ግእዝ ዐማር ኛ

ዓሥራት፡ገብረ፡ማርያም

("ትምህርተ፡መለኮት"፥አርቲስቲክ፡ማተሚያ፡ቤት፥ዐዲስ፡አበባ፥፲፱፻፹፫፡ዓ.ም.፥ገጽ፡298-307)

•••

መንፈሳውያን፡በዓላትና፡የቀን፡አቈጣጠር

በልዩ፡ልዩ፡ጊዜያት፡እግዚአብሔር፡ለሰው፡ልጆች፡ያደላቸውን፡ጸጋና፡በረከት፡ምእመናን፡ ዅሉ፡በምስጋና፡እንዲያስታውሱና፡ፈጣሪ፡አምላክን፡እንዲያከብሩባቸው፡ቤተ፡ክርስቲያን፡ መንፈሳውያን፡በዓላትን፡የደነገገችው፡በመንፈስ፡ቅዱስ፡ተመርታ፡ነው።

የበዓላትም፡መከበር፡የቤተ፡ክርስቲያን፡ባህል፡ብቻ፡ሳይኾን፥ወደ፡ዘመነ፡ኦሪት፡መለስ፡ ያልን፡እንደ፡ኾነ፥እስራኤላውያን፡ልዩ፡ልዩ፡በዓላትን፡እንዲያከብሩ፡የታዘዙ፡መኾናቸው ን፡ለመረዳት፡የሚከተሉትን፡ጥቅሶች፡እንመልከት።

"እግዚአብሔር፡ሙሴን፡እንዲህ፡አለው፦መላው፡የእስራኤል፡ሕዝብ፡ለአምልኮ፡ስለሚሰበሰቡባ ቸው፡የሃይማኖት፡በዓላት፡አከባበር፡የተሰጡት፡የሥርዐት፡መመሪያዎች፡እንዚህ፡ናቸው።ሥ ራ፡የምትሠሩባቸው፡ስድስት፡ቀኖች፡አሉላችኹ፤ሰባተኛው፡ዕለተ፡ሰንበት፡ግን፡የዕረፍት፡ ቀን፡መኾኑን፡አስታውሱ፤በዚያ፡ዕለት፡ለአምልኮ፡ተሰብሰቡ፡እንጂ፡ምንም፡ሥራ፡አትሥሩበ ት።"፡(ዘሌ.፡ም.23፥ቍ.1-3)፡

"እግዚአብሔር፡የሚከበርበት፡የፋሲካ፡በዓል፥የመዠመሪያው፡ወር፡በገባ፡ባሥራ፡አራተኛው፡ ቀን፥ጀንበር፡ጠልቃ፡መሸትሸት፡ሲል፡ይዠምራል፤ባሥራ፡አምስተኛው፡ቀን፡የቂጣ፡በዓል፡ይ ዠምራል።"፡(ዘሌ.፡ም.23፥ቍ.5-6)

"ከሰባተኛው፡ሰንበት፡በኋላ፥በኀምሳኛው፡ቀን፥እንደ፡ገና፡ያዲስ፡እኽል፡ቍርባን፡ለእግዚ አብሔር፡ታቀርባለኽ።"(ዘሌ.፡ም.23፥ቍ.16)

"በሰባተኛው፡ወር፡መዠመሪያ፡ዕለት፥ልዩ፡የዕረፍት፡ቀን፡ታከብራላችኹ፤የመለከት፡ድምፅ፡ በምትሰሙበት፡ጊዜ፥እግዚአብሔርን፡ለማምለክ፡ተሰብሰቡ።ለእግዚአብሔር፡የምግብ፡መባ፡አ ቅርቡበት፡እኝጂ፡በዚያ፡ቀን፡ምንም፡ሥራ፡አትሥሩበት።"፡(ዘሌ.፡ም.23፥ቍ.23-25)

"ሰባተኛው፡ወር፡ከገባ፡በኋላ፡ያለው፡ዐሥረኛው፡ቀን፡የሕዝቡን፡ኀጢአት፡ለማስወገድ፡ዓመ ታዊ፡ሥርዐት፡የሚፈጸምበት፡ዕለት፡ነው።"፡(ዘሌ.፡ም.23፥ቍ.26)

"የዳስ፡በዓል፡ሰባተኛው፡ወር፡ከገባ፡ካሥራ፡ዐምስተኛው፡ቀን፡ዠምሮ፡እስከ፡ሰባት፡ቀን፡ ድረስ፡ይከበራል።"፡(ዘሌ.፡ም.23፥ቍ.33-34)

ምንም፡እንኳ፡ሐዋርያው፡ጳውሎስ፥አንደንዶቹ፡የሙሴ፡ሕግጋት፡ለክርስቲያን፡ሃይማኖት፡አ ስፈላጊ፡አለመኾናቸውን፡ቡጠቍም፥በሐዋርያት፡ሥራ፡ም.18፡ቍ.21፡ላይ፡እንደተመለከተው፥"የሚመጣውን፡በዓል፡ኢየሩሳሌም፡ኼጄ፡ማክበር፡አለብኝ"፡ማለቱ ፥የመንፈሳዊ፡በዓላትን፡ማክበር፡አስፈላጊነት፡ያመነበት፡መኾኑን፡ያመለክተናል።

ባመት፡ውስጥ፡ብዙ፡ዓለማዊ፡በዓላትን፡የምናከብር፡ከኾነ፥የእግዚአብሔርን፡ውለታዎች፡ማ ስታወሻና፡እግዚአብሔር፡ያከበራቸውን፡የመላእክትንና፡የቅዱሳንን፡በዓላትማ፡ምንኛ፡ማክ በር፡እንደሚገባን፡መገመት፡እንችላለን።

የክርስቲያኑ፡ዓለም፥ኹለት፡የተለያዩ፡የዘመን፡አቆጣጠሮችን፡ተከትሎ፡የሚጓዘው፡ባ451፡ዓ.፡ም.፡ለተፈጸመው፡የቤተ፡ክርስቲያን፡መከፋፈል፡መፍትሔ፡ተፈልጎለት፡ወደ፡ቀድሞው፡አንድነት ፡ከመመለስ፡ይልቅ፡ልዩነቶቹና፡የልዩነቶቹ፡ምክንያቶች፡እየበዙ፡እንዲኼዱ፡በመደረጋቸው ፡ነው።

የምዕራቡ፡ዓለም፡የቀን፡አቈጣጠር፥ከክርስቶስ፡ልደት፡በፊት፥የዩልዮስ፡ቄሳር፡አቈጣጠር ፡ተብሎ፡ይጠራ፡የነበረውን፡ደንብ፡ተከትሎ፡እስከ፡1582፡ዓ.፡ም፡ድረስ፡ከቈየ፡በኋላ፥ጎርጎርዮስ፡በተባለው፡የሮማ፡ቤተ፡ክርስቲያን፡መሪ፡አማካይነ ት፥የከዋክብት፡ሊቃውንት፡ተሰብስበው፡የዘመን፡አቈጣጠሩን፡እንዲያስተካክሉት፡የተደረገ ፡ነው።ስለዚህ፡ነው፡የምዕራባውያኑ፡የቀን፡አቈጣጠር፡ጎርጎርዮሳዊ፡የሚል፡ቅጽል፡ስም፡ የተሰጠው።

የምሥራቃውያኑ፡የቀን፡አቈጣጠሩ፡ግን፡ከ188፡እስከ፡230፡ዓ.፡ም.፡የግብጽ፡ቤተ፡ክርስቲያን፡መሪ፡በነበረው፥ድሜጥሮስ፡በተባለው፡ጻድቅ፡አማካይነት፡የተ ዘጋጀውን፡ባሕረ፡ሐሳብ፡የሚከተል፡ነው።ይህንንም፡ባሕረ፡ሐሳብ፡ባዘጋጀበት፡ጊዜ፥በጊዜ ው፡በነበረ፡በጥሊሞስ፡በተባለ፡የከዋክብት፡ሊቅ፡የተረዳ፡መኾኑ፡ይነገራል።(የግብጽ፡ሕዝብ፡ታሪክ፥ገጽ፡51)

ከዚህ፡ቀጥሎ፡ባጪሩ፡የቀረበው፥በድሜጥሮስ፡ባሕረ፡ሐሳብ፡መሠረት፥የኦርቶዶክስ፡ቤተ፡ክ ርስቲያን፡የበዓላትና፡የአጽዋማት፡አቈጣጠር፡ነው።በዅሉም፡ዘንድ፡መታወቃቸው፡በጣም፡አ ስፈላጊ፡መኾኑ፡የታመነባቸው፡አቈጣጠሮች፡ባጪሩ፡ቀረቡ፡እንጂ፡በባሕረ፡ሐሳቡ፡ውስጥ፡የ ሚገኙት፡ቁም፡ነገሮች፡ግን፡ብዙ፡ናቸው።

ለማስረዳትም፡ኾነ፡ለመረዳት፡አመቺ፡ይኾን፡ዘንድ፥በምሳሌነት፡የቀረበው፡ዘመን፡1982፡ዓ.፡ም.፡ነው።

የቃላት፡ትርጕም፤

ጥንተ፡ቀመር፤ዕለተ፡ማግሰኞ፡ሲኾን፥ርሱም፡ቅመራ፡ወይም፡ስሌት፡የተዠመረበት፡ቀን፡ነው ።

ሕጸጽ፤ከመስከረም፡ዠምሮ፡በየኹለት፡ወሩ፡የሚገኝ፡አንድ፡ቀን፡ማለት፡ነው።ለምሳሌ፡በጥ ቅምት፡መጨረሻ፡አንድ፡ሕጸጽ፡አለ፤በታኅሣሥ፡መጨረሻ፡ኹለት፡ይኾናል፤እንዲሁም፡በየካቲ ት፡መጨረሻ፡ሦስት፡እያለ፡ይቀጥላል።

ሠርቀ፡መዓልት፤ከወሩ፡ቀኖች፡እያንዳንዱ፡የሚውልበት፡ዕለት፡ነው።ለምሳሌ፥የዛሬው፡ቀን ፡የቃና፡ዘገሊላ፡በዓል፡ቢኾን፥ሠርቀ፡መዓልቱ፡ዐሥራ፡ኹለት፡ነው፡ማለት፡ነው።

ሠርቀ፡ሌሊት፤ለጸሎት፡የምንጠቀምበት፡አቈጣጠር፡ነው።ርሱም፡ሠርቀ፡መዓልትን፥አበቅቴን ና፡ሕጸጽን፡በመደመር፡ይገኛል።

ዐውደ፡ወርኅ፤በፀሓይ፡ሠላሳ፡ቀኖች፥በጨረቃ፡ግን፡አንድ፡ጊዜ፡30፥አንድ፡ጊዜ፡29፥በመኾ ን፡ይፈራረቃሉ።በዚህም፡መሠረት፥የዓመቱ፡ቀኖች፡በፀሓይ፡ከጳጉሜን፡ጋራ፡365፥በጨረቃ፡ግ ን፡ጳጉሜን፡ሳይጨምር፡354፡ቀን፡ነው።

ተውሳክ፤ለተለያዩ፡አቈጣጠሮች፡መነሻ፡ወይም፡ተጨማሪ፡በመኾን፡የሚያገለግል፥በተለያዩ፡ መንገድ፡የሚገኝ፡ቍጥር፡ነው።ለምሳሌ፥የዕለታት፡ተውሳክ፡የሚከተሉት፡ናቸው፤ቅዳሜ፡8፥እ ሑድ፡7፥ሰኞ፡6፥ማግሰኞ፡5፥ረቡዕ፡4፥ሐሙስ፡3፥ዐርብ፡2።

መጥቅዕ፤ከዕለታት፡ተውሳክ፡ጋራ፡የአጽዋማትና፡የበዓላት፡ማውጫ፡ነው።

አበቅቴ፤ከሠርቀ፡መዓልትና፡ከሕጸጽ፡ጋራ፡የሌሊት፡ማውጫ፡ነው።

ዐቢይ፡ቀመር፤532፡ዓመት፡ነው።

ማእከላዊ፡ቀመር፤76፡ዓመት፡ነው።

ንኡስ፡ቀመር፤19፡ዓመት፡ነው።

መባጃ፡ሐመር፤በዓለ፡መጥቅዕና፡መጥቅዑ፡የዋለበት፡ተውሳክ፡ተደምረው፡ጾመ፡ነነዌን፥እን ዲሁም፡ሌሎቹን፡አጽዋማትና፡በዓላት፡ለማግኘት፡የሚያገለግል፡ቍጥር፡ነው።

ከክርስቶስ፡ልደት፡በፊት፡ዘመን፡የተቈጠረለት፡ጊዜ፡5500፡ዓመት፡ነው።

ከክርስቶስ፡ልደት፡ዠምሮ፡እስከ፡ዛሬ፡ድረስ፡1982፡ዓ.፡ም.፡ነው።

የነዚህ፡የኹለቱ፡ድምር፡(550+1982=7482)፡ዓመተ፡ዓለም፡ይባላል።

የበዓላትና፡የአጽዋማት፡አቈጣጠር፤

የዘመን፡መለወጫ፤ዓመቶች፡ዅሉ፡በያንዳንዱ፡ወንጌላዊ፡ስም፡የሚፈራረቁ፡ኾነው፥ቍጥራቸው ም፡እንደ፡ቅደም፡ተከተላቸው፡ነው፤1፡ማቴዎስ፥2፡ማርቆስ፥3፡ሉቃስ፥4፡ዮሐንስ።

አንድን፡ዘመን፡በማነኛው፡ወንጌላዊ፡ስም፡የሚጠራ፡መኾኑን፡ለማወቅ፥ዓመተ፡ዓለሙን፡ላራ ት፡እናካፍለውና፥ተራፊው፡1፡ቢኾን፡ዘመነ፡ማቴዎስ፥ተራፊው፡2፡ቢኾን፡ዘመነ፡ማርቆስ፥ተ ራፊው፡3፡ቢኾን፡ዘመነ፡ሉቃስ፥ተራፊው፡4፡ቢኾን፡ዘመነ፡ዮሐንስ፡ነው፡እንላለን።

ለምሳሌ፥በ1982፡ዓ.፡ም.፥በድምር፡የተገኘውን፡ዓመተ፡ዓለም፡(550+1982=7482)፡ላራት፡ስናካፍለው፥1870፡ደርሶ፡ተራፊው፡2፡ስለ፡ኾነ፥1982፡ዓ.፡ም.፡ዘመነ፡ማርቆስ፡ነው፡ማለት፡ነው።ላራት፡ሲካፈል፡የሚደርሰው፡ድርሻ፡(1870)፡ራብዒት፡ይባላል፤ይህም፡ተራፊውን፡(2ን)፡አይጨምርም።

የዘመን፡መለወጫ፥ማለት፥መስከረም፡1፡ቀን፥ከሳምንቱ፡ቀኖች፡በየትኛው፡ቀን፡እንደሚውል፡ ለማወቅ፥ዓመተ፡ዓለምንና፡ራብዒትን፡ካዳመርን፡በኋላ፡የሚገኘውን፡ውጤት፡ለሰባት፡አካፍ ለን፡ተራፊውንና፡ጥንተ፡ቀመርን፡በማገናዘብ፡ልናገኘው፡እንችሊለን።

ለምሳሌ፥የ1982፡ዓ.፡ም.፡መስከረም፡1፡ቀን፡መቼ፡እንደሚውል፡ለማወቅ፡ዓመተ፡ዓለሙን፡7482፡ከራብዒት፡1870፡ጋ ራ፡አዳምረን፡የምናገኘውን፡9352፡ውጤት፡ለ7፡ስናካፍለው፡ያለምንም፡ትርፍ፡1336፡ይደርሳ ል።ያለምንም፡ትርፍ፡ሲካፈል፡ደግሞ፥የተካፈለው፡ለሰባት፡እንደ፡መኾኑ፥ሰባት፡እንደ፡ተ ረፈን፡አድርገን፡እንቈጥረዋለን።በዚህም፡መሠረት፥ከጥንተ፡ቀመር፥ማለት፥ከማግሰኞ፡ዠም ረን፡ሰባት፡ቀኖችን፡የቈጠርን፡እንደ፡ኾነ፥ሰኞ፡ላይ፡ስለሚያርፍ፥የ1982፡ዓ.፡ም.፡መስከረም፡1፡ቀን፡የሚውለው፡ሰኞ፡ዕለት፡ነው፡ማለት፡ነው።

የ1982፡ዓ.፡ም.፡በዓለ፡መጥቅዕ፤ዓመተ፡ዓለሙን፡ለዐቢይ፡ቀመር፡ስናካፍለው፡(7482፥532)፥14፡ደርሶ፡34፡ይተርፋል።ተራፊውን፡34፡ደግሞ፡ለንኡስ፡ቀመር፡ስናካፍለው፡(34፥19)፥1፡ደርሶ፡15፡ይተርፋል።ከዚህ፡ከተራፊው፡ላይ፡1፡መግደፍ፡ደንብ፡ስለ፡ኾነ፥ቀሪው፡14 ፡ይኾናል፡ማለት፡ነው።ይህም፡መጥቅዕንና፡አበቅቴን፡ለማስገኘት፡በማባዣነት፡የሚጠቅም፡ መደብ፡የተባለ፡ቍጥር፡ነው።

መደብን፡በንኡስ፡ቀመር፡አባዝተን፡የተገኘውን፡ውጤት፡ለ30፡ካካፈልን፡በኋላ፡የሚገኘው፡ ትርፍ፡የዘመኑ፡መጥቅዕ፡ይኾናል።

ለምሳሌ፡(14*19)/30=8፡ደርሶ፡26፡ይተርፋል።ይህ፡ተራፊ፡26፡የ1982፡ዓ.፡ም.፡መጥቅዕ፡ነው።ሰኞ፡ዕለት፡ከዋለው፡መስከረም፡1፡ቀን፡ተነሥተን፡26፡ቀን፡የቈጠርን፡እ ንደ፡ኾነ፥የ1982፡ዓ.፡ም.፡በዓለ፡መጥቅዕ፡ዐርብ፡መስከረም፡26፡ቀን፡የሚውል፡ኾኖ፡እናገኘዋለን።

መጥቅዕ፡ካ1፡እስካ13፡ቢኾን፥በዓለ፡መጥቅዑ፡በጥቅምት፡ይኾናል፤ካ15፡በላይ፡ከኾነ፡ግን ፡በመስከረም፡ይኾናል።

የ1982፡ዓ.፡ም.፡አበቅቴ፤የጨረቃ፡ዓመት፡354፡ቀኖች፡ከፀሓይ፡ዓመት፡365፡ቀኖች፡ላይ፡ቢቀነስ፡11፡ቀን ፡ይተርፋል።ወይም፡ደግሞ፡ያመቱ፡6፡ሕጸጽና፡5፡ጳጉሜን፡ቢደመሩ፥11፡ይኾናሉ።

ይህን፡11፡ቍጥር፡ቀደም፡ብለን፡በስሌት፡ባገኘነው፡መደብ፥ማለት፡ባ14፡አባዝተን፡የምናገ ኘውን፡154፡ውጤት፡ለ30፡ስናካፍል፡5፡ደርሶ፡የሚተርፈው፡4፡የ1982፡ዓ.፡ም.፡አበቅቴ፡ነው።

መጥቅዕና፡አበቅቴ፡ተደምረው፥ምን፡ጊዜም፡ቢኾን፡30፡መኾን፡አለባቸው፡(ለምሳሌ፡26+4=30)።

መባጃ፡ሐመር፤ቀደም፡ተብሎ፡እንደተገለጸው፥መጥቅዕና፡በዓለ፡መጥቅዑ፡የዋለበት፡ዕለት፡ ተውሳክ፡ተዳምሮ፡መባጃ፡ሐመር፡ይኾናል።

ለምሳሌ፥የ1982፡ዓ.፡ም.፡በዓለ፡መጥቅዕ፡የዋለው፡በዐርብ፡ቀን፡ስለ፡ኾነና፥የዐርብ፡ተውሳክ፡ደግሞ፡ኹለት፡ስለ ፡ኾነ፥2ንና፡26ን፡በመደመር፡የ1982፡ዓ.፡ም.፡መባጀ፡ሐመር፡መስከረም፡28፡ቀን፡ይውላል፡ማለት፡ነው።

ጾመ፡ነነዌ፤ከሳምንቱ፡ቀኖች፡መስከረም፡1፡ቀን፡የዋለበት፡ዕለት፡ማግስት፡ጥር፡1፡ቀን፡ ይውላል።የ1982፡ዓ.፡ም.፡መባጃ፡ሐመር፡28፡ነው፡ብለናል።ጾመ፡ነነዌ፥መባጃ፡ሐመር፡በዋለበት፡ዕለት፡የሚውል፡እ ንደ፡መኾኑ፥የ1982፡ዓ.፡ም.፡ጾመ፡ነነዌ፡ጥር፡28፡ቀን፡ይውላል፡ማለት፡ነው።

መባጃ፡ሐመር፡ለነነዌ፡ጾም፡መሠረት፡እንደ፡ኾነ፥እንዲሁም፡የነነዌ፡ጾም፡ለአጽዋማትና፡ ለበዓላት፡አወጣጥ፡መሠረት፡ነው።ጾመ፡ነነዌ፡የሚዠምረው፡ዅል፡ጊዜ፡በሰኞ፡ቀን፡ነው።

ዐቢይ፡ጾም፤ከነነዌ፡ጾም፡ዠምሮ፡ዐቢይ፡ጾም፡እስከሚዠምርበት፡ቀን፡ድረስ፡14፡ቀኖች፡ና ቸው።የዐቢይ፡ጾም፡ተውሳክ፡14፡ነው፡የሚባለውም፡በዚሁ፡ምክንያት፡ነው።14ቱን፡ተውሳክና ፡የ1982፡ዓ.፡ም.፡መባጃ፡ሐመርን፡ብንደምራቸው፥ውጤቱ፡42፡ይኾናል።ካ42፡ላይ፡30ን፡በመቀነስ፡ቀሪው፡12 ፡ስለሚኾን፥የ1982፡ዐቢይ፡ጾም፡መግቢያ፡የካቲት፡12፡ቀን፡ይኾናል፡ማለት፡ነው።ዐቢይ፡ጾ ም፡የሚዠምረው፡ዅል፡ጊዜ፡በሰኞ፡ቀን፡ነው።

ደብረ፡ዘይት፤ከነነዌ፡መግቢያ፡ማግስት፡ዠምሮ፡እስከ፡ደብረ፡ዘይት፡ድረስ፡41፡ቀኖች፡ና ቸው።ካ41ዱ፡ላይ፡30፡የቀነስን፡እንደ፡ኾነ፡11፡ይተርፋል።የደብረ፡ዘይት፡ተውሳክ፡11፡ ነው፡የሚባለውም፡በዚሁ፡ምክንያት፡ነው።የ1982፡ዓ.፡ም.፡መባጃ፡ሐመርን፡ካ11ዱ፡ተውሳክ፡ጋራ፡ስንደምረው፡39፡ስለሚኾን፥ከውጤቱ፡ላይ፡30፡ቀን ሰን፡9፡ይተርፈናል።በዚህም፥የደብረ፡ዘይት፡በዓል፡መጋቢት፡9፡ቀን፡እንደሚውል፡እንረዳ ለን።እንዲሁም፥በዐቢይ፡ጾም፡መግቢያ፡ላይ፡27፡ቢጨመር፡ደብረ፡ዘይት፡ይገኛል።የደብረ፡ ዘይት፡በዓል፡የሚውለው፡ዅል፡ጊዜ፡በእሑድ፡ቀን፡ነው።

ሆሳዕና፤ከነነዌ፡ጾም፡መግቢያ፡ማግስት፡እስከ፡ሆሳዕና፡ድረስ፡62፡ቀኖች፡ናቸው።ከ62፡ላ ይ፡ኹለት፡30ዎችን፡(ማለት፡60ን)፡ስንቀንስ፥2፡ይተርፈናል።ስለዚህም፡ነው፡የሆሳዕና፡ተውሳክ፡2፡ነው፡የሚባለው።ኹለት፡ ተውሳክንና፡28፡መባጃ፡ሐመርን፡ስንደምራቸው፥ሙሉ፡30፡ስለሚኾን፥የ1982፡ዓ.፡ም.፡የሆሳዕና፡በዓል፡የሚውለው፡በመጋቢት፡30፡ቀን፡ነው፡ማለት፡ነው።በሌላ፡በኩል፡ደግሞ፥ በደብረ፡ዘይት፡ላይ፡21፡ቢጨመር፥ሆሳዕና፡ይገኛል።ሆሳዕና፡ዅል፡ጊዜ፡በእሑድ፡ቀን፡ይው ላል።

ስቅለት፤ከነነዌ፡ጾም፡መግቢያ፡ማግስት፡እስከ፡ስቅለት፡ድረስ፡67፡ቀኖች፡ናቸው።ከ67፡ላ ይ፡ኹለት፡30ዎችን፡(ማለት፡60ን)፡ቀንስን፡የሚተርፈን፡7፡የስቅለት፡ተውሳክ፡ነው።ኻያ፡ስምንት፡መባጃ፡ሐመርንና፡7፡ተው ሳክን፡ስንደምራቸው፡35፡እናገኛለን።ከ35፡ላይ፡30፡ሲቀነስ፡5፡ስለሚተርፍ፥የ1982፡ዓ.፡ም.፡የስቅለት፡በዓል፡የሚውለው፡ሚያዝያ፡5፡ቀን፡ነው፡ማለት፡ነው።በሌላ፡በኩል፡ደግሞ፥በ ሆሳዕና፡ላይ፡5፡ቢጨምሩ፥ስቅለት፡ይገኛል።የስቅለት፡በዓል፡ዅል፡ጊዜ፡ዐርብ፡ቀን፡ይውላ ል።

ትንሣኤ፤ከነነዌ፡መግቢያ፡ማግስት፡እስከ፡ትንሣኤ፡ድረስ፡69፡ቀኖች፡አሉ።ከ69ኙ፡ቀኖች፡ ላይ፡ኹለት፡30ዎች፡ሲቀነሱ፡ቀሪው፡9፡የትንሣኤ፡ተውሳክ፡ነው።ኻያ፡ስምንት፡መባጃ፡ሐመር ንና፡9፡ተውሳክን፡ስንደምር፥37፡ይኾናል።ሠላሳ፡ሰባት፡ላይ፡30፡ስንቀንስ፡የሚተርፈው፡7 ፡የሚያመለክተው፡የ1982፡ዓ.፡ም.፡የትንሣኤ፡በዓል፡የሚውለው፡ሚያዝያ፡7፡ቀን፡መኾኑን፡ነው።በሌላ፡በኩል፡ደግሞ፥በስቅ ለት፡ላይ፡2፡ቢጨመር፥ትንሣኤ፡ይገኛል።የትንሣኤ፡በዓል፡ዅል፡ጊዜ፡በእሑድ፡ቀን፡ይውላል ።

ዕርገት፤ከነነዌ፡መግቢያ፡ማግስት፡እስከ፡ዕርገት፡ድረስ፡108፡ቀኖች፡አሉ፤ከ108፡ላይ፡ሦ ስት፡30ዎች፥ማለት፥90፡ሲቀነስ፡የዕርገት፡ተውሳክ፡የኾነው፡18፡ይተርፋል።መባጃ፡ሐመሩን ና፡የዕርገትን፡ተውሳክ፡ስንደምር፡46፡ይኾናል።ካ46፡ላይ፡30፡ሲቀነስ፡16፡ስለሚተርፍ፥ የ1982፡ዓ.፡ም.፡የዕርገት፡በዓል፡የሚውለው፡ግንቦት፡16፡ቀን፡ነው፡ማለት፡ነው።በሌላ፡በኩል፡ደግሞ፥በ ትንሣኤ፡ላይ፡39፡ቀኖች፡ብንጨምር፥ዕርገት፡ይኾናል።ዕርገት፡ዅል፡ጊዜ፡በሐሙስ፡ቀን፡ይ ውላል።

ጰራቅሊጦስ፤ከነነዌ፡ጾም፡መግቢያ፡ማግስት፡እስከ፡ጰራቅሊጦስ፡ድረስ፡118፡ቀኖች፡ናቸው። ከ118፡ላይ፡ሦስት፡30ዎች፡ሲቀነሱ፥28፡ይተርፋል፤ይህም፡የጰራቅሊጦስ፡ተውሳክ፡ነው።መባ ጃ፡ሐመሩንና፡ተውሳኩን፡ስንደምር፥የድምሩ፡ውጤት፡56፡ስለሚኾን፥ከውጤቱ፡30፡ከቀነስን፡ በኋላ፥26፡ይተርፈናል።ይህም፡የሚያሳየን፥የ1982፡ዓ.፡ም.፡የጰራቅሊጦስ፡በዓል፡የሚውለው፡ግንቦት፡26፡ቀን፡መኾኑን፡ነው።በዕርገት፡ላይ፡10፡ቀኖ ች፡ቢጨምሩ፡ጰራቅሊጦስ፡ይገኛል።የጰራቅሊጦስ፡በዓል፡ዅል፡ጊዜ፡እሑድ፡ይውላል።

ጾመ፡ሐዋርያት፤ከጾመ፡ነነዌ፡መግቢያ፡ማግስት፡እስከ፡ጾመ፡ሐዋርያት፡መግቢያ፡ድረስ፡119 ፡ነው።ከ119፡ላይ፡ሦስት፡30ዎች፡ሲቀነሱ፥29፡የጾመ፡ሐዋርያት፡ተውሳክ፡ይገኛል።መባጃ፡ ሐመሩንና፡ተውሳኩን፡ስንደምር፡57፡ስለሚኾንና፥ካ57፡ላይ፡30፡ቀንሰን፡27፡ስለሚተርፈን ፥የ1982፡ዓ.፡ም.፡ጾመ፡ሐዋርያት፡መዠመሪያ፡ግንቦት፡27፡ቀን፡መኾኑን፡ለማወቅ፡እንችላለን።ጾመ፡ሐዋርያ ት፡የሚዠምረው፡ዅል፡ጊዜ፡በሰኞ፡ቀን፡ነው።በጰራቅሊጦስ፡ላይ፡አንድ፡ቢጨምሩ፡ጾመ፡ሐዋ ርያት፡ይገኛል።

ጾመ፡ድኅነት፤ከነነዌ፡ጾም፡መግቢያ፡ማግስት፡እስከ፡ጾመ፡ድኅነት፡ድረስ፡121፡ቀን፡ነው። ከ121ዱ፡ቀኖች፡ላይ፡አራት፡30ዎችን፡ስንቀንስ፡1፡ይቀራል።ስለዚህ፡ነው፡የጾመ፡ድኅነት፡ ተውሳክ፡1፡ነው፡የሚባለው።መባጃ፡ሐመሩንና፡ተውሳኩን፡በምንደምርበት፡ጊዜ፡29፡ስለሚኾን ፥የ1982፡ዓ.፡ም.፡ጾመ፡ድኅነት፡የሚውለው፡ግንቦት፡29፡ቀን፡ነው፡ማለት፡ነው።በጾመ፡ሐዋርያት፡ላይ፡2፡ ቢጨምሩ፡ጾመ፡ድኅነት፡ይገኛል።ጾመ፡ድኅነት፡ዅል፡ጊዜ፡በረቡዕ፡ቀን፡ይውላል።

ያለተውሳክ፡የሚገኙ፡አጽዋማትና፡በዓላት

ጾመ፡ነቢያት፡(የልደት፡ጾም)፤ኅዳር፡16፡ቀን፡ይዠምርና፡ከልደት፡በዓል፡አንድ፡ቀን፡በፊት፡ያልቃል።

በዓለ፡ልደት፥ከዘመነ፡ማቴዎስ፡እስከ፡ዘመነ፡ሉቃስ፡ባሉት፡3፡ተከታታይ፡ዓመቶች፡ታኅሣሥ ፡29፡ይከበራል።ባራተኛው፡ዓመት፥ማለት፡በዘመነ፡ዮሐንስ፥ግን፡ታኅሣሥ፡28፡ቀን፡ይከበራ ል።

የጥምቀት፡በዓል፤ኹለ፡ጊዜ፡ጥር፡11፡ቀን፡ይከበራል።በማግስቱ፥ጥር፡12፡ቀን፡ደግሞ፡የቃ ና፡ዘገሊላ፡በዓል፡ነው።

ጾመ፡ፍልሰታ፤በያመቱ፥ነሐሴ፡1፡ቀን፡ይዠምርና፡ነሐሴ፡15፡ቀን፡ያልቃል።

የገሀድ፡ጾም፤በጥምቀት፡በዓል፡ዋዜማ፡የሚጾም፡ያንድ፡ቀን፡ጾምና፥እንዲሁም፡ጾመ፡ነቢያ ትን፡ለማይጾሙ፡ሰዎች፡በልደት፡በዓል፡ዋዜማ፡የሚጾም፡ያንድ፡ቀን፡ጾም፡ናቸው።

በዓለ፡ብሥራት፤በሉቃስ፡ወንጌል፥ም.1፥ቍ.፡31፡እንደተገለጸው፥መላኩ፡ገብርኤል፡ለድንግል፡ማርያም፦እንሆ፥ትፀንሻለሽ፤ወንድ፡ልጅ ም፡ትወልጃለሽ፤ስሙንም፡ኢየሱስ፡ትዪዋለሽ፡ብሎ፡ባበሠራት፡ጊዜ፥በዚሁ፡ምዕራፍ፡ቍ.38፡መሠረት፦እንሆኝ፥እኔ፡የእግዚአብሔር፡አገልጋይ፡ነኝ፤እንደ፡ቃልኽ፡ይኹንልኝ፡ብላ፥ እምነቷን፡በእግዚአብሔር፡ላይ፡በማሳረፏ፥በዚያኑ፡ጊዜ፥በመንፈስ፡ቅዱስ፡ጌታን፡እንደ፡ ፀነሰችና፥ይህም፡የኾነው፡መጋቢት፡29፡ቀን፡መኾኑን፡ቤተ፡ክርስቲያን፡የምታምነውና፡የም ታስተምረው፡ነው።

በዓለ፡ስምዖን፤በሉቃስ፡ወንጌል፥ም.2፥ቍ.፡25-32፡መሠረት፥ሕፃን፡ጌታ፡ኢየሱስ፥እንደ፡አይሁድ፡ሥርዐት፡ወደ፡ቤተ፡መቅደስ፡የተወሰደበ ት፡ቀን፥የካቲት፡8፡ቀን፥እንደሚታሰብ፡የቤተ፡ክርስቲያን፡ትምህርት፡ነው።

ግዝረት፤ጥር፡6፡ቀን፡የሚውለው፡የጌታ፡ግዝረት፡መታሰቢያ፡የሚኾነው፡በሉቃስ፡ወንጌል፥ም.2፥ቍ.21፡መግለጫ፡መሠረት፡ነው።

ደብረ፡ታቦር፤በማቴዎስ፡ወንጌል፡ም.17፥ቍ.1-8፡መሠረት፥ጌታ፡ለሦስት፡ደቀ፡መዛሙርቱ፡መለኮታዊ፡ክብሩን፡የገለጸበት፡መታሰቢያ፡በዓ ል፡ነሐሴ፡13፡ቀን፡ይከበራል።

ጸሎተ፡ሐሙስ፤በማቴዎስ፡ወንጌል፥ም.26፥ቍ.26-30ና፥በዮሐንስ፡ወንጌል፥ም.13፥መሠረት፥የምስጢረ፡ቍርባን፡ምሥረታና፡የኅፅበተ፡እግር፡መሳቢያዎች፡የሚከበሩት፡በበ ዓለ፡ስቅለት፡ዋዜማ፥በዕለተ፡ኀሙስ፡ነው።

በዓለ፡ቶማስ፤በዮሐንስ፡ወንጌል፥ም.20፥ቍ.24-29፡መሠረት፥ጌታ፡ለደቀ፡መዛሙርቱ፥ሐዋርያው፡ቶማስ፡በተገኘበት፥የተገለጸበት፡መታሰቢያ ፡ቀን፥ከትንሣኤ፡በሚቀጥለው፡እሑድ፡ይውላል።

ሠርቀ፡ወርኅን፥ማለት፥ጨረቃ፡መታየት፡ከዠመረች፡ስንት፡ቀኖች፡ያለፉ፡መኾኑን፡ለማወቅ፥ በሠርቀ፡ሌሊት፡ላይ፡4፡ቍጥር፡እንደምርበታለን።

http://www.gzamargna.net

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት

• አበበ፡አረጋይ
• የኢትዮጵያ፡ኦርቶዶክስ፡ተዋሕዶ፡ቤተ፡ ክርስቲያን
• ኤርምያስ፡ከበደ፡ወልደ፡ኢየሱስ
• በዓሉ፡ግርማ
• ገብረ፡ሥላሴ፡ወልደ፡መድኅን
• ደምስ፡ወልደ፡ዐማኑኤል
• ደስታ፡ተክለ፡ወልድ
• ደስታ፡ተክለ፡ወልድ፡(2)
• ኅሩይ፡ወልደ፡ሥላሴ
• ጥዑመ፡ልሳን፡ካሳ
• ይድነቃቸው፡ተሰማ
• ከበደ፡ተሰማ
• መኰንን፡እንዳልካቸው
• ሞገስ፡ዕቁበ፡ጊዮርጊስ
• ነቢየ፡ልዑል፡ተክለ፡ጻድቅ
• ነጋ፡ኀይለ፡ሥላሴ፡(1)
• ነጋ፡ኀይለ፡ሥላሴ፡(2)
• ዐያሌው፡ታምሩ
• ዓለማየኹ፡ሞገስ
• ዓሥራት፡ገብረ፡ማርያም
• ተሰማ፡ሀብተ፡ሚካኤል