ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

ሊ.፡ዤኔራል፡ነጋ፡ኀይለ፡ሥላሴ

•••

ኢትዮጵያና፡ሥርዐቷ

("ሥልጡንሕዝብና"፥ሎንዶን፥ጥቅምት፡፲፱፻፺፡ዓ.፡ም.፥ገጽ፡1-2።)

•••

የኢትዮጵያ፡ሕዝብ፡ገዥ፡ነው፤

ሕገ፡መንግሥቱን፡መሥራት፡የእግዚእናው፡የተቀደሰ፡መብቱም፡ተግባሩም፡ነው።

ኢትዮጵያ፤

አ.፡በብሔርነት፤እኹለት፡የብሶች፥አፍሪቃና፡እስያ፡መገናኛ፡ላይ፥ባየርም፥በየብስም፥በባሕር ም፡የማትለያይ፤ዙሪያዋን፡በምድረ፡በዳ፡ታጥራ፥በውሃ፡የተቀጠረችና፥በቃጥላ፡ታቅባ፡ለግሏ ፡የበለጸገች፡የገነት፡ተራራ፡ነች።

በ.፡በሕዝብና፤ሦስቱን፡አንጋድ፡(ካምን፥ሴምን፥ያፌትን)፡ባናት፡አዋሕዳ፥በሐረግ፡እያዛወገች፥በቦታ፡እያዋገነች፡አውርዳ፥ሰፊ፡ብሔሯን፡አልብሳ፥ በሰው፡ዘርም፡በመሬትም፡በትውፊትም፡የማትከፋፈል፡አንዲት፡ልዩ፡ሀገር፡ኾናለች።

ገ.፡በዕድል፤ከተፈጥሮ፡ያጣችው፡ብሔራዊም፡ኾነ፡ሰብኣዊ፥ንዋያዊም፡ኾነ፡መንፈሳዊ፡ጸጋ፡ስለ ሌለ፥ወሰን፡ዐልፎ፡የሌላን፡አገር፡የመውረር፡ፍላጎት፡ልታነቃ፥ወይም፡ሌላን፡ሕዝብ፡የማጥ ቃት፡ክፋት፡ልታለማ፡ምክንያት፡የሌላት፥የማይኖራት፡ፍጹም፡ሰላማዊት፡ናት።ይኸም፡ሊታመን ፥ባገርነት፡ከተገኘችበት፡ጊዜ፡አንሥቶ፡እስካኹን፡ድረስ፥ሲያጠቋት፡ባልቀማም፡ባይ፡ታጋይ ፥ባልሞት፡ባይ፡ተጋዳይነት፡ከመከላከል፡በቀር፥ጠብ፡አጭራ፥ጦር፡ወርውራ፥አገር፡ወርራ፡የ ተዋጋችበት፡ድርስ፡የለም፤ኖሮም፡አያውቅ።ይኸውም፥ከ፮፡ሺሕ፡ዘመን፡ባላነሰ፡የዓለም፡ታሪ ክና፡የቅዱሳት፡መጻሕፍት፡ዜና፡የተመሰከረላት፡ነው።

ደ.፡ባገዛዝ፡ባህል፤እያንዳንዱ፡ተወላጅ፥እያንዳንዱ፡ጐሣና፡እያንዳንዱ፡ነገድ፡እኩል፡የኢት ዮጵያ፡ነው፡ባለበት፡መንገድ፥ኢትዮጵያም፡የያንዳንዱ፡ተወላጅ፥የያንዳንዱ፡ጐሣ፥የያንዳን ዱ፡ነገድ፡ናት፡ሲል፡ያምናል።በዚህም፡የማይናወጽ፡እምነቱ፡ላይ፤

•«ሊያደርጉልኽ፡የምትወደውን፥አንተም፡ለመሰልኽ፡አድርግለት።»፡በሚያሠኘው፡አምላካዊ፡ትእ ዛዝ፡አመናዝላ፡ባለማቻት፡ርትዕ፥ኅብረተሰቧን፡ሠርታ፤

•በቃል፡ኪዳን፡ያስተሳሰረችውን፡ዐልጋዋን፡ዘርግታ፤

•ወዳ፡የመረጠችውን፡መስፍን፡"ሐፃኔ፡ሀገር"፡እያሠኘች፤

•ቀጥሎም፥በኀላፊነት፡ሲለያዩ፥በሥልጣን፡ተመዛዝነው፥በሱታፌያቸው፡ህላዌያቸውን፡የሚያለሙ ፡"ሐጋጊ"፥"ፈጻሚ"፡ኹለት፡ደንቦች፡የቃል፡ኪዳን፡መንግሥት፡አቁማ፥ንጉሥ፡እያነገሠች፤

ከዚያም፥መደምደሚያውን፥ኹለት፡ዘርዐ፡ነገሥት፡ያዋሐደ፥ኹለት፡ሕዝብ፡ያዛመደ፥ዐሥራ፡ዐም ስት፡ነገሥታት፡ላይ፡በኹለት፡ነገሥታት፡በመሠየሙ፡"ንጉሠ፡ነገሥት"፡በተሠኘ፡እግዚእዋ፡(ገዢዋ)፡ራሷን፡በራሷ፡ስትገዛ፡በሙሉ፡ሐርነት፡የኖረች፥በባህል፡የበሰለች፥በትውፊት፡የበለጸገች ፥በነጻነት፡የከበረች፥ፍጹም፡እግዝእት፥ፍጹም፡ሰላማዊት፥ሥልጡንሕዝባዊት፡አገር፡ናት።

ባላቸው፡የማይወሰኑ፥የሌላን፡የማያከብሩ፥ዅሉን፡ለራሴ፥ለራሴ፡ብቻ፡የሚሉ፡አገሮች፥ከጥን ት፡አንሥተው፡ሲወጓት፡ኖረዋል።በዚህ፡በምናገባድደው፡ምዓመት፡እንኳ፥የተፈጥሮ፡ወሰኗን፡ በግፍ፡እየጣሱ፥ልትቋቋመው፡በማትችለው፡ጦር፡ስድስት፡ጊዜ፡ያኽል፡ወረዋታል።ቅዱስ፡ዳዊት ፤«ኢትዮጵያ፡ታበጽሕ፡እደዊሃ፡ኀበ፡እግዚአብሔር»፡ሲል፥አስቀድሞ፡እንደ፡ተነበየላት፥ሙሉ ፡እምነቷን፡በርሱ፡ላይ፡እያደረገች፡ባትጋደልና፥ሲያምኑት፡የማይከዳው፡ኣምላኳ፡በቸርነቱ ፡ባይታደጋት፡ኖሮ፥እስካኹን፡ሳያጠፏት፡ባልቀሩም፡ነበር።

ብፁዕ፡አቡነ፡ተክለ፡ሃይማኖት፥በትንብልናቸው፥የኢትዮጵያን፡መንግሥት፡ካንባ፡ገነናዊው፡ የዛጔ፡ዘር፡ወደ፡ሕጋዊው፥ትውፊታዊው፥ሰሎሞናዊው፡ዘርዐ፡ነገሥት፡ሲያዛውሩ፥የኢትዮጵያ፡ ሕዝብ፥ዳር፡እስከ፡ዳር፡ወዶ፡ፈቅዶ፡በወከላቸው፡በዘጠና፡ዘጠኝ፡ክፍላተ፡ሀገር፡አፈ፡ጉባ ኤዎቹ፡ሰውነት፥በሀገራዊ፡አዃኝ፡ችሎት፡በዐማራ፡ሣይንት፡(ሠየምት)፡ተሰብስቦ፥ንግሥት፡ማክዳ፥ቀድሞ፥የቀዳማዊ፡ንጉሠ፡ነገሥት፡ዐፄ፡ምኒልክን፡መንግሥት፡አ ዝንታና፡አጽንታ፡ያቆመችበትን፤«ሕዝብ፡አንጋሽ፤መስፍን፡ነጋሽ፤ቤተ፡እግዚአብሔር፡ቀዳሽ» ፡ያሠኘውን፡የሥነ፡ግዛት፡ባህልንና፥ከዚያም፡ወዲህ፡በየጊዜው፡እየደረሰ፡እያዩትም፡እየሠ ሩበትም፡የተገነዘቡትን፡ፍልስፍና፡ተጨማሪ፡በማድረግ፥በወግ፡መክረው፡ዘክረውና፥በሙሉ፡ድ ምፅ፡ወስነው፥በቋንቋው፡ቀዳሚነት፥ጥራትና፥በተናጋሪው፡ብዛት፥ነገሥተ፡ዛጔ፥ሀገራዊ፡የመ ንግሥት፡ዕውቅ፡ልሳን፡አድርገውት፡በኖረው፡ዐማርኛ፥ለመዠመሪያ፡ጊዜ፥የተጻፈ፡ዐፄ፡ሥር፡ ለመዠመሪያ፡ጊዜ፡ዐማራ፡ሣይንት፡ላይ፡በሀገራዊ፡ዕርቀ፡ሰላም፥ሚያዝያ፡፩፡ቀን፥፲፪፻፷፡ ዓ.፡ም.፡ዐወጀ።

የኢትዮጵያ፡ሕዝብ፥ከጥንት፡አንሥቶ፥በሰላምም፡ኾነ፡በጦርነት፡ጊዜ፥በሕገኛ፡እንደራሴዎቹ ፡ችሎት፡ሀገራዊ፡እግዚእናውን፡እያገዘፈ፥መክሮ፡ዘክሮ፡በሚያለማት፡ርትዕ፡መንግሥቱን፡እ የሠራና፡ንጉሡን፡እያነገሠ፥ራሱን፡በራሱ፥ለራሱ፡ሲገዛ፡የኖረ፡ሐራ፡ሕዝብ፡ነው።ይኸውም፡ በታሪክ፡የታወቀ፡እውን፡ስለ፡ኾነ፥አስረጅ፡ፍለጋ፡የሚያስኬድ፡ግዳጅ፡የለበትም።በጦርነት ፡ዘመን፡ለተባለው፡ምሳሌ፡መጥቀስ፡ቢያሻ፡ግን፥ዐፄ፡ድል፡ነዐድን፥ዐፄ፡ገላውዴዎስን፥ንግ ሥተ፡ነገሥታት፡ዘውዲቱንና፥መላከ፡ፀሓይ፡ኢያሱን፡ማመልከት፡ይቻላል።

ሕገ፡መንግሥት፡መሥራት፥ንጉሥ፡ማንገሥና፥በራስ፡ማደር፡ከቶ፡ለኢትዮጵያ፡ሕዝብ፡ዐዲሱ፡አ ይዶሉም።ዐብሮ፡በቀሉ፥ባሕርያዊ፡ችሎቱ፥ለማንም፡ማን፡የማይለቀው፡የእግዚእና፡ጕልማዊ፡መ ብቱም፡ኀላፊነቱም፡ነው።የራሱ፡ጌታ፡ስለ፡ኾነ፥ራሱን፡የሚያሳድርበትን፡ሕጉን፡የሚወስነው ና፥ድርጅቱን፡የሚሠራው፡ራሱ፥ባለቤቱ፡ነው፡እንጂ፡ሌላ፡አይዶለም፥አይኾንም።ራሱ፡ሳለም፥ ሌላ፡ማንም፡ልሥራልኽ፡ሊለው፡መብት፡የለው።ፈቃዱን፡ተራምዶ፥ልሥራ፡ብሎ፡ቢነሣ፡ግን፥እግ ዚእናውን፡ገፎ፡ባሪያው፡ሊያደርገው፥ወይም፥ካኹን፡በፊት፥አነስ፡ተለቅ፡ያሉ፡ሦስት፡አራት ፡ወራሪ፡ሕዝቦች፡ሞክረውት፡እንደ፡ነበረው፡ዅሉ፥ርሱን፡ከምድረ፡ገጽ፡አጥፍቶ፥በተፈጥሮ፡ አቀማመጧ፡ያራቱን፡የብሶች፥የምድር፥ያየርና፡የባሕር፡መገናኛዎችን፡የምትቈጣጠር፥ያፍሪቃ ፡ቀርን፥የሰሜን፡ምሥራቅ፡አፍሪቃን፡አገሮች፡ጕረሮ፡የምትመግቢቱን፡አገሩን፥ኢትዮጵያን፡ ለመውረስና፡አፍሪቃን፡ለመግዛት፥ዐረብን፡ለማጥላትና፡የዓለምን፡ዛኅን፡ለመገልበጥ፡ሊኾን ፡የማያጠራጥር፡ነው።እንቢ፡ሊለው፡ይገባዋል።ይኸውም፥ሀገራዊ፡ባህሉ፥ሕግጋቱ፡ዅሉ፡የሚያ ውቁለት፡መብቱ፡ነው።ልሥራልኽ፡ብሎ፡በኀይል፡ቢነሣ፡ግን፥አሻፈረኝ፡ብሎ፡ሊከላከለው፡ይገ ደዳል፤ያልቀማም፡ባይ፡ታጋይ፥ያልሞት፡ባይ፡ተጋዳይነት፡ተግባሩ፥የተቀደሰ፡ብሔራዊ፡መብቱ ፥ሰብኣዊ፡ክብሩ፡ነው።ይኸንኑም፡የዓለም፡መንግሥታት፡ሕግ፡አስተካክሎ፡ያውቅለታል፤ርሱም ፡ሥራውን፡ያውቅበታል።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት