ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

ራስ፡ቢትወደድ፡መኰንን፡እንዳልካቸው።

('የደም፡ድምፅ'፥ዐዲስ፡አበባ፥1944፡ዓ.ም.፤ገጽ፡68-71።)

•••

ያቡነ፡ጴጥሮስ፡ጸሎት፥ሌሊት፡በወህኒ፡ቤት።

አቡነ፡ጴጥሮስ፡መብራት፡ያበራሉ፦

በስመ፡አብ፡ወወልድ፡ወመንፈስ፡ቅዱስ፥አሐዱ፡አምላክ፤አሜን።አቤቱ፥ያች፡የምታስደነግጥ፡የ ሞት፡ጽላ፡በላዬ፡ላይ፡ልትወድቅ፡ነው፤ያችም፡የምትመር፡የሞት፡ጽዋ፡ቀረበች።ነገር፡ግን፥አ ንተ፡ከኔ፡ጋራ፡ከኾንክ፡አልፈራም፤የሞትም፡ጽላ፡አያስደነግጠኝም፤የሞትንም፡መራራ፡ጽዋ፡ስ ላንተ፡ፍቅርና፡ስለኢትዮጵያ፡ጥፋት፡እጠጣታለኹ።

አቤቱ፡ጌታዬ፡ኢየሱስ፡ክርስቶስ፡ሆይ፤እስከ፡መቼ፡ድረስ፡ችላ፡ትለናለኽ፧በኛ፥በክፉዎችስ፡ ምክንያት፡እንዴት፡የወዳጅኽ፡የዳዊት፡ዙፋን፡በጠላት፡ጫማ፡ይረገጥ፧

በዓለም፡ላይ፡የታወቀች፡የኢትዮጵያ፡ሰንደቅ፡ዓላማስ፡ከቤተ፡መንግሥታችን፡ላይ፡ተነቅላ፡እ ንዴት፡ትውደቅ፧

የባዕድ፡ቀንበር፡ተሸክማ፡የማታውቅ፡ኢትዮጵያ፡በፋሺስት፡መዝገብ፡በባርነት፡እንዴት፡ትጻፍ ፧

አቤቱ፡መድኀኒታችን፥በባሪያኽ፡በያዕቆብ፡ዐድረኽ፦ያንበሳ፡ግልገል፡ይሁዳ፡ተንበርክከኽ፡ተ ኛ፤ማንስ፡ይችላል፡ያስነሣኽ፡ዘንድ፤በትር፡ከይሁዳ፡አይጠፋም፥የገዢ፡ዘንግም፡ከእግሮቹ፡መ ካከል፥የሰላም፡ንጉሥ፡እስኪመጣ፡ድረስ፡የሚል፡ቃል፡ኪዳን፡ሰጥተኸው፡ነበር።

ነገር፡ግን፥አሸናፊው፡የኢትዮጵያ፡አንበሳ፥አንተ፡ስለተለየኸው፥ተመቶ፡ወደቀ፤የገዢነቱም፡ በትር፡ከእጁ፡ወድቃ፡ተሰበረች።ስለዚህ፥እረኛችን፡ቀዳማዊ፡ኀይለ፡ሥላሴ፥የኢትዮጵያ፡ንጉሠ ፡ነገሥት፥በሐሳብና፡በሐዘን፡እንደ፡ምናሴ፡በብረት፡ቀፎ፡ውስጥ፡ተይዞ፡ወዳንተ፡ይጮኻል።

አቤቱ፥በቸርነትኽ፡ይቅር፡ብለኸው፥ወደ፡ዙፋኑ፡እንዲመለስና፡የኢትዮጵያም፡ሕዝብ፡ዅሉ፡ከሥ ልጣኑ፡በታች፡እንዲሰበሰብ፡አድርግ።

እኔም፡የተናቅኹ፡ባሪያኽ፥ያንተን፡የመከራ፡ጽዋ፡ተካፋይ፡ለመኾን፡ስለ፡ተዘጋጀኹ፥በጣም፡አ መሰግንኻለኹ።

አቤቱ፥የባሪያኽን፡የእስጢፋኖስን፡የሃይማኖት፡ብርታት፡አሳድርብኝ፤ምግባሬም፡እንድትበረታ ፥አንተ፡ባባትኽ፡ቀኝ፡ተቀምጠኽ፡ልይኽ፤በመሬቱ፡ላይ፡የምታፈሰው፡የኔ፡የኀጢአተኛው፡ደም፡ በፊትኽ፡የተቀደሰች፡መሥዋዕት፡ኾና፥እንደአቤል፡ደም፡ስለ፡ኢትዮጵያ፡ትካሰስ።አቤቱ፥መምህ ሬ፣ፈጣሪዬ፣ጌታዬ፥ዦሮኽን፡አዘንብለኽ፡ስማት፤አሜን።

እንግዴህ፥የዚህ፡ዓለም፡የሕይወቴ፡ብርሃን፡ጠፋች፤ነገር፡ግን፥የሚመጣው፡ዓለም፡የሕይወቱ፡ ብርሃን፡የበለጠ፡እንዲያበራ፡አምናለኹ።

መልአክ፦ጴጥሮስ፤ጴጥሮስ፤ጴጥሮስ፤አይዞኽ፥አትፍራ፤ሥጋኽን፡ነው፡እንጂ፡ነፍስኽን፡መግደል ፡አይችሉም።

አስቀድሞ፡ገና፡በልጅነትኽ፡ለመናኒው፡ላባ፡ተድላ፡ረድ፡ኾነኽ፡ስታገለግል፥ለዚህ፡ከፍ፡ላለ ው፡ጸጋ፡ተመርጠኻል፤ደምኽም፡ለኢትዮጵያ፡ነጻነት፡በጸጋው፡ዙፋኝ፡ፊት፡ቀርባ፥አስታዋሽ፡ት ኾናለች፤አንተም፡ብቻ፡ሳትኾን፥ባደግኽበት፡ገዳም፥በደብረ፡ሊባኖስ፡ብዙዎች፡ወንድሞችኽ፡በ ሰማዕትነት፡ይሞታሉ፤ደማቸውም፡ካንተ፡ደም፡ጋራ።

አቤቱ፥ስለኢትዮጵያና፡ስለኛ፡ደም፡መቼ፡ትበቀልልናለኽ፡እያሉ፡ሊጮኹ፡ነው።አይዞኽ፤የኢትዮ ጵያ፡ነጻነት፡ይመለሳል፤ንጉሠ፡ነገሥቱም፡በዙፋኑ፡ላይ፡ሊያበራ፡ነው።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት