ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

በዓሉ፡ግርማ

(ከ"ኦሮማይ"፥ኩራዝ፡አሳታሚ፡ድርጅት፥ዐዲስ፡አበባ፥፲፱፻??፡ዓ.፡ም.፥ከገጽ፡74-76፡የተቀዳ)

•••

«አይገርማችኹም፧»፡አለ፥በእጁ፡ወደ፡ኮሎኔል፡ታሪኩና፡ሦስት፡በረኸኞች፡እየጠቈመ፤ሞቅ፡ያለ ፡ጭውውት፡ይዘዋል።ሦስቱም፡ወደ፡ላይ፡አንጋጠው፡ኮሎኔል፡ታሪኩን፡ይመለከቱ፡ነበር።ለደመራ ፡የቆመ፡ረዥም፡አጣና፡መስሎ፡ይታያል።ያስገረመው፡ነገር፡ምን፡እንደ፡ኾነ፡ኹለታችንም፡አል ገባንም።

«አይገርማችኹም፧»፡አለ፥እንደገና፥«ትላንት፥በጥይት፡ሲደባደቡ፡የነበሩ፡ሰዎች፥ዛሬ፡ዐብረ ው፡እየጠጡ፡ሲጫወቱ፡ማየት፡በውነት፡ያስገርማል።ፍትዊ፡ወዲ፡በርሄ፥ከመንደፈራ፡አስመራ፡ድ ረስ፡ያለውን፡አገር፡ሲያንቀጠቅጥ፡የነበረ፡ነው።በጊዜው፡ብዙ፡ሰዎች፡አስሯል፤ገርፏል፤ገድ ሏል።ብዙ፡አድምቶናል።ዘርዓይ፡ወዲ፡ሐለቃ፥የጀብሐ፡ፖለቲካ፡ትምህርት፡ቤት፡ዲሬክተር፡ኾኖ ፡በሚሰጠው፡ትንታኔ፡ብዙ፡ወጣቶችን፡ወደ፡በረሓ፡ያሸ፟ፈተ፡ሰው፡ነው።የጀብሐ፡ደቡብ፡እዝ፡ ኮሚሳርም፡ነበር።መስፍን፡ጽሩይ፡በኧርበን፡ጌሪላ፡ታክቲክ፡የሠለጠነ፥የሻዕቢያ፡ቀንደኛ፡ፌ ዳዪን፡ነበር።ኮሎኔል፡ታሪኩ፡ከነሱ፡ጋራ፡ያልተዋጋበት፡ቦታ፡የለም።

«እዚህ፡ከተማ፡ውስጥ፥"የብርጭቋችን፡አባት፡ታሪኩ፡ባይኖር፡ኖሮ፥ይሄኔ፡ዐረቄ፡በጣሳ፡እንጠ ጣ፡ነበር"፡ነው፡የሚሉት።ወንበዴዎች፡ደቃምሐረን፡በያዙበት፡ጊዜ፥አሸዋ፡ጠፍቶ፡የጠርሙስና፡ የብርጭቆ፡ፋብሪካ፡ሥራ፡ቀጥ፡ብሎ፡ነበር።እሱ፡ነበር፡ኹለት፡መትረየስ፡ይዞ፥ግራና፡ቀኝ፡እ የተታኰሰ፥አሸዋ፡የሚያስጭነው።እሱን፡ለመግደል፡ያላደረጉት፡ሙከራ፡የለም።በውነት፥ርግጥ፡ አንዳንድ፡ጥፋት፡ደርሷል፤ቢኾንም፡ግን፥እንደ፡ኢትዮጵያ፡አብዮት፡ሆደ፡ሰፊ፡አብዮት፡ያለ፡ አይመስለኝም።አንዳንዴ፡ሳስበው፥"የዋኆች፡ነን፡ወይ፧"፡እያልኩ፡ራሴን፡እጠይቃለኹ።»፡ካለ ፡በኋላ፥ወደኔ፡ዞር፡ብሎ፥«ጸግሽ፥በዚህ፡ላይ፡ለምን፡አንድ፡ጥሩ፡ፕሮግራም፡አትሠራም፧»፡አ ለኝ።

«ጥሩ፡ሐሳብ፡ነው።"እጃችኹን፡ከሰጣችኹ፥ይገርፏችዃል፤ያሠቃይዋችዃል፤ይገድሏችዃል"፡እያለ ች፥ሻዕቢያ፡የምትነዛውን፡ፕሮፓጋንዳ፡ለመስበር፡ይረዳል።»፡አልኩት።"አብዮትና፡ሰፊው፡ሕዝ ብ፡መሓሪ፡ናቸው"፡የሚል፡አርእስት፡ታየኝ።

«ግን፥ባይመቻቸው፡ነው፡እንጂ፥እነዚህ፡ሰዎች፡የሚተኙልን፡ይመስልኻል፧እኔ፡አላምናቸውም። ትላንት፡ሲወጉንና፡ሲያደሙን፡የቈዩ፡ሰዎች፡ዛሬ፡ተመልሰው፥"ላንድነት፡ቆመናል፤ካብዮቱ፡ጐን ፡ተሰልፈናል"፡ሲሉ፡አይገባኝም።»፡አለ፥መጽሐፈ፡ዳንኤል፡መላጣውን፡በመሐረብ፡እየጠረገ።

ሰሎሞን፥በሐሳብ፡ተመስጦ፥«ከማመን፡በቀር፡ሌላ፡ምን፡ምርጫ፡አለ፧አናምናቸውም፡ከሚል፡አስ ተሳሰብ፡ተነሥተን፡መጥፎ፡ውሳኔ፡ላይ፡መድረስ፡አንችልም።በግድ፡ሆደ፡ሰፊ፡መኾን፡ያስፈልጋ ል።ርስ፡በርሳችን፡የመተማመን፡ነገር፡ጊዜ፡ይወስዳል፤ግን፡መሞከር፡አለብን።አንድ፡ቀን፡ል ጆቻችን፡ተማምነው፡ለመኖር፡ይችሉ፡ይኾናል።ወደዚያ፡የሚወስደውን፡ጥርጊያ፡መንገድ፡መክፈት ፡የኛ፡ፈንታ፡ነው።ግን፥እንዳንተማመን፡የሚያደረጉን፡የውጭ፡ኀይላት፡ናቸው።»፡ካለ፡በኋላ ፥ሲያስብ፡ቈየና፥«የኤርትራ፡ችግር፥እግሩ፡እዚህ፡ይኹን፡እንጂ፥ጭንቅላቱ፡ውጭ፡ነው።ታሪካ ዊ፡አዠማመር፡ታሪካዊ፡ፍጻሜ፡ይኖረዋል።»፡አለ።

ነገሩ፡ስላልገባኝ፥«ምን፡ማለትኽ፡ነው፧»፡ብዬ፡ጠየቅኹት።

ሰሎሞን፡በትረ፥ሰለ፡ኤርትራ፡መናገር፡አይሰለቸውም።ጊዜ፡ካገኘ፥ስለ፡ኤርትራ፡ሲያወራ፡ውሎ ፡ያድራል።«አየኽ፤»፡ብሎ፡ዠመረ፤«ኤርትራ፡ለስድሳ፡ዓመት፡በኢጣሊያ፡ቅኝ፡ግዛት፡ሥር፡ቈይ ታለች።ከዚያ፡በፊት፥ባለፉት፡አራት፡መቶ፡ዘመናት፡የጦርነት፡ዐውድማ፡ሳትኾን፡የኖረችበት፡ ዘመን፡የለም።ኢጣሊያ፡በኹለተኛው፡የዓለም፡ጦርነት፡ስትሸነፍ፥ኤርትራ፡በንግሊዝ፡አስተዳደ ር፡ሥር፡ወደቀችና፥ዐዲሱ፡ፖለቲካዊ፡ድራማ፡ተዠመረ።እንግሊዝ፥እየቈየ፡የሚፈነዳ፡ቦንብ፡በ ኤርትራ፡ምድር፡አጥምዳ፡ነው፡የወጣችው።»፡አለ።

ዅላችንም፡ጠጋ፡ጠጋ፡አልነው።ሰሎሞን፥ለመናገር፡ብሎ፡የሚናገር፡ሰው፡አይደለም፤ከተናገረ፥ ስለሚናገረው፡ነገር፡ካንጀቱ፡ስለሚናገር፥አድማጭ፡ይስባል።

እና፥ቀጠለ፤«ኤርትራን፡በሚመለከት፥እንግሊዝ፡ኹለት፡ዓላማዎች፡ነበሯት።አንደኛው፡ዓላማዋ ፥ኤርትራን፥በተቻለ፡መጠን፥ባስተዳደሯ፡ሥር፡ማቆየት፡ሲኾን፤ይህ፡ባይቻል፥ኹለተኛው፡ዓላማ ዋ፥ሰሜኑንና፡ምዕራቡን፡ቈላማ፡አገር፥ምጽዋን፡ጭምር፥ቅኝ፡ግዛቷ፡ከኾነችው፡ከሱዳን፡ጋራ፡ ቀላቅላ፡መግዛት፡ነበር።እነዚህን፡ዓላማዎች፡መሠረት፡አድርጋ፥ኹኔታዎችን፡ማመቻቸት፡ዠመረ ች።ፖለቲካዊ፡ስልቶችም፡ቀየሰች።

«የመዠመሪያው፡ፖለቲካዊ፡ስልት፥ኢትዮጵያ፥ለጊዜው፥ኤርትራን፡ፈጽማ፡ለማስትዳደር፡እንደማ ትችል፡አድርጋ፡ለዓለም፡ማሳየት፡ነበር።ይህን፡ለማድረግ፥"ታላቋ፡ኤርትራ"፡የሚል፡ፖለቲካዊ ፡ንድፍ፡አወጣች።ንድፉ፥ትግራይን፡ከአልውሀ፡ምላሽ፡ከኢትዮጵያ፡በመገንጠል፡ከኤርትራ፡ጋራ ፡ቀላቅሎ፡የሚይዝ፡ነበር።ይህ፡ነበር፡የ"ታላቋ፡ኤርትራ"፡ግንዛቤ።እንግሊዝ፥ይህን፡ዓላማዋ ን፡የሚያስፈጽምላት፡መሣሪያ፡አላጣችም።"በሣህለ፡ሥላሴ፡ሥርወ፡መንግሥት፡የተወሰደብኝን፡ዙ ፋን፡ወደ፡ሰባጋዲስ፡ሥርወ፡መንግሥት፡እመልሳለኹ"፡የሚል፡ምኞት፡የነበረው፡ጃዝማች፡ተሰማ፡ አስመሮም፡የተባለ፡ሰው፡ነበርና፥"ታላቋ፡ኤርትራ"፡የተባለውን፡መፈክር፡አስነግባ፡አነሣሣች ው።የወያኔ፡ጦርነት፡ተከፈተ።ዛሬም፥ኢሳይያስ፡አፈ፡ወርቅና፡ወያኔዎች፡የሚያራምዱት፡ይኸን ኑ፡ዓላማ፡ነው።"ኢትዮጵያ፡ኤርትራን፡ለማስተዳደር፡አትችልም"፡የሚል፡ጥርጣሬ፡እየተፈጠረ፡ ስለ፡ኼደ፥እንግሊዝ፡ያሰበችው፡ለጊዜው፡የተሳካላት፡መስሎ፡ታየ።»፡

 

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት