡በታላቅ፡ድምፅ፡አለቀሱ፤ሕዝቡም፡ዅሉ፡ተሻገሩ፥ንጉሡም፡ደግሞ፡የቄድሮንን፡ፈ ፋ፡ተሻገረ፤ሕዝቡም፡ዅሉ፡ወደምድረ፡በዳ፡መንገድ፡ተሻገሩ።
24፤እንሆም፥ደግሞ፡ሳዶቅ፡ከርሱም፡ጋራ፡ሌዋውያን፡ዅሉ፡የእግዚአብሔርን፡ቃል፡ኪዳን፡ታቦት፡ተሸክመው፡መጡ ፤የእግዚአብሔርንም፡ታቦት፡አስቀመጡ፥ሕዝቡም፡ዅሉ፡ከከተማዪቱ፡ፈጽሞ፡እስኪያልፍ፡ድረስ፡አብያታር፡ወጣ።
25፤ንጉሡም፡ሳዶቅን፦የእግዚአብሔርን፡ታቦት፡ወደ፡ከተማ፡መልስ፤በእግዚአብሔር፡ዐይን፡ሞገስ፡አግኝቼ፡እን ደ፡ኾንኹ፥መልሶ፡ርሱንና፡ማደሪያውን፡ያሳየኛል፤
26፤ነገር፡ግን፦አልወድ፟ኽም፡ቢለኝ፥እንሆኝ፥ደስ፡የሚያሠኘውን፡ያድርግብኝ፡አለው።
27፤ንጉሡም፡ደግሞ፡ካህኑን፡ሳዶቅን፦እንሆ፥አንተና፡ልጅኽ፡አኪማዐስ፡የአብያታርም፡ልጅ፡ዮናታን፡ኹለቱ፡ል ጆቻችኹ፡በደኅና፡ወደ፡ከተማ፡ተመለሱ።
28፤እኔም፥እንሆ፥ከእናንተ፡ዘንድ፡ወሬ፡እስኪመጣልኝ፡ድረስ፡በምድረ፡በዳው፡መሻገሪያ፡እቈያለኹ፡አለው።
29፤ሳዶቅም፡አብያታርም፡የእግዚአብሔርን፡ታቦት፡ወደ፡ኢየሩሳሌም፡መለሱት፥በዚያም፡ተቀመጡ።
30፤ዳዊትም፡ተከናንቦ፡ያለጫማ፡እያለቀሰ፡ወደደብረ፡ዘይት፡ዐቀበት፡ወጣ፤ከርሱም፡ጋራ፡የነበሩት፡ሕዝብ፡ዅ ሉ፡ተከናንበው፡እያለቀሱ፡ወጡ፦
31፤አኪጦፌል፡ከአቤሴሎም፡ጋራ፡በሤራ፡አንድ፡ነው፡ብለው፡ለዳዊት፡ነገሩት፤ዳዊትም፦አቤቱ፥የአኪጦፌልን፡ም ክር፡ስንፍና፡አድርገኽ፡እንድትለውጥ፡እለምንኻለኹ፡አለ።
32፤ዳዊትም፡ለእግዚአብሔር፡ወደሰገደበት፡ወደተራራው፡ራስ፡በመጣ፡ጊዜ፥አርካዊው፡ኩሲ፡ልብሱን፡ቀዶ፟፡በራ ሱም፡ላይ፡ትቢያ፡ነስንሶ፡ሊገናኘው፡መጣ።
33፤ዳዊትም፡አለው፦ከእኔ፡ጋራ፡ብትመጣ፡ትከብደኛለኽ፤
34፤ወደ፡ከተማ፡ግን፡ተመልሰኽ፡ለአቤሴሎም፦ንጉሥ፡ሆይ፥ባሪያ፡እኾንኻለኹ፤አስቀድሞ፡ለአባትኽ፡ባሪያ፡እን ደ፡ነበርኹ፡እንዲሁ፡አኹን፡ለአንተ፡ባሪያ፡እኾንኻለኹ፡ብትለው፡የአኪጦፌልን፡ምክር፡ከንቱ፡ታደርግልኛለኽ ።
35፤ካህናቱ፡ሳዶቅና፡አብያታርም፡በዚያ፡ከአንተ፡ጋራ፡አይደሉምን፧ከንጉሡ፡ቤትም፡የምትሰማውን፡ነገር፡ዅሉ ፡ለካህናቱ፡ለሳዶቅና፡ለአብያታር፡ንገራቸው።
36፤እንሆ፥የሳዶቅ፡ልጅ፡አኪማዐስና፡የአብያታር፡ልጅ፡ዮናታን፡ልጆቻቸው፡በዚያ፡ከነርሱ፡ጋራ፡አሉ፤የምትሰ ሙትን፡ዅሉ፡በእነርሱ፡እጅ፡ላኩልኝ።
37፤የዳዊትም፡ወዳጅ፡ኩሲ፡ወደ፡ከተማ፡መጣ፤አቤሴሎምም፡ደግሞ፡ወደ፡ኢየሩሳሌም፡ገባ።
_______________መጽሐፈ፡ሳሙኤል፡ካልዕ፥ምዕራፍ፡16።______________
ምዕራፍ፡16።
1፤ዳዊትም፡ከተራራው፡ራስ፡ጥቂት፡ፈቀቅ፡ባለ፡ጊዜ፡የሜምፊቦስቴ፡ባሪያ፡ሲባ፡ኹለት፡መቶ፡እንጀራ፥አንድ፡መ ቶም፡ዘለላ፡ዘቢብ፥አንድ፡መቶም፡በለስ፥አንድ፡አቍማዳም፡ወይን፡ጠጅ፡የተጫኑ፡ኹለት፡አህያዎች፡እየነዳ፡ተ ገናኘው።
2፤ንጉሡም፡ሲባን፦ይህ፡ምንድር፡ነው፧አለው።ሲባም፦አህያዎቹ፡የንጉሥ፡ቤተ፡ሰቦች፡ይቀመጡባቸው፡ዘንድ፥እን ጀራውና፡በለሱ፡ብላቴናዎቹ፡ይበሉት፡ዘንድ፥የወይን፡ጠጁም፡በበረሓ፡የሚደክሙት፡ይጠጡት፡ዘንድ፡ነው፡አለ።
3፤ንጉሡም፦የጌታኽ፡ልጅ፡ወዴት፡ነው፧አለ።ሲባም፡ንጉሡን፦እንሆ፦የእስራኤል፡ቤት፡ዛሬ፡የአባቴን፡መንግሥት ፡ይመልስልኛል፡ብሎ፡በኢየሩሳሌም፡ተቀምጧል፡አለው።
4፤ንጉሡም፡ሲባን፦እንሆ፥ለሜምፊቦስቴ፡የነበረው፡ዅሉ፡ለአንተ፡ይኹን፡አለው።ሲባም፦እጅ፡እነሣለኹ፤ጌታዬ፡ ንጉሥ፡ሆይ፥በፊትኽ፡ሞገስ፡ላግኝ፡አለ።
5፤ንጉሡ፡ዳዊትም፡ወደ፡ብራቂም፡መጣ፤እንሆም፥ሳሚ፡የሚባል፡የጌራ፡ልጅ፡ከሳኦል፡ቤተ፡ዘመድ፡የኾነ፡አንድ፡ ሰው፡ከዚያ፡ወጣ፥እየኼደም፡ይረግመው፡ነበር።
6፤ወደ፡ዳዊትና፡ወደ፡ንጉሡ፡ወደዳዊት፡ባሪያዎችም፡ድንጋይ፡ይወረውር፡ነበር፤በንጉሡም፡ቀኝና፡ግራ፡ሕዝቡ፡ ዅሉና፡ኀያላኑ፡ዅሉ፡ነበሩ።
7፤ሳሚም፡ሲረግም፦ኺድ፥አንተ፡የደም፡ሰው፥ምናምንቴ፥ኺድ።
8፤በፋንታው፡ነግሠኻልና፡እግዚአብሔር፡የሳኦልን፡ቤት፡ደም፡ዅሉ፡መለሰብኽ፤እግዚአብሔርም፡መንግሥትን፡ለል ጅኽ፡ለአቤሴሎም፡እጅ፡አሳልፎ፡ሰጥቶታል፤እንሆም፥አንተ፡የደም፡ሰው፡ነኽና፥በመከራ፡ተይዘኻል፡አለ።
9፤የጽሩያም፡ልጅ፡አቢሳ፡ንጉሡን፦ይህ፡የሞተ፡ውሻ፡ጌታዬን፡ንጉሡን፡ስለ፡ምን፡ይረግማል፧ልኺድና፡ራሱን፡ል ቍረጠው፡አለው።
10፤ንጉሡም፦እናንተ፡የጽሩም፡ልጆች፥እኔ፡ከእናንተ፡ጋራ፡ምን፡አለኝ፧እግዚአብሔር፦ዳዊትን፡ስደበው፡ብሎ፡ አዞ፟ታልና፥ይርገመኝ፤ለምንስ፡እንዲህ፡ታደርጋለኽ፧የሚለው፡ማን፡ነው፧አለ።
11፤ዳዊትም፡አቢሳንና፡ባሪያዎቹን፡ዅሉ፦እንሆ፥ከወገቤ፡የወጣው፡ልጄ፡ነፍሴን፡ይሻል፤ይልቁንስ፡ይህ፡የብን ያም፡ልጅ፡እንዴት፡ነዋ፧እግዚአብሔር፡አዞ፟ታልና፥ተዉት፥ይርገመኝ።
12፤ምናልባት፡በዚህ፡ቀን፡መከራዬን፡አይቶ፡ስለ፡ርግማኑ፡መልካም፡ይመልስልኛል፡አላቸው።
13፤ዳዊትና፡ሰዎቹም፡በመንገድ፡ይኼዱ፡ነበር፤ሳሚም፡በተራራው፡አጠገብ፡በርሱ፡ትይዩ፡እየኼደ፡ይራገም፤ድን ጋይም፡ይወረውር፥ትቢያም፡ይበትን፡ነበር።
14፤ንጉሡና፡ከርሱም፡ጋራ፡የነበረው፡ሕዝብ፡ዅሉ፡ደክመው፡ነበር፥በዚያም፡ዐረፉ።
15፤አቤሴሎምና፡ሕዝቡ፡ዅሉ፡የእስራኤልም፡ሰዎች፡አኪጦፌልም፡ወደ፡ኢየሩሳሌም፡መጡ።
16፤የዳዊትም፡ወዳጅ፡አርካዊው፡ኩሲ፡ወደ፡አቤሴሎም፡በመጣ፡ጊዜ፥ኩሲ፦ሺሕ፡ዓመት፡ያንግሥኽ፡አለው።
17፤አቤሴሎምም፡ኩሲን፦ስለ፡ወዳጅኽ፡ያደረግኸው፡ቸርነት፡ይህ፡ነውን፧ከወዳጅኽ፡ጋራ፡ያልኼድኽ፡ስለ፡ምንድ ር፡ነው፧አለው።
18፤ኩሲም፡አቤሴሎምን፦እንዲህ፡አይደለም፤ከእግዚአብሔር፡ከዚህም፡ሕዝብ፡ከእስራኤልም፡ሰዎች፡ዅሉ፡ለተመረ ጠው፡ለርሱ፡እኾናለኹ፡ከርሱም፡ጋራ፡እቀመጣለኹ።
19፤ዳግምም፡የማገለግል፡ለማን፡ነው፧በንጉሥ፡ልጅ፡ፊት፡አይደለምን፧በአባትኽ፡ፊት፡እንዳገለገልኹ፡እንዲሁ ፡ባንተ፡ፊት፡እኾናለኹ፡አለው።
20፤አቤሴሎምም፡አኪጦፌልን፦ምከሩ፡ምን፡እናድርግ፧አለው።
21፤አኪጦፌልም፡አቤሴሎምን፦ቤት፡ሊጠብቁ፡ወደተዋቸው፡ወዳባትኽ፡ቁባቶች፡ግባ፤እስራኤልም፡ዅሉ፡አባትኽን፡ እንዳሳፈርኸው፡ይሰማሉ፤ከአንተም፡ጋራ፡ያሉት፡ዅሉ፡እጃቸው፡ይበረታል፡አለው።
22፤ለአቤሴሎምም፡በሰገነት፡ላይ፡ድንኳን፡ተከሉለት፤አቤሴሎምም፡በእስራኤል፡ዅሉ፡ፊት፡ወዳባቱ፡ቁባቶች፡ገ ባ።
23፤በዚያም፡ወራት፡የመከራት፡የአኪጦፌል፡ምክር፡የእግዚአብሔርን፡ቃል፡እንደ፡መጠየቅ፡ነበረች፤የአኪጦፌል ም፡ምክር፡ዅሉ፡ከዳዊትና፡ከአቤሴሎም፡ጋራ፡እንዲህ፡ነበረች።
_______________መጽሐፈ፡ሳሙኤል፡ካልዕ፥ምዕራፍ፡17።______________
ምዕራፍ፡17።
1፤አኪጦፌልም፡አቤሴሎምን፦ዐሥራ፡ኹለት፡ሺሕ፡ሰዎች፡ልምረጥና፡
1፤አኪጦፌልም፡በዚች፡ሌሊት፡ተነሥቼ፡ዳዊትን፡ላሳድ፟።
2፤ደክሞና፡እጁ፡ዝሎ፡ሳለ፡እወድቅበታለኹ፥አስፈራውማለኹ፤ከርሱም፡ጋራ፡ያለው፡ሕዝብ፡ዅሉ፡ይሸሻል፥ንጉሡን ም፡ብቻውን፡እመታዋለኹ፤
3፤ሙሽራ፡ወደ፡ባሏ፡እንደምትመለስ፡ሕዝቡን፡ዅሉ፡ወዳንተ፡እመልሰዋለኹ፤ሕዝቡ፡ዅሉ፡ደኅና፡ይኾናል፤የምትፈ ልገው፡አንድ፡ሰው፡ብቻ፡ነው።
4፤ነገሩም፡አቤሴሎምንና፡የእስራኤልን፡ሽማግሌዎች፡ዅሉ፡ደስ፡አሠኘ።
5፤አቤሴሎምም፦አርካዊውን፡ኩሲን፡ጥሩ፥ደግሞም፡ርሱ፡የሚለውን፡እንስማ፡አለ።
6፤ኩሲም፡ወደ፡አቤሴሎም፡በመጣ፡ጊዜ፡አቤሴሎም፦አኪጦፌል፡ያለው፡ይህ፡ነው፤ነገሩን፡እናደርገው፡ዘንድ፡ይገ ፟ባ፟ልን፧ባይኾን፡ግን፡አንተ፡ንገረን፡ብሎ፡ተናገረው።
7፤ኩሲም፡አቤሴሎምን፦አኪጦፌል፡በዚህ፡ጊዜ፡የመከራት፡ምክር፡መልካም፡አይደለችም፡አለው።
8፤ኩሲ፡ደግሞ፡አለ፦ግልገሎቿ፡በዱር፡በተነጠቁ፡ጊዜ፡ድብ፡መራራ፡እንደ፡ኾነች፡በልባቸው፡መራሮች፡እጅግም፡ ኀያላን፡መኾናቸውን፡አባትኽንና፡ሰዎቹን፡ታውቃለኽ፤አባትኽ፡ዐርበኛ፡ነው፥ከሕዝብም፡ጋራ፡አያድርም።
9፤አኹንም፡ምናልባት፡ባንድ፡ጕድጓድ፡ወይም፡በማናቸውም፡ስፍራ፡ተሸሽጎ፡ይኾናል፤በመዠመሪያም፡ከነርሱ፡ዐያ ሌዎች፡ቢወድቁ፥የሚሰማው፡ዅሉ፦አቤሴሎምን፡የተከተለው፡ሕዝብ፡ተመታ፡ይላል።
10፤እስራኤልም፡ዅሉ፡አባትኽ፡ኀያል፡እንደ፡ኾነ፥ከርሱም፡ጋራ፡ያሉት፡ሰዎች፡ጽኑዓን፡እንደ፡ኾኑ፡ያውቃልና ፥ጽኑዕ፡ልቡም፡እንደ፡አንበሳ፡ልብ፡የኾነው፡ፈጽሞ፡ይቀልጣል።
11፤ነገር፡ግን፥የምመክርኽ፡ይህ፡ነው፤ከዳን፡እስከ፡ቤርሳቤሕ፡ያለ፡እስራኤል፡ዅሉ፡በብዛቱ፡እንደ፡ባሕር፡ አሸዋ፡ኾኖ፡ወዳንተ፡ይሰብሰብ፥አንተም፡በመካከላቸው፡ወደ፡ሰልፍ፡ውጣ።
12፤ርሱንም፡ወደምናገኝበት፡ወደ፡አንድ፡ስፍራ፡እንደርስበታለን፥ጠልም፡በምድር፡ላይ፡እንደሚወድቅ፡እንወር ድበታለን፤ርሱና፡ከርሱም፡ጋራ፡ያሉ፡ሰዎች፡ዅሉ፡አንድ፡ስንኳ፡አናስቀርም።
13፤ወደ፡ከተማም፡ቢገባ፡እስራኤል፡ዅሉ፡ወደዚያች፡ከተማ፡ገመድ፡ይወስዳል፥እኛም፡አንድ፡ድንጋይ፡እንኳ፡እ ስከማይገኝባት፡ድረስ፡ወደ፡ወንዙ፡ውስጥ፡እንስባታለን።
14፤አቤሴሎምና፡የእስራኤልም፡ሰዎች፡ዅሉ፦የአርካዊው፡የኩሲ፡ምክር፡ከአኪጦፌል፡ምክር፡ይሻላል፡አሉ።እግዚ አብሔርም፡በአቤሴሎም፡ላይ፡ክፉ፡ያመጣ፡ዘንድ፡እግዚአብሔር፡መልካሚቱን፡የአኪጦፌልን፡ምክር፡እንዲበትን፡ አዘዘ።
15፤ኩሲም፡ለካህናቱ፡ለሳዶቅና፡ለአብያታር፦አኪጦፌል፡ለአቤሴሎምና፡ለእስራኤል፡ሽማግሌዎች፡እንዲህና፡እን ዲህ፡መክሯል፤እኔ፡ግን፡እንዲህና፡እንዲህ፡መክሬያለኹ።
16፤አኹን፡እንግዲህ፡ንጉሡና፡ከርሱ፡ጋራ፡ያለው፡ሕዝብ፡ዅሉ፡እንዳይዋጡ፥ፈጥናችኹ።ሳትዘገይ፡ተሻገር፡እን ጂ፡በዚች፡ሌሊት፡በምድረ፡በዳ፡መሻገሪያ፡አትደር፡ብላችኹ፡ለዳዊት፡ንገሩት፡አላቸው።
17፤ዮናታንና፡አኪማዐስ፡ተገልጠው፡ወደ፡ከተማ፡ይገቡ፡ዘንድ፡አልቻሉም፡ነበርና፥በዐይንሮጌል፡ተቀምጠው፡ነ በር፤አንዲትም፡ባሪያ፡ኼዳ፡ትነግራቸው፡ነበር፤እነርሱም፡ኼደው፡ለንጉሡ፡ለዳዊት፡ይነግሩት፡ነበር።
18፤አንድ፡ብላቴናም፡አይቶ፡ለአቤሴሎም፡ነገረው፤እነርሱ፡ግን፡ፈጥነው፡ኼዱ፤ወደ፡ብራቂምም፡ወዳንድ፡ሰው፡ ቤት፡መጡ፤በግቢውም፡ውስጥ፡ጕድጓድ፡ነበረ፥ወደዚያም፡ውስጥ፡ወረዱ።
19፤ሴቲቱም፡በጕድጓድ፡አፍ፡ላይ፡ዳውጃ፡ዘረጋችበት፥የተከካ፡እኽልም፡በላዩ፡አሰጣችበት፤ነገሩም፡እንዲህ፡ ተሰወረ።
20፤የአቤሴሎም፡ባሪያዎች፡ወደ፡ሴቲቱ፡ወደ፡ቤት፡መጥተው፦አኪማዐስና፡ዮናታን፡የት፡አሉ፧አሉ፤ሴቲቱም፦ፈፋ ውን፡ተሻግረው፡ኼዱ፡አለቻቸው።እነርሱም፡ፈልገው፡ባላገኟቸው፡ጊዜ፡ወደ፡ኢየሩሳሌም፡ተመለሱ።
21፤ከኼዱም፡በዃላ፡እነርሱ፡ከጕድጓድ፡ወጥተው፡ኼዱ፥ለንጉሡም፡ለዳዊት፡ነገሩት፥ዳዊትንም፦አኪጦፌል፡በእና ንተ፡ላይ፡እንዲህ፡መክሯልና፥ተነሡ፥ፈጥናችኹም፡ውሃውን፡ተሻገሩ፡አሉት።
22፤ዳዊትና፡ከርሱም፡ጋራ፡የነበሩት፡ዅሉ፡ተነሥተው፡ዮርዳኖስን፡ተሻገሩ፤እስኪነጋም፡ድረስ፡ዮርዳኖስን፡ሳ ይሻገር፡አንድ፡ሰው፡እንኳ፡አልቀረም።
23፤አኪጦፌልም፡ምክሩን፡እንዳልተከተሉ፡ባየ፡ጊዜ፡አህያውን፡ጫነ፥ተነሥቶም፡ወደ፡ቤቱ፡ወደ፡ከተማው፡ኼደ፤ ቤቱንም፡አደራጅቶ፡በገዛ፡እጁ፡ታንቆ፡ሞተ፥በአባቱም፡መቃብር፡ተቀበረ።
24፤ዳዊትም፡ወደ፡መሃናይም፡መጣ፤አቤሴሎምም፡ከርሱም፡ጋራ፡የእስራኤል፡ሰዎች፡ዅሉ፡ዮርዳኖስን፡ተሻገሩ።
25፤አቤሴሎምም፡በጭፍራው፡ላይ፡በኢዮአብ፡ስፍራ፡ዐማሳይን፡ሾመ፤ዐማሳይም፡የይስማኤላዊ፡ሰው፡የዬቴር፡ልጅ ፡ነበረ፤ርሱም፡የኢዮአብን፡እናት፡የጽሩያን፡እኅት፡የናዖስን፡ልጅ፡አቢግያን፡አግብቶ፡ነበር።
26፤እስራኤልና፡አቤሴሎምም፡በገለዓድ፡ምድር፡ሰፈሩ።
27፤ዳዊትም፡ወደ፡መሃናይም፡በመጣ፡ጊዜ፡በዐሞን፡ልጆች፡አገር፡በረባት፡የነበረ፡የናዖስ፡ልጅ፡ኡኤስቢ፥የሎ ዶባርም፡ሰው፡የዓሚኤል፡ልጅ፡ማኪር፥የሮግሊምም፡ሰው፡ገለዓዳዊ፡ቤርዜሊ፥
28፤29፤ሕዝቡ፡በምድረ፡በዳ፡ተርቧል፥ደክሟል፥ተጠምቷል፡ብለው፡ምንጣፍ፥ዳካ፥የሸክላም፡ዕቃ፥ይበሉም፡ዘንድ ፡ስንዴ፥ገብስ፥ዱቄት፥የተጠበሰ፡እሸት፥ባቄላ፥ምስር፥የተቈላ፡ሽንብራ፥ማር፥ቅቤ፥በጎች፥የላምም፡ርጎ፡ለዳ ዊትና፡ከርሱ፡ጋራ፡ለነበሩት፡ሕዝብ፡አመጡላቸው።
_______________መጽሐፈ፡ሳሙኤል፡ካልዕ፥ምዕራፍ፡18።______________
ምዕራፍ፡18።
1፤ዳዊትም፡ከርሱ፡ጋራ፡የነበሩትን፡ሕዝብ፡ቈጠረ፥ሻለቃዎችንና፡የመቶ፡አለቃዎችንም፡ሾመላቸው።
2፤ዳዊትም፡ሕዝቡን፡ከኢዮአብ፡እጅ፡በታች፡ሢሶውን፥ከኢዮአብም፡ወንድም፡ከጽሩያ፡ልጅ፡ከአቢሳ፡እጅ፡በታች፡ ሢሶውን፥ከጌት፡ሰውም፡ከኢታይ፡እጅ፡በታች፡ሢሶውን፡ሰደደ።ንጉሡም፡ሕዝቡን፦እኔ፡ደግሞ፡ከእናንተ፡ጋራ፡እ ወጣለኹ፡አላቸው።
3፤ሕዝቡ፡ግን፦አትወጣም፤ብንሸሽ፡ስለ፡እኛ፡አያስቡም፤ከእኛም፡እኩሌታው፡ቢሞት፡ስለ፡እኛ፡አያስቡም፤አንተ ፡ግን፡ለብቻኽ፡ከእኛ፡ከዐሥሩ፡ሺሕ፡ይልቅ፡ትበልጣለኽ፤አኹንም፡በከተማ፡ተቀምጠኽ፡ብትረዳን፡ይሻላል፡አሉ ።
4፤ንጉሡም፦መልካም፡የሚመስላችኹን፡አደርጋለኹ፡አላቸው።ንጉሡም፡በበሩ፡አጠገብ፡ቆመ፥ሕዝቡም፡ዅሉ፡መቶ፡በ መቶ፡ሺሕ፡በሺሕ፡እየኾኑ፡ወጡ።
5፤ንጉሡም፡ኢዮአብንና፡አቢሳን፣ኢታይንም፦ለብላቴናው፡ለአቤሴሎም፡ስለ፡እኔ፡ራሩለት፡ብሎ፡አዘዛቸው።ንጉሡ ም፥ስለ፡አቤሴሎም፥አለቃዎቹን፡ዅሉ፡ሲያዝ፟፥ሕዝቡ፡ዅሉ፡ሰማ።
6፤ሕዝቡም፡በእስራኤል፡ላይ፡ወደ፡ሜዳ፡ወጣ፤ሰልፉም፡በኤፍሬም፡ዅሉ፡ውስጥ፡ኾነ።
7፤በዚያም፡የእስራኤል፡ሕዝብ፡በዳዊት፡ባሪያዎች፡ፊት፡ተመቱ፥በዚያም፡ቀን፡ታላቅ፡ውጊያ፡በዚያ፡ኾነ፥ኻያ፡ ሺሕ፡ሰውም፡ሞተ።
8፤ከዚያም፡ሰልፉ፡በአገሩ፡ዅሉ፡ፊት፡ላይ፡ተበተነ፤በዚያም፡ቀን፡ሰይፍ፡ከዋጠው፡ሕዝብ፡ዅሉ፡ይልቅ፡ዱር፡ብ ዙ፡ዋጠ።
9፤አቤሴሎም፡ከዳዊት፡ባሪያዎች፡ጋራ፡በድንገት፡ተገናኘ፤አቤሴሎምም፡በበቅሎ፡ተቀምጦ፡ነበር፥በቅሎውም፡ብዙ ፡ቅርንጫፍ፡ባለው፡በታላቅ፡ዛፍ፡በታች፡ገባ፥ራሱም፡በዛፉ፡ተያዘ፤በሰማይና፡በምድር፡መካከል፡ተንጠለጠለ፥ ተቀምጦበትም፡የነበረ፡በቅሎ፡ዐለፈ።
10፤አንድ፡ሰውም፡አይቶ፦እንሆ፥አቤሴሎም፡በትልቅ፡ዛፍ፡ላይ፡ተንጠልጥሎ፡አየኹ፡ብሎ፡ለኢዮአብ፡ነገረው።
11፤ኢዮአብም፡ለነገረው፡ሰው፦እንሆ፥ካየኸው፡ለምን፡ወደ፡ምድር፡አልመታኸውም፧አስር፡ብርና፡አንድ፡ድግ፡እ ሰጥኽ፡ነበር፡አለው።
12፤ሰውዮውም፡ኢዮአብን፦እኛ፡ስንሰማ፡ንጉሡ፡አንተንና፡አቢሳን፡ኢታይንም፦ብላቴናውን፡አቤሴሎምን፡ማንም፡ እንዳይነካው፡ተጠንቀቁ፡ብሎ፡አዟ፟ልና፥ሺሕ፡ብር፡በእጄ፡ላይ፡ብትመዝን፡እጄን፡በንጉሡ፡ልጅ፡ላይ፡ባልዘረ ጋኹም፡ነበር።
13፤እኔ፡ቅሉ፡በነፍሱ፡ላይ፡ብወነጅል፡ኖሮ፥ይህ፡ከንጉሥ፡ባልተሰወረም፥አንተም፡በተነሣኽብኝ፡ነበር፡አለው ።
14፤ኢዮአብም፦እኔ፡ከአንተ፡ጋራ፡እንዲህ፡እዘገይ፡ዘንድ፡አልችልም፡ብሎ፡ሦስት፡ጦሮች፡በእጁ፡ወሰደ፥አቤሴ ሎምም፡ገና፡በዛፍ፡ላይ፡ተንጠልጥሎ፡ሕያው፡ሳለ፡በልቡ፡ላይ፡ተከላቸው።
15፤አስሩም፡የኢዮአብ፡ጋሻ፡ዣግሬዎች፡ከበቡት፥አቤሴሎምንም፡መትተው፡ገደሉት።
16፤ኢዮአብም፡ሕዝቡን፡ከልክሎ፡ነበርና፥ቀንደ፡መለከት፡ነፋ፥ሕዝቡም፡እስራኤልን፡ከማሳደድ፡ተመለሰ።
17፤አቤሴሎምንም፡ወስደው፡በዱር፡ባለ፡በታላቅ፡ጕድጓድ፡ውስጥ፡ጣሉት፥እጅግም፡ታላቅ፡የኾነ፡የድንጋይ፡ክም ር፡ከመሩበት፤እስራኤልም፡ዅሉ፡እያንዳንዱ፡ወደ፡ድንኳኑ፡ሸሸ።
18፤አቤሴሎምም፡ሕያው፡ሳለ፦ለስሜ፡መታሰቢያ፡የሚኾን፡ልጅ፡የለኝም፡ብሎ፥ሐውልት፡ወስዶ፥በንጉሥ፡ሸለቆ፡ው ስጥ፡ለራሱ፡አቁሞ፡ነበር፤ሐውልቱንም፡በስሙ፡ጠርቶት፡ነበር፤እስከ፡ዛሬም፡ድረስ፡የአቤሴሎም፡መታሰቢያ፡ተ ብሎ፡ይጠራል።
19፤የሳዶቅ፡ልጅ፡አኪማዐስ፡ግን፦እግዚአብሔር፡ጠላቶቹን፡አንደ፡ተበቀለለት፡ሮጬ፡ለንጉሥ፡የምሥራች፡ልንገ ር፡አለ።
20፤ኢዮአብም፦በሌላ፡ቀን፡እንጂ፡ዛሬ፡ወሬ፡አትናገርም፤የንጉሥ፡ልጅ፡ሞቷልና፥ዛሬ፡ወሬ፡አትናገርም፡አለው ።
21፤ኢዮአብም፡ኵሲን፦ኺድ፥ያየኸውንም፡ለንጉሡ፡ንገር፡አለው።ኵሲም፡ለኢዮአብ፡እጅ፡ነሥቶ፡ሮጠ።
22፤ዳግመኛም፡የሳዶቅ፡ልጅ፡አኪማዐስ፡ኢዮአብን፦የኾነ፡ኾኖ፡ኵሲን፡ተከትዬ፥እባክኽ፥ልሩጥ፡አለው።ኢዮአብ ም፦ልጄ፡ሆይ፥መልካም፡ወሬ፡የምትወስድ፡አይደለኽምና፡ትሮጥ፡ዘንድ፡ለምን፡ትወዳ፟ለኽ፧አለ።
23፤ርሱም፦እኔ፡ብሮጥ፡ምን፡ይገዳ፟ል፧አለ።ርሱም፦ሩጥ፡አለው።አኪማዐስም፡በሜዳው፡መንደር፡በኩል፡ሮጠ፥ኵ ሲንም፡ቀደመው።
24፤ዳዊትም፡በኹለት፡በር፡መካከል፡ተቀምጦ፡ነበር፤ዘበኛውም፡በቅጥሩ፡ላይ፡ወዳለው፡ወደ፡በሩ፡ሰገነት፡ወጣ ፥ዐይኑንም፡አቅንቶ፡ብቻውን፡የሚሮጥ፡ሰው፡አየ።
25፤ዘበኛውም፡ለንጉሡ፡ሊነግረው፡ጮኸ።ንጉሡም፦ብቻውን፡እንደ፡ኾነ፡በአፉ፡ወሬ፡ይኖራል፡አለ።
26፤ርሱም፡ፈጥኖ፡ቀረበ።ዘበኛውም፡ሌላ፡ሰው፡ሲሮጥ፡አየ፤ዘበኛውም፡ለደጅ፡ጠባቂው፡ጮኾ፦እንሆ፥ብቻውን፡የ ሚሮጥ፡ሌላ፡ሰው፡አየኹ፡አለ።ንጉሡም፦ርሱ፡ደግሞ፡ወሬ፡ይዞ፡ይኾናል፡አለ።
27፤ዘበኛውም፦የፊተኛው፡ሩጫ፡እንደ፡ሳዶቅ፡ልጅ፡እንደ፡አኪማዐስ፡ሩጫ፡ይመስላል፡አለ፤ንጉሡም፦ርሱ፡መልካ ም፡ሰው፡ነው፥መልካምም፡ወሬ፡ያመጣል፡አለ።
28፤አኪማዐስም፡ጮኾ፡ንጉሡን፦ዅሉ፡ደኅና፡ኾኗል፡አለው።በንጉሡም፡ፊት፡በምድር፡ላይ፡በግንባሩ፡ተደፍቶ፦በ ንጉሡ፡በጌታዬ፡ላይ፡እጃቸውን፡ያነሡትን፡ሰዎች፡አሳልፎ፡የሰጠ፡አምላክኽ፡እግዚአብሔር፡ይመስገን፡አለ።
29፤ንጉሡም፦ብላቴናው፡አቤሴሎም፡ደኅና፡ነውን፧አለ።አኪማዐስም፦ኢዮአብ፡እኔን፡ባሪያኽንና፡የንጉሡን፡ባሪ ያ፡በላከ፡ጊዜ፡ትልቅ፡ሽብር፡አይቻለኹ፥ምን፡እንደ፡ኾነ፡ግን፡አላወቅኹም፡ብሎ፡መለሰለት።
30፤ንጉሡም፦ፈቀቅ፡ብለኽ፡ቁም፡አለ፤ርሱም፡ፈቀቅ፡ብሎ፡ቆመ።
31፤እንሆም፥ኵሲ፡መጣ፤ኵሲም፦እግዚአብሔር፡በላይኽ፡የተነሡትን፡ዅሉ፡ዛሬ፡አንደ፡ተበቀለልኽ፡ለጌታዬ፡ለን ጉሡ፡ወሬ፡አምጥቻለኹ፡አለ።
32፤ንጉሡም፡ኵሲን፦ብላቴናው፡አቤሴሎም፡ደኅና፡ነውን፧አለው።ኵሲም፦የጌታዬ፡የንጉሡ፡ጠላቶች፥በክፉም፡የተ ነሡብኽ፡ዅሉ፡እንደዚያ፡ብላቴና፡ይኹኑ፡ብሎ፡መለሰለት።
33፤ንጉሡም፡እጅግ፡ዐዘነ፥በበሩም፡ላይ፡ወዳለችው፡ቤት፡ወጥቶ፡አለቀሰ፤ሲኼድም፦ልጄ፡አቤሴሎም፡ሆይ፥ልጄ፥ ልጄ፡አቤሴሎም፡ሆይ፥ባንተ፡ፋንታ፡ሞቼ፡ኖሮ፡ቢኾን፥ልጄ፡አቤሴሎም፥ልጄ፡ሆይ፡ይል፡ነበር።ች፡
_______________መጽሐፈ፡ሳሙኤል፡ካልዕ፥ምዕራፍ፡19።______________
ምዕራፍ፡19።
1፤ኢዮአብም፡ንጉሡ፡ስለ፡አቤሴሎም፡እንዳለቀሰና፡ዋይ፡ዋይ፡እንዳለ፡ሰማ።
2፤በዚያም፡ቀን፦ንጉሡ፡ስለ፡ልጁ፡ዐዘነ፡ሲባል፡ሕዝቡ፡ሰምቷልና፥የዚያ፡ቀን፡ድል፡በሕዝቡ፡ዅሉ፡ዘንድ፡ወደ ፡ሐዘን፡ተለወጠ።
3፤ሕዝቡም፡ከሰልፍ፡የሸሸ፡ሕዝብ፡ዐፍሮ፡ወደ፡ዃላው፡እንዲል፡በዚያ፡ቀን፡ወደ፡ከተማ፡ተሰርቆ፡ገባ።
4፤ንጉሡም፡ፊቱን፡ሸፈነ፥ንጉሡም፡በታላቅ፡ድምፅ፦ልጄ፡አቤሴሎም፡ሆይ፥ልጄ፡አቤሴሎም፥ልጄ፡ሆይ፡እያለ፡ይጮ ኽ፡ነበር።
5፤ኢዮአብም፡ወደ፡ንጉሡ፡ወደ፡ቤት፡ገብቶ፡እንዲህ፡አለ፦ዛሬ፡ነፍስኽንና፡የወንዶችና፡የሴቶች፡ልጆችኽን፡ነ ፍስ፡የሚስቶችኽንና፡የቁባቶችኽን፡ነፍስ፡ያዳኑትን፡የባሪያዎችኽን፡ዅሉ፡ፊት፡ዛሬ፡አሳፍረኻል፤
6፤አንተ፡የሚጠሉኽን፡ትወዳ፟ለኽ፥የሚወዱኽንም፡ትጠላለኽ።መሳፍንትኽንና፡ባሪያዎችኽን፡እንዳታስብ፡ዛሬ፡ገ ልጠኻል፤ዛሬ፡ዅላችን፡ሞተን፡ቢኾን፡ኖር፡አቤሴሎምም፡ድኖ፡ቢኾን፡ኖሮ፡ደስ፡ያሠኘኽ፡እንደ፡ነበረ፡ዛሬ፡አ ያለኹ።
