ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

መርስዔ፡ሐዘን፡ወልደ፡ቂርቆስ፡(ብላታ)

•••

("ያማርኛ፡ሰዋስው"፥አርቲስቲክ፡ማተሚያ፡ቤት፥ዐዲስ፡አበባ፥፲፱፻፵፰፡ዓ.፡ም፥ገጽ፡221።)

•••

ምሳሌ፡(ተረት)

ባማርኛ፥ከቀድሞ፡ዠምሮ፥ከአበው፡ሲያያዝ፡የመጣ፡ብዙ፡የምሳሌ፡ንግግር፡አለ።ሽማግሌዎቻ ችን፡'እከሥት፡በምሳሌ፡አፉየ'፡ያለውን፡ሲገልጡ፥'ነገር፡በምሳሌ፤ጠጅ፡በብርሌ'፡ብለው፡ይ ተርታሉ።በግብሩ፡'ምሳሌ'፡ይባላል፤በጥንታዊነቱም፡'ተረት'፡ይባላል።በርሱም፥ሕግና፡ምክር ፥ሌላም፡ልዩ፡ልዩ፡ዐይነት፡ትምህርት፡ይገኝበታል።የሕግ፡ትምህርት፡ከመኾኑ፡የተነሣ፥በ ዱሮ፡ዘመን፥ጨዋው፡ሲተችና፡ሲፈርድ፥ለነገሩ፡የሚስማማውን፡አንዳንድ፡ምሳሌ፡እየጨመረ፡ ይናገር፡ነበር።ይኸውም፥አንቀጽ፡ጠቅሶ፡እንደ፡መፍረድ፡መኾኑ፡ይመስላል።

ለፍርድ፡ጕዳይ፡ሲጠቀሱ፡ከነበሩት፡ምሳሌዎች፡አብዛኞቹ፡ከፍርድ፡መጻሕፍት፡ጋራ፡በምስጢ ር፡የተባበሩና፡የተስማሙ፡ናቸው።እንሆ፥ስለ፡ሕግ፡ከሚጠቀሱት፡ምሳሌዎች፡ጥቂቶቹን፡በሚ ከተለው፡ጽፈን፡እናሳያለን።

፩) ሺ፡በመከር፥አንድ፡በወረወር።[ሺ፡በመከረ፥አንድ፡በወረወረ።]

፪) ካያያዝ፡ይቀደዳል፤ካነጋገር፡ይፈረዳል።

፫) ባንድ፡ራስ፡ኹለት፡ምላስ።

፬) ባፍ፡ይጠፉ፥በለፈለፉ።

፭) ሳይገድሉ፡ጐፈሬ፤ሳይስረግጡ፡ወሬ።

፮) ዓሣ፡ጐርጓሪ፡ዘንዶ፡ያወጣል፤የሰው፡ፈላጊ፡የራሱን፡ያጣል።

፯) ለወሬ፡የለው፡ፍሬ፤ላበባ፡የለው፡ገለባ።

፰) ደባ፡ራሱን፤ስለት፡ድጕሱን።

፱) ተልጅ፡አትጫወት፤የወጋኻል፡በንጨት።

፲) ተዋጊ፡በሬኽን፥ተናካሽ፡ውሻኽን፡(ያዝ)።

፲፩) አንድ፡አይነድ፤አንድ፡አይፈርድ።

፲፪) ባፈሳ፡ይታፈሳል፤በነጠር፡ይመለሳል።

፲፫) ያባት፡ዕዳ፡ለልጅ፤ያፍንጫ፡እድፍ፡ለእጅ።

፲፬) ከኑግ፡የተገኘኽ፡ሰሊጥ፥ዐብረኽ፡ተወቀጥ።

፲፭) የሌባ፡ዋሻ፤የቀማኛ፡መሸሻ።

፲፮) የሰው፡በልቶ፥አያድሩም፡ተኝቶ።

፲፯) እንደ፡ልጅ፡በቀለበት፤እንደ፡ድመት፡በወተት።

፲፰) እካስ፡ያለ፡ታግሦ፤እጸድቅ፡ያለ፡መንኵሶ።

፲፱) ዳኛ፡ይመረምራል፤ጣዝማ፡ይሰረስራል።

፳) ተመመርመር፡ይገኛል፡ነገር።

፳፩) ተአፍ፡ከወጣ፡አፋፍ።

፳፪) ውሻ፡በበላበት፡ይጮኻል።

፳፫) ዋቢ፡ያለው፡ያመልጣል፤ዋቢ፡የሌለው፡ይሰጥማል።

፳፬) የግፍ፡ግፍ፥በዕንቅርት፡ላይ፡ዦሮ፡ገድፍ።

፳፭) ሥራ፡ለሠሪው፥ሾኽ፡ላጣሪው።

፳፮) ከተዘጋ፡ቤቴ፤ከተዳፈነ፡እሳቴ።

፳፯) ለንጉሥ፡ያልረዳ፤ከባሕር፡ያልቀዳ።

፳፰) አያገባው፡ገብቶ፤አያወዛው፡ተቀብቶ።

፳፱) አልሞት፡ባይ፡ተጋዳይ፡

፴) የሞተ፡አይከሰስ፤የፈሰሰ፡አይታፈስ።

፴፩) የበላ፡ዳኛ፤የወጋ፡መጋኛ።

፴፪) ያልጠረጠረ፡ተመነጠረ።

፴፫) አለውድ፥በግድ።

፴፬) ንጉሥ፡አይከሰስ፤ሰማይ፡አይታረስ።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ

ተረትና፡ምሳሌ

ደስታ፡ተክለ፡ወልድ

መርስዔ፡ሐዘን፡ወልደ፡ቂርቆስ

1000፡ተረትና፡ምሳሌ፡(ይዘጋጃል)