ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

ይድነቃቸው፡ተሰማ

•••

የነጋድራስ፡ተሰማ፡እሸቴ፡ዐጪር፡የሕይወት፡ታሪክ

("ሠምና፡ወርቁ፡ተሰማ፡እሸቴ"፥ጥቅምት፡፲፱፻፹፭፡ዓ.፡ም.፥ገጽ፡1-9።)

•••

ነጋድራስ፡ተሰማ፡እሸቴ፥ከምኒልክ፡ዘመነ፡መነግሥት፡ዠምሮ፥ኋላም፡በልጅ፡ኢያሱ፥ከዚያም፡በ ንግሥት፡ዘውዲቱ፡በንጉሥ፡ተፈሪ፡በኢጣሊያ፡ወረራ፡ወቅትና፥ቀጥሎም፡እስከ፡ዕለተ፡ሞታቸው፡ ድረስ፡በመንግሥት፡ውስጥ፡ይዘውት፡በነበረው፡ሥራና፡ሥልጣን፡ጭምር፡ባጋጠማቸውና፡በደረሰባ ቸው፡ነገር፡ዅሉ፥በኢትዮጵያ፡የመዠመሪያው፡ሾፌርና፡ሜካኒክነታቸው፥በመዠመሪያው፡ያማርኛ፡ ዜማ፡በዲስክ፡አስቀራጭነታቸው፥በሰነዘሯቸው፡ረቂቅ፡ቃላትና፡ሠምና፡ወርቅ፡ቅኔዎቻቸው፥በኢ ትዮጵያ፡ሕዝብ፡ዘንድ፡ታዋቂነትን፡ሊያተርፉ፡ችለዋል።በመኾኑም፥እስከ፡ዛሬ፡ስለ፡ርሳቸው፡ በጽሑፍ፡የቀረበ፡ታሪክ፡ባይኖርም፥ያማርኛና፡የግእዝ፡ልሳን፡ፉክክር፥የቅኔ፡ሠምና፡ወርቅ፡ ክርክር፡በምሁራን፡መካካል፡በተነሣ፡ቍጥር፥ስማቸውና፡ግጥሞቻቸው፡በቃልና፡በጋዜጦች፡እየተ ጠቀሱ፡ቈይተዋል፤ኖረዋል።

ከብዙ፡ጊዜ፡ዠምሮ፥ርሳቸውም፡በሕይወት፡ሳሉ፥ግጥሞቻቸውን፡በጽሑፍ፡እንዲያስቀሩ፡ከልዩ፡ል ዩ፡አቅጣጫ፡ዐደራ፡ባዩ፡ብዙ፡ነበር።ለምሳሌ፡ያኽል፥ስለሺ፡የሚባል፡ሰው፥ይኸንኑ፡ጥያቄ፡በ ጋዜጣ፡አቅርቦላቸው፥በዚሁ፡ጋዜጣ፡የሚከተለውን፡መልስ፡መስጠታቸው፡ትዝ፡ይለኛል፤

"በግልጽ፡የጻፍከውን፡ሕዝብ፡አነበበው፤

ግምትኽ፡ስለሺ፡የሚቈጠር፡ነው፤

እንግዲህ፡ይጽፋል፡ተሰማ፡ጆሮው።"

ነጋድራስ፡ከሞቱ፡በኋላ፥እነዚህን፡ግጥሞች፡እንዳሳትም፡ከያለበት፡ጥያቄ፡ቀርቦልኝ፡ደጋግሜ ፡ቃል፡መግባቴን፡አስታውሳለኹ።

    የተጠናከረ፡ጽሑፍ፡ስላላዘጋጁ፥በተለይም፥የግጥሞቹን፡ሠምና፡ወርቅ፡ፍቺ፡በጽሑፍ፡ስላ ላስቀሩ፥ራሴ፡መፍታት፥ወይም፡የዕድሜ፡ጓደኞቻቸውን፡እየፈለግኹ፥ፍቺውን፡ለማወቅና፡ግ ጥሞቹን፡ለማሰባሰብ፡ሰፋ፡ያለ፡ጊዜ፡ወስዶብኛል።

    እኔም፡ራሴ፥የሥራዬ፡ጠባይ፡ብዙ፡ጊዜ፡ካገር፡ውጭ፡ስለሚወስደኝ፥ረጋ፡ብዬ፡ለማዘጋጀት ፡የምችልበት፡የጊዜ፡ዕጥረት፡አጋጥሞኛል።

    እንሆ፥አኹን፥ከብዙ፡ድካም፡በኋላ፥ግጥሞቹን፡በማሰባሰብ፥ታሪካዊ፡አመጣጣቸውን፡በመረ ዳት፥በተቻለኝ፡መጠን፡ዅሉ፥ቧልቱንም፡ጭምር፡ሳላስቀር፡በመጽሐፍ፡መልክ፡ለማውጣት፡ተ ቃርቤአለኹ።

    ግጥሞቹ፥በየጊዜው፥ባንድ፡ወቅት፥ባንድ፡አጋጣሚ፡የተፈጠሩ፡ኹኔታዎችን፡መነሻ፡በማድረ ግ፡የተጻፉ፡ስለ፡ኾነ፥ባንድ፡በኩል፡ፖለቲካዊና፡ታሪካዊ፡ይዘታቸውን፥በሌላ፡በኩል፥ላ ማርኛ፡ቋንቋ፡ብልጽግና፡ቅርስነታቸውን፡አጣምሮ፡ለመመልከት፡ያስችሉናል።

    ግጥሞቹንም፡በበለጠ፡ለመረዳት፥በቅድሚያ፡ነጋድራስ፡ተሰማ፡እሸቴን፡ማወቅ፡ስለሚጠቅም ፥የሕይወት፡ታሪካቸውን፡ዐጠር፡ባለ፡ኹኔታና፡በጥቂት፡ገጾች፡አቀርባለኹ።

    በመጽሐፉ፡ውስጥ፡ያንዳንድ፡ደብዳቤዎችና፡ጽሑፎች፡ፎቶኮፒ፡ያገባነው፥ርሳቸውን፡የበለ ጠ፡ለማወቅም፡ኾነ፡በዚያ፡ጊዜ፡የነበረውን፡ያሠራር፡ዘዴና፡አጻጻፍም፡ስለሚያመለክት፥ ለታሪክ፡ተመራማሪ፡ይረዳል፡በማለት፡ነው።

    ነጋድራስ፡ተሰማ፡እሸቴ፥ካባታቸው፡ካቶ፡እሸቴ፡ጉቤ፡ከጐጃም፡በረንታና፡ከቦረና፡ጨከታ ፡ከናታቸው፡ከእማሆይ፡ወለተየስ፡ሀብቱ፡ከቡልጋ፡መስኖ፡ማርያም፡ይወለዳሉ።

    የተወለዱት፥ሐምሌ፡፳፡ቀን፥፲፰፻፷፱፡ዓ.ም.፥ምንጃር፡ቀርሾ፡ዐጥር፡በተባለው፡ስፍራ፡ነው።አባታቸው፡አቶ፡እሸቴ፥የራስ፡መኰንን፡ ጭፍራ፡ስለ፡ነበሩና፥መሰንቆም፡ስለሚጫወቱ፥ራስ፡መኰንንን፡ተከትለው፡ወደ፡ሐረር፡ሲኼ ዱ፥ነጋድራስንም፡በሕፃንነታቸው፡ይዘዋቸው፡ስለ፡ኼዱ፥ያደጉትና፡ዐማርኛ፡ትምህርታቸው ን፡ያጠናቀቁት፡በሐረር፡ነው።

    አባታቸው፡አቶ፡እሸቴ፥ሐረር፡እንዳሉ፡በመሞታቸው፥ነጋድራስ፥በወጣትነት፡ዕድሜ፥ዐፄ፡ ምኒልክን፡ተከትለው፡ወደ፡ዐዲስ፡አበባ፡መጡ።

    በ፲፱፻፡ዓ.ም.፥ሙሴ፡ሆልስ፡የተባለ፡ጀርመናዊ፡በኢትዮጵያ፡ለብዙ፡ጊዜ፡ከቈየ፡በኋላ፥ወደ፡አገሩ፡ሲ መለስ፥ዐፄ፡ምኒልክን፡በተሰናበተበት፡ጊዜ፥ጀርመን፡አገር፡ወስዶ፡የሚያስተምራቸው፡ሦ ስት፡ወጣቶች፡እንዲሰጡት፡ስለ፡ጠየቃቸውና፥ነጋድራስ፡ተሰማ፡እሸቴም፡በጥሩ፡ሠዓሊነታ ቸው፡በቤተ፡መንግሥቱ፡ስለ፡ታወቁ፦ያ፡ተሰማ፡እሸቴ፥እጁ፡ብልኅ፡ነውና፥መኪና፡መንዳት ና፡መጠገን፡እንዲማር፡እሱ፡ይኺድ፡ብለው፡ዐፄ፡ምኒልክ፡ስለ፡ወሰኑ፥ወደ፡ጀርመን፡አገ ር፡ለመኼድና፥ለኹለት፡ዓመት፡ያኽል፡የኦቶሞቢልን፡አሠራር፡ለመማር፡ቻሉ።

    በዚያ፡ጊዜ፥ካዲስ፡አበባ፡ከተነሡበት፡እስከተመለሱበት፡ድረሰ፡የፈጸሙትን፡ዅሉ፡ባንድ ፡ደብተር፡ላይ፡በሚገባ፡ጽፈውት፥በልጅነታችን፡እቤት፡እናነበው፡ነበር፤አኹን፡ግን፡አ ልተገኘም።ቢኾንም፥የማልረሳው፤

    1.፡በመዠመሪያው፡ገጽ፤

"ጻፉብኝ፡ይላል፡ይህ፡ደብተር፤

አፍ፡አውጥቶ፡የሚናገር፥

በምኒልክ፡አገር።"

2.፡በመጨረሻ፡ገጽ፤

"ተሰማ፡እሸቴ፡ዐዲስ፡አበባ፤

ባዲስ፡ዓለም፡ገባ።"

    የሚለውን፡ነው።

    ባዲስ፡ዓለም፡በኩል፡የመጡ፡በማስመሰል፥የኤውሮፓውን፡ዐዲስ፡ዓለም፡አይተው፡መምጣታቸ ውን፡ለመጥቀስ፡ነበር።

    ነጋድራስ፥መሰንቆ፡መምታትና፡ዜማ፡ካባታቸው፡ተምረው፡ስለ፡ነበር፥ወደ፡ጀርመን፡አገር ፡ኼደው፡በቈዩበት፡ጊዜ፥"ሂዝ፡ማስተርዝ፡ቮይስ"፡ከሚባለው፡ኩባንያ፡ጋራ፡በመዋዋል፥17 ፡ዲስኮች፡ዘለሰኛና፡መዲና፡በማስመዝገብ፡ዐሥራ፡ሰባት፡ሺሕ፡የጀርመን፡ማርክ፡ተከፍሏ ቸዋል።ይህም፥ዐዲስ፡አበባ፡ሲመለሱ፥በሀብታሞች፡ደረጃ፡ለመቈጠር፡ዕድል፡ሳይሰጣቸው፡ አልቀረም።

    ነጋድራስ፡ተሰማ፡እሸቴን፡እጅግ፡ታዋቂ፡ካደረጓቸው፡ነገሮች፡አንዱ፥የነዚህ፡ዲስኮች፡ ኢትዮጵያ፡መምጣትና፥ሌላም፡ያማርኛ፡ዲስክ፡ስላልነበረ፥ለኻያ፡ዓመት፡ያኽል፥ዐቅም፡ባ ለው፡ቤተሰብ፡ዅሉ፡በግራሞፎን፡ይሰማ፡የነበረው፡የሳቸው፡ዘፈን፡ብቻ፡በመኾኑ፡ነው።ሌ ሎች፡ያማርኛ፡ዲስኮች፡የተቀረጹት፡ጠላት፡ኢትዮጵያ፡ሊገባ፡ኹለት፡ዓመት፡ያኽል፡ሲቀር ፥በነፈረደ፡ጐላ፥በነንጋቷ፡ከልካይና፡በነተሻለ፡መንግሥቱ፡ተጫዋችነት፡ወደ፡፲፱፻፳፭-፳፮፡ገደማ፡ነው።

    ዐዲስ፡አበባም፡እንደ፡ተመለሱ፥የቤተ፡መንግሥት፡መኪናዎች፡ኀላፊ፡ኾነው፥የዘመኑን፡ታ ዋቂ፡ኢትዮጵያውያን፡ሾፌሮች፡አሠልጥነዋል።ስለ፡ዐፄ፡ምኒልክ፡በተጻፈ፡አንድ፡የታሪክ ፡መጽሐፍ፡ላይ፥ነጋድራስ፡መኪና፡ላፄ፡ምኒልክ፡ሲያሳዩ፡የተነሡት፡ፎቶግራፍ፡አለ።ጸሓ ፊው፡ግን፥በስሕተት፥"ፈረንጅ፡ሲያስጐበኝ"፡ብሎ፡ጠቅሶታል።

     

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት