ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

ንቡረ፡እድ፡ኤርምያስ፡ከበደ፡ወልደ፡ኢየሱስ

•••

ኢትዮጵያንና፡ኢትዮጵያውያንን፡ለሚቃወሙ፥ባገር፡ውስጥና፡በውጭ፥በባሕር፡ማዶም፡ለሚገኙ፡ግ ለሰቦችና፡ድርጅቶች፥ሕዝቦችና፡መንግሥታት፤

(ከ"ኪዳናችን"፥ዋሺንተን፥መጋቢት፡፳፮፡ቀን፡፲፱፻፹፬፡ዓ.፡ም.፥ገጽ፡20-25፡የተቀዳ።)

•••

የሰዎች፡ታሪክ፡መነገር፡ከዠመረበት፡ጊዜ፡አንሥቶ፥ኢትዮጵያ፡የእግዚአብሔር፡የቃል፡ኪዳን፡ አገር፡ስለ፡ኾነች፥ሕዝቧም፡የእግዚአብሔር፡የቃል፡ኪዳን፡ወገን፡ስለ፡ኾነ፥ይህም፡የቃል፡ኪ ዳኑ፡ብሔራዊ፡አርማና፡ሰንደቅ፡ዓላማ፡ለዘላለም፡ሰፍኖ፡የሚኖር፡የቅዱስ፡ኪዳን፡መለኮታዊ፡ ቅርስ፡ስለ፡ኾነ፥ሊለውጠው፥ሊተካው፥ሊሽረው፡ወይም፡ሊያጠፋው፡የሚችል፡ማንም፡የለም።

ኢትዮጵያውያን፥ከቀድሞ፡ዠምሮ፡በዚህ፡የተቀደሰ፡አርማና፡ሰንደቅ፡ዓላማ፡ሥር፥ልዩ፡ልዩ፡ሃ ይማኖት፡ያላቸውን፥የአይሁድ፥የክርስትናና፥የእስልምና፡እምነት፡ተከታዮችን፥አረማውያንን፡ ጭምር፥ዅሉንም፡ወገኖች፡በደስታ፡እየተቀበሉ፡ያስተናገዱና፡ያኖሩ፡መኾናቸውን፡ታሪክ፡ይመሰ ክራል።በኢየሱስ፡ክርስቶስ፡የተገኘው፡የሰላም፡በረከትና፡የፍቅር፡ጸጋ፥በቅዱሱ፡ኪዳን፡ዘላ ለማዊ፡ማኅተም፥ለዛሬና፡ለወደ፡ፊት፡ተረጋግጦ፡ለሰው፡ልጆች፡ዅሉ፡የተሰጠ፥የማይሻርና፡ዋስ ትና፡ያለው፡አምላካዊ፡ቃል፡ስለ፡ኾነ፥በዚህ፡አርማና፡ሰንደቅ፡ዓላማ፡ጥላ፡ሥር፡የተለያየ፡ እምነት፡ያላቸው፡ሰዎች፥በኢትዮጵያ፡በሰላምና፡በፍቅር፡እየሠሩ፥እየተዳደሩና፡እየተባበሩ፡ እስከ፡ዛሬ፡ኖረዋል፤ወደ፡ፊትም፡ይኖራሉ።

በዓለም፡ላይ፡የሚገኙ፡ሕዝቦች፡ዅሉ፥እንደየሃይማኖታቸውና፡እንደባህላቸው፥የየራሳቸውን፡አ ገርና፡መንግሥት፡አቋቁመው፡ሲኖሩ፡ይታያል።ይኸውም፡የአይሁድ፡እምነት፡ተከታዮች፡"እስራኤል "፡በተባለች፡አገራቸው፥የይሁዲ፡መንግሥት፡አቋቁመው፥ዐረቦችና፡ሌሎቹም፡የእስላም፡እምነት፡ ተከታዮች፥በያገራቸው፡የእስልምና፡መንግሥት፡አቋቁመው፥የክርስትና፡እምነት፡ተከታዮችና፡ሌ ሎችም፡አረማውያን፡ሕዝቦች፥እንደየእምነታቸውና፡እንደየባህላቸው፥እንደየፍልስፍናቸውም፥በ ያገራቸው፡የየራሳቸውን፡መንግሥት፡አቋቁመው፡እንሆ፡ይኖራሉ።

እንደዚሁ፡ዅሉ፥ኢትዮጵያውያን፥የእግዚአብሔር፡መንግሥት፡ዜጎች፡በመኾናቸው፥መላው፡ዓለም፡ አገራቸው፡ቢኾንም፥ከፍጥረት፡መዠመሪያ፡አንሥቶ፡ባለው፡ታሪካቸው፥ጠብቀውት፡በኖሩት፡ሃይማ ኖታቸውና፡ሥርዐተ፡መንግሥታቸው፥ቋንቋቸውና፡ጥንታዊ፡ሥልጣኔያቸው፥ባላገርና፡ነጻ፡ሕዝብ፡ ኾነው፥ከአዳምና፡ከሄዋን፡ዠምሮ፡ዐፅመ፡ርስታቸው፡በኾነችው፡ምድራቸው፡የመኖር፡መብታቸውን ፡ማንም፡ሊነፍጋቸው፡ከቶ፡አይገባም።የቅዱሱ፡ኪዳን፡ሕዝብነታቸው፥ከእግዚአብሔር፡የተሰጣቸ ው፡መንፈሳዊ፡ሀብት፡ስለ፡ኾነ፥ሊነጥቃቸው፡ወይም፡ሊወስድባቸው፡የሚችል፡ማንም፡የለም።

ለዓለም፡ሕዝቦች፥ለያንዳንዳቸው፥ከሌላው፡ተለይው፡የሚታወቁበት፡ባሕርያዊ፡ስጦታ፡እንዳላቸ ው፡ዅሉ፥ለኢትዮጵያውያንም፡የተሰጣቸው፡ልዩ፡ጸጋ፡አለ፤ይኸም፡እንደሚታወቀው፥የእግዚአብሔ ርን፡ቅዱስ፡ኪዳን፥በባላደራነት፡መጠበቅ፡ነው።በነርሱ፡ብቻ፡ሳይኾን፡በመለኮታዊ፡ደም፡መሥ ዋዕትነት፡ተከፍሎበት፥እስከ፡ሰባት፡ሺሕ፡ዓመታት፡ለሚደርስ፡ዘመን፡በባላደራነት፡ጠብቀውት ፡የኖሩትንና፡የሞቱለትን፡ይኸንን፡ሕያው፡ቅርስ፥ዛሬ፡ማንም፡ሊያሳጣቸው፡አይችልም።ይህን፡ ለማሳጣት፡የሚቃጣ፡ግለኛ፡ሰው፡ወይም፡መንግሥት፡ወይም፡ሕዝብ፡ወይም፡ድርጅት፡ቢኖር፥እስካ ኹንና፡እስከ፡ቅርብ፡ጊዜ፡ድረስ፡በታሪክ፡ተደጋግሞ፡እንደታየው፥ያንን፡ሰው፥ያንን፡መንግሥ ት፥ያንን፡ሕዝብ፡ወይም፡ያንን፡ድርጅት፥የቃል፡ኪዳን፡አምላካቸው፡የኾነው፡እግዚአብሔር፡ፈ ጽሞ፡ያጠፋዋልና፥ጕዳዩ፡የሚመለከተው፡ዅሉ፡ይጠንቀቅ።

ይህ፡ዘላለማዊ፡አርማና፡ይህ፡ሰንደቅ፡ዓላማ፥እስከ፡ዛሬና፡ዛሬ፥ወደ፡ፊትም፥ባገር፡ውስጥም ፡ኾነ፡በውጭ፡በሚኖሩ፡ኢትዮጵያውያን፡ልቦና፡ውስጥ፡ሰፍኖ፡የሚመራቸው፡መኾኑ፡ቢታወቅም፥በ ኢትዮጵያ፡እነበረበት፡ተመልሶ፥በእውነተኛው፡መንፈስና፡በትክክለኛው፡አምልኮ፥በይፋ፡እሥራ ፡ላይ፡እስከሚውልበት፡ጊዜ፡ድረስ፥ተደጋግሞ፡በታሪክ፡እንደ፡ተረጋገጠው፥በኢትዮጵያውያን፡ ኾነ፥በተቃዋሚዎቻቸው፥ባካባቢያቸው፡ኾነ፡በመላው፡ዓለም፥እውነተኛ፡ሰላምና፡ዕረፍት፥ብልጽ ግናና፡ደስታ፡አይኖርም።

ኢትዮጵያውያን፥ጠብቀው፡ባቈዩት፡በዚህ፡በቅዱሱ፡ኪዳን፡ላይ፥በስውርም፡ኾነ፡በገሀድ፥በረቂ ቅም፡ኾነ፡በግዙፍ፡ኀይል፡የሚፈጸም፡ተንኰልና፡ደባ፡ቢኖር፥አድራጊው፡ግለኛም፡ኾነ፡ሕዝብ፥ ድርጅትም፡ኾነ፡መንግሥት፥ሥጋዊም፡ኾነ፡መንፈሳዊ፥ከእግዚአብሔር፡ቍጣ፡ሊያመልጥ፡እንደማይ ችል፡ቀደም፡ብሎ፡ተነግሯል።በዚህ፡ረገድ፥ሩቅ፡ሳንኼድ፡በቅርቡ፥በኹለተኛው፡የዓለም፡ጦርነ ት፡ጊዜ፥"የመንግሥታት፡ማኅበር"፡እየተባለ፡በሚጠራው፡ድርጅትና፡የዘመኑ፡ኀያላን፡በነበሩት ፡በንግሊዞች፡በፈረንሳዮችና፡በጣሊያኖች፥እነሱንም፡በመሳሰሉት፡ሕዝቦችና፡መንግሥታት፡ለይ ፥ዛሬም፡በዘመናችን፡ሶቪየት፡ኅብረት፡ይባል፡በነበረው፡አገርና፥ጎረቤት፡በኾነችው፡ሱማልያ ፡ላይ፡የደረሰው፡ታላቅ፡ጥፋትና፡ውድቀት፡ለዅሉም፡መቀጣጫ፡ኾኖ፡ሊታወስ፡ይገባል።

የሚያኰራ፡ኢትዮጵያዊነት፡ነው።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ድርሰት