7፤አኹን፡እንግዲህ፡ተነሥተኽ፡ውጣ፥ለባሪያዎችኽም፡የሚያጽናናቸውን፡ነገር፡ተናገራቸው፤ያልወጣኽ፡እንደ፡ኾ ነ፡ግን፡አንድ፡ሰው፡ከአንተ፡ጋራ፡በዚች፡ሌሊት፡እንዳይቀር፡በእግዚአብሔር፡እምላለኹ፤ይህም፡ከብላቴናነት ኽ፡ዠምሮ፡እስከ፡ዛሬ፡ድረስ፡ካገኘኽ፡ክፉ፡ነገር፡ዅሉ፡ይልቅ፡ታላቅ፡መከራ፡ይኾንብኻል።
8፤ንጉሡም፡ተነሥቶ፡በበሩ፡ተቀመጠ፤ሕዝቡም፡ዅሉ፡ንጉሡ፡በበሩ፡እንደ፡ተቀመጠ፡ሰማ፤ሕዝቡም፡ዅሉ፡ወደ፡ንጉ ሡ፡ፊት፡መጣ።እስራኤልም፡እያንዳንዱ፡ወደ፡ድንኳኑ፡ሸሽቶ፡ነበር።
9፤ሕዝቡም፡ዅሉ፡በእስራኤል፡ነገድ፡ዅሉ፡ውስጥ።ንጉሡ፡ከጠላቶቻችን፡እጅ፡ታድጎናል፥ከፍልስጥኤማውያንም፡እ ጅ፡አድኖናል፤አኹንም፡ስለ፡አቤሴሎም፡ከአገር፡ሸሽቷል።
10፤በላያችን፡እንዲኾን፡የቀባነው፡አቤሴሎም፡በሰልፍ፡ሞቷል፤አኹንም፡እንግዲህ፡ንጉሡን፡ለመመለስ፡ስለ፡ም ን፡ዝም፡ትላላችኹ፧እያለ፡ርስ፡በርሱ፡ይከራከር፡ነበር።
11፤ንጉሡም፡ዳዊት፡ለካህናቱ፡ለሳዶቅና፡ለአብያታር፡ልኮ፡እንዲህ፡አላቸው፦ለይሁዳ፡ሽማግሌዎች፡እንዲህ፡ብ ላችኹ፡ተናገሯቸው፦የእስራኤል፡ዅሉ፡ነገር፡ወደ፡ንጉሡ፡ደርሷልና፥ንጉሡን፡ወደ፡ቤቱ፡ከመመለስ፡ስለ፡ምን፡ ዘገያችኹ፧
12፤እናንተ፡ወንድሞቼ፥የዐጥንቴ፡ፍላጭና፡የሥጋዬ፡ቍራጭ፡ናችኹ፤እናንተ፡ንጉሡን፡ከመመለስ፡ስለ፡ምን፡ዘገ ያችኹ፧
13፤ለዐማሳይም፦አንተ፡የዐጥንቴ፡ፍላጭና፡የሥጋዬ፡ቍራጭ፡አይደለኽምን፧በዘመንኽም፡ዅሉ፡በኢዮአብ፡ፋንታ፡ በፊቴ፡የሰራዊት፡አለቃ፡ሳትኾን፡ብትቀር፡እግዚአብሔር፡ይህን፡ያድርግብኝ፡ይህንም፡ይጨምርብኝ፡በሉት።
14፤የይሁዳንም፡ሰዎች፡ዅሉ፡ልብ፡እንደ፡አንድ፡ሰው፡ልብ፡አድርጎ፡አዘነበለ፤ወደ፡ንጉሡም፡ልከው፦አንተ፡ከ ባሪያዎችኽ፡ዅሉ፡ጋራ፡ተመለስ፡አሉት።
15፤ንጉሡም፡ተመልሶ፡እስከ፡ዮርዳኖስ፡ድረስ፡መጣ።የይሁዳ፡ሰዎች፡ንጉሡን፡ሊቀበሉ፡ንጉሡንም፡ዮርዳኖስን፡ ሊያሻግሩ፡ወደ፡ገልገላ፡መጡ።
16፤ከብራቂምም፡አገር፡የነበረው፡ብንያማዊው፡የጌራ፡ልጅ፡ሳሚ፡ከይሁዳ፡ሰዎች፡ጋራ፡ዳዊትን፡ሊቀበል፡ፈጥኖ ፡ወረደ።
17፤ከርሱም፡ጋራ፡ብንያማውያን፡የኾኑ፡ሺሕ፡ሰዎች፡ነበሩ፥የሳኦልም፡ቤት፡ባሪያ፡ሲባ፡ከርሱም፡ጋራ፡ዐሥራ፡ ዐምስቱ፡ልጆችና፡ኻያው፡ባሪያዎች፡ነበሩ፤በንጉሡም፡ፊት፡ፈጥነው፡ዮርዳኖስን፡ተሻገሩ።
18፤ታንኳውም፡የንጉሥን፡ቤተ፡ሰብ፡ያሻግር፡ዘንድ፡ንጉሡም፡ደስ፡ያሠኘውን፡ያደርግ፡ዘንድ፡ይሸጋገር፡ነበር ።ንጉሡም፡ዮርዳኖስን፡ከተሻገረ፡በዃላ፡የጌራ፡ልጅ፡ሳሚ፡በፊቱ፡ተደፋ።
19፤ንጉሡንም፦ጌታዬ፡ሆይ፥ኀጢአቴን፡አትቍጠርብኝ፤ጌታዬ፡ንጉሡ፥ከኢየሩሳሌም፡በወጣኽ፡ቀን፡ባሪያኽ፡የበደ ልኹኽን፡አታስብብኝ፥ንጉሡም፡በልቡ፡አያኑረው።
20፤ባሪያኽ፡በደለኛ፡እንደ፡ኾንኹ፡ዐውቄያለኹና፥እንሆ፥ከዮሴፍ፡ቤት፡ዅሉ፡አስቀድሜ፡ዛሬ፡መጣኹ፥ጌታዬንም ፡ንጉሡን፡ልቀበል፡ወረድኹ፡አለው።
21፤የጽሩያ፡ልጅ፡አቢሳ፡ግን፦ሳሚ፡እግዚአብሔር፡የቀባውን፡ሰድቧልና፥ሞት፡የተገባው፡አይደለምን፧አለ።
22፤ዳዊትም፦እናንተ፡የጽሩያ፡ልጆች፥እኔ፡ከእናንተ፡ጋራ፡ምን፡አለኝ፧ዛሬ፡ስለ፡ምን፡ጠላቶች፡ትኾኑብኛላች ኹ፧ዛሬስ፡በእስራኤል፡ዘንድ፡ሰው፡ሊሞት፡ይገ፟ባ፟ልን፧ዛሬስ፡በእስራኤል፡ላይ፡እንደ፡ነገሥኹ፡አላወቅኹም ን፧አለ።
23፤ንጉሡም፡ሳሚን፦አትሞትም፡አለው።ንጉሡም፡ማለለት።
24፤የሳኦልም፡ልጅ፡ሜምፊቦስቴ፡ንጉሡን፡ሊቀበል፡ወረደ፤ንጉሡም፡ከኼደ፡ዠምሮ፡በደኅና፡እስከተመለሰበት፡ቀ ን፡ድረስ፡እግሩን፡አልጠገነም፥ጢሙንም፡አልቈረጠም፥ልብሱንም፡አላጠበም፡ነበር።
25፤ንጉሡም፡ሊቀበለው፡ከኢየሩሳሌም፡በመጣ፡ጊዜ፡ንጉሡ።ሜምፊቦስቴ፡ሆይ፥ከእኔ፡ጋራ፡ስለ፡ምን፡አልወጣኽም ፧አለው።
26፤ርሱም፡መልሶ፡አለ፦ጌታዬን፥ንጉሥ፡ሆይ፥ባሪያዬ፡አታለለኝ፤እኔ፡ባሪያኽ፡ዐንካሳ፡ነኝና።ከንጉሥ፡ጋራ፡ እኼድ፡ዘንድ፡የምቀመጥበትን፡አህያ፡ልጫን፡አልኹት።
27፤ርሱም፡እኔን፡ባሪያኽን፡ለጌታዬ፡ለንጉሡ፡አማ፤አንተ፡ጌታዬ፡ንጉሥ፡ግን፡እንደእግዚአብሔር፡መልአክ፡ነ ኽ፤ደስም፡ያሠኘኽን፡አድርግ።
28፤የአባቴ፡ቤት፡ዅሉ፡በጌታዬ፡በንጉሡ፡ዘንድ፡ሞት፡የሚገ፟ባ፟ቸው፡ነበሩ፤አንተ፡ግን፡እኔን፡ባሪያኽን፡በ ገበታኽ፡በሚበሉ፡መካከል፡አስቀመጥኸኝ፤ለንጉሥ፡ደግሞ፡ለመናገር፡ምን፡መብት፡አለኝ፧
29፤ንጉሡም፦ነገርኽን፡ለምን፡ታበዛለኽ፧አንተና፡ሲባ፡ዕርሻውን፡ትካፈሉ፡ዘንድ፡ብያለኹ፡አለው።
30፤ሜምፊቦስቴም፡ንጉሡን፦ጌታዬ፡ንጉሡ፡በደኅና፡ወደ፡ቤቱ፡ከተመለሰ፡ርሱ፡ዅሉን፡ይውሰደው፡አለው።
31፤ገለዓዳዊውም፡ቤርዜሊ፡ከሮግሊም፡ወረደ፤ሊሸኘውም፡ከንጉሡ፡ጋራ፡ዮርዳኖስን፡ተሻገረ።
32፤ቤርዜሊም፡እጅግ፡ያረጀ፡የሰማንያ፡ዓመት፡ሽማግሌ፡ነበረ፤እጅግም፡ትልቅ፡ሰው፡ነበረና፡ንጉሡ፡በመሃናይ ም፡ሳለ፡ይቀልበው፡ነበር።
33፤ንጉሡም፡ቤርዜሊን፦በኢየሩሳሌም፡እቀልብኽ፡ዘንድ፡ከእኔ፡ጋራ፡ዕለፍ፡አለው።
34፤ቤርዜሊም፡ንጉሡን፡አለው፦ከንጉሡ፡ጋራ፡ወደ፡ኢየሩሳሌም፡እወጣ፡ዘንድ፡ከሕይወቴ፡ዘመን፡ምን፡ያኽል፡ቀ ረኝ፧
35፤ዛሬ፡የሰማንያ፡ዓመት፡ሽማግሌ፡ነኝ፤መልካሙንና፡ክፉውን፡መለየት፡እችላለኹን፧እኔ፡ባሪያኽ፡የምበላውን ና፡የምጠጣውን፡ጣዕሙን፡መለየት፡እችላለኹን፧የወንዱንና፡የሴቲቱን፡ዘፈን፡ድምፅ፡መስማት፡እችላለኹን፧እኔ ፡ባሪያኽ፡በጌታዬ፡በንጉሡ፡ላይ፡ለምን፡እከብድብኻለኹ፧
36፤እኔ፡ባሪያኽ፡ዮርዳኖስን፡ተሻግሬ፡ከንጉሡ፡ጋራ፡ጥቂት፡ልኼድ፡ነበር፤ንጉሡ፡እንዲህ፡ያለ፡ወረታ፡ለምን ፡ይመልስልኛል፧
37፤እኔ፡ባሪያኽ፡ተመልሼ፡በከተማዬ፡በአባቴና፡በእናቴ፡መቃብር፡አጠገብ፥እባክኽ፥ልሙት።ነገር፡ግን፥ባሪያ ኽን፡ከመዓምን፡እይ፤ርሱ፡ከጌታዬ፡ከንጉሡ፡ጋራ፡ይለፍ፥ደስ፡የሚያሠኝኽንም፡ለርሱ፡አድርግ።
38፤ንጉሡም፦ከመዓም፡ከእኔ፡ጋራ፡ይለፍ፥ደስ፡የሚያሠኝኽንም፡አደርግለታለኹ፤አንተም፡ከእኔ፡የምትሻውን፡ዅ ሉ፡አደርግልኻለኹ፡አለው።
39፤ሕዝቡም፡ዅሉ፡ዮርዳኖስን፡ተሻገረ፥ንጉሡም፡ተሻገረ፤ንጉሡም፡ቤርዜሊን፡ሳመው፥መረቀውም፤ወደ፡ስፍራውም ፡ተመለሰ።
40፤ንጉሡም፡ወደ፡ገልገላ፡ተሻገረ፥ከመዓምም፡ከርሱ፡ጋራ፡ኼደ፤የይሁዳም፡ሕዝብ፡ዅሉ፡ደግሞም፡የእስራኤል፡ ሕዝብ፡እኩሌታ፡ንጉሡን፡አሻገረው።
41፤እንሆም፥የእስራኤል፡ሰዎች፡ዅሉ፡ወደ፡ንጉሥ፡መጡ፥ንጉሡንም፦ወንድሞቻችን፡የይሁዳ፡ሰዎች፡ለምን፡ሰረቁ ኽ፧ንጉሡንም፡ቤተ፡ሰቡንም፡ከርሱም፡ጋራ፡የዳዊትን፡ሰዎች፡ዅሉ፡ዮርዳኖስን፡አሻገሩ፧አሉት።
42፤የይሁዳም፡ሰዎች፡ዅሉ፡ለእስራኤል፡ሰዎች፡መልሰው፦ንጉሡ፡ለእኛ፡ቅርባችን፡ነው፤ስለ፡ምን፡በዚህ፡ነገር ፡ትቈጣላችኹ፧በእውኑ፡ከንጉሡ፡አንዳች፡በልተናልን፧ወይስ፡ርሱ፡በረከት፡ሰጥቶናልን፧አሉ።
43፤የእስራኤልም፡ሰዎች፡ለይሁዳ፡ሰዎች፡መልሰው፦በንጉሡ፡ዘንድ፡ለእኛ፡ዐሥር፡ክፍል፡አለን፥በዳዊትም፡ዘን ድ፡ደግሞ፡ከእናንተ፡ይልቅ፡መብት፡አለን፤ስለ፡ምን፡ናቃችኹን፧ስለ፡ምንስ፡ንጉሣችንን፡ለመመለስ፡ቀድሞ፡ም ክር፡አልጠየቃችኹንም፧አሉ።የይሁዳም፡ሰዎች፡ቃል፡ከእስራኤል፡ሰዎች፡ቃል፡ይልቅ፡ጠነከረ።
_______________መጽሐፈ፡ሳሙኤል፡ካልዕ፥ምዕራፍ፡20።______________
ምዕራፍ፡20።
1፤እንዲህም፡ኾነ፤አንድ፡ብንያማዊ፡የቢክሪ፡ልጅ፡ስሙ፡ሳቤዔ፡የሚባል፡ምናምንቴ፡ሰው፡ነበረ፤ርሱም፦ከዳዊት ፡ዘንድ፡ዕድል፡ፈንታ፡የለንም፥ከእሴይም፡ልጅ፡ዘንድ፡ርስት፡የለንም፤እስራኤል፡ሆይ፥እያንዳንድኽ፡ወደ፡ድ ንኳንኽ፡ተመለስ፡ብሎ፡ቀንደ፡መለከት፡ነፋ።
2፤የእስራኤልም፡ሰዎች፡ዅሉ፡ከዳዊት፡ተለይተው፡የቢክሪን፡ልጅ፡ሳቤዔን፡ተከተሉ፤የይሁዳ፡ሰዎች፡ግን፡ከዮር ዳኖስ፡ዠምረው፡ኢየሩሳሌም፡እስኪደርሱ፡ንጉሣቸውን፡ተከተሉ።
3፤ዳዊትም፡ወደ፡ኢየሩሳሌም፡ወደ፡ቤቱ፡መጣ፤ንጉሡም፡ቤቱን፡ሊጠብቁ፡የተዋቸውን፡ዐሥሩን፡ቁባቶች፡ወስዶ፡ለ ጠባቂ፡ሰጣቸው፥ቀለብም፡ሰጣቸው፥ነገር፡ግን፥ወደ፡እነርሱ፡አልገባም፤በቤት፡ተዘግተው፡እስኪሞቱም፡ድረስ፡ ባልቴቶች፡ኾነው፡ተቀመጡ።
4፤ንጉሡም፡ዐማሳይን፦የይሁዳን፡ሰዎች፡ዅሉ፡በሦስት፡ቀን፡ውስጥ፡ጥራልኝ፥አንተም፡ዐብረኽ፡በዚህ፡ኹን፡አለ ው።
5፤ዐማሳይም፡የይሁዳን፡ሰዎች፡ዅሉ፡ይጠራ፡ዘንድ፡ኼደ፤ነገር፡ግን፥ርሱ፡የተቀጠረውን፡ቀን፡አሳልፎ፡ዘገየ።
6፤ዳዊትም፡አቢሳን፦አኹን፡ከአቤሴሎም፡ይልቅ፡የሚጐዳን፡የቢክሪ፡ልጅ፡ሳቤዔ፡ነው፤ርሱ፡የተመሸጉትን፡ከተማ ዎች፡አግኝቶ፡ከዐይናችን፡እንዳያመልጥ፥አንተ፡የጌታኽን፡ባሪያዎች፡ወስደኽ፡አሳደ፟ው፡አለው።
7፤አቢሳንም፡ተከትለው፡የኢዮአብ፡ሰዎች፡ከሊታውያንም፡ፈሊታውያንም፡ኀያላንም፡ዅሉ፡ኼዱ፤የቢክሪንም፡ልጅ፡ ሳቤዔን፡ለማሳደድ፡ከኢየሩሳሌም፡ወጡ።
8፤በገባዖንም፡ወዳለው፡ወደ፡ታላቁ፡ድንጋይ፡በደረሱ፡ጊዜ፡ዐማሳይ፡ሊገናኛቸው፡መጣ፤ኢዮአብም፡የሰልፍ፡ልብ ስ፡ለብሶ፡ነበር፥በላዩም፡መታጠቂያ፡ነበረ፥በወገቡም፡ላይ፡ሰገባ፡ያለው፡ሰይፍ፡ታጥቆ፡ነበር፤ርሱም፡ሲራመ ድ፡ሰይፉ፡ወደቀ።
9፤ኢዮአብም፡ዐማሳይን፦ወንድሜ፡ሆይ፥ደኅና፡ነኽን፧አለው፡ኢዮአብም፡ዐማሳይን፡የሚስም፡መስሎ፡በቀን፡እጁ፡ ጢሙን፡ያዘው።
10፤ዐማሳይ፡ግን፡በኢዮአብ፡እጅ፡ከነበረው፡ሰይፍ፡አልተጠነቀቀም፡ነበር፤ኢዮአብም፡ሆዱን፡ወጋው፥አንዠቱን ም፡በምድር፡ላይ፡ዘረገፈው፤ኹለተኛም፡አልወጋውም፥ሞተም።ኢዮአብና፡ወንድሙ፡አቢሳ፡የቢክሪን፡ልጅ፡ሳቤዔን ፡አሳደዱ።
11፤ከኢዮአብም፡ብላቴናዎች፡አንዱ፡በዐማሳይ፡ሬሳ፡አጠገብ፡ቆሞ፦ለኢዮአብ፡ወዳጅ፡የሚኾን፡ለዳዊትም፡የኾነ ፡ዅሉ፡ኢዮአብን፡ይከተል፡ይል፡ነበር።
12፤ዐማሳይም፡በመንገድ፡መካከል፡ወድቆ፡በደሙ፡ላይ፡ይንከባለል፡ነበር፤ያም፡ሰው፡ወደ፡ርሱ፡የሚመጣ፡ዅሉ፡ ሲቆም፡አይቷልና፥ሕዝቡ፡ዅሉ፡እንደ፡ቆመ፡ባየ፡ጊዜ፡ዐማሳይን፡ከመንገድ፡ላይ፡ወደ፡ዕርሻ፡ውስጥ፡ፈቀቅ፡አ ደረገው፥በልብስም፡ከደነው።
13፤ከመንገድ፡ራቅ፡ባለ፡ጊዜ፡ሕዝቡ፡ዅሉ፡የቢክሪን፡ልጅ፡ሳቤዔን፡ለማሳደድ፡ኢዮአብን፡ተከትሎ፡ያልፍ፡ነበ ር።
14፤ርሱ፡ግን፡ከእስራኤል፡ነገድ፡ዅሉ፡ወደ፡አቤል፥ወደ፡ቤትመዓካ፥ወደ፡ቤሪም፡ዅሉ፡ዐለፈ፤ሰዎችም፡ደግሞ፡ ተሰብስበው፡ተከተሉት።
15፤በቤትመዓካ፡ባለ፡በአቤልም፡መጥተው፡ከበቡት፥በከተማዪቱም፡ላይ፡እስከ፡ቅጥሯ፡ድረስ፡የዐፈርን፡ድልድል ፡ደለደሉ፤ቅጥሩንም፡ያፈርሱ፡ዘንድ፡ከኢዮአብ፡ጋራ፡የነበሩ፡ሕዝብ፡ዅሉ፡ይደባደቡ፡ነበር።
16፤ከከተማዪቱም፡አንዲት፡ብልኀተኛ፡ሴት።ስሙ፥ስሙ፤ኢዮአብንም፦እነግርኽ፡ዘንድ፡ወደዚህ፡ቅረብ፡በሉት፡ስ ትል፡ጮኸች።
17፤ወደ፡ርሷም፡ቀረበ፤ሴቲቱም፦ኢዮአብ፡አንተ፡ነኽን፧አለች።ርሱም፦እኔ፡ነኝ፡ብሎ፡መለሰላት።ርሷም፦የባሪ ያኽን፡ቃል፡ስማ፡አለችው።ርሱም፦እሰማለኹ፡አላት።
18፤ርሷም፦ቀድሞ፦የሚጠይቅ፡በአቤል፡ዘንድ፡ይጠይቅ፡ይባል፡ነበር፤እንዲሁም፡ነገሩ፡ይፈጸም፡ነበር።
19፤በእስራኤል፡ዘንድ፡ሰላምንና፡እውነትን፡ከሚወዱ፡እኔ፡ነኝ፤አንተ፡በእስራኤል፡ያለችውን፡ከተማና፡እናት ፡ለማፍረስ፡ትሻለኽ፤ስለ፡ምንስ፡የእግዚአብሔርን፡ርስት፡ትውጣለኽ፧ብላ፡ተናገረች።
20፤ኢዮአብም፡መልሶ፦ይህ፡መዋጥና፡ማጥፋት፡ከእኔ፡ይራቅ፤
21፤ነገሩ፡እንዲህ፡አይደለም፤ከተራራማው፡ከኤፍሬም፡አገር፡የሚኾን፡የቢክሪ፡ልጅ፡ሳቤዔ፡የሚባል፡አንድ፡ሰ ው፡ግን፡በንጉሡ፡በዳዊት፡ላይ፡እጁን፡አነሣ፤ርሱን፡ብቻውን፡ስጡኝ፥እኔም፡ከከተማዪቱ፡እርቃለኹ፡አላት።ሴ ቲቱም፡ኢዮአብን፦እንሆ፥ራሱ፡ከቅጥር፡ላይ፡ይጣልልኻል፡አለችው።
22፤ሴቲቱም፡በብልኀቷ፡ወደ፡ሕዝቡ፡ዅሉ፡ኼደች፤እነርሱም፡የቢክሪን፡ልጅ፡የሳቤዔን፡ራስ፡ቈርጠው፡ወደ፡ኢዮ አብ፡ጣሉት።ርሱም፡ቀንደ፡መለከቱን፡ነፋ፥ሰውም፡ዅሉ፡ከከተማዪቱ፡ርቆ፡እያንዳንዱ፡ወደ፡ድንኳኑ፡ኼደ።ኢዮ አብም፡ወደ፡ንጉሡ፡ወደ፡ኢየሩሳሌም፡ተመለሰ።
23፤ኢዮአብም፡በእስራኤል፡ሰራዊት፡ዅሉ፡ላይ፡አለቃ፡ነበረ፤የዩዳሄም፡ልጅ፡በናያስ፡በከሊታውያንና፡በፈሊታ ውያን፡ላይ፡ነበረ፤
24፤አዶኒራምም፡ግብር፡አስገባሪ፡ነበረ፤የአኂሉድም፡ልጅ፡ኢዮሳፍጥ፡ታሪክ፡ጸሓፊ፡ነበረ፤
25፤ሱሳም፡ጸሓፊ፡ነበረ፤ሳዶቅና፡አብያታርም፡ካህናት፡ነበሩ፤
26፤የኢያዕር፡ሰውም፡ዒራስ፡ለዳዊት፡አማካሪ፡ነበረ።
_______________መጽሐፈ፡ሳሙኤል፡ካልዕ፥ምዕራፍ፡21።______________
ምዕራፍ፡21።
1፤በዳዊትም፡ዘመን፡ሦስት፡ዓመት፡ያኽል፡ቀጥሎ፡ራብ፡ኾነ፤ዳዊትም፡የእግዚአብሔርን፡ፊት፡ጠየቀ።እግዚአብሔ ርም፦የገባዖንን፡ሰዎች፡ስለ፡ገደለ፡በሳኦልና፡በቤቱ፡ላይ፡ደም፡አለበት፡አለ።
2፤ንጉሡም፡የገባዖንን፡ሰዎች፡ጠራ፤የገባዖን፡ሰዎችም፡ከአሞራውያን፡የተረፉ፡ነበሩ፡እንጂ፡ከእስራኤል፡ልጆ ች፡ወገን፡አልነበሩም፤የእስራኤልም፡ልጆች፡ምለውላቸው፡ነበር፤ሳኦል፡ግን፡ለእስራኤል፡ልጆችና፡ለይሁዳ፡ስ ለ፡ቀና፡ሊገድላቸው፡ወዶ፟፡ነበር።
3፤ዳዊትም፡የገባዖንን፡ሰዎች፦የእግዚአብሔርን፡ርስት፡ትባርኩ፡ዘንድ፡ምን፡ላድርግላችኹ፧ማስተስረያውስ፡ም ንድር፡ነው፧አላቸው።
4፤የገባዖን፡ሰዎችም፦በእኛና፡በሳኦል፡ወይም፡በእኛና፡በቤቱ፡መካከል፡ያለው፡የብርና፡የወርቅ፡ነገር፡አይደ ለም፤ከእስራኤልም፡ወገን፡እኛ፡የምንገድለው፡የለም፡አሉት።ርሱም፦የምትናገሩትን፡አደርግላችዃለኹ፡አለ።
5፤ንጉሡንም፦እኛን፡ካጠፋ፥በእስራኤልም፡ዳርቻ፡ዅሉ፡እንዳንቀመጥ፡መፍረሳችንን፡
6፤ካሰበው፡ሰው፡ልጆች፡ሰባት፡ሰዎች፡አሳልፈኽ፡ስጠንና፡ከእግዚአብሔር፡በተመረጠው፡በሳኦል፡አገር፡በጊብዓ ፡ለእግዚአብሔር፡እንሰቅላቸዋለን፡አሉት።ንጉሡም፦እሰጣችዃለኹ፡አለ።
7፤ንጉሡም፡በሳኦል፡ልጅ፡በዮናታንና፡በዳዊት፡መካከል፡ስለነበረው፡ስለእግዚአብሔር፡መሐላ፡የሳኦልን፡ልጅ፡ የዮናታንን፡ልጅ፡ሜምፊቦስቴን፡አዳነ።
8፤ንጉሡም፡ለሳኦል፡የወለደቻቸውን፡የኢዮሄል፡ልጅ፡የሪጽፋን፡ኹለቱን፡ልጆች፡ሄርሞንንና፡ሜምፊቦስቴን፡ለመ ሐላታዊውም፡ለቤርዜሊ፡ልጅ፡ለኤስድሪኤል፡የወለደቻቸውን፡የሳኦልን፡ልጅ፡የሜሮብን፡ዐምስቱን፡ልጆች፡ወሰደ ፥
9፤ለገባዖንም፡ሰዎች፡እጅ፡አሳልፎ፡ሰጣቸው፤በእግዚአብሔርም፡ፊት፡በተራራው፡ላይ፡ሰቀሏቸው፥ሰባቱም፡በአን ድነት፡ወደቁ፤እኽል፡በሚታጨድበት፡ወራት፡በገብሱ፡መከር፡መዠመሪያ፡ተገደሉ።
10፤የኢዮሄልም፡ልጅ፡ሪጽፋ፡ማቅ፡ወስዳ፡ከመከር፡ወራት፡ዠምሮ፡ዝናብ፡ከሰማይ፡እስኪዘንብ፡ድረስ፡በድንጋይ ፡ላይ፡ዘረጋችው፤በቀንም፡ወፎች፡በሌሊትም፡አራዊት፡ያርፉባቸው፡ዘንድ፡አልተወችም።
11፤የሳኦልም፡ቁባት፡የኢዮሄል፡ልጅ፡ሪጽፋ፡ያደረገችውን፡ለዳዊት፡ነገሩት።
12፤ዳዊትም፡ኼደ፥ሳኦልንም፡በጊልቦዓ፡በገደሉ፡ጊዜ፡ፍልስጥኤማውያን፡ከሰቀሏቸው፡ስፍራ፡ከቤትሳን፡አደባባ ይ፡ከሰረቁት፡ከኢያቢስ፡ገለዓድ፡ሰዎች፡የሳኦልንና፡የልጁን፡የዮናታንን፡ዐጥንት፡ወሰደ፤
13፤ከዚያም፡የሳኦልንና፡የልጁን፡የዮናታንን፡ዐጥንት፡ይዞ፡መጣ፤የተሰቀሉትንም፡ሰዎች፡ዐጥንት፡ሰበሰቡ።
14፤የሳኦልንና፡የልጁን፡የዮናታንን፡ዐጥንት፡በብንያም፡አገር፡በጼላ፡በአባቱ፡በቂስ፡መቃብር፡ቀበሩት፤ንጉ ሡም፡ያዘዘውን፡ዅሉ፡አደረጉ።ከዚያም፡በዃላ፡እግዚአብሔር፡ስለ፡አገሩ፡የተለመነውን፡ሰማ።
15፤በፍልስጥኤማውያንና፡በእስራኤልም፡መካከል፡ደግሞ፡ሰልፍ፡ነበረ፤ዳዊትም፡ከርሱም፡ጋራ፡ባሪያዎቹ፡ወረዱ ፥ከፍልስጥኤማውያንም፡ጋራ፡ተዋጉ፤ዳዊትም፡ደከመ።
16፤ከራፋይም፡ወገን፡የነበረው፡ይሽቢብኖብ፡ዳዊትን፡ይገድል፡ዘንድ፡ዐሰበ፤የጦሩም፡ሚዛን፡ክብደት፡ሦስት፡ መቶ፡ሰቅል፡ናስ፡ነበረ፥ዐዲስም፡የጦር፡መሣሪያ፡ታጥቆ፡ነበር።
17፤የጽሩያም፡ልጅ፡አቢሳ፡አዳነው፥ፍልስጥኤማዊውንም፡መቶ፟፡ገደለው።ያን፡ጊዜም፡የዳዊት፡ሰዎች፦አንተ፡የ እስራኤልን፡መብራት፡እንዳታጠፋ፡ከእንግዲህ፡ወዲህ፡ከእኛ፡ጋራ፡ለሰልፍ፡አትወጣም፡ብለው፡ማሉለት።
18፤ከዚህም፡በዃላ፡እንደ፡ገና፡በጎብ፡ላይ፡ከፍልስጥኤማውያን፡ጋራ፡ሰልፍ፡ኾነ፥ኩሳታዊውም፡ሴቦካይ፡ከራፋ ይም፡ወገን፡የነበረውን፡ሳፍን፡ገደለ።
19፤ደግሞም፡በጎብ፡ላይ፡ከፍልስጥኤማውያን፡ጋራ፡ሰልፍ፡ነበረ፤የቤተ፡ልሔማዊውም፡የየዓሬኦርጊም፡ልጅ፡ኤል ያናን፡የጦሩ፡የቦ፡እንደ፡ሸማኔ፡መጠቅለያ፡የነበረውን፡የጌት፡ሰው፡ጎልያድን፡ገደለ።
20፤ደግሞም፡በጌት፡ላይ፡ሰልፍ፡ኾነ፤በዚያም፡በእጁና፡በእግሩ፡ስድስት፡ስድስት፡ዅላዅሉ፡ኻያ፡አራት፡ጣቶች ፡የነበሩት፡አንድ፡ረዥም፡ሰው፡ነበረ፤ርሱ፡ደግሞ፡ከራፋይም፡የተወለደ፡ነበረ።
21፤እስራኤልንም፡በተገዳደረ፡ጊዜ፥የዳዊት፡ወንድም፣የሳማ፡ልጅ፣ዮናታን፡ገደለው።
22፤እነዚያም፡አራቱ፡በጌት፡ውስጥ፡ከራፋይም፡የተወለዱ፡ነበሩ፤በዳዊትም፡እጅ፣በባሪያዎቹም፡እጅ፡ወደቁ።
_______________መጽሐፈ፡ሳሙኤል፡ካልዕ፥ምዕራፍ፡22።______________
ምዕራፍ፡22።
1፤ዳዊትም፡እግዚአብሔር፡ከሳኦል፡እጅና፡ከጠላቶቹ፡እጅ፡ዅሉ፡ባዳነው፡ቀን፡የዚህን፡ቅኔ፡ቃል፡ለእግዚአብሔ ር፡ተናገረ።
2፤እንዲህም፡አለ፦እግዚአብሔር፡አለቴ፣ዐምባዬ፣መድኀኒቴ፡ነው፤
3፤እግዚአብሔር፡ጠባቂዬ፡ነው፥በርሱም፡እታመናለኹ፤ጋሻዬና፡የረድኤቴ፡ቀንድ፥መጠጊያዬና፡መሸሸጊያዬ፥መድኀ ኒቴ፡ሆይ፥ከግፍ፡ሥራ፡ታድነኛለኽ።
4፤ምስጋና፡የሚገ፟ባ፟ውን፡እግዚአብሔርን፡እጠራለኹ፤ከጠላቶቼም፡እድናለኹ።
5፤የሞት፡ጣር፡ያዘኝ፤የዐመፅ፡ፈሳሽም፡አስፈራኝ፤
6፤የሲኦል፡ጣር፡ከበበኝ፤የሞት፡ወጥመድ፡ደረሰብኝ።
7፤በጨነቀኝ፡ጊዜ፡እግዚአብሔርን፡ጠራኹት፥ወደ፡አምላኬም፡ጮኽኹ፤ከመቅደሱም፡ቃሌን፡ሰማኝ፥ጩኸቴም፡በፊቱ፡ ወደ፡ዦሮው፡ገባ።
8፤ምድርም፡ተንቀጠቀጠች፥ተናወጠችም፥የሰማዮችም፡መሠረቶች፡ተነቃነቁ፤እግዚአብሔርም፡ተቈጥቷልና፥ተንቀጠቀ ጡ።
9፤ከቍጣው፡ጢስ፡ወጣ፥ከአፉም፡የሚበላ፡እሳት፡ነደደ፤ፍምም፡ከርሱ፡በራ።
10፤ሰማዮችን፡ዝቅ፡ዝቅ፡አደረገ፥ወረደም፤ጨለማም፡ከእግሩ፡በታች፡ነበረ።
11፤በኪሩብም፡ላይ፡ተቀምጦ፡በረረ፤በነፋስም፡ክንፍ፡ኾኖ፡ታየ፤
12፤መሰወሪያውን፡ጨለማ፥በዙሪያውም፡የነበረውን፡ድንኳን፥በደመና፡ውስጥ፡የነበረ፡የጨለማ፡ውሃ፡አደረገ።
13፤በፊቱም፡ካለው፡ብርሃን፡የተነሣ፡ፍም፡ተቃጠለ።
14፤እግዚአብሔርም፡ከሰማያት፡አንጐደጐደ፥ልዑልም፡ቃሉን፡ሰጠ፤
15፤ፍላጻውን፡ላከ፥በተናቸውም፡መብረቆችን፡ላከ፥አወካቸውም።
16፤ከእግዚአብሔር፡ዘለፋ፥ከመዓቱም፡መንፈስ፡እስትንፋስ፡የተነሣ፥የባሕር፡ፈሳሾች፡ታዩ፥የዓለም፡መሠረቶች ም፡ተገለጡ።
17፤ከላይ፡ሰደደ፥ወሰደኝም፤ከብዙ፡ውሃዎችም፡አወጣኝ።
18፤ከብርቱዎች፡ጠላቶቼ፥ከሚጠሉኝም፡አዳነኝ፤በርትተውብኝ፡ነበርና።
19፤በመከራዬ፡ቀን፡ደረሱብኝ፤እግዚአብሔር፡ግን፡ደገፋዬ፡ኾነ።
20፤ወደ፡ሰፊ፡ስፍራም፡አወጣኝ፤ወዶ፟ኛልና፥አዳነኝ።
21፤እግዚአብሔር፡እንደ፡ጽድቄ፡ይከፍለኛል፤እንደ፡እጄ፡ንጽሕና፡ይመልስልኛል፤
22፤የእግዚአብሔርን፡መንገድ፡ጠብቄያለኹና፥በአምላኬም፡አላመፅኹምና።
23፤ፍርዱ፡ዅሉ፡በፊቴ፡ነበረና፤ከሥርዐቱም፡አልራቅኹምና።
24፤በርሱ፡ዘንድ፡ቅን፡ነበርኹ፥ከኀጢአቴም፡ተጠበቅኹ።
25፤እግዚአብሔርም፡እንደ፡ጽድቄ፥እንደ፡እጄም፡ንጽሕና፡በዐይኖቹ፡ፊት፡መለሰልኝ።
26፤ከቸር፡ሰው፡ጋራ፡ቸር፡ኾነኽ፡ትገኛለኽ፤ከቅን፡ሰው፡ጋራ፡ቅን፡ኾነኽ፡ትገኛለኽ፤
27፤ከንጹሕ፡ጋራ፡ንጹሕ፡ኾነኽ፡ትገኛለኽ፤ከጠማማም፡ጋራ፡ጠማማ፡ኾነኽ፡ትገኛለኽ።
28፤አንተ፡የተጠቃውን፡ሕዝብ፡ታድናለኽና፤የትዕቢተኛዎችን፡ዐይን፡ግን፡ታዋርዳለኽ።
29፤አቤቱ፥አንተ፡መብራቴ፡ነኽና፤እግዚአብሔርም፡ጨለማዬን፡ያበራል።
30፤ባንተ፡ኀይል፡በጭፍራ፡ላይ፡እሮጣለኹና፤በአምላኬም፡ቅጥሩን፡እዘላ፟ለኹና።
31፤የአምላክ፡መንገድ፡ፍጹም፡ነው፤የእግዚአብሔር፡ቃል፡የነጠረ፡ነው፤በርሱ፡ለሚታመኑት፡ዅሉ፡ጋሻ፡ነው።
32፤ከእግዚአብሔር፡በቀር፡አምላክ፡ማን፡ነው፧ከአምላካችንስ፡በቀር፡ዐምባ፡ማን፡ነው፧
33፤ኀይልን፡የሚያስታጥቀኝ፥መንገዴንም፡የሚያቃና፥
34፤እግሮቼን፡እንደ፡ብሖር፡እግሮች፡የሚያበረታ፥በኰረብታዎችም፡የሚያቆመኝ፡እግዚአብሔር፡ነው።
35፤እጆቼን፡ሰልፍ፡ያስተምራል፤በክንዴም፡የናስ፡ቀስት፡እገትራለኹ።
36፤የማዳንኽንም፡ጋሻ፡ሰጠኸኝ፤ተግሣጽኽም፡አሳደገኝ።
37፤አረማመዴን፡በበታቼ፡አሰፋኽ፥እግሮቼም፡አልተንሸራተቱም።
38፤ጠላቶቼን፡አሳድዳቸዋለኹ፥አጠፋቸውማለኹ፤እስካጠፋቸውም፡ድረስ፡አልመለስም።
39፤አስጨንቃቸዋለኹ፡መቆምም፡አይችሉም፥ከእግሬም፡በታች፡ይወድቃሉ።
40፤ለሰልፍም፡ኀይልን፡ታስታጥቀኛለኽ፤በላዬ፡የቆሙትን፡በበታቼ፡ታስገዛቸዋለኽ።
41፤የጠላቶቼን፡ዠርባ፡ሰጠኸኝ፥የሚጠሉኝንም፡አጠፋኻቸው።
42፤ጮኹ፥የሚረዳቸውም፡አልነበረም፤ወደ፡እግዚአብሔር፡ጮኹ፥አልሰማቸውምም።
43፤እንደምድር፡ትቢያ፡ፈጨዃቸው፤እንደ፡አደባባይም፡ጭቃ፡ረገጥዃቸው፥ደቀደቅዃቸውም።
44፤ከሕዝብ፡ክርክር፡ታድነኛለኽ፤የአሕዛብም፡ራስ፡አድርገኽ፡ትሾመኛለኽ፤የማላውቀው፡ሕዝብም፡ይገዛልኛል።
45፤የባዕድ፡ልጆች፡ደለሉኝ፤በዦሮ፡ሰምተው፡ተገዙልኝ።
46፤የባዕድ፡ልጆች፡እየጠፉ፡ይኼዳሉ፤ከተዘጉ፡ስፍሮች፡እየተንቀጠቀጡ፡ይወጣሉ።
47፤እግዚአብሔር፡ሕያው፡ነው፥ጠባቂዬም፡ቡሩክ፡ነው፤የመድኀኒቴ፡ጠባቂ፡አምላኬ፡ከፍ፡ከፍ፡ይበል፤
48፤በቀሌን፡የሚመልስልኝ፡አምላክ፥አሕዛብን፡በበታቼ፡የሚያስገዛ፥
49፤ከጠላቶቼ፡የሚያወጣኝ፡ርሱ፡ነው፤በእኔም፡ላይ፡ከቆሙ፡ከፍ፡ከፍ፡ታደርገኛለኽ፤ከግፈኛ፡ሰው፡ታድነኛለኽ ።
50፤አቤቱ፥ስለዚህ፡በአሕዛብ፡ዘንድ፡አመሰግንኻለኹ፥ለስምኽም፡እዘምራለኹ።
51፤የንጉሡን፡መድኀኒት፡ታላቅ፡ያደርጋል፤ቸርነቱንም፡ለቀባው፥ለዳዊትና፡ለዘሩ፥ለዘለዓለም፡ይሰጣል።
_______________መጽሐፈ፡ሳሙኤል፡ካልዕ፥ምዕራፍ፡23።______________
ምዕራፍ፡23።
1፤የዳዊትም፡የመጨረሻ፡ቃሉ፡ይህ፡ነው።ከፍ፡ከፍ፡የተደረገው፥በያዕቆብም፡አምላክ፡የተቀባው፥በእስራኤል፡ዘ ንድ፡መልካም፡ባለቅኔ፡የኾነ፥የእሴይ፡ልጅ፡የዳዊት፡ንግግር፤
2፤የእግዚአብሔር፡መንፈስ፡በእኔ፡ተናገረ፤ቃሉም፡በአንደበቴ፡ላይ፡ነበረ።
3፤የእስራኤል፡አምላክ፡ተናገረኝ፤የእስራኤል፡ጠባቂ፡እንዲህ፡አለ፦በሰው፡ላይ፡በጽድቅ፡የሚሠለጥን፥በእግዚ አብሔርም፡ፍርሀት፡የሚነግሥ፥
4፤ርሱ፡እንደ፡ማለዳ፡ብርሃን፡እንደ፡ፀሓይ፡አወጣጥ፥በጧትም፡ያለ፡ደመና፡እንደሚደምቅ፥ከዝናብ፡በዃላ፡ከም ድር፡እንደሚበቅል፡ልምላሜ፡ይኾናል።
5፤በእውኑ፡ቤቴ፡በእግዚአብሔር፡ዘንድ፡እንዲሁ፡አይደለምን፧ከእኔም፡ጋራ፡በዅሉ፡ነገር፡ቅንና፡ጽኑ፡የኾነው ን፡የዘለዓለም፡ቃል፡ኪዳን፡አድርጓል፤መድኀኒቴንና፡ፈቃዴን፡ዅሉ፡ያበቅላል።
6፤ዐመፀኛዎች፡ዅሉ፡ግን፡ሰው፡በእጁ፡እንደማይዘው፥እንደተጣለ፡ሾኽ፡ናቸው።
7፤ማናቸውም፡ሰው፡ይነካው፡ዘንድ፡ቢወደድ፥በእጁ፡ብረትና፡የጦሩን፡የቦ፡ይይዛል፤በሥራቸውም፡በእሳት፡ፈጽሞ ፡ይቃጠላሉ።
8፤የዳዊት፡ኀያላን፡ስም፡ይህ፡ነው።የአለቃዎች፡አለቃ፡የኾነ፡ከነዓናዊው፡ኢያቡስቴ፡ነበረ፤ርሱም፡ጦሩን፡አ ንሥቶ፡ስምንት፡መቶ፡ያኽል፡ባንድ፡ጊዜ፡ገደለ።
9፤ከርሱም፡በዃላ፡የአሖሓዊው፡የዱዲ፡ልጅ፡ኤልያናን፡ነበረ፤ለሰልፍ፡የተሰበሰቡትን፡ፍልስጥኤማውያንን፡በተ ገዳደሩ፡ጊዜ፡ከዳዊት፡ጋራ፡ከሦስቱ፡ኀያላን፡አንዱ፡ርሱ፡ነበረ፤የእስራኤልም፡ሰዎች፡ተመለሱ።
10፤ርሱ፡ግን፡ተነሥቶ፡እጁ፡እስኪደክምና፡ከሰይፉ፡ጋራ፡እስኪጣበቅ፡ድረስ፡ፍልስጥኤማውያንን፡መታ፤በዚያም ፡ቀን፡እግዚአብሔር፡ታላቅ፡መድኀኒት፡አደረገ፤ሕዝቡም፡ከርሱ፡በዃላ፡ምርኮ፡ለመግፈፍ፡ብቻ፡ተመለሰ።
11፤ከርሱም፡በዃላ፡የአሮዳዊው፡የአጌ፡ልጅ፡ሳማ፡ነበረ።ፍልስጥኤማውያንም፡ምስር፡በሞላበት፡ዕርሻ፡በአንድ ነት፡ኾነው፡ተከማችተው፡ነበር፤ሕዝቡም፡ከፍልስጥኤማውያን፡ፊት፡ሸሹ።
12፤ርሱ፡ግን፡በዕርሻው፡መካከል፡ቆሞ፡ጠበቀ፥ፍልስጥኤማውያንንም፡ገደለ፤እግዚአብሔርም፡ታላቅ፡መድኀኒት፡ አደረገ።
13፤ከሠላሳውም፡አለቃዎች፡ሦስቱ፡ወርደው፡በመከር፡ጊዜ፡ወደ፡ዳዊት፡ወደዓዶላም፡ዋሻ፡መጡ፤የፍልስጥኤማውያ ንም፡ጭፍራ፡በራፋይም፡ሸለቆ፡ሰፍሮ፡ነበር።
14፤በዚያ፡ጊዜም፡ዳዊት፡በምሽጉ፡ውስጥ፡ነበረ፥የፍልስጥኤማውያንም፡ጭፍራ፡በዚያ፡ጊዜ፡በቤተ፡ልሔም፡ነበረ ።
15፤ዳዊትም፦በበሩ፡አጠገብ፡ካለችው፡ከቤተ፡ልሔም፡ምንጭ፡ውሃ፡ማን፡ባጠጣኝ፧ብሎ፡ተመኘ።
16፤ሦስቱም፡ኀያላን፡የፍልስጥኤማውያንን፡ሰራዊት፡ቀደ፟ው፡ኼዱ፥በበሩም፡አጠገብ፡ካለችው፡ከቤተ፡ልሔም፡ም ንጭ፡ውሃ፡ቀዱ፥ይዘውም፡ለዳዊት፡አመጡለት፤ርሱ፡ግን፡ሊጠጣ፡አልወደደም፥ነገር፡ግን፥ለእግዚአብሔር፡አፍሶ ፟፦
17፤አቤቱ፥ይህን፡ኣደርግ፡ዘንድ፡ከእኔ፡ይራቅ፤በነፍሳቸው፡ደፍረው፡የኼዱ፡ሰዎች፡ደም፡አይደለምን፧ብሎ፡ይ ጠጣ፡ዘንድ፡አልወደደም።ሦስቱ፡ኀያላን፡ያደረጉት፡ይህ፡ነው።
18፤የጽሩያም፡ልጅ፡የኢዮአብ፡ወንድም፡አቢሳ፡የሠላሳው፡አለቃ፡ነበረ።ርሱም፡ጦሩን፡በሦስቱ፡መቶ፡ላይ፡አን ሥቶ፡ገደላቸው፤ስሙም፡እንደ፡ሦስቱ፡ተጠርቶ፡ነበር።
19፤ርሱ፡በሠላሳው፡መካከል፡የከበረ፡አልነበረምን፧ስለዚህ፡አለቃቸው፡ኾኖ፡ነበር፤ነገር፡ግን፥ወደ፡ሦስቱ፡ አልደረሰም።
20፤በቀብጽኤል፡የነበረው፡ታላቅ፡ሥራ፡ያደረገው፡የጽኑዕ፡ሰው፡የዮዳዔ፡ልጅ፡በናያስ፡የሞዐባዊውን፡የቀብስ ኤልን፡ኹለት፡ልጆች፡ገደለ፤በዐመዳዩም፡ወራት፡ወርዶ፡በጕድጓድ፡ውስጥ፡አንበሳ፡ገደለ።
21፤ረዥሙንም፡ግብጻዊ፡ሰው፡ገደለ፤ግብጻዊው፡በእጁ፡ጦር፡ነበረው፤በናያስ፡ግን፡በትር፡ይዞ፡ወደ፡ርሱ፡ወረ ደ፥ከግብጻዊውም፡እጅ፡ጦሩን፡ነቅሎ፡በገዛ፡ጦሩ፡ገደለው።
22፤የዮዳዔ፡ልጅ፡በናያስ፡ያደረገው፡ይህ፡ነው፤ስሙም፡እንደ፡ሦስቱ፡ኀያላን፡ተጠርቶ፡ነበር።
23፤ከሠላሳውም፡ይልቅ፡የከበረ፡ነበረ፥ነገር፡ግን፥ወደ፡ሦስቱ፡አልደረሰም።ዳዊትም፡በክብር፡ዘበኛዎቹ፡ላይ ፡ሾመው።
24፤የኢዮአብም፡ወንድም፡ዐሳሄል፡በሠላሳው፡መካከል፡ነበረ፥የቤተ፡ልሔም፡ሰው፡የዱዲ፡
25፤ልጅ፡ኤልያናን፥አሮዳዊው፡ሳማ፥ሒሮዳዊው፡ኤሊቃ፥
26፤ፈልጣዊው፡ሴሌስ፥የቴቁሐዊው፡የዒስካ፡ልጅ፡ዒራስ፥
27፤ዓናቶታዊው፡አቢዔዜር፥ኩሳታዊው፡ምቡናይ፥
28፤አሖሓዊው፡ጸልሞን፥ነጦፋዊው፡ኖኤሬ፥
29፤የነጦፋዊው፡የበዓና፡ልጅ፡ሔሌብ፥ከብንያም፡ወገን፡
30፤ከጊብዓ፡የሪባይ፡ልጅ፡ኢታይ፥ጲርዓቶናዊው፡በናያስ፥የገዓስ፡ወንዝ፡ሰው፡ሂዳይ፥
31፤ዐረባዊው፡አቢዓልቦን፥በርሑማዊው፡ዓዝሞት፥
32፤ሸዓልቦናዊው፡ኤሊያሕባ፥የአሳን፡ልጆች፥ዮናታን፥
33፤አሮዳዊው፡ሳማ፡የአሮዳዊው፡የአራር፡ልጅ፡አምናን፥
34፤የማዕካታዊው፡ልጅ፡የአሐስባይ፡ልጅ፡ኤሌፋላት፥የጊሎናዊው፡የአኪጦፌል፡ልጅ፡ኤልያብ፥
35፤ቀርሜሎሳዊው፡ሐጽሮ፥አርባዊው፡ፈዓራይ፥
36፤የሱባ፡ሰው፡የናታን፡ልጅ፡ይግአል፥ጋዳዊው፡
37፤ባኒ፥የጽሩያ፡ልጅ፣የኢዮአብ፡ጋሻ፡ዣግሬዎች፥አሞናዊው፡ጼሌቅ፥ብኤሮታዊው፡
38፤ነሃራይ፥ይትራዊው፡ዒራስ፥ይትራዊው፡ጋሬብ፥
39፤ኬጢያዊው፡ኦርዮ፤ዅሉ፡በዅሉ፡ሠላሳ፡ሰባት፡ናቸው።
_______________መጽሐፈ፡ሳሙኤል፡ካልዕ፥ምዕራፍ፡24።______________
ምዕራፍ፡24።
1፤ደግሞም፡የእግዚአብሔር፡ቍጣ፡በእስራኤል፡ላይ፡ነደደ፥ዳዊትንም፦ኺድ፥እስራኤልንና፡ይሁዳን፡ቍጠር፡ብሎ፡ በላያቸው፡አስነሣው።
2፤ንጉሡም፡ኢዮአብንና፡ከርሱ፡ጋራ፡የነበሩትን፡የሰራዊት፡አለቃዎች።የሕዝቡን፡ድምር፡ዐውቅ፡ዘንድ፡ከዳን፡ ዠምሮ፡እስከ፡ቤርሳቤሕ፡ድረስ፡ተመላለሱ፥ሕዝቡንም፡ቍጠሯቸው፡አላቸው።
3፤ኢዮአብም፡ንጉሡን፦የጌታዬ፡የንጉሡ፡ዐይን፡እያየ፡አምላክኽ፡እግዚአብሔር፡ዛሬ፡ካለው፡ሕዝብ፡መጠን፡በላ ይ፡መቶ፡ዕጥፍ፡ይጨምርበት፤ጌታዬ፡ንጉሡ፡ግን፡ይህን፡ነገር፡ለምን፡ይወዳ፟ል፧አለው።
4፤ነገር፡ግን፥የንጉሡ፡ቃል፡በኢዮአብና፡በሰራዊቱ፡አለቃዎች፡ላይ፡አሸነፈ።ኢዮአብና፡የሰራዊቱ፡አለቃዎችም ፡የእስራኤልን፡ሕዝብ፡ይቈጥሩ፡ዘንድ፡ከንጉሥ፡ዘንድ፡ወጡ።
5፤ዮርዳኖስንም፡ተሻገሩ፤በጋድ፡ሸለቆ፡መካከል፡ባለችው፡በኢያዜር፡ከተማ፡ቀኝ፡በኩል፡በዐሮዔር፡ላይ፡ሰፈሩ ።
6፤ወደ፡ገለዓድም፡ወደተባሶን፡አዳሰይ፡አገር፡መጡ፤ወደ፡ዳንየዓንም፡ደረሱ፥ወደ፡ሲዶናም፡ዞሩ፥
7፤ወደጢሮስም፡ምሽግ፡ወደዔዊያውያንና፡ወደከነዓናውያንም፡ከተማዎች፡ዅሉ፡መጡ፤በይሁዳም፡ደቡብ፡በኩል፡በቤ ርሳቤሕ፡ወጡ።
8፤በአገሪቱም፡ዅሉ፡ላይ፡ተመላልሰው፡ከዘጠኝ፡ወርና፡ከኻያ፡ቀን፡በዃላ፡ወደ፡ኢየሩሳሌም፡መጡ።
9፤ኢዮአብም፡የሕዝቡን፡ቍጥር፡ድምር፡ለንጉሡ፡ሰጠ፤በእስራኤልም፡ሰይፍ፡የሚመዙ፟፡ስምንት፡መቶ፡ሺሕ፡ጽኑዓ ን፡ሰዎች፡ነበሩ፤የይሁዳም፡ሰዎች፡ዐምስት፡መቶ፡ሺሕ፡ነበሩ።
10፤ሕዝቡንም፡ከቈጠረ፡በዃላ፡ዳዊትን፡ልቡ፡መታው፤ዳዊትም፡እግዚአብሔርን፦ባደረግኹት፡ነገር፡እጅግ፡በድያ ለኹ፤አኹን፡ግን፥አቤቱ፥ታላቅ፡ስንፍና፡አድርጌያለኹና፡የባሪያኽን፡ኀጢአት፡ታርቅ፡ዘንድ፡እለምንኻለኹ፡አ ለው።
11፤ዳዊትም፡ማልዶ፡በተነሣ፡ጊዜ፥የእግዚአብሔር፡ቃል፡ወደዳዊት፡ባለራእይ፡ወደ፡ነቢዩ፡ወደ፡ጋድ፡እንዲህ፡ ሲል፡መጣ፦
12፤ኺድ፡ለዳዊት፦እግዚአብሔር፡እንዲህ፡ይላል፦ሦስት፡ነገሮች፡በፊትኽ፡አኖራለኹ፤አደርግብኽ፡ዘንድ፡ከነር ሱ፡አንዱን፡ምረጥ፡ብለኽ፡ንገረው፡አለው።
13፤ጋድም፡ወደ፡ዳዊት፡መጥቶ፦የሦስት፡ዓመት፡ራብ፡በአገርኽ፡ላይ፡ይምጣብኽን፧ወይስ፡ጠላቶችኽ፡እያሳደዱኽ ፡ሦስት፡ወር፡ከነርሱ፡ትሸሽን፧ወይስ፡የሦስት፡ቀን፡ቸነፈር፡በአገርኽ፡ላይ፡ይኹን፧አኹንም፡ለላከኝ፡ምን፡ መልስ፡እንደምሰጥ፡ዐስብና፡መርምር፡ብሎ፡ነገረው።
14፤ዳዊትም፡ጋድን፦እጅግ፡ተጨንቄያለኹ፤ምሕረቱ፡ብዙ፡ነውና፥በእግዚአብሔር፡እጅ፡እንውደቅ፤በሰው፡እጅ፡ግ ን፡አልውደቅ፡አለው።
15፤ዳዊትም፡ቸነፈሩን፡መረጠ፤የስንዴም፡መከር፡ወራት፡በኾነ፡ጊዜ፡ቸነፈሩ፡በሕዝቡ፡መካከል፡ዠመረ፤ከሕዝቡ ም፡ሰባ፡ሺሕ፡ሰው፡ሞተ።
16፤የእግዚአብሔርም፡መልአክ፡ኢየሩሳሌምን፡ያጠፋት፡ዘንድ፡እጁን፡በዘረጋ፡ጊዜ፡እግዚአብሔር፡ስለ፡ክፉው፡ ነገር፡ዐዘነ፥ሕዝቡንም፡የሚያጠፋውን፡መልአክ፦እንግዲህ፡በቃኽ፤እጅኽን፡መልስ፡አለው።የእግዚአብሔርም፡መ ልአክ፡በኢያቡሳዊው፡በኦርና፡ዐውድማ፡አጠገብ፡ነበረ።
17፤ዳዊትም፡ሕዝቡን፡የሚመታውን፡መልአክ፡ባየ፡ጊዜ፡እግዚአብሔርን፦እንሆ፥እኔ፡በድያለኹ፡ጠማማም፡ሥራ፡እ ኔ፡አድርጌያለኹ፤እነዚህ፡በጎች፡ግን፡እነርሱ፡ምን፡አደረጉ፧እጅኽ፡በእኔና፡በአባቴ፡ቤት፡ላይ፡እንድትኾን ፡እለምንኻለኹ፡ብሎ፡ተናገረው።
18፤በዚያም፡ቀን፡ጋድ፡ወደ፡ዳዊት፡መጥቶ፦ውጣ፥በኢያቡሳዊው፡በኦርና፡ዐውድማ፡ለእግዚአብሔር፡መሠዊያ፡ሥራ ፡አለው።
19፤ዳዊትም፡እግዚአብሔር፡እንዳዘዘው፡እንደ፡ጋድ፡ነገር፡ወጣ።
20፤ኦርናም፡ሲመለከት፡ንጉሡና፡ባሪያዎቹ፡ወደ፡ርሱ፡ሲመጡ፡አየ፤ኦርናም፡ወጥቶ፡በንጉሡ፡ፊት፡በምድር፡ላይ ፡በግንባሩ፡ተደፋ።
21፤ኦርናም፦ጌታዬን፡ንጉሡን፡ወደ፡ባሪያው፡ያመጣው፡ምክንያት፡ምንድር፡ነው፧አለ።ዳዊትም፦መቅሠፍቱ፡ከሕዝ ቡ፡ላይ፡ይከለከል፡ዘንድ፡ዐውድማውን፡ከአንተ፡ገዝቼ፡ለእግዚአብሔር፡መሠዊያ፡ልሠራ፡ነው፡አለው።
22፤ኦርናም፡ዳዊትን፦ጌታዬ፡ንጉሡ፡እንደ፡ወደደ፡ወስዶ፡ያቅርብ፤እንሆ፥ለሚቃጠል፡መሥዋዕት፡በሬዎች፥ለሚቃ ጠልም፡ዕንጨት፡የዐውድማ፡ዕቃና፡የበሬ፡ቀንበር፡አለ።
23፤ንጉሥ፡ሆይ፥ይህን፡ዅሉ፡ኦርና፡ለንጉሡ፡ይሰጣል፡አለው፤ኦርናም፡ንጉሡን፦አምላክኽ፡እግዚአብሔር፡ይቀበ ልኽ፡አለው።
24፤ንጉሡም፡ኦርናን፦እንዲህ፡አይደለም፥ነገር፡ግን፥በዋጋ፡ከአንተ፡እገዛለኹ፤ለአምላኬም፡ለእግዚአብሔር፡ የሚቃጠል፡መሥዋዕት፡ያለዋጋ፡አላቀርብም፡አለው።ዳዊትም፡ዐውድማውንና፡በሬዎቹን፡በዐምሳ፡ሰቅል፡ብር፡ገዛ ።
25፤በዚያም፡ዳዊት፡ለእግዚአብሔር፡መሠዊያ፡ሠራ፥የሚቃጠልና፡የደኅንነትንም፡መሥዋዕት፡አቀረበ።እግዚአብሔ ርም፡ስለ፡አገሪቱ፡የተለመነውን፡ሰማ፥መቅሠፍቱም፡ከእስራኤል፡ተከለከለ፨

http://www.gzamargna.net