ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

ጸሓፌ፡ትእዛዝ፡ገብረ፡ሥላሴ፡ወልደ፡መድኅን

("ታሪከ፡ዘመን፡ዘዳግማዊ፡ምኒልክ፥ንጉሠ፡ነገሥት፡ዘኢትዮጵያ"፥አርቲስቲክ፡ማተሚያ፡ቤት፥ዐዲስ፡አበባ፥፲፱ ፻፶፱፡ዓ.ም.፥ገጽ፡38-41)

•••

ከዚህ፡በኋላ፥ልጅዎ፡ሣህለ፡ሥላሴ፡ነገሡ።ስመ፡መንግሥትዎ፡ምኒልክ፡ነበር።እናትዎም፥ወይዘ ሮ፡ዘነመ፡ወርቅ፡የመንዝ፡ባላባት፡ያፍቀራ፡ጎሌ፡ልጅ፡ነዎ።ሣህለ፡ሥላሴም፡በነገሡ፡ጊዜ፥ዘ መነ፡መንግሥትዎ፡ዘመነ፡ሣህል፡ኾነ።በዚያ፡ዘመን፡እጅግ፡ተድላ፡ደስታ፡በዝቶ፥ሰው፡ከሰው፡ ተስማምቶ፡ኖረ።

ንጉሥ፡ሣህለ፡ሥላሴም፡ለድኻው፡ዅሉ፡በደግነት፡ያዝኑለት፡ነበር።በመንግሥትዎም፡ያለውን፡ድ ኻ፡ዅሉ፡እየሰበሰቡ፡ዕዳውን፡ይከፍሉለት፡ነበር።እንዲህም፡እያደረጉ፥ለተቸገረው፡ዅሉ፡ጥማ ድ፡ጥንድ፡እየሰጡ፥ዕረስ፥ቈፍር፡ይሉት፡ነበር።

ከብዙ፡ደግነትዎ፡ጥቂት፡ከፍለን፡እንጽፋለን፤ለዝክረ፡ነገር፡ወግ፡ታሪክ፡እንዳይረሳ፡ብለን ፡ነው፡እንጂ፥የርስዎስ፡ደግነት፥ቸርነት፡በየወገኑ፡ቢጻፍ፡አንባቢ፡ይደክማል፤ሰሚም፡ይሰለ ቻል።ነገር፡ግን፥እንደ፡ሥነ፡ፍጥረት፡ዕፁብ፡ድንቅ፡እያሉ፡ሊተዉት፡ይገባል።

ያ፩፡አገር፡ድኻ፡ተቀብሎ፡ያ፩፡አገር፡ድኻ፡እንዳይቀርበት፥ምጽዋት፡ለዅሉም፡እንዲደርስለት ፡ያደርጉ፡ነበር።

እንዲህም፡ፈጣሪዎን፡እየወደዱ፥የወንጌልን፡ቃል፥የመንግሥተ፡ሰማያትን፡መንገድ፡እያሰቡ፡እ የመረመሩ፥መንግሥትዎን፡ለልጅዎ፡ለቀው፡ሊተዉት፥በደንስ፡በፍቅሬ፡ግምብ፡የሚኾንዎን፡የሚመ ችዎን፡ቦታ፡ሲያስፈልጉ፡ነበር።ይህነንም፡ሲያስቡ፥ባንኮበር፡ቅዱስ፡ሚካኤልን፥ባንጎለላ፡ኪ ዳነ፡ምሕረትን፥በነገሡ፡በ፳፫ኛ፡ዓመት፡ዐፈር፡ባይኔ፡አቡነ፡ተክለ፡ሃይማኖትን፡ተክለው፥ይ ህን፡ዓለም፡ለወዲያኛው፡ዓለም፡ለመለወጥ፡ዐሰቡ፤ነገር፡ግን፥ወዳጆችዎ፡መነኮሳት፥"ረዐይኬ፡ አባግዕየ"፡እንዲል፦እግዚአብሔር፡የሰጠዎን፡መንጋ፡በትነው፡መኼድ፡አይኾንም፤መንግሥት፡ሳይ ለቁ፡እግዚአብሔር፡የሚወደውን፡ነገር፡ታደረጉ፡አይለየዎም።የልቡናዎን፡ዅሉ፡ይሰጥዎታል።የ ልጅዎም፡መንግሥት፡ዐጪር፡ነው።ነገር፡ግን፥ከጐንደር፡ንጉሥ፡መጥቶ፥አገርዎ፡ሸዋ፡ገብቶ፥የ ልጅዎን፡ልጅ፡ይዞ፡ይኼዳል።ያም፡የልጅዎ፡ልጅ፡ከዚያው፡ንጉሥ፡ጋራ፡፲፡ዓመት፡ተቀምጦ፡ይመ ለሳል።በፈጣሪዎ፡ኀይል፥አገሩ፡ገብቶ፥ባልጋዎ፡ተቀምጦ፥አረማውያንን፡አቅንቶ፥በግራኝ፡የኼ ደውን፡አገር፡ዅሉ፡መልሶ፥አብያተ፡ክርስቲያናትን፡ዐድሶ፥ዐልፎ፡ተርፎ፡ይገዛል፡ብለው፡መክ ረው፡አስቀሩዎ።

ከዚህ፡በኋላ፥የእግዚእነ፡ኢየሱስ፡ፍቅር፡አነሣሥቶዎ፡አያትዎ፡የዠመሩት፡ቤተ፡ክርስቲያን፡ መቃኞ፡ነበርና፥አፍርሰው፡ሌላ፡መቃኞ፡ሠሩ።ነገር፡ግን፥የሚያገቡበት፡ታቦት፡አልታወቀም፡ነ በር።

፩፡ወዳጅ፡መነኩሴ፡ነበረዎና፦ያሠራኹትን፡መቃኞ፡ላሳይኽ፡ብለው፡ወሰዱት።ያም፡መነኩሴ፡ለማ የት፡በገባ፡ጊዜ፥ባለሟልዎን፦ዝጋበት፡ብለው፡አስቈለፉበት።መነኩሴውም፥ያለፈቃዱ፥በመደንገ ጥ፡በመባባት፡እዚያው፡ውስጥ፡ዐደረ።በነጋውም፡በሩን፡አስከፍተውም፡አስጠሩት፤በመጣም፡ጊዜ ፦ወዴት፡ዐደርኽ፧ብለው፡ጠየቁት፦አሽከር፡ሳያውቅ፡ቈልፎብኝ፥ብጣራም፡የሚሰማኝ፡ዐጣኹ፤ብቻ ዬን፡ዐደርኹ፡ብሎ፡ነገረዎ።

ንጉሡም፦እንግዲያስ፡የእግዚአብሔር፡ፈቃዱ፡ቢኾን፡ነው፥ብለው፦ብቻኽን፡ስታድር፡ነገር፡ሳታ ገኝ፡አትቀርምና፥ያየኸውን፡ራእይ፡ንገረኝ፡አሉት፤እሱም፦ምን፡ጊዜ፡ተኛኹና፤ተጨነቄ፡ዐድሬ ፡አለዎ።ርስዎም፡ግድ፡አሉት፤መነኩሴውም፡እንዲህ፡አለ፦ሰራዊተ፡መላእክቲሁ፡ለመድኀኔ፡ዓለ ም፡ይቀውሙ፡ቅድሜሁ፡ለመድኀኔ፡ዓለም፡ሲል፡ሰማኹ፡እንጂ፥ሌላ፡ነገር፡አላየኹም፡አለ።ይህን ንም፡በነገረዎ፡ጊዜ፡ንጉሡም፡ደስ፡አለዎ።ታቦተ፡መድኀኔ፡ዓለምን፡አክብረው፡አግብተው፥ዐይ ነተኛውን፡ሕንጻ፡ዠመሩ።ሲሠሩትም፥ሰሎሞን፡ለቤተ፡መቅደስ፡ሥራ፡ወደ፡ኪራም፡እንደ፡ላከ፥ር ስዎም፡የትሕትና፥የፍቅር፡መልክት፡ልከው፡ከጐንደር፡አስመጥተው፡አስዠመሩት።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት