ግእዝ ዐማር ኛ

ዋዜማ፡ሥርዐት

ቅጂ

ዜና

ግስ

ስሌት

ግእዝ-ዐማርኛ

ቀለም፡ቀንድ

ዋዜማ፡ሥርዐት•Wazéma System•Wazéma Système

ኢትዮጵያዊ፡የማስሊያ፡መጻፊያ፡ሥርዐት•Ethiopian Computer Writing System•système d'écriture informatique éthiopien

(to view the Amharic text, install the Wazéma Unicode fonts and set your browser’s default Ethiopic font)

Wazéma System•Wazéma Système

አለቃ፡ኪዳነ፡ወልድ፡ክፍሌ

("መጽሐፈ፡ሰዋስው፡ወግስ፡ወመዝገበ፡ቃላት፡ሐዲስ፥"፡፲፱፻፵፰፡ዓ.ም.፥ገጽ፡181-2።)

•••

አሠረ፡ንጉሥ፡ጠቢብ

ኀላፊያትን፡የሚያዘክር፥መጻእያትን፡የሚያሳስብ።



ዓሣ፡ጐርጓሪ፡ዘንዶ፡ሲያወጣ፡-፡የሰው፡ፈላጊም፡የራሱን፡ሲያጣ

ከኹለት፡ዛፍ፡ለወደቀው፡-፡አላገር፡ቋንቋ፡ማነው፡አንሺው።

የሀገር፡ቋንቋም፡ያላማ፡ቀኝ፡-፡ዅሉን፡ሰብስቦ፡አንድ፡የሚያሰኝ፥

ጋላና፡ዐማራ፡እስላም፡ሳይል፡-፡የፈረስ፡ስሙ፡አባ፡ጠቅል፤

አባ፡ቀስቅስም፡የሚሉት፡አሉ፡-፡ስላነቃቸው፡ጠርቶ፡ፊደሉ።

እኛም፡ተኝተን፡ሕልም፡እንዳናልም፡-፡አባ፡ነጋ፡ነው፡የጊዜው፡ስም፤

የፀሓይ፡መቅድም፡አጥቢያ፡ኮከብ፡-፡የሚታይበት፡ላፍሪቃ፡ሕዝብ፥

የጦቢያውም፡ልጅ፡የሴም፡ቡችላ፡-፡የሚከፍትበት፡ያይኖቹን፡ግላ፤

አፍሪቃን፡ያይ፡ዘንድ፡ባይኑ፡ማሚቶ፡-፡እየቀመለ፡እንደ፡ድሪቶ።

አንዳንድ፡ጊዜ፡እኮ፡የትንቢት፡ቃል፡-፡ሳይታወቅ፡ነው፡ቦጥለቅ፡የሚል።

ቋንቆቻችንም፡ባልና፡ሚስት፡-፡ርስ፡በርሳቸው፡የሚፋቱት

ላይለያዩ፡ተለያይተው፡-፡ያሟግቱናል፡ኹለት፡መስለው፤

ከቶ፡እኛ፡አንችልም፡ልንለያቸው፡-፡እግዜር፡ነውና፡ያጣመራቸው።

ነፍስና፡ሥጋ፡ከተለያዩ፡-፡ሕያው፡እንዳይኾን፡የሰው፡ባሕርዩ

ያማርኛም፡ቃል፡የግእዝ፡ሥጋ፡-፡አለግእዝ፡ነፍስ፡ሬሳ፡ባልጋ፤

ሬሳውን፡ቃል፡የሚሸከሙ፡-፡በግእዝ፡ቋንቋ፡ሲፈታ፡ይስሙ።

ሥረ፡ነገሩ፡ግእዝ፡ሳይጸድቅ፡-፡ፍሬ፡አያፈራም፡ዐማርኛ፡ዐጽቅ።

ነገር፡ከሥሩ፡ውሃ፡ከጥሩ፡-፡የተባለውን፡እስኪ፡መርምሩ፤

እነማናቸው፡ዛፉን፡ሳያውቁ፡-፡ፍሬውን፡በልተው፡የሚጨነቁ፥

ዛፉንም፡ዐውቀው፡ሳይገላልጡ፡-፡ሾላ፡በድፍን፡የሚያላምጡ፤

አለበትና፡ብዙ፡ቍጫጭ፡-፡ሆድ፡የሚያሳምም፡የሚያበሳጭ፤

ቄስ፡ኹኜ፡ቢኾን፡ወይም፡ዲያቆን፡-፡እጠራው፡ነበር፡ስማቸውን።

ዳቦ፡የሚልስ፡ካልገመጠው፡-፡መላሱ፡ብቻ፡ምን፡ሊያጠግበው፤

አፍ፡አለዦሮ፡ቢያዜም፡ቢያነብ፡-፡አይታነጽም፡ሸካራው፡ልብ፥

መርጌታ፡ኹኖ፡አቡን፡ሲቃኝ፡-፡እንዲህ፡እንዳለ፡አምጃር፡ዘፋኝ፤

የጦቢያው፡ሰው፡እንዲያው፡ላይ፡ላዩን፥ውስጡን፡ለምን፥

ውስጡን፡ለቄስ፡ለሚናዝዝ፥ቄሱም፡ግእዝ፤

ስሙ፡ፋና፡ወይም፡መብራት፡የነፍስ፡አባት።

እንዶድ፡ሳይዙ፡ወይም፡ሳሙና፡-፡አጥርቶ፡ማጠብ፡ዘበት፡ነውና፥

አለሰዋስው፡አለጥፈት፡-፡ትምህርት፡አይጠራም፡ምንም፡ቢያጥቡት።

የትምርት፡ዕንቅርት፡አለመጣፍ፥-፡አለመስማትም፡ዦሮ፡ገድፍ፤

ዐንገት፡ላለው፡ሰው፡ዙሮ፡ለሚያይ፡-፡ከባድ፡ሸክም፡ነው፡እንደ፡ድንጋይ።

ያኖሩት፡ዕንቅርት፡ስሙ፡አገልግል፡-፡ቢከፍቱት፡ተልባ፡ፍሬ፡ቢስ፡ቅል፤

ያለፈው፡ዐልፏል፡ለወደ፡ፊቱ፡-፡በትምርት፡ይራቅ፡ግብዝነቱ።

ካፍሪቃ፡ወንዞች፡ወርቅና፡አልማዝ፡-፡እንደሚያስገኘው፡እንዳባይ፡ወንዝ

ተርፎን፡እንዲፈስ፡ትምርቱ፡ንግድ፡-፡በዚህ፡ሰዋስው፡ጥርጊያ፡መንገድ

ይልቅ፡ኑ፡እንውጣ፡ወደ፡ገበያ፥-፡ገበያችንም፡ኢትዮጵያ።

መደብሮቿ፡የተዘጉቱ፡-፡ባራቱ፡ማእዘን፡እንዲከፈቱ

ልጆቿን፡በውቀት፡እያሳደገ፡-፡መንገዶቿንም፡እያስጠረገ

እግዜር፡ያቆማት፡ከማኽል፡ቦታ፡-፡በውጭ፡አገር፡ሰው፡እንዳትፈታ።

ያፍሪቃ፡ደንደስ፡ሻኛና፡ጫንቃ፡-፡ጦቢያው፡እንጂ፡ናት፡ምሥራቅ፡አፍሪቃ፤

የሰማይ፡ምድር፡የምድር፡ሰማይ፡-፡የተከበበች፡በነጭ፡አባይ።

ዐይኗም፡ሲመሰል፡በገነት፡ዐይን፡-፡ነጩ፡አባይ፡መደብ፡ጥቍሩ፡ብሌን፤

ባስተያየትም፡ሲመረመሩ፡-፡ማየት፡አይችልም፡ነጩ፡አለጥቍሩ።

ነጩ፡ሲፈተሽ፡ውስጠ፡ጥቍር፡-፡ጥቍሩም፡ሲፈተሽ፡ውስጠ፡ነጭ፡ዘር፤

ሕብረ፡ሰማይ፡ነው፡ጥቍሩ፡አባይማ፡-፡በቂጥኛም፡አፍ፡የማይታማ።

ነጭና፡ጥቍር፡የዓለም፡ዐይን፡-፡ዅሉም፡ተገልጦ፡የሚከድን፤

መክደኛውም፡ሞት፡ወዝ፡ከንባይ፡ነው፡-፡ያዳም፡ሌባ፡ጣት፡የሰፋችው።

 

http://www.gzamargna.net

s_t_qq3

ግጥም
ድርሰት
ቅኔ፡ዜማ
ተረትና፡ምሳሌ፡(ይዘጋጃል)

ግጥም፤